ବାଟମାରଣା

*

ମନ୍ତ୍ରୀ ଙ୍କ ଘରେ ଆଜି କଣ କେଜାଣି ଗୋଟେ ଫୁସୁରୁ ଫାସୁରୁ ଚାଲିଛି l ଏଇଟା ତ ପ୍ରାୟ ନିତି ଦିନିଆ କଥା l ମନ୍ତ୍ରୀ ଙ୍କ ଗଣିତ ଓ ଅର୍ଥନୀତି ଜ୍ଞାନ ଟା ଭଲ l ସହଜେ ତ ଅର୍ଥନୀତି ପାଠ ଟା କଳା ( arts ) ର ରାଜl ଆଉ ଗଣିତ ବିଜ୍ଞାନ ପାଠ ର ରାଣୀ l ଆଉ ଏଇ ଦିଟା କୁ ନେଇ ତିଆରି ହୁଏ ରଣନୀତି l କିନ୍ତୁ ଆଜି କାଲି କାହିଁ କେଜାଣି ମନ୍ତ୍ରୀ ମlନେ ବହୁତ ସାବଧାନ ରେ ହାତେ ମାପି କି ଚାଖଣ୍ଡେ ପକାଉଛନ୍ତି l ଆଜି ବି ଗାଡି କେତେ ଗୁଡା ଆସି ମନ୍ତ୍ରୀ ଙ୍କ ଘର ଆଗ ରେ ଜମା ହେଇ ଗଲାଣି l କେତେ ଜଣ ଗୁପୁତ ଗୁପୁତ ରେ ଅଟ ରେ ବି ଆସୁଛନ୍ତି l କିଏ ଆଜି ରିକ୍ସା ଵାଲା ସାଜିଛି ତ କିଏ ସାଜିଛି ସୁକୁଆ ଵାଲା l ଛି ଧୋବଧୋବଳିଆ ବାବୁ ଙ୍କ କି ଅବସ୍ଥା l ଖାଲି ବୁମ ଆଉ କ୍ୟାମେରା କୁ ଭୟ ସାର l

ଏହି ସମୟରେ କପୋତୀ ଟିଏ ଘୁମୁରି ଘୁମୁରି ଉଡ଼ିଗଲା ଚାଖୁଣ୍ଡା ଉହାଡ଼ ରୁ l ଚମକି ପଡିଲେ ମନ୍ତ୍ରୀ l ଛେପ ନଣ୍ଡାଏ ଛାତି ରେ ପକେଇ କଳ ରେ ପାନ ଟା ଜାକି ଆରମ୍ଭ କଲା ବେଳକୁ ସାଧା ପୋଷାକ ରେ ଥିବl ଆଉ ଜଣେ ମନ୍ତ୍ରୀ ପାଟି କୁ ଜାବୁଡି ଦେଲେ l

- ଆରେ ରୁହ ରୁହ ବୀର ପ୍ରବର l ଏଇଟା ଲୋକସଭା ନୁହଁ ଯେ ଗର୍ଜି ବାକୁ ପଡିବ l ଧୀରେ ଧୀରେ ଫୁସୁରୁ ଫାସୁରୁ ହେଇ କଥା ଟା କୁହ l ନହେଲେ କାନ୍ଥ ବାଡ଼ ରେ ବି କାନ ଥିବ ଜାଣ l ଚାକର ବାକର ଙ୍କ କାନ ବି ଭlରି ତେଜ l କଥାରେ ଅଛି ପରା ତୁଣ୍ଡ ବାଇଦ ସହସ୍ର କୋଷ l the word said in ear echoes three miles there...

