ଏହି ବଦଳୁ ଥିବା ସମାଜରେ ଅନେକ କଥା ସମୟ କ୍ରମେ ବଦଳି ଚାଲିଛି | ସମାଜରେ ରହୁଥିବା ଲୋକଙ୍କ ପାଇଁ ଭିନ୍ନ ଭିନ୍ନ ନିୟମକୁ ବଦଳା ଯାଉଚି ଏବଂ ନୂତନ ନିୟମ ସବୁ କାର୍ଯ୍ୟକାରୀ କରା ଯାଉଛି | ତେବେ ପୂର୍ବରୁ ଅନେକ ନିୟମ ଆମ ପୁରୁଷ ପ୍ରାଧାନ୍ୟ ସମାଜରେ ପୁରୁଷ ଏବଂ ମହିଳାଙ୍କ ପାଇଁ ଭିନ୍ନ ଭିନ୍ନ ରୂପରେ କାର୍ଯ୍ୟକାରୀ କରାଯାଉଥିଲା | ତେବେ ସେହି ସବୁ ନିୟମରେ ଆଜିବି କିଛି ପରିବାର ତଥା କିଛି ଅଞ୍ଚଳର ଲୋକ ବନ୍ଧା ହୋଇ ଅଛନ୍ତି, ମାତ୍ର ଯୁଗ ପରିବର୍ତ୍ତନ ଅନୁସାରେ ଅନେକ ନିୟମ ବଦଳିଛି ଏବଂ ଲୋକଙ୍କ ପାଇଁ କୋହଳ କରା ଯାଇଛି |

ତେବେ ଯଦି ଆମେ ଇତିହାସକୁ ଲକ୍ଷ୍ୟ କରିବା, ତେବେ ବର୍ତ୍ତମାନ ମହିଳା ମାନେ ଅନେକ ସ୍ଥାନରେ ପୁରୁଷ ମାନଙ୍କ ସହ ସମାନ ମର୍ଯ୍ୟାଦା ପାଉଛନ୍ତି | ଯାହାକି ଏକ ସମାଜର ଉନ୍ନତି ନିମନ୍ତେ ଅତ୍ୟନ୍ତ ଲାଭ ଦାୟକ | ହେଲେ ସମାଜରେ ସେଇ ସମାନତା ଏବଂ ସମାନ ଅଧିକାର ନିମନ୍ତେ ଅହରହ ସଂଗ୍ରାମ ଚାଲିଛି | ତେବେ ସ୍ଵାଧୀନତା ପୂର୍ବର ଦୃଶ୍ୟ କିଛି ଅଲଗା ଥିଲା ବୋଲି ଅନେକ କଥୋପକଥନ ତଥା ଲିଖିତ ତଥ୍ୟରୁ ଜଣା ପଡ଼ିଛି | ପୂର୍ବରୁ ମହିଳା ମାନଙ୍କୁ କେବଳ ପରିବାର ଚଳେଇବା କାର୍ଯ୍ୟରେ ବ୍ୟସ୍ତ ରଖି ସେମାନଙ୍କୁ ସମାଜ ଠାରୁ ଦୂରରେ ରଖା ଯାଉଥିଲା | ମାତ୍ର ସେ ସମୟରେ ଅନେକ ମହିଳା ସଂଗ୍ରାମୀ ସମାଜର କୁପ୍ରଥା ର ବନ୍ଧନକୁ କାଟି ଆଗକୁ ଆସିଥିଲେ ଏବଂ ସ୍ଵାଧୀନତା ସଂଗ୍ରାମରେ ଆପ୍ରାଣ ଚେଷ୍ଟା କରିଚାଲି ଥିଲେ | ସେମାନଙ୍କ ନାମ ଆଜିବି ଇତିହାସର ସୁନେଲି ଅକ୍ଷରରେ ଲେଖା ହୋଇ ରହିଛି | ମାତ୍ର କଥା ଯେବେ ସାଧାରଣ ଜନତାଙ୍କର ଆସେ ତେବେ ଅନେକ ସାଧାରଣ ପରିବାର ନିଜକୁ ସେହିପରି ଦୃଢ଼ କରିବାରେ ସକ୍ଷମ ହୋଇ ପାରି ନଥିଲେ | ତାହାର ପରିଣାମ ସ୍ୱରୂପ ଏକ ଅବହେଳିତ ସମାଜର ରୂପାନ୍ତରଣ |

