ଓଡ଼ିଶାର ଇତିହାସରେ କେତେକ ସ୍ଥାନ ରକ୍ତରେ ରଞ୍ଜିତ ହୋଇଛି। ସେହି ସ୍ଥାନଗୁଡିକ ଆମକୁ ଆମର ସ୍ୱାଧୀନତା ସଂଗ୍ରାମର କଥା ମନେ ପକାଇଦେଇଥାନ୍ତି। ବାଲେଶ୍ୱର ଜିଲ୍ଲାର ବାସୁଦେବପୁର (ଇରମ) ମଧ୍ୟ ଅନେକ ବୀର ସହୀଦଙ୍କ ତ୍ୟାଗରେ ଏକ ପବିତ୍ର ରକ୍ତତୀର୍ଥ।

୧୯୪୨ ମସିହା। ସାରା ଭାରତରେ 'ଭାରତ ଛାଡ଼' ଆନ୍ଦୋଳନ ଚରମ ସୀମାରେ । ଓଡ଼ିଶାର ଲୋକମାନେ ମଧ୍ୟ ଇଂରେଜ ସରକାରଙ୍କ ବିରୋଧରେ ରାଷ୍ଟ୍ରପତି ମହାତ୍ମା ଗାନ୍ଧୀଙ୍କ ଡାକରେ ସାମିଲ ହୋଇଥିଲେ। ସେହି ବର୍ଷ ସେପ୍ଟେମ୍ବର ୨୮ ତାରିଖରେ ବାସୁଦେବପୁର (ଇରମ) ଗ୍ରାମରେ ଏକ ବିରାଟ ସଭା ଅୟୋଜିତ ହୋଇଥିଲା। ହଜାର ହଜାର ଲୋକ ସେଠାରେ ଜମା ହୋଇଥିଲେ। ସେମାନେ ଶାନ୍ତିପୂର୍ଣ୍ଣ ଭାବରେ ବସି ଆନ୍ଦୋଳନର ପରବର୍ତ୍ତୀ ପଦକ୍ଷେପ ନେବାକୁ ଯୋଜନା କରୁଥିଲେ।

କିନ୍ତୁ ହଠାତ୍ ବ୍ରିଟିଶ ପୁଲିସ ଓ ସୈନିକମାନେ ସେହି ଶାନ୍ତିପ୍ରିୟ ଜନତାଙ୍କ ଉପରେ ଗୁଳିଚାଳନା ଆରମ୍ଭ କରିଦେଲେ। ନିରୀହ ଓ ନିସ୍ତ୍ରାଣୀ ଲୋକଙ୍କ ଉପରେ ବନ୍ଧୁକ ଚଳାଇବା ଏକ ଭୟଙ୍କର ଘଟଣା ଥିଲା। ଏହି ଗୁଳିଚାଳନାରେ ୨୯ ଜଣଙ୍କର ତତ୍କ୍ଷଣାତ୍ ମୃତ୍ୟୁ ହୋଇଥିଲା। ଅନେକ ଲୋକ ଗୁରୁତର ଭାବରେ ଆହତ ହୋଇଥିଲେ ଏବଂ ପରେ ସେମାନଙ୍କର ମଧ୍ୟ ମୃତ୍ୟୁ ହୋଇଥିଲା।

ଏହି ଘଟଣା ଓଡ଼ିଶାର ଇତିହାସରେ ଏକ ଦୁଃଖଦ ଅଧ୍ୟାୟ। ଏହାକୁ ଓଡ଼ିଶାର 'ଦ୍ୱିତୀୟ ଜାଲିୟାନବାଗ୍' ବୋଲି କୁହାଯାଏ। ଏଠାରେ ଶହୀଦ ହୋଇଥିବା ବୀରମାନଙ୍କ ତ୍ୟାଗକୁ ସ୍ମରଣ କରିବା ପାଇଁ ପ୍ରତିବର୍ଷ ସେପ୍ଟେମ୍ବର ୨୮ ତାରିଖରେ ଏଠାରେ ଏକ ବଡ଼ ସମାରୋହ ଅନୁଷ୍ଠିତ ହୋଇଥାଏ। ବାସୁଦେବପୁର (ଇରମ) ଆଜି ଆମକୁ ଶିଖାଇଥାଏ ଯେ ଆମର ସ୍ୱାଧୀନତା ଅନେକ ଲୋକଙ୍କ ତ୍ୟାଗ ଓ ରକ୍ତରେ ମିଳିଛି। ସେହି ବୀର ସହୀଦମାନଙ୍କୁ ଆମର ଶ୍ରଦ୍ଧାଞ୍ଜଳି।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ବାସୁଦେବପୁରର ରକ୍ତତୀର୍ଥ ଇରମ

ବାସୁଦେବପୁରର ରକ୍ତତୀର୍ଥ ଇରମ