ନବମ ଶ୍ରେଣୀ ରେ ପଢ଼ୁଥିବା ବେଳେ, ରାଜା ର ଘରକୁ ତାଙ୍କ ମାମୁଁ ପୁରୁ ଆସି ରହିବାକୁ ଲାଗିଲେ, ବ୍ୟବସାୟ କରିବା ପାଇଁ ତାଙ୍କୁ ଏଠାରେ ଆଶ୍ରୟ ନେବାକୁ ପଡିଲା, ରାଜା ସହ ତାଙ୍କ ସମ୍ପର୍କ ଭାରି ଭଲ, ମାମୁଁ ଙ୍କ ସହ ରାଜା ସବୁ ଆଡେ ଯାଏ, ବଧେ ବାପା ଙ୍କ ଅନୁପସ୍ଥିତ ତାକୁ ମାମୁଁ ଙ୍କ ସହ ରହିଲେ ଜଣା ଯାଏ ନାହିଁ, ବାପା ଚାକିରୀ ପାଇଁ ଦୁରଦେଶ ରେ ଅଛନ୍ତି |

ରାଜା ର ଏବେବି ମନେ ଅଛି, ସେ ମାମୁଁ ଙ୍କ ସହ ବଜାର ରୁ ଫେରିବା ବେଳେ ମାମୁଁ କେମିତି, ତାକୁ ଅଧା ଜଳିବା ସିଗାରେଟ ଟି ଦେଇ କହିଥିଲେ ନେ, ଦେଖେ କେମିତି କା ଯାଦୁ ଏହାର, ସେବି ମାମୁଁ ଙ୍କ ଅଇଁଠା ସିଗାରେଟ କୁ ନେଇ ନିଜ ମୁଖ ରେ ଦେଇଥିଲା, ପ୍ରଥମ ଥର ବୋଲି କାଶ ହେଇଥିଲା |

ସେଠୁ ଆରମ୍ଭ ରାଜା ର ଏହି କାର୍ଯ୍ୟକ୍ରମ, ସେ ଜାଣିନାହିଁ କେବେ ଅଧା ସିଗାରେଟ ପୁରା ହେଇଗଲା, ପୁରୁ ମାମୁଁ ଙ୍କ ଠାରୁ ଆରମ୍ଭ ହୋଇ, ନିଜେ କିଣିବା ପର୍ଯ୍ୟନ୍ତ ଗଲା ଓ ଗୋଟିଏ ରୁ ଦୁଇଟି ଓ ଏବେ ଦିନକ ରେ ପ୍ରାୟ ତ ଦଶଟି ସିଗାରେଟ ସେ ଉପଭୋଗ କରିବାକୁ ଲାଗିଲା |

ରାଜା ର ପ୍ରିୟା ସହ ଦେଖା ହେଲା, ଦୁହେଁ ଦୁହିଁ କୁ ଭଲପାଇ ବସିଲେ, ପ୍ରିୟା ଥିଲା କଲେଜ ପଢୁଆ ଛାତ୍ରୀ, ଏବଂ ରାଜା ମାଟ୍ରିକ ପାସ, ତଥାପି ଦୁହିଁ ଙ୍କ ମଧ୍ଯ ରେ ଅତୁଟ ସମ୍ପର୍କ ଗଢି ଉଠିଲା, ପ୍ରିୟା ଚାଁହୁଥିଲା, ରାଜା କିଛି ରୋଜଗାର କରୁ ଯାହାଫଳରେ ରେ ଦୁହେଁ ନିଜ ବୈବାହିକ ଜୀବନ ର ଆରମ୍ଭ କରିବେ, କିନ୍ତୁ ରାଜା ର ନା ରୋଜଗାର ଚିନ୍ତା ଥିଲା ନା ନିଶାମୁକ୍ତ ହେବାର |

ନିଶା ଟି ଭାରି ମାରାତ୍ମକ ଆରମ୍ଭ ଜଣାଯାଏ ନା କିନ୍ତୁ ଶେଷ ଟି ଭାରି କଷ୍ଟ, ଜୀବନ ର ଅବିଛେଦ ଅଙ୍ଗ ପାଲଟିଯାଏ, ପ୍ରିୟା ବାରମ୍ବାର ରାଜା କୁ ନିଶା ଛାଡି ରୋଜଗାର କରିବାକୁ ପରାମର୍ଶ ଦେଲା, ରାଜା କିନ୍ତୁ ନିଜ ସିଗାରେଟ ଖର୍ଚ୍ଚ ଈଠେଇବା ପାଇଁ ଯେତିକି ଦରକାର ସେତିକି କାମ କଳା, ପୁରୁ ମାମୁଁ ଙ୍କ ହୀନ ଚକ୍ରାନ୍ତ ତାକୁ ଅନ୍ୟତ୍ର କାମ କରିବାକୁ ଦେଲା ନାହିଁ, ସମାଜ ରେ ଗୋଟିଏ ନିଶାଯୁକ୍ତ ଯୁବକ କରି ଛିଡା କରିଦେଲେ, ରାଜା ର ନିଶା ଦିନକୁ ଦିନ ବଢିବା କୁ ଲାଗିଲା, ଘର ଲୋକ ଙ୍କ ଦ୍ୱାରା ତ୍ୟାଗ ର ପାତ୍ର ହେଲା, ଏପଟେ ଶକୁନି ମାମୁଁ ରାଜା ର ସମ୍ପତି ହଡପ କରି ମୋଜ କଲା ଓ ପ୍ରିୟା ର ବାହାଘର ଅନ୍ୟତ୍ର ହେଇଗଲା,|