- ହଁ ବା ମନ୍ତ୍ରୀ ବର l ମୁଁ ସେମିତି କହିବl ପୂର୍ବ ରୁ ଟିକେ ଖିଙ୍କାରି ହୁଏ l ଆଚ୍ଛା ଜାଣିଛ ନା ଗୋଟିଏ ନୂଆ ଟେଣ୍ଡର ଆସିଛି l

- ଆରେ ହଁ ବା ସେଇଥି ପାଇଁ ତ ଆମ ଟିମ ମନ୍ତ୍ରୀ ମାନେ ଏଇଠି ଆସି ହାଜର l

ବାସ୍ତବ କଥା ଟା ହେଲା ପୂର୍ବ ଭାରତ ର ବିଛିନ୍ନ ଅଂଚଳ ଗୁଡାକୁ ଯୋଡିବା ପାଇଁ ଯେଉଁ ସେତୁ ତିଆରି କାମ ଟା ଆରମ୍ଭ ହେଇଥିଲା ; ସେଥିରେ ଅlକାଳନ ଠାରୁ ବହୁତ କମ ଟଙ୍କା ଖର୍ଚ୍ଚ ହେଇଥିଲା l ଏଥର କେମିତି କେଜାଣି ବି ସେତୁ କାମ ଟା ଭଲ ରେ ଭଲ ରେ ହେଇଯାଇଛି l ହଁ ୟା ପଛର କାରଣ ବି ହେଇପାରେ ପୂର୍ବ ଭାରତ ର ଅମୁଲ୍ୟ ସମ୍ପଦ କୁ ସହଜରେ ବୋହିନେବ ପାଇଁ ଚକ୍ରାନ୍ତ l କିନ୍ତୁ ସେ ପ୍ରସଙ୍ଗ ଟା ଏଠି ବାଞ୍ଚନୀୟ ନୁହେଁ l ବାସ୍ତବରେ ସେହି ଅବଶିଷ୍ଟ ଅର୍ଥ କୁ ସାଉଁଟି ନେବା ପାଇଁ ମନ୍ତ୍ରୀ ମାନେ ଆଜି ମେଳି ହେଇଛନ୍ତି l

ପୁଣି ପାନ ଟା ଜାକି ଲୋହିତ ଅଧର ରେ ହସ କୁ ସଜାଡି ମନ୍ତ୍ରୀବର କହିଲେ, " ଟଙ୍କା ଟାକୁ ଆମ ଆୟତ୍ତ ରେ ଆଣିବା ବହୁତ କଷ୍ଟ ବୋଧେ l ପ୍ରଧାନମନ୍ତ୍ରୀ ଆମର ବହୁତ ଚାଲାକ ହୋଇଗଲେଣି l କେଉଁ ଠୁ ନା କେଉଁଠୁ ହେଉ ଖବର ଆଦାୟ କରି ଦେଉଛନ୍ତି l "

ଅନ୍ୟ ମନ୍ତ୍ରୀ ଜଣଙ୍କ କହିଲେ, " ଆରେ ଆପଣ ତ ପ୍ରାକୃତିକ ଦୁର୍ବିପାକ ବିଭାଗ ମନ୍ତ୍ରୀ ଅଛନ୍ତି l ଖବର ରଖିଛନ୍ତି ନା ନାହିଁ ଟିକି ଲଘୁଚାପ ଟିଏ ଉପକୂଳ ରେ ତାଣ୍ଡବ ରଚି ଯାଇଛି l ସେଇଠିକି ପଇସା ପଠାଇବାକୁ ପ୍ରଧାନମନ୍ତ୍ରୀ ଙ୍କ ପାଖେ ଖବର ରଖିଲେ ? "

- ଆରେ ସେଇଟା ତ ଠିକ କିନ୍ତୁ ଯଦି ଧରାପଡିଯିବା ବାତ୍ୟା ଟା ଏତେ ବଡ଼ ଧରଣ ର ବି ନୁହେଁ କିଛି ବେଶୀ କ୍ଷୟ ହେଇନି l