ତେଣୁ ସମାଜକୁ ପୁଣି ଥରେ ନୂତନ ଏବଂ ଉନ୍ନତ ଭାବରେ ଗଢ଼ି ତୋଳିବା ପାଇଁ ଉଭୟ ମହିଳା ଏବଂ ପୁରୁଷଙ୍କୁ ମିଳିତ ଭାବରେ ଆଗକୁ ଆସିବାକୁ ପଡ଼ିବ | ଯାହାକି ସ୍ଵାଧୀନତା ପରେ ଅନେକାଂଶରେ ସମାଜ ସେବୀ ମାନଙ୍କୁ ବୁଝାଏ ପଡ଼ିଲା | ସେଥିପାଇଁ ସାମ୍ବିଧାନିକ ପ୍ରକ୍ରିୟାରେ ଅନେକ ନିୟମ ଗଢା ହେବାରେ ଲାଗିଲା |

article- 14 ରେ ମହିଳା ଏବଂ ପୁରୁଷଙ୍କୁ ସମାନ ଅଧିକାର ମିଳିବା ସହ article-15 ରେ ମହିଳା ସଶକ୍ତିକରଣର ନିୟମ ଗୁଡିକ ବିଷୟରେ ଉଲ୍ଲେଖ ଅଛି | ଏହା ଛଡ଼ା

• act 1955 ହିସାବରେ ମହିଳା ମାନେ ଛାଡପତ୍ର ନେଇ ପାରିବେ ଏବଂ ପୁନଃବିବାହ ମଧ୍ୟ କରି ପାରିବେ |

• act 1956 ହିସାବରେ ମହିଳା ମାନେ ପୈତୃକ ସମ୍ପତ୍ତିରେ ଭାଗ ପାଇ ପାରିବେ |

• ପୁଣି act 1956 ହିସାବରେ ସନ୍ତାନ ହିନ ମହିଳା କୌଣସି ଶିଶୁକୁ ଆଇନ ଗତ ଭାବେ ପାଳିତ ଭାବେ ଗ୍ରହଣ କରି ପାରିବେ ଏବଂ ଛାଡପତ୍ର ନେଇଥିଲେ ନିଜ ସନ୍ତାନକୁ ନିଜ ଅଧିକାର ବଶତଃ ନିଜ ଆୟତ୍ତରେ ରଖି ପାଳି ପାରିବେ |

• act 1954 ହିସାବରେ ୧୮ ବର୍ଷରୁ ଅଧିକ ମହିଳା ନିଜ ଇଚ୍ଛାରେ କୌଣସି ଜାତିର ପୁରୁଷ ସହ ବିବାହ କରି ପାରିବେ |

• act 1961 ଦ୍ଵାରା ମହିଳା ମାନେ ଯୌତୁକ ନିର୍ଯାତନାରୁ ନିଜକୁ ବଞ୍ଚାଇ ପାରିବେ ଏବଂ ଯୌତୁକ ନିର୍ଯାତନା କରୁଥିବା ପରିବାର ବିରୋଧରେ କାର୍ଯ୍ୟକାରୀ କରି ପାରିବେ |

