ବିଧିର ବିଧାନ କେ କରିବ ଆନ ଏହି ଉକ୍ତିଟି ସମାଜ ପାଇଁ ଲାଗୁ ହେଉଥିବା ବେଳେ ଆଜି ବେବହୃତ କରିବା ମହାପ୍ରଭୁଙ୍କ ପାଇଁ ଛୋଟଛୋଟ ନୀତିନିୟମ ଠାରୁ ଆରମ୍ଭ କରି ସଂସାରରେ ଚିରନ୍ତନ ସତ୍ୟ ପର୍ଯ୍ୟନ୍ତ ଏହା ଯେ କେବଳ ମଣିଷମାନଙ୍କ ପାଇଁ ଲାଗୁ ହୁଏ ଏହାକୁ ଭୁଲ ପ୍ରମାଣିତ କରିଛନ୍ତି ଆମ କାଳିଆର ଭୁଜ ମହାପ୍ରଭୁମାନେ। ସେମାନେ ମଧ୍ୟ ସ୍ୱୟଂ ବ୍ରହ୍ମାଣ୍ଡ ଠାକୁର ହୋଇ ମଧ୍ୟ ସେମାନେ କୌଣସି ପ୍ରକୃତିର ନିୟମଠାରୁ ବା ନୀତିନିୟମ ଚଳଣି ଠାରୁ ବାଦ ପଡିନାହାଁନ୍ତି ।ବ୍ରହ୍ମାଣ୍ଡ ଗୋସାଇଁ ଜର ରେ ପଡ଼ିଛନ୍ତି, ସରପିଡା ଥଣ୍ଡା ଜ୍ୱରରେ ଆକୁଳ ହେଉଛନ୍ତି ବ୍ରହ୍ମାଣ୍ଡର ରକ୍ଷାକର୍ତ୍ତା ।ଜନ୍ମବେଦୀରେ ପୁନେଇ ତିଥିରେ ପିଲାବେଳକୁ ମନେପକାଇ ଭାଇଭଉଣୀ ସ୍ନାନ କଲେ ଖୋଲା ଆକାଶ ତଳେ ନୁହେଁ ଗୋଟେ ଗରା ନୁହେ ପାଞ୍ଚ ଗରା ଏକାଥରେ ଶହେ ଆଠ ଗରା ।ସୁନାକୁଅ ମୁକ୍ତି ପାଇଲା ଯେବେ ଶ୍ରୀମନ୍ଦିରରେ ସ୍ତାନ ପାଇଲା,ସେ ସ୍ନାନ ଦେଖି ଇନ୍ଦ୍ରଦେବ ବି ପାରିଲେନି ସହି ବରଷିଲେ କାଳବେଳ ଦେଖି ଲକ୍ଷ ଲକ୍ଷ ଭକ୍ତଙ୍କ ମେଳରେ ସେବାୟତଙ୍କ ସେବାରେ ମହାପ୍ରଭୁ କଲେ ମହାସ୍ନାନ ଯାହାକୁ ଲୋକେ ବୋଲନ୍ତି ଦେବସ୍ନାନ ପୂର୍ଣ୍ଣିମା । ହସ ମଜାରେ ସ୍ନାନ ସାରି ମନ୍ଦିର ବିଜେ କଲେ ରାତିରେ ପାଇଛି କି ନାଇଁ ଥଣ୍ଡା ଜରରେ ପଡ଼ିଲେ ମୁଣ୍ଡ ବିନ୍ଧିଲା, ଗୋଡ଼ ବିନ୍ଧିଲା, ସର ପିଡାରେ ଦେହ ହାତ ବଥା ହେଲା ଦେହ ହାତ କମ୍ପିଲା ଜୋରରେ କେଜାଣି କେତେ ବା ମାପ ସେ ଜର ମାପିବାକୁ ନାହିଁ କୋଉଠି ଥର୍ମୋମିଟର। ରତ୍ନ ସିଂହାସନରେ ତିନି ଠାକୁର ଦୁଆର କିଳି ଶୋଇଲେ ମୁଁହ କୁ ମାଡି। ବଡପଣ୍ଡା ସେବାୟତଙ୍କର ବି ମନଦୁଃଖ, ମୁଁହ ସୁଖୀ ଚୁପଚାପ ଅଛନ୍ତି କାଳିଆ ସାଆନ୍ତଙ୍କ ପାଇଁ, ପାଟିକି ନ ରୁଚଇ ଏବେ ଷାଠିଏ ପଉଠି ସେଥିପାଇଁ ରୋଷଶାଳରେ ଜଳୁନି ଚୁଲି, ପଣ୍ଡାମାନେ ପୂଜନ୍ତି ପଟି ଦିଅଁ। କାଳିଆ ମନ ତଥାପି ଲାଗେନି ଭକ୍ତକୁ ଛାଡି ଶରୀରର ମନ୍ଦିରରେ ଥାଏ ହେଲେ ମନ ଅଲାରନାଥରେ ଖିରିଖିଆ ଠାକୁର ସେ ମହିମା ସେ ମହିମା କଥା ନିଆରା ।

