ଉପକ୍ରମ -

ଅରାଜକତାବାଦ ତଥା ଆଜି ଆମେ ଆଲୋଚନା କରିବା ଅରାଷ୍ଟ୍ରବାଦ ର ସମ୍ପୂର୍ଣ ବିବରଣୀ କୁ l ଜାଣିବା, ବୁଝିବା ଅରାଜକତାବାଦ କଣ? ଆଉ ତାହା ରିଲେଟେଡ ସମ୍ପୂର୍ଣ ତଥ୍ୟ ଉପରେ l

କହିବା କଥା ହଉଛି ଆମେ ସମସ୍ତେ ରାଷ୍ଟ୍ର କୁ ଭଲ ପାଇଥାଉ ଆଉ ସଂମାନ ବି କରିଥାଉ l କିନ୍ତୁ ଏମିତିବି ବହୁତ ଲୋକ ଅଛନ୍ତି କି, ଯୋଉମାନେ ରାଷ୍ଟ୍ର କୁ ଭଲ ପାନ୍ତି ନାହିଁ, ସଂମାନ ବି କରନ୍ତି ନାହିଁ l ଆପଣଙ୍କ ନଜର କୁ ଏମିତି କିଛି କଥା ଆସିଥିବ ନିଶ୍ଚିତ l

ଆମେ ରାଷ୍ଟ୍ର କୁ ଏଥିପାଇଁ ଭଲ ପାଇଥାଉ କି ଆମକୁ ରାଷ୍ଟ୍ର ବହୁତ କିଛି ଦେଇଥାଏ l ଆଉ ଆମେ ମାନେ ହଉଛୁ ରାଷ୍ଟ୍ର ର ଜଣେ ଜଣେ ନାଗରିକ l ନାଗରିକ ହିସାବରେ ରାଷ୍ଟ୍ର ପତି ଆମର କର୍ତ୍ତବ୍ୟ ମଧ୍ୟ ରହିଛି l

ଯେଉଁ ମାନେ ରାଷ୍ଟ୍ରକୁ ଭଲ ପାଆନ୍ତି ନାହିଁ ରାଷ୍ଟ୍ର କୁ ଘୃଣା କରନ୍ତି,ରାଷ୍ଟ୍ରର ଆମେ କୌଣସି ସଂଜ୍ଞା ରଖିବା ନାହିଁ,ରାଷ୍ଟ୍ର ଗୁଟେ ସ୍ଥାଇ ଜିନିଷ ନୁହେଁ l ଏହାକୁ ହିଁ ଆମେ କହିଥାଉ ଅରାଜକତାବାଦ ବା ଅରାଷ୍ଟ୍ରବାଦ l

ଅରାଜକତାବାଦ ବା ଅରାଷ୍ଟ୍ରବାଦ ର ମୌଳିକ ଧାରଣା -

ଅରାଜକତା ବାଦ ଅରାଷ୍ଟ୍ରବାଦ ହେଉଛି ଅଷ୍ଟାଦଶ ଶତାବ୍ଦୀର ଏକ ଆନ୍ଦୋଳନ lରାଷ୍ଟ୍ରର ସତ୍ତା ନ ରଖିବା ହିଁ ହେଉଛି ଏହାର ମୌଳିକ ଦର୍ଶନ lଏହା ମନୁଷ୍ୟ ଆଚରଣର ଏକ ତତ୍ତ୍ଵ ଯାହାକି ରାଷ୍ଟ୍ରବିହୀନ ସମାଜରେ ପରିକଳ୍ପନା କରାଯାଏ lପ୍ରାଚୀନ କାଳରେ ଗ୍ରୀସ ର କେତେକ ଷ୍ଟ୍ରୋଇକ୍କୁ ଦାର୍ଶନିକ ରାଷ୍ଟ୍ର ଓ କେତେକ ରାଜନୈତିକ ଅନୁଷ୍ଠାନ ଗୁଡିକର ଗୁରୁତ୍ୱ ହ୍ରାସ କରିବା ପାଇଁ ଯୁକ୍ତି ବାଢିଥିଲେ lପ୍ରାଚୀନ ସମୟରେ ଜେନୋ ଏକ ଆଦର୍ଶ ରାଷ୍ଟ୍ରର ପରିକଳ୍ପନା କରିଥିଲେ lଯେଉଁଠାରେ କି ସମ୍ପତ୍ତି, ନ୍ୟାୟାଳୟ,ସରକାର ସ୍ଥାନ ରହିବ ନାହିଁ l