ସଦ୍ୟ ଯୌବନ ରେ ରାଜା ନିଶାଗ୍ରସ୍ତ ହୋଇ ଘରେ ପଡି ରହିଲା, ତାହାର ଗୋଟିଏ କାମ୍ୟ ସିଗାରେଟ, ବାପା ମା ଙ୍କ ଆତୁର ଚିତ୍କାର କେହି ଶୁଣିଲେ ନାହିଁ, ଯେଉଁ ମାମୁଁ ଏହାର କାରଣ ସେ ତାକୁ ଭଲ କରିବାକୁ ଚେଷ୍ଟା କଲେ ନାହିଁ, ସମ୍ବାଦ ପତ୍ରିକା ମାଧ୍ୟମ ରୁ ରାଜାର ବାପା କୁ ଜଣାପଡିଲା, ତାଙ୍କ ପଞ୍ଚାୟତ ରେ ନିଶନିବାରଣ କେନ୍ଦ୍ର ଟି ଆରମ୍ଭ କରାଯାଉଛି, ସେ ରାଜା କୁ ଧରି ସେଠା କୁ ଗଲେ, ରାଜା ଫେରି ଆସୁଥିବା ବେଳେ ପ୍ରିୟା ହିଁ ର ଉପସ୍ଥିତ ତାକୁ ବାଧ୍ୟ କଲା ସେଠାରେ ରହିବାକୁ, ପ୍ରିୟା ବିବାହ କରିଥିବା ବ୍ୟକ୍ତି ଜଣଙ୍କ ହେଉଛନ୍ତି ଡାକ୍ତର ଦୀନେଶ ଯେ ଜଣେ ସମାଜ ସେଵୀ, ସେ ଏହିପରି ନିଶା ନିବାରଣ କ୍ୟାମ୍ପ କରନ୍ତି, ଗ୍ରାମୀଣ ଲୋକ ଙ୍କ ପାଇଁ, ତାଙ୍କ ସହ ଯୋଗ ଦେଇଛି ପ୍ରିୟା |

ପ୍ରିୟା ର ଅନୁରୋଧ ରାଜା କୁ ରହିବାକୁ, ବାଧ୍ୟ କରିଛି, ସେଠାରେ ଦୀନେଶ ଙ୍କ ବକ୍ତବ୍ୟ ଓ ଦୀନେଶ ଙ୍କ ପ୍ରତି ଇର୍ଷା ରାଜା କୁ ସେଠାରେ ରହିବା କୁ ବାଧ୍ୟ କରିଛି, ସେ ସହ୍ୟ କରିପାରି ନାହିଁ ତାର ପୂର୍ବତନ ପ୍ରେମିକା, ପ୍ରିୟା ର ଉପସ୍ଥିତି ଅନ୍ୟ ଜଣଙ୍କ ସହ, ସେ ଚାହିଁଛି ନିଜକୁ ପରିବର୍ତନ କରିବ ଓ ପ୍ରିୟା କୁ ନିଜ ଭୁଲ ର ପଶ୍ଚାତାପ କରାଇବା ତେଣୁ, ଅଣ୍ଟା ଭିଡିଛି ରାଜା ନିଜକୁ ନିଶାମୁକ୍ତ କରିବ |