- ଆରେ ବିରୋଧୀ ଦଳ ନେତା ହେଲେ ବି ମୁଁ ଆପଣ ଙ୍କ ପଟେ l ସଭା ରେ କେମିତି ଚିଲେଇ କଥା କୁ ସକ୍ସେସଫୁଲ କରାହୁଏ ମୋତେ ଭଲ ରେ ଜଣା l

ଦୁଇ ମନ୍ତ୍ରୀ ପରେ ପାନ ଜକା ଅଧର ରୁ ଲାଲିଆ ଲାଲିଆ କୁଟିଳ ହସ ଫୁଟେଇ ହସି ଗଲେ l ପାନ ଛିପ ଗୁଡାକ ମାର୍ବଲ ରେ ମିଳାଇବା ସହ କାର୍ଯ୍ୟ ଟା ଭିନ୍ନ ମୋଡ଼ ନେଲା l

*

ଏଇ ସଜ ସଜ ଓଡିଶା ମନ୍ତ୍ରୀ ଙ୍କ ପାଖକୁ କେନ୍ଦ୍ର ରୁ ପଇସା ଟା ଆସିଛି l କେଉଁ ବାତ୍ୟା ରୁ ଆସୁଥିବା ପଇସା ଠାରୁ ଏଥର କାଇଁ ଟିକେ କମ ପଇସା ଆସିଛି l ସେଠି ଯେମିତି ଗୁପୁତେ ଗୁପୁତେ କେନ୍ଦ୍ର ମନ୍ତ୍ରୀ ଙ୍କ ଫୁସୁରୁ ଫାସୁରୁ ଚାଲିଥିଲା ଆଜି ସେମିତି କଣ ଗୋଟିଏ ଫୁସୁଫାସୁ ର ଲହଡି ଟା ଖେଳିଯାଉଛି ବିଧାୟକ ଙ୍କ ବସା ରେ l ଚାରିପଟେ ଅନେକ ଗୁଡ଼ାଏ ଛଦ୍ମବେଶ ଧାରୀ ବିଧାୟକ ରୁଣ୍ଡ l

ଫିଙ୍କା ରୁ ଧୂଆଁ ଟା ଝାଡ଼ି ଢ଼ଳି ଢଳି ବିଧାୟକ କହିଲେ, " ଏ କେନ୍ଦ୍ର ରେ ଥିବl ମନ୍ତ୍ରୀ ଗୁଡାକ ଭାରି ଦଗlଦିଆ ; ଏତେ କମ ପଇସା ବି ଛି ଛି ଛି l "

ଅନ୍ୟ ଜଣେ ବିଧାୟକ କହିଲେ, " ଆରେ ଆରେ.. ଏତେ କମ କଣ? ଟିକେ ଅଧିକl କୁହ l ଏ ତ ଯେଉଁ ଟିକି ବାତ୍ୟା ଟା ହେଇଥିଲା ପଇସା ପଠାଇବାର ହିଁ ନଥିଲା ଖାଲି ଯାହା ନାଁ କୁ ଯେ ଆସିଛି ପଇସା l ଏ ବାତ୍ୟା ଯେଉଁ ହେଲା ନଡ଼ିଆ ଗଛ ରୁ ତ ନଡ଼ିଆ ଝଡି ନଥିବ ଆଉ ସାଗର ପାଇଁ ବେଳାଭୂଇଁ କୁ ଓଦା କରିଥିବ କି ନାହିଁ ସନ୍ଦେହ l "

- କଣ କହିବାକୁ ଚାହାଁନ୍ତି କି ଆପଣ ?