ପ୍ଲାଟୋ ଓ ଆରିଷ୍ଟୋଟଲଙ୍କ ମତରେ ସୁନ୍ଦର ଓ ସୁସ୍ଥ ଜୀବନଯାପନ କରିବା ପାଇଁ ଶୃଙ୍ଖଳିତ ରାଷ୍ଟ୍ରରେ ସମ୍ଭବ ନୁହେଁ l ଏହା ସମ୍ଭବ ହେବ ଯେଉଁଠାରେ କି ବ୍ୟକ୍ତି ନିଜର ସ୍ୱାଭାବିକ ପ୍ରବୃତ୍ତି ଅନୁସାରେ ସାମାଜିକ ନ୍ୟାୟ ପ୍ରତିଷ୍ଠା ପାଇଁ ନିଜକୁ ନିଜ ସକ୍ଷମ ହେବ l

ବିବେକବନ୍ତ ବ୍ୟକ୍ତିଙ୍କୁ ସ୍ୱାଧୀନତାରୁ ବଞ୍ଚିତ କରି ରାଜନୀତି କଟକଣାରେ ରଖିବା ଆଦୌ ଯଥାର୍ଥ ନୁହେଁ ନାହିଁ lମଧ୍ୟ ଯୁଗରେ ମଧ୍ୟ ବ୍ୟକ୍ତିର ସ୍ୱାଧୀନତାକୁ ହସ୍ତକ୍ଷେପ କରାଯାଇନାହିଁ lଆଧୁନିକ ଯୁଗରେ ମଧ୍ୟ ବ୍ୟକ୍ତିର ବ୍ୟକ୍ତିତ୍ୱ ବିକାଶ ସଫଳତା ହାସଲ କରିବା ଦିଗରେ ପ୍ରତିବନ୍ଧକ ସୃଷ୍ଟି କରାଯାଇନାହିଁ l

ପ୍ରବକ୍ତା -

ଅରାଜକତା ବାଦ ତଥା ଅରାଷ୍ଟ୍ରବାଦର ମୁଖ୍ୟ ପ୍ରବକ୍ତା ଥିଲେ ଉଇଲିୟମ ଗଡଉଇନ,Proudhon,ଲିଓ ଟଲଷ୍ଟୟ,ବାକୁନିକ,କୋପଟକିନ l

ଅରାଜକତାବାଦ ପରମ୍ପରା -

ଅରାଜକତାବାଦ ପ୍ରାୟତଃ ଅଷ୍ଟାଦଶ ଶତାବ୍ଦୀର ଏକ ଆନ୍ଦୋଳନ lରାଷ୍ଟ୍ରର ସତ୍ତା ନ ରଖିବା ହେଉଛି ଏହାର ମୌଳିକ ଦର୍ଶନ l ଏହା ମନୁଷ୍ୟ ଜୀବନ ଓ ଆଚରଣ ର ଏକ ତତ୍ତ୍ୱ ଯାହା ରାଷ୍ଟ୍ରବିହୀନ ସମାଜରେ ହିଁ କେବଳ ପରିକଳ୍ପନା କରାଯାଏ l

ଅରାଜକତାବାଦ ର ଅର୍ଥ -

କୌଣସି ପ୍ରକାର ରାଜନୈତିକ ତତ୍ତ୍ବର ସ୍ଥିତି ନ ଥିବା ଅବସ୍ଥାକୁ ଅରାଜକତା କୁହନ୍ତି lଅର୍ଥାତ୍ ଯେଉଁ ସମାଜରେ କତ୍ତୃତ୍ୱ ରୁହେ ନାହିଁ ତାହାକୁ ଅରାଜକତା କୁହାଯାଏ l

