୨୦୧୯ ମସିହାର କଥା । ମୋର MBA ପାଠପଢ଼ା ସରିବା ପରେ ଆମେ ସାଙ୍ଗମାନେ ହଷ୍ଟେଲ ଛାଡ଼ିବାକୁ ପ୍ରସ୍ତୁତ ହେଉଥାଉ । ଠିକ୍ ସେହି ସମୟରେ ମୋ ସାଙ୍ଗ ସୁମିତ୍ କହିଲା " ଆରେ yar ଆମ ପାଠପଢ଼ା ତ ସରିଲା, ହଷ୍ଟେଲ ଛାଡ଼ିବା ପୂର୍ବରୁ ଭୋଜି ଗୋଟେ କଲେ କେମିତି ହୁଅନ୍ତା ? ସୁମିତ୍ ର କଥାଟି ସମସ୍ତଙ୍କ ମନକୁ ପାଇଲା । ମୁଁ , ରାହୁଲ , ସୁମିତ୍ ଆଉ ରାକେଶ୍। ଆମେ ୪ଜଣ ବସି ରୁମରେ ଆଲୋଚନା କରୁଥାଉ ; କେଉଁଠି ଭୋଜି କରିବୁ ? ଏହାରି ଭିତରେ ସୁମିତ୍ ହଠାତ୍ କହିଲା " ସାଙ୍ଗ ଆମ ହଷ୍ଟେଲ ପାଖ ସେ ଡାକ ବଙ୍ଗଳାରେ ଭୋଜି କଲେ କେମିତି ହୁଅନ୍ତା ? ମୁଁ ଆଉ ରାକେଶ୍ ସାଙ୍ଗେ ସାଙ୍ଗେ ରାଜି ହେଇଗଲୁ କିନ୍ତୁ ରାହୁଲ ମନାକଲା ଆଉ କହିଲା " ଆରେ ସେ ବଙ୍ଗଳାରେ ଭୂତ ଅଛି . ମୁଁ ଅନେକଥର ଲୋକଙ୍କ ପାଖରୁ ଶୁଣିଛି " । ରାକେଶ୍ କଥାଶୁଣି ଆମକୁ ହସ ଲାଗିଲା । ସୁମିତ୍ କହିଲା " So silly yar, ଟ୍ୱେଣ୍ଟି ଫାଷ୍ଟ୍ ସେଞ୍ଚୁରିରେ ପୁଣି ଭୂତ! ଶୁଣ୍ ତୁ MBA ନକରି ଗୁଣିଗାରେଡ଼ି କରିଥିଲେ ଭଲ ହୋଇଥାନ୍ତା " । ଆମେ ସମସ୍ତେ ରାକେଶ୍ ର କଥାକୁ ହସରେ ଉଡ଼େଇ ଦେଲୁ । ଶେଷରେ ସମସ୍ତେ ମିଶି ନିଷ୍ପତି ନେଲୁ ଯେ ସେହି ଡାକ ବଙ୍ଗଳାରେ ଭୋଜି କରିବା ପାଇଁ । ଆମ ହଷ୍ଟେଲର ୱାଚମ୍ୟାନ୍ ହରିଦାଦାଙ୍କୁ ଭୋଜି ପାଇଁ ନିମନ୍ତ୍ରଣ କଲୁ ହେଲେ ଡାକବଙ୍ଗଳାର ନାଁ ଶୁଣିବା ମାତ୍ରେ ସେ ମଧ୍ୟ କହି ଉଠିଲେ " ବାବୁ , ସେଠାକୁ ଜମା ଯାଅନି । ସେଠାକୁ ଯେଉଁମାନେ ଯାଇଛନ୍ତି କେହି ଫେରି ନାହାନ୍ତି । ସେଠି ଗୋଟିଏ ବେଲୁନ୍ ବାଲା ଭୂତ ହେଇକି ବୁଲୁଛି ଆଉ ନିର୍ଜନ ରାତିରେ ସେ ବଙ୍ଗଳା ପାଖରେ କେହିବି ରହିଲେ ତାଙ୍କୁ ମାରି ଦେଉଛି । ହରିଦାଦାଙ୍କ କଥାଶୁଣି ଆମେ ହେୟଜ୍ଞାନ କଲୁ । ଭୋଜିର ସମସ୍ତ ସରଞ୍ଜାମ ଧରି ଆମେ ବାହାରି ପଡ଼ିଲୁ ବଙ୍ଗଳା ପାଖ ଜଙ୍ଗଲକୁ । ରାହୁଲର ଇଚ୍ଛା ନଥିଲେ ମଧ୍ୟ ଆମେ ତାକୁ ଜବରଦସ୍ତି ଆମ ସାଙ୍ଗରେ ନେଲୁ । ଭାତ , ଚିକେନ୍ ଆଉ ସାଲାଡ଼ । ପେଟଭରି ଖାଇଲୁ ଆଉ ଖାଇସାରିବା ପରେ ଆମେ ତିନିଜଣ ମିଶି ରାହୁଲକୁ କହିଲୁ " ଆରେ ଏ ଡରୁଆ , କହୁଥିଲୁ ପରା ଏଠି ଭୂତ ଅଛି ବୋଲି ; କାଇଁ ଆମକୁ ତ ଦେଖାଯାଉନି । ଭୂତ ବୋଧେ ଆମକୁ ଦେଖି ଡରିକି ଲୁଚିଗଲା । ହଉ ଛାଡ଼ ତୋ ମନ ବୁଝିବା ପାଇଁ ଆମେ ଆଜି ଏଇଠି ଶୋଉଛୁ । ଦେଖିବା କୋଉ ଭୂତ ଆସୁଛି " । ତା ପରେ ସମସ୍ତେ ସେଇଠି ଶୋଇପଡ଼ିଲୁ । ରାତି ସେତେବେଳେ ୨ଟା ବାଜିଥାଏ। ସୁମିତ୍ ଶୋଇଥିବା ବେଳେ ହଠାତ୍ ତା କାନ ପାଖରେ ଆସି ଏକ ବିକଟାଳ ସ୍ୱର ବାଜିଲା , ଯେମିତି କିଏ ବେଲୁନ୍ ଫୁଟେଇ ଦେବା , ଦମ୍ ଦମ୍ ହୋଇ ଚାଲିଯିବା । ପ୍ରଥମେ ପ୍ରଥମେ ସୁମିତ୍ ଏ ସବୁକୁ ଅଣଦେଖା କରୁଥିଲା ହେଲେ କିଛି ସମୟ ପରେ ଏକ ମଣିଷର ସ୍ୱର ଆସି ତା କାନ ପାଖରେ ବାଜିଲା " ବେଲୁନ୍ ନବ ବେଲୁନ୍ ରଙ୍ଗ ବେରଙ୍ଗର ବେଲୁନ୍ । ତା ପରେ ବିକଟାଳ ହସ " ସୁମିତ୍ ହଠାତ୍ ଚମକି ଉଠିପଡ଼ିଲା ଆଉ ଆମ ସମସ୍ତଙ୍କୁ ଉଠାଇଲା । ନିଦ ଭାଙ୍ଗି ଯିବାରୁ ଆମେ ସୁମିତ୍ କୁ ପାଟିକଲୁ। " ଆବେ ତୋ ମୁଣ୍ଡ ଖରାପ ହୋଇଯାଇଛି ନା କଣ , ନା ଭୂତ କଥା ଭାବି ସ୍ବପ୍ନ ଦେଖିଛୁ । ଶୋ ଚୁପ୍ କିନା" । ତାପରେ ଆମେ ସମସ୍ତେ ଶୋଇପଡ଼ିଲୁ । ରାତି ପାହି ସକାଳ ହେଲା । ଆମେ ନିଦରୁ ଉଠି ଜୋରରେ ହସିଲୁ ଆଉ କହିଲୁ " ଆରେ ଏଠି ଭୂତ ଫୁତ କିଛି ନାହିଁ , କେବଳ ମିଛ କଥା କହି ଲୋକଙ୍କୁ ଡରାଉଛନ୍ତି " । ଖୁସିରେ ଆମେ ସମସ୍ତେ ନିଜ ନିଜର ହାଣ୍ଡି କଡ଼ାଇ ସବୁ ଉଠାଇବାକୁ ଗଲୁ ହେଲେ ସେଗୁଡ଼ିକୁ ଛୁଇଁବା ମାତ୍ରେ ସେଗୁଡ଼ିକ ଉଠୁ ନଥିଲା । ସବୁ ଯେପରି ଆମ ହାତ ମୁଠାରୁ ଖସି ଯାଉଥିଲା ଏ ସବୁ ଦେଖି ଆମେ ଆଶ୍ଚର୍ଯ୍ୟ ହୋଇ ଯାଉଥିଲୁ । କିଛି ଦୂରକୁ ଅନାଇବା ମାତ୍ରେ ଆମେ ଦେଖିଲୁ ତଳେ ପଡ଼ିଥିବା ଆମ ୪ ଜଣଙ୍କ ଗଳିତ ମୃତଦେହ । ଏ ସବୁ ଦେଖି ଆମ ପାଦତଳୁ ମାଟି ଖସିଗଲା । ଆମେ କିଛି ବୁଝି ପାରିଲୁ ନାହିଁ । ସେଠାରେ ଆମେ ନଥିଲୁ ବରଂ ଆମର ଆତ୍ମାଥିଲା ଯିଏ ଆମ ଶରୀର ଛାଡ଼ି ଦେଇଥିଲା କାରଣ ରାତିରେ ଆମେ ଶୋଇଥିବା ଅବସ୍ଥାରେ ଆମକୁ ହତ୍ୟା କରିଥିଲା ସେହି ବେଲୁନ୍ ବାଲା ।

" ବେଲୁନ୍ ନବ ବେଲୁନ୍ ରଙ୍ଗ ବେରଙ୍ଗର ବେଲୁନ୍........"

ଆଶା କରୁଛି ଆପଣଙ୍କୁ ମୋର ଏହି ଛୋଟିଆ କାହାଣୀଟି ପସନ୍ଦ ଲାଗିଥିବ।

" ଧନ୍ୟବାଦ୍ "

ନାମ :- ରାଜେଶ୍ ରାୟ

ଅଧ୍ୟାପକ , ଜୟପୁର

ମୋବାଇଲ୍ :- ୬୩୭୧୫୫୫୯୪୦

ବେଲୁନ୍ ବାଲା....

ଡାକବଙ୍ଗଳାର ଅକୁହା କଥା !