ପୁଣି ସ୍ଵାଧୀନତା ପରେ ମହିଳା ମାନଙ୍କ ଶିକ୍ଷା ଗ୍ରହଣ କୁ ନେଇ ଅନେକ ସଂଗ୍ରାମ ଚାଲିଥିଲା | ଯାହା ଦ୍ଵାରା ମହିଳା ମାନେ ଶିକ୍ଷା ଗ୍ରହଣର ମହତ୍ତ୍ଵ ବିଷୟରେ ଜାଣିପାରି ନିଜକୁ ଶିକ୍ଷିତ କରିବା ଦିଗରେ ଆଗେଇଲେ | ଏହା ପରେ ଉଚ୍ଚଶିକ୍ଷା କରୁଥିବା ମହିଳା ମାନଙ୍କୁ ପଢ଼ା ପାଇଁ ବୃତ୍ତି ତଥା ଋଣ ର ବ୍ୟବସ୍ଥା ଏବଂ ବାହାର ରହିବା ପାଇଁ ହଷ୍ଟେଲ୍ ର ବ୍ୟବସ୍ଥା ମଧ୍ୟ କରାଗଲା | ମହିଳା ମାନଙ୍କ ପାଇଁ ଭିନ୍ନ ବିଦ୍ୟାଳୟ ତଥା ମହାବିଦ୍ୟାଳୟର ବ୍ୟବସ୍ତା କରାଗଲା | ଯାହା ଦ୍ଵାରା ଅଧିକ ମହିଳା ଶିକ୍ଷା କ୍ଷେତ୍ରରେ ନିଜକୁ ବିନିଯୋଗ କରିବାରେ ଲାଗିଲେ |

ପୁଣି କର୍ମଜୀବୀ ମହିଳା ମାନଙ୍କ ସଂଖ୍ୟା ଧୀରେ ଧୀରେ ବଢ଼ିବାରେ ଲାଗିଲା | ମହିଳା ମାନେ ଶିକ୍ଷା ଦାନ, ଡାକ୍ତରୀ, ଓକିଲାତି, ଆଇନ୍ ବ୍ୟବସ୍ଥା କ୍ଷେତ୍ରରେ ଆଗଭର ହେବାର ଲାଗିଲେ |

ସରକାରଙ୍କ ତରଫରୁ ମିଳୁଥିବା ଅନେକ ବ୍ୟବସ୍ଥା ବିଷୟରେ ଲୋକ ମାନେ ଅବଗତ ନଥିଲେ, ଯାହାଦ୍ଵାରା ମହିଳା ମାନେ ଅନେକ ସ୍ଥାନରେ ନିଜକୁ ବିନିଯୋଗ କରିବାରେ ଅକ୍ଷମ ହୋଇ ପଡୁଥିଲେ | ଧୀରେ ଧୀରେ ସେମାନଙ୍କୁ ସେମାନଙ୍କ ଅଧିକାର ବିଷୟରେ ଅବଗତ କରାଗଲା ଯାହାଦ୍ଵାରା ଅନେକ ମହିଳା ନିଜ କର୍ତ୍ତବ୍ୟ ତଥା ଅଧିକାର ପାଇ ଲଢ଼ିବାକୁ ଲାଗିଲେ |

ମହିଳା ମାନଙ୍କ ଅଧିକାର କୁ ୪ ଟି ପର୍ଯ୍ୟାୟରେ ଭାଗ କରାଗଲା |

- ବ୍ୟକ୍ତିଗତ ପର୍ଯ୍ୟାୟ

- ସାମାଜିକ ପର୍ଯ୍ୟାୟ

- ଆର୍ଥିକ ପର୍ଯ୍ୟାୟ

- କୌଣସି ବିଷୟ ସମ୍ମୁହ ପର୍ଯ୍ୟାୟ

ଏହିପରି ବିଭିନ୍ନ ପର୍ଯ୍ୟାୟରେ ସେମାନଙ୍କୁ ସହଯୋଗ ଏବଂ ଉତ୍ସାହିତ କରି ସେମାନଙ୍କ ଅଧିକାର କଣ ସେ ବିଷୟରେ ଅବକରାଇ ଦିଆ ଯାଉଚି |ଯାହା ଦ୍ୱାରା ମହିଳା ମାନେ ଆଗକୁ ଆସି ନିଜର କର୍ତ୍ତବ୍ୟ ସୁଚାରୁ ରୂପେ ତୁଲାଇବା ସହ ସମାଜର ବିଭିନ୍ନ ଉନ୍ନତି ମୂଳକ କାର୍ଯ୍ୟରେ ନିଜର ବହୁମୂଲ୍ୟ ମନ୍ତବ୍ୟ ପ୍ରଦାନ କରିବା ସହ ନିଜର ଯୋଗଦାନ ଦେବାରେ ସକ୍ଷମ ହୋଇ ପାରୁଛନ୍ତି |