- ଆରେ ଶୁଣନ୍ତୁ ଖବର ରଖିଚ କି ନାହିଁ l ଦକ୍ଷିଣ ଓଡିଶା କୁ ଯୋଗ ପାଇଁ ଗୋଟେ ସେତୁ ତୋଳା ହେଇଥିଲା l ଭାବୁଥିବେ ସେଇଟା କାଳେ ସେ ଆଦିବାସୀ ଏରିଆ କୁ ଆଧୁନିକ ସହ ମିଶାଇବାକୁ ପ୍ରୟାସ l କିନ୍ତୁ ରାଜନୀତିଆ ଦୃଷ୍ଟି କୁ ଦେଖିଲେ ସେଠି ଗୁଡ଼ାଏ କାଠ ତସ୍କର ମାତିଥିଲେ ସେଇମାନେ ସେତୁ ଟି ହେବାରେ ଅର୍ଥ ସାହାଯ୍ୟ କରିଥିବେ ବୋଲି ମତ ଗଡୁଛି l କିନ୍ତୁ ଆମର ସଚୋଟ ପ୍ରଧାନମନ୍ତ୍ରୀ ଭାବୁଛନ୍ତି କମ ଟଙ୍କା ରେ କାମ ଟା ହେଇଗଲା ବୋଲି l ସେଇ ବଳକା ଅର୍ଥ କୁ ଆତ୍ମସାତ କରିବା ପାଇଁ ଲୋକ ସଭା ରେ କେତେ ସର୍ବ ଦଳ ନିର୍ବିଶେଷରେ ଗଠିତ ହୋଇଥିବା ଗୁପ୍ତ ସଙ୍ଘ ଗୁଡା ନେବା ପାଇଁ ଉଣ୍ଡି ବସିଥିବେ l ସେଇ ଥିରୁ ପଇସା ଲୁଟିଛନ୍ତି ଆଉ l "

- ଓଃ.

- ଆଉ କଣ ଜାଣିଛନ୍ତି ଟି ? ପଶ୍ଚିମବଙ୍ଗ ରେ ବନ୍ୟା କେତେ କ୍ଷୟ କରିଛି କିନ୍ତୁ ସେଠିକି କାହିଁ ପଇସା ଯାଇନି କି ? ଏବେ କେନ୍ଦ୍ର ର ଓଡ଼ିଶା ଉପରେ ନଜର l ଏଭଳି ପବନ ଝୁଙ୍କl ରେ ବେଳେ ବେଳେ ସାମାନ୍ୟ ଅର୍ଥ ଆଣି ପକେଇଲେ ଲୋକ ଙ୍କ ଧ୍ୟାନ ତ କେନ୍ଦ୍ର ରେ ରହିଲା ଆଉ l

- ଓଃ ଅମନ୍ତ କଥା l

କିନ୍ତୁ ଏବେ ମନ୍ତ୍ରୀ ଙ୍କ ମୁଣ୍ଡ ଘାବୁରେଇ ଗଲା l ଉପର ସଭା ରେ ତ ସମସ୍ତେ ନିଜ ନିଜ ଭାଗ ହାତେଇ ନେଲେ ଆଉ ଏବେ ଦ୍ଵିତୀୟ ପାହାଚ ରେ ପଇସା କେମିତି ଲୁଟିବେ ଚିନ୍ତା ? ସେତେବେଳୁ ଗୁପୁତେ ଗୁଡତେ ହେଉଥିବା ଆଲୋଚନା ରେ ଗୋଟିଏ ନିରବ ଗୁଞ୍ଜରଣ ଗୋଟିଏ ଖେଳିଗଲା l ଫିଙ୍କା ରୁ ସେମିତି ଧୂଆଁ ଟା ଉଡି ଉଡି ଯାଉଥାଏ l ହଟାତ ଜଣେ ବିଧାୟକ କହି ଉଠିଲେ, " ହଁ..... "

କଣ? କଣ? କଣ ?

