"ଆନ୍ତର୍ଜାତୀୟ ପୁସ୍ତକ ପ୍ରେମୀ ଦିବସ"

**************************

କୁହନ୍ତି ଏକ ଭଲ ବନ୍ଧୁ ଜୀବନ ବଦଳାଇ ଦିଏ,

ମୋର ଭଲ ବନ୍ଧୁ ହେଲା ପୁସ୍ତକ।

ଜୀବନରେ ପ୍ରଥମଥର ଯାଇଥିଲି କେନ୍ଦ୍ରାପଡା ପୁସ୍ତକମେଳା ବୁଲିବାକୁ ଉଦ୍ଦେଶ୍ୟ ଥିଲା କିଛି ପୁସ୍ତକ ଘରକୁ ଆଣିପଢ଼ିଲେ depression ଓ stress ଟା କିଛି ସମୟ ପାଇଁ ଦୂରେଇଯିବ।

ପୁସ୍ତକମେଳା ଯାଇଛି ସତ କିନ୍ତୁ ନା ଜାଣିଛି ପୁସ୍ତକର ନାମ ନା ଜାଣିଛି ଲେଖକଙ୍କ ନାମ,

ଯାଇ ଦେଖିଲି ଅନେକ ପୁସ୍ତକପ୍ରେମୀଙ୍କ ଭିଡ଼, ସମସ୍ତେ ଷ୍ଟଲ୍ ରେ କିଛି ସମୟ ପାଇଁ ପୁସ୍ତକ ଗୁଡିକୁ ନିରିଖିବାରେ ବ୍ୟସ୍ତ।

ପ୍ରଥମ ଷ୍ଟଲ୍ ରେ ପହଞ୍ଚିଲି, ଷ୍ଟଲ୍ ବାହାରେ ଠିଆ ହୋଇ ପୁସ୍ତକ ଗୁଡ଼ିକ ଉପରେ ଆଖି ବୁଲୋଉଥାଏ ଯେ ସେ ମଉସା କହିଲେ ମା ଭିତରକୁ ପଳେଇଆସି ଦେଖେ,

ମୁଁ ତ କିଛି କୁଆଡୁ ଜାଣିନି ଚାଲିଆସିଛି।

ଦେଖିଲି ପ୍ରତିଭା ରାୟ mam ଙ୍କର ଏ ପୁସ୍ତକଟି ଯାହାର ନାମ ଥିଲା ବର୍ଷା, ବସନ୍ତ, ବୈଶାଖ।

ମୁଁ ଜାଣିନଥିଲି ହାତରେ ଦେଖୁଥିବା ବହିଟି ଯେ ଗୋଟେ ଉପନ୍ୟାସ ଅଟେ। କାରଣ ଆଗରୁ ମୁଁ କେବଳ ଛୋଟ ଛୋଟ ଗଳ୍ପ ପଢ଼ିଛି, ଛ ମାଣ ଆଠଗୁଣ୍ଠ, ରେବତୀ, ମଲାଜହ୍ନ ପରି ଉପନ୍ୟାସର ନାମ ଶୁଣିଛି ମାତ୍ର କେବେ ପଢ଼ିନି।

ସେ ମଉସା ପୁଣି ପଚାରିଲେ ମା ଆଉ କଣ ନଉନା!

ଯେହେତୁ introvert personality ମୋର ପାଟି ଖୋଲୁ ନ ଥାଏ ,

କେବଳ ଧିର ସ୍ଵରରେ ଆଜ୍ଞା ମୁଁ ଦେଖୁଛି ବୋଲି କହିଲି,

ରାତି ବଢ଼ୁଥାଏ, ଭାଉଜ ପିଠିଆଡୁ ଖେଞ୍ଚି କହିଲେ ଆଲୋ ଆଉ କଣ ଆଣୁନା ନ ହେଲେ ଚାଲ ଆଉ ଏକ ଷ୍ଟଲ୍ ଯିବା।

ଜୀବନ ର ପଛେ ଯାହା ହଉ ମୋର ଫୋଟୋ ଟା ଆଗ।

ଭାଉଜ କୁ କହିଲି ଗୋଟେ ଫଟୋ ଉଠେଇଦେଲ ।

ଆଖିରେ ପଡିଲା ଆଉ ଏକ ପୁସ୍ତକ ଯାହାର ନାମ ହେଲା ବିଭୂତି ପଟ୍ଟନାୟକ sir ଙ୍କର "ପ୍ରେମିକା" ଉପନ୍ୟାସଟି,

ସେଇ ପ୍ରେମିକା ଉପନ୍ୟାସ ଧରି ଫଟୋଟେ ଉଠେଇଦେଲି।

ଯେହେତୁ "ବର୍ଷା ବସନ୍ତ ବୈଶାଖ"ପୁସ୍ତକଟି ଆଗ ଧରିଥିଲି, ଓ ପ୍ରେମିକା ଉପନ୍ୟାସର cover page ଫଟୋ ଦେଖି ଟିକେ କେମିତି କେମିତି ଲାଗିଥିଲା,

ସେ ପୁସ୍ତକକୁ ରଖିବାକୁ ଯାଉଥିଲି ତ, ସେ ମଉସା କହିଲେ ଆଲୋ ମା , ସେ ବହି କୋଉଠୁ ପାଇଲୁ???

