ଆହାର କେନ୍ଦ୍ର କୈାଣସି ମନ୍ଦିର ଠାରୁ କମ୍ ନୁହଁ। ଯଦି ସତକଥା କହିବି ଏହାର ଉପାଦେୟତା ଯେ କୈାଣସି ଧର୍ମ ସ୍ଥଳ ଠାରୁ ଢେର ଉପରେ।ଏହା ଗୋଟିଏ ଆଶା, ଗୋଟିଏ ସାହାସ, ଗୋଟିଏ ଧୈର୍ଯ୍ୟ, ଗୋଟିଏ ପ୍ରାଣ, ଗୋଟିଏ ଭୋକ ମେଣ୍ଟିବା ସ୍ଥଳ। ଭୋକିଲା ଜାଣିଛି ଏହି ଜାଗାର ମହତ୍ତ୍ଵ କଣ। ଭୋକିଲା ପେଟ ଯେତେବେଳେ ଏହି ସ୍ଥାନ ଦେଖିଦିଏ ତାକୁ ଲାଗେ ଯେମିତି ସେ ଭଗବାନଙ୍କୁ ପାଇଁ ଯାଇଛି। ଲାଗେ ଯେମିତି ଭଗବାନ ତା'ର ସମ୍ମୁଖରେ ଦଣ୍ଡାୟମାନ ହେଇଛନ୍ତି ଯେମିତି ତା'ର ସେହି ଇଚ୍ଛା କୁ ପୂରଣ କରିବା ପାଇଁଁ, ଆଶିର୍ବାଦ/ ବର ଦେବାପାଇଁ।

ଆମ୍ଭେମାନେ ସମସ୍ତେ ସେଇ ଯନ୍ତ୍ରଣା କୁ ଅନୁଭବ କରି ପାରିବା,କରିଛୁ ମଧ୍ୟ ଗୋଟିଏ ଓଳି ଯଦି ଆମକୁ ଖାଦ୍ୟ ନ ମିଳେ ତା ହେଲେ ଆମେ କେମିତି ଭୋକରେ ଆଉଟୁପାଉଟୁ ହେଇଯାଉ,ରାଗିଯାଇ ଗାଳିଗୁଲଜ କରିବା ପ୍ରାରମ୍ଭ କରିଦଉ ଘର ଉପର ତଳ କରିଦଉ ତା ହେଲେ ଟିକେ ଚିନ୍ତା କରିବା ଯିଏ ଦିନ ତମାମ ଉତ୍ତପ୍ତ ଖରା ରେ କାମ କରିଥାଏ।ତା ପାଇଁ ଏହି ଆହାର କେନ୍ଦ୍ର ର ମହତ୍ତ୍ଵ କଣ, ଯିଏ ଘର ଦ୍ବାର ବୁଲି ବୁଲି ଭିକ ମାଗୁଥାଏ, ଯିଏ ଦିନ ମଜୁରିଆ କରେ,ଯା ପାଖରେ କମ୍ ଟଙ୍କା ଥାଏ,ଯିଏ ଅନ୍ୟ ସହରକୁ ଯାଇଥାଏ ଅର୍ଥ ଅର୍ଜନ କରିବା ପାଇଁଁ, ଗୋଟିଏ ଛାତ୍ର ଅନ୍ୟ ସହରକୁ ପାଠ ପଢ଼ିବାକୁ ଯାଇଥାଏ, ଗୋଟିଏ ମଧ୍ୟମ ଘରଲୋକ ସପରିବାର ଯାଇଥାଏ ଅନ୍ୟ ସହର ଭ୍ରମଣ କରିବା ପାଇଁଁ ଏମାନେ ସମସ୍ତେ ଜାଣିଛନ୍ତି ତାଙ୍କ ପାଇଁ ଏହି ଆହାର କେନ୍ଦ୍ର ର ମହତ୍ତ୍ଵ କଣ ।କେବଳ ପାଞ୍ଚ ଟଙ୍କାରେ ପେଟଭରି ଖାଇବାର ଖୁସି/ଆନନ୍ଦ କଣ।ଗଣ୍ଡାରେ ଖାଦ୍ୟ ଖାଇବା ପାଇଁ ଏହି ପ୍ରଚଣ୍ଡ ଖରାରେ ବି ଲମ୍ବା ଲମ୍ବା ଥାଡିରେ ଠିଆ ହେବାପାଇଁ ପଡ଼ିଥାଏ ।ଭାତ ଡାଲମା ସେମାନଙ୍କ ପାଇଁ ମହାପ୍ରସାଦ ପାଲଟିଯାଏ।ସେଇ ଖାଦ୍ୟ ଅନ୍ୟ ମାନଙ୍କ ପାଇଁ ନିମ୍ନ ଧରଣର ହୋଇଥାଇ ପାରେ କିନ୍ତୁ ଏହି ଭୋକିଲା ପେଟ ପାଇଁ ତାହା ଅମୃତ ସମ ଅଟେ। ଏମିତି କେତେ ଯେ ଆହାର କେନ୍ଦ୍ର ଅଛି ପୁରା ଭାରତବର୍ଷରେ ଆଉ ଏମିତି କୋଟି କୋଟି ଲୋକଙ୍କର ପେଟ ଭରୁଛି। କେତେ ଲୋକ ମାନଙ୍କ ଭିତରେ ଅସୀମିତ ଆନନ୍ଦ ଭରିଦେଇଥାଏ।

