ଆନ୍ତର୍ଜାତୀୟ ବିଧବା ଦିବସ ପ୍ରତିବର୍ଷ ଜୁନ ୨୩ ତାରିଖରେ ପାଳନ କରାଯାଏ । ଏହି ଦିବସର ମୁଖ୍ୟ ଉଦ୍ଦେଶ୍ୟ ହେଉଛି ସମାଜରେ ବିଧବା ମହିଳାମାନଙ୍କ ଅବସ୍ଥା ବିଷୟରେ ସଚେତନତା ସୃଷ୍ଟି କରିବା ଏବଂ ସେମାନଙ୍କୁ ସମ୍ମାନ ଓ ସହାୟତା ପ୍ରଦାନ କରିବା । ବିଶ୍ୱର ବିଭିନ୍ନ ଦେଶରେ ବିଧବା ମହିଳାମାନେ ଅନେକ ପ୍ରକାରର ଅସୁବିଧା, ଅଭାବ ଏବଂ ଅବହେଳା ଭୋଗୁଛନ୍ତି । ଏହି ଦିବସ ପାଳନ କରି ସେମାନଙ୍କ ପ୍ରତି ସମାଜର ଦାୟିତ୍ୱ ଓ ସହାନୁଭୂତି ବୃଦ୍ଧି କରାଯାଏ ।

ଏହି ଦିବସର ଇତିହାସ

ଆନ୍ତର୍ଜାତୀୟ ବିଧବା ଦିବସ ପ୍ରଥମେ ୨୦୦୫ ମସିହାରେ ଆରମ୍ଭ ହୋଇଥିଲା । ଏହାକୁ ପ୍ରତିଷ୍ଠା କରିଥିଲେ ଲୁମ୍ବିନୀ ଫାଉଣ୍ଡେସନ୍, ଯାହା ଏକ ଭାରତୀୟ ସଂଗଠନ । ପରେ ୨୦୧୦ ମସିହାରେ ଜାତିସଂଘ ଏହାକୁ ଆନ୍ତର୍ଜାତୀୟ ସ୍ତରରେ ମାନ୍ୟତା ଦେଇଥିଲା । ତେଣୁ ଏହି ଦିବସ ବିଶ୍ୱବ୍ୟାପୀ ଭାବେ ପାଳିତ ହେଉଛି ।

ବିଧବା ମହିଳାମାନଙ୍କ ସମସ୍ୟା

ବିଧବା ମହିଳାମାନେ ଅନେକ ସମସ୍ୟାର ସମ୍ମୁଖୀନ ହୁଅନ୍ତି, ଯେପରିକି:

- ଆର୍ଥିକ ସମସ୍ୟା – ସ୍ୱାମୀ ଚାଲିଗଲେ ଘରର ଆୟ କମିଯାଏ, ଯାହା ଫଳରେ ଦାରିଦ୍ର୍ୟ ବୃଦ୍ଧି ପାଏ ।

- ସାମାଜିକ ଅସମ୍ମାନ – ଅନେକ ସମାଜରେ ବିଧବାମାନଙ୍କୁ ଅଶୁଭ ବୋଲି ଭାବାଯାଏ ଏବଂ ସେମାନଙ୍କୁ ବହିଷ୍କାର କରାଯାଏ ।

- ଶିକ୍ଷା ଓ ରୋଜଗାରରେ ଅସୁବିଧା – ଅନେକ ବିଧବା ମହିଳାଙ୍କ ପାଇଁ ଶିକ୍ଷା ଓ ଚାକିରି ପାଇବା କଷ୍ଟକର ହୋଇଥାଏ ।

- ମାନସିକ ଯନ୍ତ୍ରଣା– ସ୍ୱାମୀଙ୍କ ବିଛେଦ ପରେ ମାନସିକ ଦୁଃଖ ଓ ଏକାକୀପଣ ଭୋଗନ୍ତି ।

ଆନ୍ତର୍ଜାତୀୟ ବିଧବା ଦିବସର ଗୁରୁତ୍ୱ

- ବିଧବା ମହିଳାମାନଙ୍କ ଅଧିକାର ଓ ସୁରକ୍ଷା ବିଷୟରେ ସଚେତନତା ସୃଷ୍ଟି କରେ ।

- ସରକାର ଓ ସମାଜକୁ ସେମାନଙ୍କ ପ୍ରତି ଦାୟିତ୍ୱ ନେବାକୁ ଉତ୍ସାହିତ କରେ ।

- ବିଧବା ମହିଳାଙ୍କ ଶିକ୍ଷା, ରୋଜଗାର ଓ ସ୍ୱାବଲମ୍ବନ ପାଇଁ ଯୋଜନା କାର୍ଯ୍ୟକାରୀ କରାଯାଏ ।

କିପରି ପାଳନ କରାଯାଏ?

ସମାଜ ସେବୀ ସଂଗଠନଦ୍ୱାରା ବିଧବା ମହିଳାଙ୍କ ପାଇଁ ଶିବିର ଓ ସହାୟତା କାର୍ଯ୍ୟକ୍ରମ ଆୟୋଜନ କରାଯାଏ ।

- ସରକାରୀ ଓ ବେସରକାରୀ ସଂସ୍ଥାଦ୍ୱାରା ବିଧବା ପେନସନ, ଶିକ୍ଷା ବୃତ୍ତି ଇତ୍ୟାଦି ଯୋଜନା ଚାଲୁ ରଖାଯାଏ ।

- ଲୋକଙ୍କୁ ବିଧବା ମହିଳାଙ୍କ ପ୍ରତି ସହାନୁଭୂତିଶୀଳ ହେବାକୁ ପ୍ରେରଣା ଦିଆଯାଏ ।

ପରିଶେଷରେ

ଆନ୍ତର୍ଜାତୀୟ ବିଧବା ଦିବସ ହେଉଛି ଏକ ମହତ୍ତ୍ୱପୂର୍ଣ୍ଣ ଦିବସ, ଯାହା ବିଧବା ମହିଳାମାନଙ୍କ ପ୍ରତି ସମାଜର ଦାୟିତ୍ୱକୁ ସ୍ମରଣ କରାଏ । ସେମାନଙ୍କୁ ସମ୍ମାନ ଓ ସହାୟତା ଦେଇ ଆମେ ଏକ ସୁନ୍ଦର ଓ ସମାନତାପୂର୍ଣ୍ଣ ସମାଜ ଗଠନ କରିପାରିବା ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!