ଜାତିର ଏହି ଘୋର ଦୁର୍ଦ୍ଦିନରେ ସ୍ୱୟଂ ଜଗନ୍ନାଥ ମହାପ୍ରଭୁ ମଧ୍ୟ ପୁରୀ ମନ୍ଦିରରେ ନିଶ୍ଚିନ୍ତରେ ରହି ପାରିନଥିଲେ ! ମୋଗଲ ଅକ୍ରମଣ ଆସନ୍ନ ହେବାରୁ ରାତ୍ରି ୩ପ୍ରହର ଠାରେ ଚତୁର୍ଦ୍ଧାମୁର୍ତ୍ତିଙ୍କୁ ପହଣ୍ତି ବିଜେ କରାଯାଇ ପ୍ରଥମେ ବିମଳା ଠାକୁରାଣୀଙ୍କ ପଛପଟ ବେଢାରେ ଲୁଚାଇଥିଲେ ଏବଂ ବିଜୟ ପ୍ରତିମାମାନ ଗଡ କୋକଳକୁ ସ୍ଥାନାନ୍ତର ହୋଇଥିଲେ !

ଏହାପରେ ଚତୁର୍ଦ୍ଧାମୁର୍ତ୍ତି କେଉଁ ସ୍ଥାନରେ ସଂରକ୍ଷଣ ହେଲେ ସେ ସମ୍ବନ୍ଧରେ ପାଞ୍ଜି ଓ ଚକଡା ନୀରବ କିନ୍ତୁ ରାଜା ଦିବ୍ୟସିଂହ ଦେବଙ୍କ ପାତ୍ର ଜଗନ୍ନାଥ ବିଦ୍ୟାଧର ମହାପାତ୍ରଙ୍କ ପୁତ୍ର କବି ଲୋକନାଥ ବିଦ୍ୟାଧର କୃତ ସର୍ବଙ୍ଗ ସୁନ୍ଦରୀ କାବ୍ୟରୁ ଚତୁର୍ଦ୍ଧାମୁର୍ତ୍ତିଙ୍କ ବାଣପୁର ରାଜ୍ୟରେ ଅବସ୍ଥିତ ବିଷୟ ନିଃସନ୍ଦେହରେ ଜଣାଯାଏ ! ସେ ସମୟରେ ବାଣପୁରରେ ରାଜା ଥିଲେ ଜଗନ୍ନାଥ ହରିଚନ୍ଦନ ! ବାଣପୁର ରାଜ୍ୟର ଦୁର୍ଭେଦ୍ୟ ବଙ୍କାଡ ଗଡ ନିକଟବର୍ତ୍ତି ଏକ ସ୍ଥାନରେ ଚତୁର୍ଦ୍ଧାମୁର୍ତ୍ତି ନିରାପଦରେ ରହିଲେ ଓ ପୂଜାହେଲେ ! ପରେ ଏ ସ୍ଥାନର ନାମ ହେଲା ନୀଳାଦ୍ରି ପ୍ରସାଦ ଯଥା --

ଯେଉଁ ଜଗନ୍ନାଥ ପଦ ଧ୍ୟାନେ , ଦେଖି ନାହାନ୍ତି ଯୋଗେନ୍ଦ୍ର ଜନେ ,

ଯେଉଁ ବାଣପୁର ନୃପ ପରସାଦେ , ଦେଖିଲେ ସକଳ ଜନେ ହୋ ସୁଜନେ ,

ନାମ ଜଗନ୍ନାଥ କାନ୍ତ ମୁର୍ତ୍ତି , କୀର୍ତ୍ତି ପୁର୍ଣ୍ଣ ଧବଜିତ କ୍ଷିତି ,

ଭୋ ହରିଚନ୍ଦନ ଶାନ୍ତି , ଗୋପିଜନ ବଲ୍ଲଭ ସେବାରେ ମତି ହେ ସୁଜନେ !

ବାଣପୁରରେ ଶ୍ରୀଜଗନ୍ନାଥ ମହାପ୍ରଭୁଙ୍କ ଅବସ୍ଥାନ

ବାଣପୁରରେ ଶ୍ରୀଜଗନ୍ନାଥ ମହାପ୍ରଭୁଙ୍କ ଅବସ୍ଥାନ