ମହାପ୍ରଭୁଙ୍କୁ ଜର ହୋଇଥିବା ବେଳେ ଠାକୁର ଦର୍ଶନ ଦିଅନ୍ତି ନାହିଁ ତେର ଦିନ ପାଇଁ,ମହାପ୍ରଭୁ ପୁରି ଜିଲା ର ବ୍ରହ୍ମଗିରି ଅଲାରନାଥଙ୍କ ଠାରେ ଦର୍ଶନ ଦିଅନ୍ତି, ସେ ଦର୍ଶନ କଲେ କୋଟି ପୁଣ୍ୟ ଫଳ ମିଳିଥାଏ ବୋଲି କୁହାଯାଏ ।ଅଲାରନାଥ ଠାକୁର ସ୍ଵୟଂ ବିଷ୍ଣୁ ଙ୍କ ରୂପ,ସେଠାରେ ଖିରି ପ୍ରସିଦ୍ଧ ଭୋଗ ହୋଇଥାଏ ।

ଶହେ ଆଠ ଗରା ପାଣିରେ ଗାଧୋଇ ପଡ଼ିଛନ୍ତି ଜରରେ। ଏହି ଜରର ଉପଚାର ପାଇଁ ଅବଶ୍ୟକ ହୋଇଥାଏ ଫୁଲୁରୀ ତେଲ ଓ ଦଶମୂଳ ମୋଦକ। ଫୁଲୁରୀ ତେଲ ଶ୍ରୀବିଗ୍ରହଙ୍କ ପାଦରେ ଖସାଯିବ ଏହାଦ୍ବାରା ମହାପ୍ରଭୁଙ୍କୁ ଜ୍ୱର ଛାଡ଼ିଯିବ ବୋଲି କୁହାଯାଏ ।ଆଷାଢ଼ କୃଷ୍ଣ ପଞ୍ଚମୀ ବା ଅଣସର ପଞ୍ଚମୀ ଦିନରୁ ଆଷାଢ଼ କୃଷ୍ଣ ସପ୍ତମୀ ମଧ୍ୟରେ ଏହି ନୀତି ହୋଇଥାଏ। ମହାପ୍ରଭୁଙ୍କୁ ଫୁଲୁରୀ ତେଲ ଲାଗି ହେବ ସେଥିପାଇଁ ପ୍ରସ୍ତୁତି ହୋଇଥାଏ।ଓଡିଆ ଭାଗବତକାର ଅତିବଡ଼ି ଜଗନ୍ନାଥ ଦାସଙ୍କ ଦ୍ୱାରା ପ୍ରତିଷ୍ଠିତ ବଡ ଓଡିଆ ମଠ ଏହା ଯୋଗାଇଥାଆନ୍ତି, ବଡ଼ଓଡ଼ିଆ ମଠ ଏହି ତେଲକୁ ପ୍ରସ୍ତୁତ କରିଥିବା ବେଳେ ପ୍ରଥମେ ଶୋଭାଯାତ୍ରାରେ ସହକାରେ ଶ୍ରୀମନ୍ଦିରକୁ ଫୁଲୁରୀ ତେଲକୁ ବିଜେ କରାଯାଇଥାଏ ବୈଦ୍ୟଙ୍କ ପରାମର୍ଶ କ୍ରମେ ଅଣସର ପିଣ୍ଡିରେ ଶ୍ରୀଜିଉଙ୍କୁ ଏହି ଫୁଲୁରି ତେଲରେ ଚିକିତ୍ସା ସେବା ଯୋଗାଇ ଦିଆ ଯାଏ ।