ଅନେକ କ୍ଷେତ୍ରରେ ଦେଖା ଯାଉଚି ଯେ ମହିଳା ମାନେ ନିଜ ପରିବାର ତଥା ପରିବାରର ସଦସ୍ୟଙ୍କ କଥା ବୁଝିବାରେ ଏପରି ନିଜକୁ ବୁଡ଼େଇ ରଖିଛନ୍ତି ଯେ ଅନ୍ୟ କୌଣସି ବି କଥା ହଉ ନା କାହିଁକି ସେଥିପାଇଁ ସେମାନେ ପୁରୁଷଙ୍କ ଉପରେ ହିଁ ନିର୍ଭର କରି ରହୁଛନ୍ତି | ଯାହାକି ଏ ଉନ୍ନତି ମୂଳକ ସମାଜ ପାଇଁ ଆଦୁ ଶୁଭ ସଙ୍କେତ ନୁହେଁ |

ସେଥି ପାଇଁ ସରକାରଙ୍କ ଦ୍ୱାରା ଅନେକ ପଦକ୍ଷେପ ନିଆ ଯିବାରେ ଲାଗିଛି | ଯେମିତି

- ରାଜନୀତି କ୍ଷେତ୍ରରେ ମହିଳା ମାନଙ୍କ ପାଇଁ ୩୩% ସଂରକ୍ଷଣ ବ୍ୟବସ୍ଥା ରହିଛି |ଯାହାଦ୍ଵାରା ମହିଳା ମାନେ ରାଜନୀତି ରେ ନିଜର ହସ୍ତକ୍ଷେପ କରିପାରିବେ |

- ବିଭିନ୍ନ ରୋଜଗାର ଯୋଜନା ଗୁଡିକ ଲାଗୁ କରା ଯାଇଛି ଯେମିତି IRDP, ଜୱାହାର ରାଗାର ଯୋଜନା, TRYSEM | ଯାହା ଦ୍ଵାରା ମହିଳା ମାନଙ୍କୁ ଉଚିତ୍ ରୋଜଗାର ପନ୍ଥା ଦର୍ସି ଦିଆ ଯାଉଚି |

- ସରକାର ତଥା ବେସରକାରୀ ସଂସ୍ଥା ଙ୍କ ଭିତରେ ଥିବା ସମନ୍ୱୟ କୁ ଦୃଢ଼ କରା ଯାଉଛି ଜାଗା ଦ୍ଵାରା ମହିଳା ମାନଙ୍କ ଶିକ୍ଷା ଗତ ଅସୁବିଧା ଯେପରି ନହୁଏ |

ଏହି ପରି ଅନେକ ବ୍ୟବସ୍ଥା ଦ୍ଵାରା ମହିଳା ମାନଙ୍କୁ ସ୍ୱାବଳମି ତଥା ଆତ୍ମନିର୍ଭରଶୀଳ କରିବା କ୍ଷେତ୍ରରେ ଏ ସମାଜ ଆଗେଇ ଚାଲିଛି | ବାସ ମହିଳା ମାନେ ଯଦି ନିଜେ ନିଜ ପାଇଁ ଲଢ଼ିବାକୁ ମନସ୍ଥ କରି ପାରନ୍ତି ତେବେ ଏ ସମାଜ ଆହୁରି ଆଗକୁ ବଢ଼ି ବଢ଼ି ଚାଲନ୍ତା |

ସୁସ୍ମିତା ଜେନା

ବିଶାଖାପାଟଣା

Analyze the current status of women's rights and freedom in India, comparing it with the past

ଆଧୁନିକ ଭାରତରେ ମହିଳା ମାନଙ୍କ ଅଧିକାର ଏବଂ ସ୍ୱତନ୍ତ୍ରତା: ଏକ ସମୀକ୍ଷା