ଆତ୍ମଶକ୍ତି
🌹🌹🌹🌹
ପଞ୍ଚ ଇନ୍ଦ୍ରିୟ ତୋ ଜାଗ୍ରତ ରହିଲେ
ହେବ କର୍ମରେ ସୁଧାର,
ସତକର୍ମ ପାଇଁ ସଦ୍ ଜ୍ଞାନ ଭାଇ
ହୋଇଥାଏ ଦରକାର।
ବିଦ୍ୟାବୁଦ୍ଧିଜ୍ଞାନ ମାନବ ଜୀବନ
ଶୃଙ୍ଖଳିତ କରି ଥାନ୍ତି ,
ଉତ୍ତମ ଜ୍ଞାନ ଟି ପ୍ରାପତ ହୋଇଲେ
ଆତ୍ମଶକ୍ତି ବୃଦ୍ଧି ହୋନ୍ତି।
ବଳବୁଦ୍ଧି ଥିଲେ କର୍ମ କରିବାକୁ
ତତ୍ପର ହୁଏ ମାନବ ,
ଧି ଶକ୍ତି ରବୁଦ୍ଧି ଆତ୍ମଶକ୍ତି ବଳେ
ସବୁ ସଫଳ ହୋଇବ।
ସବୁବେଳେ ସବୁ ମାନବ ଜୀବନେ
ଶକ୍ତି ଆବଶ୍ୟକ ହୁଏ,
ଉତ୍ତମ ଜ୍ଞାନର ପ୍ରାପ୍ତି ହୋଇଗଲେ
ଜନମ ସଫଳ ହୁଏ ।
ଆତ୍ମଶକ୍ତି ବେଳେ ଦୁର୍ବଳ ଜନ ବି
କର୍ମ ପିପାସୁ ହୋଇବ ,
ଦୃଢ଼ ଆତ୍ମଶକ୍ତି ଦୁର୍ବଳ ଜନର
ଆତ୍ମ ବଳ ବଢ଼ାଇବ ।
ଶରୀର ବଳ ଠାରୁ ଆତ୍ମବଳ ଟି
ବହୁତ ଗୁଣରେ ବଡ଼ ,
ସକ୍ରିୟ ହୋଇଲେ ଆତ୍ମଶକ୍ତି ଜାଣ
ଉଠି ବସିବ ଯେ ଜଡ ।
ବାହାସ୍ପଟ ମାରି ବୃଥା ଆଳାପରେ
ସମୟ ନ ସାର ଭାଇ ,
ଅନ୍ତର୍ନିହିତ ଜ୍ଞାନ ଗୁଣ ଚିହ୍ନି
କର୍ମ କରି ଯାଅ ତୁହି ।
ସମଦର୍ଶୀ ହେବ ଅନ୍ତରରେ ଆଣି
ଭୁଲି ନିଜ ପର ଭାବ,
ସମାଜର ନିଜ କର୍ମ କର୍ତ୍ତବ୍ୟ ର
ଉପଯୋଗ କର ଠାବ।
ମନ ମୁକୁରରେ ଶୁଦ୍ଧ ବ୍ୟକ୍ତିତ୍ଵ ର
ପ୍ରତିମୂର୍ତ୍ତିଟିକୁ ଦେଖ ,
ଆତ୍ମଶକ୍ତି ଟିକୁ ଦୃଢ଼ କରି ରଖ
ନିଜ କର୍ମକୁ ପରଖ।
ନିଜ ତ୍ରୁଟିମାନ ଦୃଶ୍ୟମାନ ହେଲେ
ନିଜକୁ ସୁଧାରି ଦେବୁ
ସଂସାରରେ ଭଲ କର୍ମମାନ କରି
ଏଭବୁ ଉଦ୍ଧରି ଯିବୁ।

ଲିଳା ମୟୀ ଦାଶ
କେନ୍ଦ୍ରାପଡ଼ା

ଆତ୍ମ ଶକ୍ତି

atma sakti