*

କୁହୁଡିଆ କୁହୁଡିଆ ଦିନ ଟା l ଫlକାସିଆ ଫାକାସିଆ ପରିବେଶ l ଗାଁ ର ପୂର୍ବର କପାଳିନୀ ମନ୍ଦିର ରୁ ଝରି ଆସୁଛି ଝଙ୍କାର l ସେହି ଝଙ୍କାର ଅନ୍ତରlଳେ ସରପଞ୍ଚ ଜଣଙ୍କ ଓଠ ରେ ଚା ଢାଳି ବସିଥାନ୍ତି ଚଉକି ଉପରେ l ପାଖରେ ମୋଟା ଚେନ ଟା ପକେଇ କଫି ପିଉଥାନ୍ତି ସରପଞ୍ଚ ଙ୍କ ସ୍ୱାମୀ l

ସ୍ଥାନୀୟ କୁଜି ନେତା ଦିଟା ଚଉକି ପକେଇ ବସିଥାନ୍ତି ଆର ପଟକୁ l ହଟାତ ସରପଞ୍ଚ କହି ଉଠିଲେ, " ପଇସା ଆସିଛି l ମହାତ୍ମାଗାନ୍ଧୀ ନିଶ୍ଚିନ୍ତ କର୍ମ ଯୋଜନl ରେ ଲୋକେ କାମ କରିବେ l ତାଙ୍କୁ ପଇସା ମିଳିବ l ଯା ହେଉ କେତେ ଭଲ କଥା l ଗାଁ ରେ ପାର୍କ ଟା ହେବ ଲାଇବ୍ରେରୀ ଟା ହେବ l ସନ୍ଧ୍ୟା ରେ ମୁଁ ମନ ମନୋହର ପାଇଁ ସେଠି ଯାଇଁ ଟିକେ ବସିବି ଘାସ ଗାଲିଚା ଉପରେ l "

ସ୍ୱାମୀ ଟିକେ ଉତଭଙ୍ଗ ହେଇ ଚିହିଁକି ଉଠିଲେ l

- ଓଃ.. ତୋ ମୁଣ୍ଡ ରେ ଖାଲି ଗୋବର ଭରା l ନାଁ କୁ ସରପଞ୍ଚ l ଦଶମ ଘର ବି ଡେଇଁନୁ l ଖାଲି ମୋରି ଭାଗ୍ୟ କୁ ଆସିଲୁ ବୋଲି ସରପଞ୍ଚ ଟେ ହେଇଚୁ l ସେଥିରେ ପୁଣି ପାର୍କ ଲାଇବ୍ରେରୀ ଚିନ୍ତା l

- ଆରେ ମୁଁ କଣ କରିବି l ଉପରୁ ତ ଅର୍ଡର ଆସିଛି ଏସବୁ ହେବ ବୋଲି l ଅନ୍ୟ ପଞ୍ଚାୟତ ରେ କରୁଛନ୍ତି l ମୁଁ କଣ କରିବି ଯେ ?

- ଆରେ ଜାଣିଚୁ ଏବେ ପଇସା ଆସିଛି କାହିଁକି ? କାରଣ ଏଇ ଟିକି ବାତ୍ୟା ଟା ଯେଉଁ ହେଇଥିଲା ରିଲିଫ ନାଁ କୁ ଏଇଟା କେନ୍ଦ୍ର ରୁ ଆସିଥିଲା l ତା ପରେ ବି ରାଜ୍ୟ ସରକାର ଟିକେ ଅର୍ଥ ଲୁଟିବେ ନା l କାଳେ ଲୋକ ସନ୍ଦେହ କରିବେ ଏଡ଼େ ନିକ ବାତ୍ୟା କୁ କାଇଁ ପଇସା ଆସିଲା ତେଣୁ ମହାତ୍ମାଗାନ୍ଧୀ କର୍ମନିଯୁକ୍ତି ଯୋଜନା ନାଁ ରେ ଏଇଟାକୁ ଏଠିକି ପେଲି ଦେଇଛନ୍ତି l

- ତେବେ ?