* ସମସ୍ତ ପ୍ରକାର ରାଜନୈତିକ ଶାସନ କ୍ଷମତାକୁ ବିରୋଧ କରିବା ହେଉଛି ଅରାଜକତା ବାଦର ମୌଳିକ ଲକ୍ଷ୍ୟ l

*ଏହା ମଧ୍ୟ ଆନୁଷ୍ଠାନିକ ଧର୍ମ ତଥା ବେସରକାରୀ ସଂପତ୍ତି ବ୍ୟବସ୍ଥାକୁ ବିରୋଧ କରିଥାଏ l

*ଅରାଜକତାବାଦୀ ମାନେ ବିଚାର କରନ୍ତି ଯେ ରାଷ୍ଟ୍ର ହେଉଛି ବଳପ୍ରୟୋଗକାରୀ ଏବଂ ତାହାର ରାଜନୈତିକ କ୍ଷମତା ଅଦରକାରୀ ଓ ଅବାଞ୍ଛିତ l

*କ୍ରୋପୋଟନିକ ଙ୍କ ମତରେ -ଅରାଜକତାବାଦୀ ବ୍ୟବସ୍ଥାରେ କୌଣସି ବାଧ୍ୟ ବାଧକତା,ଆଇନ ଓ ବଳ ପ୍ରୟୋଗ କରୁଥିବା କୌଣସି ସରକାର ରହିବେ ନାହିଁ l

l*ଜେଏସ ରୋସେକ ଭାଷାରେ - ଅରାଜକତା ବାଦ ର ସାରଭୂତ ବୈଶିଷ୍ଟ୍ୟ ହେଉଛି ସମସ୍ତ ସଂସ୍ଥାପିତ କତୃ ପକ୍ଷ ଙ୍କ ବିଲୋପ ବ୍ୟକ୍ତିଙ୍କୁ ରାଜନୈତିକ,ସାମ୍ପ୍ରତିକ କିମ୍ବା ଧାର୍ମିକ ଆଦି ସକଳ ପ୍ରକାର ବନ୍ଧନରୁ ସମ୍ପୂର୍ଣ୍ଣ ମୁକ୍ତ ହେବା l

ଅରାଜକତାବାଦ ତତ୍ତ୍ୱ ଉନବିଂଶ ଶତାବ୍ଦୀର ଦ୍ୱିତୀୟ ଭାଗରେ ପୂର୍ଣ୍ଣ ବିକଶିତ ହୋଇ ଥିଲେ ମଧ୍ୟ ବହୁ ଅତୀତ କାଳରେ ଏହାର ମୌଳିକ ଚିନ୍ତାଧାରା ଦେଖିବାକୁ ମିଳିଥିଲା lଆଧୁନିକ ଅରାଜକତାବାଦ ଗୋଡୱିନଙ୍କ ଦ୍ୱାରା ପ୍ରସ୍ତାବିତ ହୋଇଥିବା କଥା ଅନୁମାନ କରାଯାଏl

lସେ ରାଜନୈତିକ କର୍ତ୍ତୃପକ୍ଷ ବେସରକାରୀ ସମ୍ପତ୍ତିକୁ ସମ୍ପୂର୍ଣ୍ଣ ବିରୋଧ କରୁଥିବା ବେଳେ ନିଜକୁ ପ୍ରକାଶ୍ୟରେ ପ୍ରଥମେ ଅରାଜକତାବାଦୀ ଘୋଷଣା କରିଥିବା ଜୋସେଫ ସମ୍ପତ୍ତି କୁ ଚୋରି କରି ଥିବା ଘୋଷଣା କରିଥିଲେ lଯାହାର ସୁରକ୍ଷା ନିମନ୍ତେ ରାଷ୍ଟ୍ର ସୃଷ୍ଟି ହୋଇଥିଲା l

