ଆଜିର ଜଗତରେ ଆତ୍ମାରକ୍ଷା ଓ ସମାଜର ସୁରକ୍ଷା ଦୁଇଟି ଅତି ଆବଶ୍ୟକ ବିଷୟ। ବେଶ କିଛି ଅସୁବିଧା ଓ ଅସୁରକ୍ଷିତ ଅବସ୍ଥା ଦୃଢ଼ ଭାବେ ବଢ଼ି ଚାଲିଛି। ଏହି ପରିସ୍ଥିତିରେ ପ୍ରତ୍ୟେକ ଲୋକଙ୍କ ଆବଶ୍ୟକ ହେଉଛି ନିଜକୁ ସୁରକ୍ଷିତ ରଖିବା, ସହଯୋଗରେ ସମାଜକୁ ମଧ୍ୟ ରକ୍ଷା କରିବା।

ଆତ୍ମାରକ୍ଷାର ଅର୍ଥ ଓ ଆବଶ୍ୟକତା

ଆତ୍ମାରକ୍ଷା ଅର୍ଥ ହେଉଛି ନିଜ ଶରୀର, ମନ ଓ ଆତ୍ମାକୁ ବିପଦ, ଅନ୍ୟାୟ, ଅପରାଧ, ନିର୍ମମତା ଓ ଅନ୍ୟ ଅସୁବିଧାରୁ ବଞ୍ଚେଇବା। ଆମେ ଯେଉଁଠି ରହୁଛୁ, ଯେଉଁ କାମ କରୁଛୁ, ତାହାଠାରୁ ବିଭିନ୍ନ ଧରଣର ସମସ୍ୟା ଆସିପାରେ। ସେଥିରୁ ବଞ୍ଚିବା ପାଇଁ ସଚେତନ ଓ ତତ୍ପର ହେବା ଆବଶ୍ୟକ।

ସେଇପାଇଁ ଆତ୍ମାରକ୍ଷା ଶିକ୍ଷା ଦିଆଯିବା ଦରକାର। ବିଶେଷକରି ଝିଅମାନେ, ବୃଦ୍ଧମାନେ ଓ ଶିଶୁମାନେ ବେଶି ସମୟ ଅପରାଧର ଶିକାର ହୁଅନ୍ତି। ସେମାନେ ନିଜକୁ ସୁରକ୍ଷିତ ରଖିବା ଦୃଢ଼ ଶିକ୍ଷା ନେବା ଦରକାର।

ଆତ୍ମାରକ୍ଷା ଶିକ୍ଷା କେମିତି ମିଳିପାରେ?

ବିଦ୍ୟାଳୟ ଓ ମହିଳା ସଂଗଠନରେ ନିୟମିତ ଭାବରେ ଆତ୍ମାରକ୍ଷା ଶିବିର କରାଯିବା ଦରକାର। କରାତେ, ଜୁଡୋ, ଯୋଗା, ଓ ମାନସିକ ଶକ୍ତି ବଢ଼ାଇବା ଅଭ୍ୟାସ ଯେଉଁଠି ଶିଖାଯିବ, ତାହା ଦ୍ୱାରା ଲୋକେ ନିଜ ପାଇଁ ନିଜେ ରକ୍ଷା କରିପାରିବେ। ତେବେ ଏହା କେବଳ ଶରୀରିକ ଶକ୍ତି ନୁହେଁ, ବୁଦ୍ଧିମତା ଓ ସଚେତନତା ମଧ୍ୟ ଆବଶ୍ୟକ।

ସମାଜର ସୁରକ୍ଷା – ସାଧାରଣ ଲୋକର ଦାୟିତ୍ୱ

ଏକ ସୁସଂଘଟିତ, ଶାନ୍ତିମୟ ଓ ଉନ୍ନତ ସମାଜ ତିଆରି କରିବା ପାଇଁ ପ୍ରତ୍ୟେକ ନାଗରିକଙ୍କ ଭୂମିକା ଅତ୍ୟନ୍ତ ଦରକାର। ଅପରାଧ, ଦୁର୍ନୀତି, ନାରୀ ନିର୍ଯାତନା, ଶିଶୁ ଶୋଷଣ, ଓ ନାର୍କୋଟିକସ ଇତ୍ୟାଦି ଯେଉଁଠି ରହିଛି, ସେଠି ସମାଜ ଦିନକୁ ଦିନ ଧ୍ୱଂସ ହେଉଛି। ଏଥିରୁ ବଞ୍ଚିବା ପାଇଁ ଆମେ ସମସ୍ତେ ଏକଠି ହୋଇ କାମ କରିବା ଆବଶ୍ୟକ।

ସମାଜ ସୁରକ୍ଷା ପାଇଁ କିଛି ପଦକ୍ଷେପ:

(୧). ପୋଲିସ କିମ୍ବା ସହଯୋଗୀ ବ୍ୟବସ୍ଥାରେ ସୂଚନା ଦେବା: ଯଦି କୌଣସି ଅନ୍ୟାୟ ଘଟୁଛି, ସେଥିରେ ଚୁପ ରହିବା ନୁହେଁ, ସୂଚନା ଦେଇ ସେଠାକୁ ରୋକିବା ଉଚିତ।

(୨) ନିଜ ପରିବାର ଓ ପଡ଼ୋଶରେ ସଚେତନତା ବଢ଼ାଇବା: ଶିଶୁ ଓ ଝିଅମାନଙ୍କୁ ତାଲିମ ଦିଆଯିବା ଦରକାର କେଉଁଠି ଯିବେ, କାହା ସହ ଥିବେ, କେଉଁଠି ସତର୍କ ହେବେ।

(୩) ସାମୁଦାୟିକ ସହଯୋଗ: ଗ୍ରାମ ଓ ସହର ଦୁଇଠିରେ ସାମୁଦାୟିକ ଆଲୋଚନା ଓ ସୁରକ୍ଷା କମିଟି ଗଠନ କରି ସମସ୍ୟାର ସମାଧାନ କରାଯିବା ଉଚିତ।

(୪) ଉଚିତ ଶିକ୍ଷା ଓ ନୈତିକତା: ଶିଶୁ ସମୟରୁ ନିଜ ଅଧିକାର, ଦାୟିତ୍ୱ, ସମ୍ମାନ ଓ ଆଦର ବିଷୟରେ ଶିକ୍ଷା ଦେବା ଆବଶ୍ୟକ।

ଅନ୍ତିମ ଉପସଂହାର

ଆମ ସମାଜ ସୁରକ୍ଷିତ ହେବା ପାଇଁ, ଆମେ ପ୍ରଥମେ ନିଜକୁ ସୁରକ୍ଷିତ କରିବା ଶିଖିବା ଦରକାର। ନିଜ ଶକ୍ତି, ସଚେତନତା, ଶିକ୍ଷା ଓ ସାମୂହିକ ଏକତା ଦ୍ୱାରା ଆମେ ଏକ ଭଲ ଓ ଶାନ୍ତିମୟ ସମାଜ ତିଆରି କରିପାରିବା। ଏହି ଅବସ୍ଥା ତେବେ ସୃଷ୍ଟି ହେବ, ଯେତେବେଳେ ପ୍ରତ୍ୟେକ ଲୋକ ନିଜ ଦାୟିତ୍ୱ ଓ ଅଧିକାର ପ୍ରତି ଜାଗୃତ ଓ ନିଷ୍ଠାବାନ ହେବେ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!