ଗୋଟିଏ ପ୍ରଶ୍ନ---

୭୫ ବର୍ଷର ସ୍ଵାଧୀନତା ପରେ କଣ ଆମେ ଏମିତି ଭାରତବର୍ଷ ଦେଖିବାର କଳ୍ପନା କରିଥିଲୁ କଣ ଏହା ଆମର ସ୍ବପ୍ନର ଭାରତ ଥିଲା କ'ଣ ଆଜିର ଏହି ଦିନ ଦେଖିବା ପାଇଁ ଆମ ପୂର୍ବଜ ମାନେ ନିଜ ଜୀବନକୁ ଜଳାଜଂଳି ଦେଇଥିଲେ।ତାଙ୍କ ଜୀବନର ମୂଲ୍ୟ କଣ ଥିଲା ପାଞ୍ଚ ଟଙ୍କିଆ ଆହାର।

ଆମ୍ଭେମାନେ ଆଜି ବିଶ୍ଵର ତୃତୀୟ ସର୍ବବୃହତ ଅର୍ଥବ୍ୟବସ୍ଥା ହବାକୁ ଯାଉଅଛୁ ତଥାପି ଆମ ଦେଶରେ ଏମିତି ଦୟନୀୟ ଅବସ୍ଥା କାହିଁକି। କାହିଁକି ଆଜି ବି ୮୦ କୋଟି ଲୋକଙ୍କୁ ମୁକ୍ତ ରାଶନ୍ ଦିଆଯାଉଛି।ଆଉ କେବେ ସୁଧୁରିବ ଆମ ସ୍ଥିତି ନା ଆଜୀବନ ଆମେ ଏମିତି ଦାରିଦ୍ର୍ୟ ରାଷ୍ଟ୍ର ଭାବରେ ପରିଚିତ ହୋଇ ରହିବା।ଟିକେ ଭାବନ୍ତୁ। ଯଦି ସମ୍ଭବ ଏହି ସମସ୍ୟାର ସମାଧାନ କଣ ହୋଇପାରେ ଦୟାକରି କମେଣ୍ଟ ବକ୍ସ ରେ ନିଜର ମତାମତ ଦିଅନ୍ତୁ।

ଜୟ ହିନ୍ଦ୍ ଜୟ ଭାରତ ଜୟ ଶ୍ରୀରାମ ଜୟ ଜଗନ୍ନାଥ

ଲେଖକ: ସୁନୀଲ୍ କୁମାର୍ ଚୌଧୁରୀ

ଆହାର କେନ୍ଦ୍ର

Food Distribution Centre in 2024