ନିୟତି ର ଖେଳ ସତେ ବଡ଼ ଅଜବ ହୋଇଥାଏ ନା । କିଏ ଅବା ଜlଣିଥିଏ କାହା ସହ କେତେବେଳେ କଣ ବା ଘଟିଯିବ। ଦେଖୁଥିବା ସ୍ବପ୍ନ ଅଧାରେ ସେମିତି ରହିଯିବ ,ବହୁ ଦିନର ଇଚ୍ଛା ସେଇ ଇଚ୍ଛା ରେ ହିଁ ମରିଯିବ। ଆଜକୁ ପ୍ରାୟ ବରଷେ ହେଇଯିବ ଠିକ ସେମିତି ଏକ ବଡ଼ ଦୁଃଖର ପାହାଡ଼ ମାଡିଆସିଥିଲା ଆମ ସଭିଙ୍କ ଜୀବନରେ । ଯାହାକି ଆଜି ଯାଏ ଭୁଲି ହେଉନାହିଁ । ସେଇ ରେଳ ରେ ଯାତ୍ରା କରୁଥିବା ସମସ୍ତ ବ୍ୟକ୍ତି ଏକ ନୂଆ ଆଶା ନେଇ ନିଜ ନିଜ ଘରକୁ ବା କର୍ମ କ୍ଷେତ୍ରକୁ ବହାରିଆସିଥିଲେ । ସ୍ବାମୀ ଟିଏ ଭାବୁଥାଏ ସ୍ତ୍ରୀ ମୋର କାହିଁ କେତେଦିନ ହେବ ଅପେକ୍ଷା ରେ ଥିବା ଆଜି ଆମେ ଭେଟ ହେବ , ତ ଆଉ କିଏ ଆସୁଥାଏ ନିଜ ବାପା ମା ଙ୍କ ପାଖକୁ ,ଭାଇ ଟିଏ ଭଉଣୀ ପାଇ ଫେରୁଥାଏ, ଆଉ କିଏ ନିଜ ପରିବାର ଲୋକଙ୍କ ପାଖକୁ ଆସୁଥାଏ। କିନ୍ତୁ ସେଦିନ ହିଁ କିଛି ଅଲଗା ଥିଲା ସମସ୍ତଙ୍କର ସେ ଇଚ୍ଛା ,ଆଶା , ସ୍ବପ୍ନ କୁ କୁଆଡେ ଉଡ଼େଇ ନେଇଯାଇଥିଲା।

୨୦୨୩ ଜୁନ ୨ ତାରିଖ ସମୟ ପ୍ରାୟ ୭ ଟା ହେବ । ଓଡ଼ିଶାର ବାଲେଶ୍ବର ସ୍ଥିତ ବାହାନଗା ନିକଟରେ ହାୱଡା - ଚେନ୍ନାଇ ମୁଖ୍ୟ ଲାଇନରେ ଦୁଇଟି ଯାତ୍ରୀବାହୀ ରେଳଗାଡ଼ି ମୁହାଁମୁହିଁ ଧକ୍କା ହୋଇଥିଲେ । ୯୦୦ରୁ ଅଧିକ ଆହତ ଆଉ ପ୍ରାୟତ ୨୮୮ ଧନ ଜୀବନ ଚାଲିଯାଇଥିଲା । ଏହି ଦୁର୍ଘଟଣା ରେ ମାଲବାହୀ ରେଳ ମଧ୍ୟ ସମ୍ପୂର୍କ୍ତ ଥିଲା ।

ପ୍ରାଥମିକ ଅନୁସନ୍ଧାନ ରୁ ଜଣାଯାଏ ଯେ ପ୍ରଥମ ଟ୍ରେନ ଲାଇନଚୁତ୍ୟ ହୋଇଥିଲା ଏବଂ ଏହାର କିଛି ବଗି ଓଲଟି ବିପରୀତ ରେଳ ଧରଣାରେ ପଡ଼ିଥିଲା । ସେଠାରେ ସେ ବଗି ସବୁ ଦ୍ୱିତୀୟ ଟ୍ରେନ ସହ ଧକ୍କା ହୋଇଥିଲା। କରମଣ୍ଡଳ ଏକପ୍ରେସ ଲାଇନଚ୍ୟୁତ ହୋଇ ପରେ ଅଟକି ରହିଥିବା ଏକ ମାଲବାହୀ ଗାଡ଼ି ସହ ଧକ୍କା ହୋଇଥିଲା। କୁହାଯାଇଛି ଯେ ଏହି ଦୁର୍ଘଟଣା ଭାରତର ସବୁଠାରୁ ଭୟଙ୍କର ଦୁର୍ଘଟଣା ମଧ୍ୟରୁ ଏକ । ବହୁତ୍ ଜନଜୀବନ ଚାଲିଯାଇଛି। ଏବଂ ବହୁତ୍ କ୍ଷୟକ୍ଷତି ମଧ୍ୟ ଭୋଗିବାକୁ ପଡିଛି।

ସତରେ କେବେ ଭୁଲିହେବ ନାହିଁ ୨୦୨୩ ଜୁନ ୨ ତାରିଖ ସନ୍ଧ୍ୟା ପ୍ରାୟ ୭ ଟା ସମୟକୁ । ଆଜି ବି ମନେ ପଡେ ସେ ବିକଳ ରଡ଼ି, କାନ୍ଦଣା ଏବଂ ଭୋ ଭୋ ଚିତ୍କାର ମା ଟିଏ ମୁଣ୍ଡ ବାଡେଇ କାନ୍ଦିଥାଏ " ବାବୁ ରେ କୁଆଡେ ଗଲୁ ରେ ଫେରିଆ ଫେରିଆ " ୟା ଠୁ ଆଉ ଦୁଃଖ କଣ ବା ହେଇପାରିବ କହିଲେ ମା ତା ପୁଅ ଝିଅ କୁ ହରାଇ ତ ସ୍ତ୍ରୀ ଟିଏ ଟା ସ୍ବାମୀ କୁ । ଏମିତି ହିଁ ଥିଲା ସେଠାକାର ପରିସ୍ଥିତି ।

ହେ ଜଗତର ନାଥ ଜଗନ୍ନାଥ ମୋର ତମକୁ ଏତିକି ଗୁହାରି ହେ ଏମିତି ସମୟ କେବେ ନ ଆସୁ କାଳିଆ।

ବାହାନଗା ରେଳ ଦୁର୍ଘଟଣା

ଦୁର୍ଘଟଣା