ବିବାହ ହେଉଛି ଜୀବନର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଯେତେବେଳେ ପ୍ରେମ, ବିଶ୍ୱାସ ଓ ଦାୟିତ୍ୱର ଉପରେ ଏହି ଆଧାର ଥାଏ, ସେଥିରେ ଜୀବନ ହୁଏ ସୁଖମୟ। କିନ୍ତୁ ଯେତେବେଳେ ଏହି ବିବାହ ଅପରିପକ୍ୱ ବୟସରେ ହୁଏ, ଏହା ମାନବତା ବିରୁଦ୍ଧରେ ଏକ ଅପରାଧ ଭାବେ ଦେଖାଯାଏ। ଏହି ଅପରାଧକୁ ବାଲ୍ୟବିବାହ କୁହାଯାଏ।

ବାଲ୍ୟବିବାହ କ’ଣ?

ବାଲ୍ୟବିବାହ ହେଉଛି ଯେଉଁଠି ଛୁଆ ମାନେ, ସେମାନଙ୍କର ଦେହ ଓ ମନରୁ ପ୍ରସ୍ତୁତ ନୁହଁନ୍ତି, କିନ୍ତୁ ସେମାନଙ୍କୁ ବିବାହ ବନ୍ଧନରେ ବାଧିଦିଆଯାଏ। ଭାରତରେ ଝିଅ ମାନଙ୍କ ପାଇଁ ବିବାହ ବୟସ ୧୮ ବର୍ଷ ଓ ପୁଅଙ୍କ ପାଇଁ ୨୧ ବର୍ଷ ରଖାଯାଇଛି। ଏହା ଠାରୁ କମ୍ ବୟସରେ ବିବାହ ହେଲେ ସେଠି ବାଲ୍ୟବିବାହ ଘଟିଥାଏ।

ବାଲ୍ୟବିବାହ କାହିଁକି ହୁଏ?

ଏହି ବାଲ୍ୟବିବାହର ପଛରେ କିଛି କାରଣ ଅଛି:

(୧) ଶିକ୍ଷାର ଅଭାବ – ଅନେକ ମାତାପିତା ଏହି ବିଷୟରେ ସଚେତନ ନୁହନ୍ତି। ସେମାନେ ଭାବନ୍ତି, ଝିଅ ବଡ଼ ହେବା ପୂର୍ବରୁ ବିବାହ କରାଦିଅ।

(୨) ଦାରିଦ୍ର୍ୟ – ଗରିବ ପରିବାର ବେଳେବେଳେ ଝିଅ ମାନେ ଉପରେ ଭାର ଭାବି, ତାଙ୍କ ବିବାହ କରାଦିଅ।

(୩) ପାରମ୍ପରିକ ଧାରଣା – କେତେକ ଅଞ୍ଚଳରେ ଏହା ଏକ ପୁରୁଣା ପ୍ରଥା ଭାବରେ ଚାଲିଅଛି।

(୪) ନାରୀ ଶକ୍ତିର ଅବମାନ – ଝିଅମାନେ ସ୍ବାଧୀନ ଭାବେ ଶିକ୍ଷା ଓ କାମ ପାଇଁ ଅବସର ନାହିଁ ପାଆନ୍ତି, ତେଣୁ ସମାଜ ତାଙ୍କୁ ବେଳେବେଳେ ଏଭଳି ବନ୍ଧନରେ ବାନ୍ଧିଦିଏ।

ବାଲ୍ୟବିବାହ ର ପ୍ରଭାବ

(୧) ଶିକ୍ଷା ଉପରେ ପ୍ରଭାବ – ଝିଅ ଯଦି ଶିକ୍ଷା ଅଧୂରା ରଖି ବିବାହ କରେ, ତେବେ ତାଙ୍କ ଜୀବନ ଏକ ଅନ୍ଧକାରମୟ ହୋଇପଡ଼େ।

(୨) ଶାରୀରିକ ଓ ମାନସିକ ସମସ୍ୟା – ଅପରିପକ୍ୱ ଦେହ ଓ ମନ ଭିତରେ ବିବାହ ଓ ଗର୍ଭଧାରଣ ଭୟଙ୍କର ରୋଗ ଓ ମୃତ୍ୟୁର କାରଣ ହୁଏ।