1.ଜୋସିଆ ୱାରେନ ଓ ବେଞ୍ଜାନିମ ଡକର ବ୍ୟକ୍ତିବାଦୀ ଅରାଜକତା ବାଦର ଗୋଷ୍ଠୀର ତତ୍ତ୍ୱ ପ୍ରଚାର କରିଥବା ବେଳେ ମାଇକେଲ ବକୁନିନ ସାମ୍ୟ ବାଦି ଅରାଜକତା ବାଦର ପ୍ରବକ୍ତା ଥିଲେ l

2.ଉଭୟ ଅରାଜକତାବାଦୀ ଓ ସାମ୍ୟବାଦୀ ମାନେ ରାଷ୍ଟ୍ର ର ବିଲୟ ଚାହୁଁଥିଲେ ମଧ୍ୟ ସେମାନେ ପରସ୍ପର ସମାନ ନୁହଁନ୍ତି l

3.ସାମ୍ୟବାଦୀ ମାନେ ଲକ୍ଷ୍ୟ ହାସଲ ପର୍ଯ୍ୟନ୍ତ କିଛି କାଳ ପାଇଁ ରାଷ୍ଟ୍ରକୁ ବରଦାସ୍ତ କରୁଥିବା ସମୟରେ,ଅରାଜକତା ବାଦୀମାନେ ରାଷ୍ଟ୍ରକୁ ତିଳେ ହେଲେ ଚାହାଁନ୍ତି ନାହିଁ l

4.ପୁନଶ୍ଚ ସାମ୍ୟବାଦୀମାନେ ସ୍ପଷ୍ଟ ଭାବରେ ଏକ ଶ୍ରେଣୀବିହୀନ ସାମ୍ୟବାଦୀ ସମାଜ ପ୍ରତିଷ୍ଠା କରିବାକୁ ଚାହାଁନ୍ତି ମାତ୍ର ଅରାଜକତା ବାଦୀମାନେ ସେମାନେ ଚାହୁଁଥିବା ସମାଜ ବିଷୟରେ ସ୍ପଷ୍ଟ ଚିତ୍ର ଆଙ୍କିବାରେ ବ୍ୟର୍ଥ ହୋଇଥାନ୍ତି l

ସଂଜ୍ଞା ଓ ଅର୍ଥ -

କୋକର ଙ୍କ ମତରେ -ଯେଉଁ ମତବାଦରେ କୌଣସି ରୂପରେ ହେଲେ ମଧ୍ୟ ରାଜନୈତିକ କର୍ତ୍ତୃତ୍ୱ ର ଆବଶ୍ୟକତା ଓ ଅବାଞ୍ଛିତ ପ୍ରତିପାଦନ କରାଯାଏ ତାହାକୁ ଅରାଜକତାବାଦ କୁହାଯାଏ ଲ

ହକସେଲ ଙ୍କ ମତ ମତରେ -ଅରାଜକତା ବାଦ ଏପରି ଏକ ସମାଜର ରାଷ୍ଟ୍ର ଯେଉଁଥିରେ କି ସମାଜର ପ୍ରତ୍ୟେକ ନାଗରିକ ନିଜ ଦ୍ୱାରା ନିଜେ ଶାସନ ର ସରକାର ଅଟେ l

ଗେଟେଲ୍ ଙ୍କ ମତ ରେ- ଉନ୍ନବିଂଶ ଶତାବ୍ଦୀର ଉଦାରବାଦ ଏବଂ ସମାଜବାଦର ପ୍ରବାତକୁ ବିଚ୍ଛୁରିତ କରିବା ପାଇଁ ଯେଉଁ ଯୁକ୍ତି ଦ୍ୱାରା ସମାଜକୁ କର୍ତ୍ତୃତ୍ୱବିହୀନ କରିବାର ବ୍ୟବସ୍ଥା ଥାଏ,ତାହାକୁ ଅରାଜକତାବାଦ କୁହାଯାଏ

ବିଶ୍ଳେଷଣ -

ଉପରୋକ୍ତ ସଂଜ୍ଞାଗୁଡ଼ିକରୁ ଜଣା ପଡ଼େ ଯେ ଅରାଜକତାବାଦରେ କୌଣସି ପ୍ରକାର ରାଷ୍ଟ୍ରର ସ୍ଥିତି ନାହିଁ lଏଥିରେ ମୁକ୍ତ ସମାଜ ପ୍ରତିଷ୍ଠା ହେବ ଯାହାର କି ଆଧାର ହେବ ସହଯୋଗ l ସମସ୍ତ ବ୍ୟକ୍ତି ସେମାନଙ୍କର ଜୀବନଶୈଳୀକୁ ପାରସ୍ପରିକ ପ୍ରେମ ଓ ବୁଝାବଣାରେ ସେମାନଙ୍କର ଜୀବନକୁ ଅତିବାହିତ କରିଥାନ୍ତି lଏହି ବ୍ୟବସ୍ଥାରେ ଶୋଷଣର ସ୍ଥାନ ନଥାଏ l

ରାଷ୍ଟ୍ର ର ଉଚ୍ଛେଦ ଅର୍ଥ ରାଜନୈତିକ ସୀମାକୁ ଉଚ୍ଛେଦ କରିବା lଏମାନେ ଧର୍ମ ଘରୋଇ ଅନୁଷ୍ଠାନ କୁ ବିରୋଧ କରନ୍ତି lଏହାଦ୍ୱାରା ସ୍ୱାଧୀନତା ସମାନତା ଓ ଭାତୃତ୍ୱ ଭାବପ୍ରତିଷ୍ଠା ହବ lସ୍ବାଭାବିକ ଭାବେ ଅପରାଧ କମିବ l ଶିକ୍ଷାର ପ୍ରସାର ଘଟିଲେ ଅପରାଧ ରହିବନାହିଁ ଓ ପରସ୍ପର ମଧ୍ୟରେ ସହଯୋଗର ବୃଦ୍ଧି ଘଟିବ l

ଅରାଜକତାବାଦ ର ବୈଶିଷ୍ଟ୍ୟ -

1.ମୁକ୍ତ ଜୀବନ ଶୈଳୀ ଆଧାରିତ -

ଅରାଜକତା ବାଦ ବ୍ୟକ୍ତିର ମୁକ୍ତ ଜୀବନ ଶୈଳୀ ଉପରେ ଆଧାରିତ lଏଠାରେ ବ୍ୟକ୍ତି ପୂର୍ଣ୍ଣ ସ୍ୱାଧୀନତା ହାସଲ କରିଥାଏ lଫଳରେ ବ୍ୟକ୍ତିର ବ୍ୟକ୍ତିତ୍ୱ ସହଜ ରୂପରେ ସଫଳ ହୁଏ lବ୍ୟକ୍ତି ହିସାବରେ ବ୍ୟକ୍ତି ରାଷ୍ଟ୍ରୀୟ ଶୃଙ୍ଖଳାରୁ ମୁକ୍ତ ହେବ lକର୍ତ୍ତୁତ୍ଵର ଉର୍ଦ୍ଧରେ ରହି ବ୍ୟକ୍ତି ତାର ଜୀବନ ଯାପନ କରିବl

2.ସରକାରଙ୍କୁ ସମାଲୋଚନା - ଅରାଜକତାବାଦୀ ମାନେ ଯେ କୌଣସି ପ୍ରକାରର ସରକାରଙ୍କୁ ସମାଲୋଚନା କରିଥାନ୍ତି lକାରଣ ସରକାର ଅର୍ଥ ବଳ ପ୍ରୟୋଗ ଏବଂ ବ୍ୟକ୍ତିଗତ ସ୍ୱାଧୀନତାକୁ ସଙ୍କୁଚିତ କରିଥାଏ lମାତ୍ର ଏହା ପରସ୍ପରର ସ୍ନେହ ଶ୍ରଦ୍ଧା ଓ ସହଯୋଗ ଉପରେ ବିଶ୍ୱାସ ରଖେ lଦୃଢ଼ ଭାବେ ଏହା ବଳ ପ୍ରୟୋଗକୁ ବିରୋଧ କରେ କିନ୍ତୁ ଶୃଙ୍ଖଳାକୁ ନୁହେଁ l

