ଆଜି ଆମେ ଆନ୍ତର୍ଜାତୀୟ ଯୁବ ଦିବସ ବିଷୟରେ ଜାଣିବା। ଏହି ଦିନଟି ପ୍ରତିବର୍ଷ ଅଗଷ୍ଟ ୧୨ ତାରିଖରେ ପାଳନ କରାଯାଏ। ଏହା ଯୁବପିଢ଼ିଙ୍କ ପାଇଁ ଏକ ବିଶେଷ ଦିନ। ଯୁବକ ଯୁବତୀମାନେ ଆମ ଦେଶ ଓ ସମାଜର ଭବିଷ୍ୟତ। ସେମାନଙ୍କ ଶକ୍ତି, ସାମର୍ଥ୍ୟ ଓ ସଂଘର୍ଷକୁ ସମ୍ମାନ ଦେବା ପାଇଁ ଏହି ଦିନ ପାଳନ କରାଯାଏ।

କାହିଁକି ପାଳନ କରାଯାଏ

ବିଶ୍ୱର ସବୁ ଦେଶରେ ଯୁବାମାନେ ଅନେକ ସମସ୍ୟା ମୁକାବିଲା କରନ୍ତି। କେହି ଶିକ୍ଷା ପାଇଁ ସଂଘର୍ଷ କରନ୍ତି, କେହି ଚାକିରି ପାଇଁ ଚେଷ୍ଟା କରନ୍ତି, ଆଉ କେହି ସାମାଜିକ ପରିବର୍ତ୍ତନ ଆଣିବାକୁ ଚାହୁଁଛନ୍ତି। ଏହି ସବୁ କଥା ବିଷୟରେ ଲୋକଙ୍କୁ ଜାଗ୍ରତ କରିବା ପାଇଁ ଆନ୍ତର୍ଜାତୀୟ ଯୁବକ ଦିବସ ପାଳନ କରାଯାଏ।

ଇତିହାସ

ଏହି ଦିନଟି ପ୍ରଥମେ ୨୦୦୦ ମସିହାରେ ପାଳନ କରାଯାଇଥିଲା। ଜାତିସଂଘ ଏହାକୁ ଆରମ୍ଭ କରିଥିଲେ। ପ୍ରତିବର୍ଷ ଏହି ଦିନ ଏକ ନୂଆ ଥିମ୍ (ବିଷୟ) ରଖାଯାଏ। ଯେପରିକି - "ଯୁବକଙ୍କ ପାଇଁ ଶିକ୍ଷା", "ମାନସିକ ସ୍ୱାସ୍ଥ୍ୟ" କିମ୍ବା "ପରିବେଶ ସୁରକ୍ଷା"।

ଯୁବାଙ୍କ ଭୂମିକା

ଯୁବାମାନେ ହେଉଛନ୍ତି ସମାଜର ଶକ୍ତି। ସେମାନେ ନୂଆ ଚିନ୍ତା ଆଣନ୍ତି, ନୂଆ ପରିବର୍ତ୍ତନ ଆଣନ୍ତି। ବିଜ୍ଞାନ, କଳା, କ୍ରୀଡା, ଶିକ୍ଷା, ଟେକ୍ନୋଲୋଜି - ପ୍ରତ୍ୟେକ କ୍ଷେତ୍ରରେ ଯୁବାମାନେ ଅଗ୍ରଣୀ ହୋଇଛନ୍ତି। ସେମାନେ ଦେଶ ପାଇଁ ମଧ୍ୟ ଅନେକ କାମ କରୁଛନ୍ତି।

କିପରି ପାଳନ କରିବା

- ବିଦ୍ୟାଳୟ ଓ ମହାବିଦ୍ୟାଳୟରେ ଯୁବ ସମ୍ମିଳନୀ କରାଯାଇପାରେ।

- ଯୁବାଙ୍କ ସଫଳତା ବିଷୟରେ ଆଲୋଚନା ହୋଇପାରେ।

- ସାମାଜିକ ମାଧ୍ୟମରେ ଯୁବ ଦିବସର ମହତ୍ତ୍ୱ ବିଷୟରେ ଲେଖାଲେଖି କରାଯାଇପାରେ।

- ଯୁବାଙ୍କ ପାଇଁ ପ୍ରେରଣାଦାୟକ କାର୍ଯ୍ୟକ୍ରମ ଆୟୋଜନ କରାଯାଇପାରେ।

ଯୁବାମାନେ ଯଦି ସଠିକ୍ ଦିଗଦର୍ଶନ ପାଆନ୍ତି, ତେବେ ସେମାନେ ଦେଶକୁ ଆଗକୁ ନେଇଯାଇପାରିବେ। ଆନ୍ତର୍ଜାତୀୟ ଯୁବ ଦିବସ ହେଉଛି ସେମାନଙ୍କୁ ସମ୍ମାନ ଦେବାର ଏକ ସୁଯୋଗ। ଆସନ୍ତୁ, ଆମେ ସମସ୍ତେ ମିଳି ଯୁବଶକ୍ତିକୁ ସମ୍ମାନ ଦେବା ।

ଯୁବଦିବସ ଯୁବଶକ୍ତି ନୂଆଦିଗର୍ଶନ

ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