କିଛି ଗୋଟେ ନିରବ ଗମ୍ଭୀରତା ଭିତରେ ଦୁଇ ତିନି ସେକେଣ୍ଡ ଚାଲିଗଲା l କାନ୍ଥ ରେ ଘଣ୍ଟା ର ଟିକ ଟିକ ଶବ୍ଦ ଟା ସ୍ପଷ୍ଟ ଶୁଣା ଯାଉଥାଏ l ସେ ଶବ୍ଦ କୁ ଭେଦି କବାଟ ରେ ଠକ୍ ଠକ ଟା ସୁଭି ଉଠିଲା l ସ୍ୱାମୀ ସ୍ତ୍ରୀ କୁଜି ନେତା ସବୁ ସିଆଡ଼ିକି ଅନେଇଲା ବେଳକୁ l ଠିକାଦାର କାଗଜ ଗୋଟେ ଧରି ଠିଆ ହେଇଛନ୍ତି l ତାଙ୍କୁ ଦେଖି ହସ ହସ ବଦନ ରେ ସରପଞ୍ଚ ଙ୍କ ସ୍ୱାମୀ ଅଭିବାଦନ କଲେ l ଚା ପାଣି ର ବନ୍ଦୋବସ୍ତ କରି ଲା ବେଳକୁ l ସ୍ୱାମୀ ସରପଞ୍ଚ ଙ୍କୁ ଇସାରା ଦେଇଦେଲେ କଣ କରିବାକୁ ଅଛି l ସ୍ତ୍ରୀ ଲୋକ... କେତେ ଅବା ବୁଦ୍ଧି ତାର l ଦୂରରୁ ଜୁହାରେ ଦେଇ ଚାଲିଗଲା l

ଠିକାଦାର କହିଲେ, " ଆରେ ତୁମ ସ୍ତ୍ରୀ ସତରେ ସରପଞ୍ଚ ହେଲା ପରେ ବି ଭାରି ସୁଶୀଳା l ଓଡ଼ିଆ ପରମ୍ପରା କୁ ଭୁଲି ନାହାନ୍ତି l "

- ଆରେ ତା କଥା ଛାଡ଼ l ଗମେଣ୍ଟ ଚାକିରୀ ମୋର ମୋତେ ପ୍ରିୟ ବୋଲି ୟାକୁ ଠିଆ କଲି l ଭାଗ୍ୟ କୁ ଜିତି ଗଲା ଆଉ l

- ଆଉ ଏବେ ପାୱାର ତମ ହାତ ରେ ଆଉ.... ଆଚ୍ଛା ଗୋଟେ ସାହାଯ୍ୟ ନେଇ ଆସିଛି...

- କଣ ?

*

ଆମ ଗାଁ ମୁଣ୍ଡ ରେ ରାଧୁ ବୁଢା ର ଘର l ବୟସ ଷାଠିଏ ଛୁଇଁବ କିନ୍ତୁ ଦିହ ରେ ବଳ ଜମାରୁ ଓଲ୍ଲହେଇନି l ଆଜି ବି କୁରାଢ଼ୀ କୁ କାନ୍ଧ ରେ ବୋହି ଏକା ମାଣେ ଘାସ ପଡିଆ କୁ ସମତୁଲ କରିଦେବ l କିନ୍ତୁ ଆଜି କାଲି କାଇଁ ସେ ବେଶୀ କାମ କରୁନି l କଣ କେଜାଣି ଦୁଇ ଦିନ ତଳେ ସରପଞ୍ଚ ଆସି ହୁଲର କରି ଯାଇଥିଲେ ବୁଢା ମାନେ ଘରେ ରୁହନ୍ତୁ l ପରିଣତ ବୟସ ରେ ନିଜର ଧ୍ୟାନ ରଖନ୍ତୁ l ଭାରତ ନିଜ ବଳିଷ୍ଠ ସଂସ୍କାର ପାଇଁ ପରିଚିତ l ଯେଉଁ ଭୂଇଁ ରେ ବୃଦ୍ଧ ଙ୍କୁ ବୁଦ୍ଧ ଦେବ ଙ୍କ ସହ ତୁଳନା କରା ଯାଇଥାଏ ସେ ଦେଶ ଆମ ଭାରତ l