3.ରାଷ୍ଟ୍ର ଏକ ଅନାବଶ୍ୟକ ସଂସ୍ଥା -

ଅରାଜକତା ବାଦୀମାନେ ରାଷ୍ଟ୍ରକୁ ଏକ ଅନାବଶ୍ୟକ ସଂସ୍ଥା ରୂପରେ ଗ୍ରହଣ କରିଥାନ୍ତି lକାରଣ ରାଷ୍ଟ୍ର ବ୍ୟକ୍ତିର ସ୍ୱାଧୀନତାକୁ ସଂକୁଚିତ କରିବା ସହ ତାର ବିବେକକୁ ବଳ ପ୍ରୟୋଗ ଦ୍ଵାରା ଲୁଟିଥାଏ l ରାଷ୍ଟ୍ର ରେ ପୋଲିସ ବାହିନୀ ଓ ଜେଲ ନ୍ୟାୟ ପ୍ରତିଷ୍ଠା ଦ୍ୱାରା ଦୁର୍ନୀତି ଓ ଅନ୍ୟାୟ ବଢ଼ି ବଢ଼ି ଚାଲେ ମାତ୍ର ଅନ୍ତ ହୁଏ ନାହିଁ lତେଣୁ ଏହା ଏକ ଅନାବଶ୍ୟକ ସଂସ୍ଥା l

4.ବ୍ୟକ୍ତିଗତ ସମ୍ପତିର ବିରୋଧ -

ଅରାଜକତାବାଦୀ ମାନେ ବ୍ୟକ୍ତିଗତ ସମ୍ପତି କୁ ସମ୍ପୂର୍ଣ ବିରୋଧ କରିଥାନ୍ତି କାରଣ ବ୍ୟକ୍ତିଗତ ସମ୍ପତି ଅର୍ଥନୈତିକ ବୈଷମ୍ୟ ଓ ସାମାଜିକ ବିପ୍ଳବ ର ମୂଳ କାରଣ ରୁପେ ମୁଣ୍ଡ ଟେକିଥାଏ l

5.ସ୍ବେଛାକୃତ ସଂଘ ଗଠନ -

ଅରାଜକତାବାଦୀ ମାନେ ସ୍ୱେଚ୍ଛାକୃତ ସଂଗଠନରେ ଅଧିକ ବିଶ୍ୱାସ କରିଥାନ୍ତି lବ୍ୟକ୍ତି ନିଜର ଇଛା ଅନୁସାରେ ଏଥିରେ ସଦସ୍ୟ ହୁଏ ଏହି ସଂଘଗୁଡ଼ିକ ବ୍ୟକ୍ତିର ସୁରକ୍ଷା ଜାତି ରକ୍ଷା ପ୍ରତି ଦୃଷ୍ଟି ଦେଇଥାନ୍ତି l ସମାଜର ବିକେନ୍ଦ୍ରୀକରଣ ନୀତି ଅନୁସାରେ ସ୍ଥାନୀୟ କର୍ମବର୍ଦ୍ଧିଷ୍ଣୁ ଭାବେ ସମଗ୍ର ଜାତିକୁ ନେଇ ଏକ ବିରାଟ ସଂଘରେ ପରିଣତ ହୁଏ l

6.ମୁକ୍ତ ସମାଜ ଗଠନ -

ଅରାଜକତା ବାଦୀମାନେ ମୁକ୍ତ ସମାଜ ଗଠନରେ ବିଶ୍ୱାସ କରନ୍ତି lଅଭାବ, ଅନ୍ୟାୟ, ଅନାଟନ,ଯନ୍ତ୍ରଣା ଅତ୍ୟାଚାର ଇତ୍ୟାଦିରେ ସମାଜରେ କୌଣସି ସ୍ଥାନ ନାହିଁ lଏହି ସମାଜ ହେଉଛି ରାଷ୍ଟ୍ରହୀନ ଏବଂ ଶ୍ରେଣୀହୀନ ସମାଜ lଏଠାରେ କ୍ଷମତାର ଉଚ୍ଛେଦ କରାଯାଇଛି lଆଉ କ୍ଷମତା ମଣିଷକୁ ଅତ୍ୟାଚାର କରେl