ଏ ବହି କୋଉ ଥାକ ରେ ଥିଲା?

ମୁଁ କହିଲି -: ଆଜ୍ଞା ଏଇ ତିନି ନମ୍ବର ଥାକର ପଛକୁ ଥିଲା,cover page ଟା ଟିକେ ଟିକେ ଦିଶୁଥିଲା ବୋଲି କାଢିଆଣିଲି।

ସେ କହିଲେ - ଏ ବହି ବହୁତ୍ ଜଣ ଆଜି ଖୋଜିକି ଯାଇଛନ୍ତି ମୁଁ ଆଉ ପାଇନି, ତୁ ନେଇଯା ବହୁତ୍ ବଢିଆ ଉପନ୍ୟାସ ବିଭୂତି ପଟ୍ଟନାୟକଙ୍କର ।

ମଉସାଙ୍କ କଥାକୁ ଆଉ କାଟି ହେଲା ନି।

ବାଧ୍ୟ ହୋଇ କହିଲି କି ମଉସା ମୁଁ ପୁସ୍ତକ ପ୍ରେମୀ ହେଲେ ମଧ୍ୟ ମତେ ଜଣା ନାହିଁ କେଉଁ ବହି କେଉଁ ଲେଖକଙ୍କର , ଆଉ ଦ୍ଵିତୀୟ କଥା ମୋ ମନ କିଛି ଦିନ ହେବ ଅସ୍ଥିର ଅଛି , ଶୁଣିଲି ଭଲ ପୁସ୍ତକ କାଳେ ମନକୁ ଠିକ୍ କରିଦିଏ, ଯଦି ଆପଣ କେଉଁ ପୁସ୍ତକ ପଢିବି ଟିକେ ପରାମର୍ଶ ଦିଅନ୍ତେ .....

ମୋ କଥା ସରିନି ମଉସା ମୁଣ୍ଡ ହଲେଇ

ଆଉ ଦୁଇଟି ବହି କାଢ଼ିକି ଦେଲେ, ଯାଜ୍ଞସେନୀ ଓ ଚିତ୍ରପ୍ରିୟା ଉପନ୍ୟାସ।

କହିଲେ ମା ଏ ସବୁ ପଢ଼। ତୋ ମନ ନିଶ୍ଚୟ ବଦଳିବ ।

ଏ କଥା ହେଲାଣି ପ୍ରାୟ 2 ବର୍ଷ।

ଆଉ ଦୁଇବର୍ଷ ପରେ ମୁଁ ଆଜି ଆନ୍ତର୍ଜାତୀୟ ପୁସ୍ତକ ପ୍ରେମୀ ଦିବସ ରେ କହୁଛି କି ପୁସ୍ତକ ଛଡ଼ା ଆଉ ଭଲ ବନ୍ଧୁ ନାହିଁ ।

ମୋ ଲେଖିବା ଆରମ୍ଭ ଯଦି ଓ "ପ୍ରେମିକା" ଉପନ୍ୟାସ ପଢ଼ିବା ପରେ ଅଧିକ ହୋଇଥିଲା କିନ୍ତୁ "ବର୍ଷା ବସନ୍ତ ବୈଶାଖ" ଉପନ୍ୟାସଟି ପଢ଼ିବା ପରେ, ଗୋଟେ ଝିଅ ହିସାବରେ ମୋ ଜୀବନ ବଦଳିଯାଇଥିଲା, ନିର୍ଭୟରେ ବଞ୍ଚିବା ଆରମ୍ଭ କରିଥିଲି ସେଇଦିନୁ।🙏❤️

ଆନ୍ତର୍ଜାତୀୟ ପୁସ୍ତକ ପ୍ରେମୀ ଦିବସ ର ଶୁଭେଚ୍ଛା🙏🏻❤️

ପୁସ୍ତକ ପ୍ରେମରେ ପଡୁଥାନ୍ତୁ ଓ ଶବ୍ଦ ଗହଣେ ହଜୁଥାଆନ୍ତୁ।🙏

- ଅରୁନ୍ଧତୀ ଆକାଂକ୍ଷା

"ଆନ୍ତର୍ଜାତୀୟ ପୁସ୍ତକ ପ୍ରେମୀ ଦିବସ"

କୁହନ୍ତି ଏକ ଭଲ ବନ୍ଧୁ ଜୀବନ ବଦଳାଇ ଦିଏ......