ସରପଞ୍ଚ ସମସ୍ତଙ୍କ ପାଦ ଧୋଇ ପାଣି ପାଇ.. ଗାମୁଛା ଖଣ୍ଡେ ଖଣ୍ଡେ ଆଉ ପାଞ୍ଚଶହ ଟଙ୍କା ଦେଇ ଯାଇଥିଲେ l ରାଧୁ ବୁଢା ର ମନ ସେ ଦିନ ରୁ କୁଣ୍ଢେ ମୋଟ l ସେ ଦିନ ରୁ ସେ ଖରା ବି ପଡ଼ିବାକୁ ଦେଉନି ଦେହ ରେ l ସବୁବେଳେ ଖାଲି ପିଣ୍ଢା ରେ ବସି ମୁଢି ଚୋବେଇବାରେ ବ୍ୟସ୍ତ l ପୁଅ ବୋହୁ ସବୁ ବିଦେଶ ରେ l ଘରେ ଖାଲି ସେ ଆଉ ତା ବୁଢ଼ୀ l ତେଣୁ ବେଶୀ ଚଳଚଞ୍ଚଳ ନାହିଁ ଘର ଟା l

ତା ବୁଢ଼ୀ ଗାଈ ରଖିଛି ତ ତେଣୁ ସବୁଦିନ ସକାଳୁ ମୁଁ ଯାଏ l ଏଇ କିଛି ମାସ ହେବ ସେଇ ଅଭ୍ୟାସ ଟା ଫିକା ପଡିଯାଇଥିଲା ହଷ୍ଟେଲ ରେ ଥିଲି ବୋଲି l ଆଜି ପୁଣି ହଷ୍ଟେଲ ରୁ ଆସିଛି ତେଣୁ ସାଇକଲ ଧରି ଚାଲିଲି l

ସବୁବେଳେ ମୁଁ ତାଙ୍କ ଘରକୁ ଗଲେ ସେ ଯାହା ନା ନାହିଁ ଗୋଟେ କାମ ରେ ଲାଗିଥିବେ l କିନ୍ତୁ ଆଜି ସେ ବସିଛି ପିଣ୍ଢା ରେ ସେମିତି l ବୋଉ ଗୋଟେ ବଡ଼ ଲାଉ ଦେଇଥିଲା ଶ୍ରଦ୍ଧା ରେ ବୁଢା ପାଇଁ l ମୁଁ ଶୁଖିଲା ହସ ଦେଇ... ଲାଉ ଟା ଟିକି ଟିକି ହାତ ରେ ଆଣିଲା ବେଳକୁ ଅଧା ଅଧା ଖସି ପଡ଼ୁ ଥାଏ l ଏତେ ବେଳକୁ ତ ବୁଢା ଆସି ମୋତେ ସାହାଯ୍ୟ କରିବା କଥା ଲାଉ ଉଠାଇବାରେ କିନ୍ତୁ ସେ କର୍ମକୋଢ଼ିଆ ଭଳି ବସିଛି l ମୁଁ ପାଖକୁ ଗଲି ଠିଆ ହେଲି l କଣ କେଜାଣି ହୁଁ ଚୁଁ କିଛି କହିଲାଣି l