ଦୀର୍ଘ ତିନିମାସ ଧରି ଚାଲିଛି ଏହି ନିବାରଣ କ୍ୟାମ୍ପ, ଏଥିରେ ରାଜା ଅନେକ କଷ୍ଟ ସହିଛି, ପେଟ ବ୍ୟଥା, ଗୋଡ଼ ହାତ ଥରିବ, ମୁଣ୍ଡ ବୁଲାଇବା ଏହି ପରି ଅନେକ, ସିଗାରେଟ ରେ ଥିବା ନିକୋଟିନ ନାମକ ଦ୍ରବ୍ୟ ଏହିପରି କରାଇଥାଏ, ତମ୍ବାକୁ ସେବନ କାରି ଯେବେ ତମ୍ବାକୁ ସମ୍ପୂର୍ଣ ବନ୍ଦ କରନ୍ତି ତାଙ୍କୁ ଏହିପରି ଶାରୀରିକ ବ୍ୟାଧି ଦେଖାଦିଏ, ରାଜା କିନ୍ତୁ ଲଢ଼ିଛି, ସେ ଜାଣିଛି ଏହି ଲଢେଇ ସେ ଆଗରୁ କରିଥିଲେ ପ୍ରିୟା ହୁଏ ତ ତା ସାଙ୍ଗରେ ଥାନ୍ତା | ଯୋଗ, ବ୍ୟାୟାମ, ଏହିପରି ଅନେକ ଅଭ୍ୟାସ, ଔଷଧ ର ସାହାରା ନେଇ ରାଜା ନିଶା ରୁ ମୁକ୍ତ ହୋଇଛି |

ଘରକୁ ଫେରିବା ଦିନ ସେ ଶେଷ ଥର ପ୍ରିୟା କୁ ଦେଖା କରିବାକୁ କୁ ଯାଇଛି, ସେହି ସମୟ ରେ ପ୍ରିୟା ରାଜା ଙ୍କ ବାପା ସହ କଥା ହେବା ଟା ସେ ଶୁଣିଛି, ରାଜା ର ବାପା ପ୍ରିୟା କୁ ଧନ୍ୟବାଦ ଜ୍ଞାପନ କରୁଛନ୍ତି ରାଜା କୁ ଭଲ ବାଟକୁ ଅଣିଥିବାରୁ, ପ୍ରିୟା ନିଜ ସ୍ୱାମୀ ଙ୍କ ସହ ନିଜ ଗ୍ରାମର ଲୋକ ମାନଙ୍କ ପାଇଁ ଏହି କ୍ୟାମ୍ପ ର ଆୟୋଜନ କରିଥିଲା, ଏବଂ ଏହା ପଛର କାରଣ ରାଜା ଥିଲା, ରାଜା ପରି ଅନେକ ଯୁବକ ଙ୍କୁସେ ନିଶା ରୁ ଉଦ୍ଧାର କରିବାକୁ ଚାଁହୁ ଥିଲା |

ରାଜା ବୁଝିଛି ପ୍ରିୟା ନିଜ ଭଲ ପାଇବା ର ମୂଲ୍ୟ ରଖିଛି, ତାକୁ ଶେଷ ଦେଖାରେ ଭୁଲ ମାଗିଛି ଓ କଥା ଦେଇଛି ଏମିତି ଭୁଲ ଆଉ କେବେ ଵି କରିବ ନାହିଁ, କି କାହାକୁ କରିବାକୁ ଦେବ ନାହିଁ, ନିଜ ଆଖି ପାଖ ଲୋକ ଙ୍କୁ ନିଶା ମୁକ୍ତ କରିବାକୁ ସେ ମଧ୍ଯ ପ୍ରୟାସ କରିବ|

ଏହିଠାରେ ପରିସମାପ୍ତି ଘଟିଛି ଗଳ୍ପ ଟି ର, କିନ୍ତୁ ଏହା ବାସ୍ତବ ଅଟେ ଏହିପରି ଅନେକ ପୁରୁ ଅଛନ୍ତି ଯେ ପିଲା ମାନଙ୍କୁ ନିଶା କରିବାକୁ ପ୍ରୋତ୍ସାହନ ଦେଉଛନ୍ତି, କିନ୍ତୁ ନିବାରଣ ପାଇଁ କେହି ଆଗକୁ ଆସନ୍ତି ନାହିଁ, ଆମକୁ ଆମ ଆଖପାଖ ରେ ଥିବା ପୁରୁ ପରି ଲୋକ ଙ୍କୁ ଚିନ୍ହି ବାକୁ ପଡିବି ଓ ତାଙ୍କୁ ଏହି କାର୍ଯ୍ୟ ପାଇଁ ବାରଣ କରିବାକୁ ପଡିବ, ନହଲେ ଦେଶ ରେ ଅନେକ ରାଜା ର ଉପସ୍ଥିତ ବଢିବ ଓ ଦେଶ ପ୍ରଗତି ପଥରେ ଆଗେଇ ପାରିବ ନାହିଁ|

ଅଧା ରୁ ଆରମ୍ଭ

ପ୍ରତ୍ୟକ ଅଭ୍ୟାସ ର ଆରମ୍ଭ ଲୁକାୟିତ କିନ୍ତୁ ପରିଣାମ ଲୋକ ଙ୍କ ସମ୍ମୁଖ ରେ