ପରମ୍ପରା କ୍ରମେ ଅସୁସ୍ଥ ଶ୍ରୀଜିଉ ଧିରେ ଧିରେ ସୁସ୍ଥ ହୁଅନ୍ତି । ଶୟନ ଅବସ୍ଥାରୁ ବିଗ୍ରହମାନେ ବସାଇବା ଉପକ୍ରମ ଆରମ୍ଭ ହୋଇଥାଏ, ଏଣେ ଲୌକିକ ମତରେ ଜ୍ୱାରଗ୍ରସ୍ତ ଠାକୁରମାନଙ୍କ ଦେହରୁ ମଜରା ଛଡାଇବାକୁ କରାଯିବା ଦ୍ରବ୍ୟ ଉପଚାର ଶ୍ରୀଅଙ୍ଗକୁ ସୁସ୍ଥ କରିବାକୁ ମାଲିସ୍ ହେବେ ଫୁଲୁରୀ ତେଲ ବଡ଼ ଓଡିଆ ମଠ ପ୍ରତିବର୍ଷ ଅଣସରରେ ଛଅ ସେର ଫୁଲୁରୀ ତେଲ ଯୋଗାଉଥାଏ, କେବଳ ନବକଳେବର ବର୍ଷରେ ନଅ ସେର ଫୁଲୁରୀ ତେଲ ଦିଆଯାଇଥାଏ ଆଷାଢ଼ କୃଷ୍ଣ ପଞ୍ଚମୀରୁ ସପ୍ତମୀ ଫୁଲୁରୀ ତେଲକୁ ଲାଗି କରାଯାଇ। ସ୍ବତନ୍ତ୍ର ପ୍ରଣାଳୀରେ ପ୍ରସ୍ତୁତ ହୋଇଥାଏ, ବର୍ଷେ ପୂର୍ବରୁ ତିଥିରେ ତିନୋଟି ଜିନିଷର ତିନି ଘଡ଼ିରେ ଘଣାପେଡ଼ା, ରାଶି ତେଲ ସହିତ କୃଷ୍ଣଭୋଗ, ଧାନ, ବେଣାଚେର, ଚନ୍ଦନକାଠ, କେତକି, ଚମ୍ପା, ବଉଳ, ମାଳତୀ, ମଲ୍ଲୀ, ଜୁଇ, ଜାଇ ଆଦି ଫୁଲ ର ମିଶ୍ରଣ ଶାଳପର୍ଣ୍ଣି, ଗମ୍ଭାରୀ, ଲବାଙ୍ଗକୁଳି, ଫଣଫଣା, କୃଷ୍ଣ ପର୍ଣ୍ଣି, ବେଲ, ଖଣିବଥୁ, ପଟଳି, ଖୁଆ, ଅଙ୍କରାନ୍ତି, ଗୋଖରା ,ଲମ୍ବାଗୋତି, ଦେଶୀଘିଅ, ମହୁ, ନବାତ, ଖୁଆସର, ଆଦିକୁ ମିଶାଇ ଏକ ବର୍ଷ ପର୍ଯ୍ୟନ୍ତ ମାଟି ତଳେ ପୋତା ହୋଇ ରଖାଯାଇଥାଏ ଯାହାକୁ ଫୁଲୁରୀ ତେଲ ବୋଲି କୁହାଯାଏ। ଏହି ମିଶ୍ରଣକୁ ମାଟି ତଳେ ଦୀର୍ଘ ଏକ ବର୍ଷ କାଳ ରଖିବା ପରେ ଦେବସ୍ନାନ ପୂର୍ଣ୍ଣିମା ଦିନ ମାଟିରୁ ବାହାର କରାଯାଇଥାଏ ଏହି ଅବଧିରେ ଏହି ମିଶ୍ରିତ ତୈଳ ଔଷଧରେ ରୂପାନ୍ତରିତ ହୋଇଥାଏ। ଆୟୁର୍ବେଦ ଶାସ୍ତ୍ର ମୁତାବକ ସମସ୍ତ ଫୁଲ ଓ ବେଣା ଚେରରେ ରହି ଦେହକୁ ଉଷ୍ମତା ପ୍ରଦାନ କରିବାର ଶକ୍ତି ଦେବ ।

ଏଣୁ ମହାପ୍ରଭୁମାନେ ପ୍ରବଳ ସ୍ନାନ ଯୋଗୁଁ ଅସୁସ୍ଥ ହୋଇ ପଡ଼ିଥିବା କଳ୍ପନା କରାଯାଇ ଶ୍ରୀଅଙ୍ଗରେ ଏହି ତୈଳ ମର୍ଦ୍ଦନ କରାଯାଇଥାଏ ଏହି ଫୁଲୁରି ତେଲ ମାଲିସ ପରେ ଶ୍ରୀଜିଉ କିଛି ଅଂଶରେ ସୁସ୍ଥ ହୋଇଥାନ୍ତି ବୋଲି ବିଶ୍ୱାସ ରହିଛି ଏହି ତେଲକୁ ଛଣାଯାଇ ଅମୁଣିଆ ପ୍ରସ୍ତୁତ କରି ମହାପ୍ରଭୁଙ୍କ ଲାଗି ପାଇଁ ପଠାଯାଏ ।

ଦେଉଳ କରଣଙ୍କ ନେତୃତ୍ୱରେ ଏହାକୁ ଅଣସର ଗୃହକୁ ଆଣିବା ପରେ ପତିମହାପାତ୍ର ସେବକ ତିନିଟି ରୂପା ପିଙ୍ଗଣରେ ଫୁଲୁରୀ ତେଲ ନେଇ ସଂସ୍କାର କରିବା ପରେ ଏହି ତେଲକୁ ଦଇତାପତି ସେବକମାନେ ଚତୁର୍ଦ୍ଧା ବିଗ୍ରହଙ୍କ ଶ୍ରୀଅଙ୍ଗରେ ଲାଗି କରାଇଥାନ୍ତି, ମହାପ୍ରଭୁଙ୍କ ଗୁପ୍ତ ନୀତି ମଧ୍ୟରେ ଫୁଲୁରୀ ତେଲ ଲାଗି ଏକ ଗୁରୁତ୍ୱପୂର୍ଣ୍ଣ ଅଂଶ ଏହି ତେଲ ପ୍ରସ୍ତୁତ ମହୌଷଧି ଲାଗି ହେବା ପରେ ମହାପ୍ରଭୁ ସୁସ୍ଥ ହେବେ ଏବଂ ନବଯୌବନ ବେଶରେ ଜଗତକୁ ଦର୍ଶନ ଦେବେ ।

ଅଣସର ରେ ତିନି ଠାକୁର

ଫୁଲୁରି ତେଲ