- ଆରେ ରାଧୁ ଜେଜ.. କଣ ହେଇଚି... ତିନି ମୁଣ୍ଡିଆ ହେବାକୁ ବ୍ୟବସ୍ତା କରୁଚ ନା କଣ ? ଏମିତିରେ ତ ତୁମେ ବହୁତ ଆକଟିଭ ସବୁବେଳେ ଆଜି କଣ ହେଇଚି ? କିଛି କାମ ନାହିଁ କି ? ମୁଁ କାଳେ ଶୁଣିଥିଲି ଗାଁ କୁ ମହାତ୍ମାଗାନ୍ଧୀ ନିଶ୍ଚିନ୍ତ କର୍ମଯୋଜନା ଟଙ୍କା ଆସିଛି l କାମ କରିକି ଇନକମ କରିବ l ତୁମେ ତ ଏସବୁ କାମ ରେ ଭାରି ଫାଷ୍ଟ l ତୁମେ ଯାଇନ କେମିତି l ମୁଁ ଗଲା ବେଳକୁ କାଳେ ଗାଁ ମୁଣ୍ଡ ରେ ଖାଲି ମେସିନ ଗୁଡା ମାଟି ତାଡ଼ୁ ଛନ୍ତି l ତୁମେ ସବୁ କଣ କରିବ କି ?

- ଆରେ ମୋ ସରପଞ୍ଚ ମୋତେ କହିଛି l ମୋତେ ଷାଠିଏ ପୁରିଲାଣି.. ମୁଁ ଖାଲି ଆରାମ ନେବି l ଏମିତିରେ ତ 500 ମିଳିଛି l ଗାମୁଛା ଚଦର ମୋ ସରକାର ଦେଇଛି l ମୋର କାମ ଦରକାର ନାହିଁ l

- ଆଉ ସେଠି କାମ କରିଥିଲେ ଦିନ କୁ ଯେଉଁ 300 ମିଳିଥାନ୍ତା... ମାସ କୁ 9000... ଏମିତି...

- ଆରେ 500 ବଡ଼ ନା 300.. ମୋ ସ୍ୱାସ୍ଥ୍ୟ ବଡ଼ ନା କାମ ?

- ହେଉ ତୁମେ ସେମିତି ବସିଥାଅ ତିନି ମୁଣ୍ଡିଆ ହେଇ l ସରକାର କେତେ ପଇସା ଶୋଷିଲାଣି ସେତିକି ନିଘା ନାହିଁ... l

-ଓଃ.. କ୍ଷୀର ନେଇକି ଗଲୁ... ସେଥିରେ ମୁଣ୍ଡ ପୁରାନା l

- ହଉ ମୋର କଣ ଗଲା l ପ୍ରଧାନମନ୍ତ୍ରୀ ସିଆଡେ 100% ଟଙ୍କା ପଠେଇଲା ବେଳକୁ... ବିଭିନ୍ନ ବାଟ ରେ ଖିଆ ଖୀ ହେଇ 25% ତମ ପାଖରେ ପହଁଚୁଛି l ରାଜୀବ ଗାନ୍ଧୀ କଣ ଶୂନକୁ କହିଥିଲେ, " ମୁଁ ଟଙ୍କାଟା ପଠେଇଲେ ସେଇଟା ଚାରେଣା ହେଇ ଯାଉଛି " ହଉ ମୋ କ୍ଷୀର ଦେଲ ମୁଁ ଯିବି...

ଚିହିଁକି ଉଠି ଦିହ ରେ ବଳ ସଜାଡି ଗୁହାଳ ମୁହାଁ ହେଲା ରାଧୁ ବୁଢ଼ା l ପାଟି ପାକୁ ପାକୁ କରି କହୁଥାଏ... କ୍ଷୀର ନେଇ ସlରିଲା ପରେ ଫୋନ ଦେବୁ ତ ଟିକେ କଥା ହେବି..

ହଁ ସେଇଟା ତ ନିହାତି ଦରକାର... ଦେଶ କଥା ବୁଝିବ କାହିଁକି ?

ଲଷ୍ମୀଧର ସାହୁ,

କେନ୍ଦ୍ରାପଡ଼ା ସ୍ୱୟଂଶାସିତ ମହାବିଦ୍ୟାଳୟ,

କେନ୍ଦ୍ରାପଡ଼ା

ବାଟମାରେଣା

ଏକ ରାଜନୈତିକ ବିସ୍ଲେସଣ ଧର୍ମୀ କ୍ଷୁଦ୍ରଗଳ୍ପ