(୩) ପରିବାର ଦୁଃଖ – ସେହି ଝିଅ ନ ପାରେ ଘର ଚଲାଇବା, ନ ପାରେ ସଠିକ୍ ସମ୍ପର୍କ ଗଠନ କରିବା; ଯାହା ପରେ ଘରେ କଳହ ଓ ଅଶାନ୍ତି ହୁଏ।

(୪) ସମାଜ ଉପରେ ପ୍ରଭାବ – ଜଣେ ମାନସିକ ଓ ଶାରୀରିକ ଭାବେ ଅପରିପକ୍ୱ ନାରୀ କେବେ ବି ସୁସ୍ଥ ତଥା ଶକ୍ତିଶାଳୀ ସମାଜ ତିଆରି କରିପାରିବେନି।

ବାଲ୍ୟବିବାହ ଅପରାଧ କିପରି?

ଭାରତରେ "ବାଲ୍ୟବିବାହ ନିଷେଧ ଆଇନ, ୨୦୦୬" ଅନୁଯାୟୀ ବାଲ୍ୟବିବାହ କରାଇବା, ଉତ୍ତେଜନା ଦେବା କିମ୍ବା ଉପସ୍ଥିତ ରହିବା ଅପରାଧ। ଏହି ଅପରାଧ ପାଇଁ ଜରିମାନା ଓ କାରାଦଣ୍ଡ ଦିଆଯାଇପାରେ।

ବାଲ୍ୟବିବାହ ବନ୍ଦ କିପରି ହେବ?

(୧) ଶିକ୍ଷା ହେଉ ଅସ୍ତ୍ର – ପ୍ରତ୍ୟେକ ପିଲାଙ୍କୁ ଶିକ୍ଷା ମିଳିବା ଦରକାର, ବିଶେଷ କରି ଝିଅ ମାନେ ପାଖେ ଲାଗିଛନ୍ତି।

(୨) ସଚେତନତା ଅଭିଯାନ – ଗାଁ ଓ ସହରରେ ସେମିନାର, ନାଟକ, ଗୀତ ମାଧ୍ୟମରେ ଲୋକଙ୍କୁ ଜଣାଇବା ଦରକାର।

(୩) ଆଇନର ଦୃଢ କାର୍ଯ୍ୟାନୁଷ୍ଠାନ ଲାଗୁ ହେଉ – ଯେଉଁଠି ବାଲ୍ୟବିବାହ ଘଟୁଛି, ତାହା ଠାରେ ଆଇନ ଅନୁଯାୟୀ କଢ଼ା ପଦକ୍ଷେପ ନେବା ଦରକାର।

(୪) ପିଲାମାନେ ସ୍ବୟଂ ସଚେତନ ହେଉ – ଝିଅ ଓ ପୁଅମାନେ ଜାଣିବା ଦରକାର, କେଉଁଠି ତାଙ୍କ ଅଧିକାର ଅଛି ଓ କେଉଁଠି ଅନ୍ୟାୟ।

ପରିଶେଷରେ

ବାଲ୍ୟବିବାହ କେବଳ ଏକ ଅନ୍ୟାୟ ନୁହେଁ, ଏହା ଏକ ମୌଳିକ ମାନବ ଅଧିକାର ଉପରେ ଆଘାତ। ଏହା ଦ୍ୱାରା ଜଣେ ପିଲାର ଶିଶୁତ୍ୱ, ସ୍ବପ୍ନ, ଏବଂ ଭବିଷ୍ୟତ ନଷ୍ଟ ହୁଏ। ଏହି ଅପରାଧ ପ୍ରତି ଆମେ ମୁଖ ଖୋଲିବାକୁ ପଡ଼ିବ, ଆମ ଗାଁ, ଆମ ସମାଜ, ଓ ଆମ ଦେଶକୁ ଏକ ନିରାପଦ ଓ ମାନବିକ ଠାରେ ପରିଣତ କରିବା ହେବ ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ବାଲ୍ୟବିବାହ – ମାନବତା ବିରୁଦ୍ଧରେ ଏକ ଅପରାଧ

ବାଲ୍ୟବିବାହ – ମାନବତା ବିରୁଦ୍ଧରେ ଏକ ଅପରାଧ