7.ନେତୃତ୍ୱରୁ ମୁକ୍ତି -

ଏହି ବ୍ୟବସ୍ଥାରେ ବ୍ୟକ୍ତିକୁ ଅର୍ଥନୈତିକ ମୁକ୍ତି,ନୈତିକ ମୁକ୍ତି ଏବଂ ରାଜନୈତିକ ସ୍ୱାଧୀନତା ମିଳିଥାଏ lଏଠାରେ ରାଜନୈତିକ ନିୟନ୍ତ୍ରଣକାରୀ କର୍ତ୍ତୃତ୍ଵର ବିଲୋପ ଘଟେ l ଧର୍ମର ନିୟନ୍ତ୍ରଣରୁ ମୁକ୍ତି ଲାଭକରି ବ୍ୟକ୍ତି ନିଜର ନୈତିକତା ପ୍ରତିଷ୍ଟିତ କରିଥାଏ l

ଅରାଜକତାବାଦ ର ତତ୍ତ୍ୱ ଓ ସିଦ୍ଧାନ୍ତ -

*ରାଷ୍ଟ୍ର ଏକ ନିରର୍ଥକ ଓ ଅନାବଶ୍ୟକ ସଂସ୍ଥା

*ମନୁଷ୍ୟର ଭଲ ଗୁଣକୁ ସମର୍ଥନ କରିବା

*ଧର୍ମକୁ ବିରୋଧ କରିବା

*ସାମ୍ରାଜ୍ୟବାଦର ବିରୋଧ କରିବା

*ବିକେନ୍ଦ୍ରୀକରଣରେ ବିଶ୍ବାସ କରିବା

*ରାଜ୍ୟ ବିହୀନ ତଥା ବର୍ଗ ବିହୀନ ସମାଜ

ଶେଷକଥା -

ଅରାଜକତା ବାଦ ଏକ ଆଦର୍ଶ ବାଦୀ ରାଜନୈତିକ ଦର୍ଶନ ଅଟେ lଯାହା ରାଷ୍ଟ୍ର କୁ ସମାପ୍ତ କରିବା କଥା କେବଳ କରିଥାଏ lଏହା ମଧ୍ୟ କୁହାଯାଏ କି ଜୀବନର ଶ୍ରେଷ୍ଠ ହେଉଛି ସ୍ୱାଧୀନତା,ରାଷ୍ଟ୍ରର ଶକ୍ତି ହେଉଛି ସେଥିରେ ବହୁତ ବାଧା ସୃଷ୍ଟିକାରି ବୋଲି କୁହାଯାଏ lଅରାଜକତାବାଦଙ୍କର ବିଚାରକ ମାନଙ୍କ ମଧ୍ୟରେ ସେମାନେ ସବୁ ପ୍ରକାରର ବାଧାରୁ ମୁକ୍ତି ପାଇବାକୁ ଚାହୁଁଛନ୍ତି l

ଏହାକୁ ନେଇ ଅନେକଙ୍କ ମନରେ ଅନେକ କଥା ରହିଥାଏ l ନିଶ୍ଚିତ ପଢିବେ ବୋଲି ଆଶା l🙏

ଅରାଜକତାବାଦ (ଅରାଷ୍ଟ୍ରବାଦ) ସମ୍ପୂର୍ଣ ବିବରଣୀ Anarchism

ଅରାଜକତା( Anarchy )ଏକ ଆଦର୍ଶ, ଯାହାର ସିଦ୍ଧାନ୍ତ ଅରାଜକତାବାଦ(Anarchism )ଅଟେ l