"ମଙ୍ଗଳ ଭବନ ଅମଙ୍ଗଳହାରୀ ଦଶରଥ ନନ୍ଦନ ଅଜିର ବିହାରୀ"

ଚୈତ୍ର ଶୁକ୍ଳ ନବମୀ ତିଥି। ଆମର ଆରାଧ୍ୟ ଭଗବାନ ପ୍ରଭୁ ଶ୍ରୀରାମଚନ୍ଦ୍ରଙ୍କର ଜନ୍ମୋତ୍ସବ। ସାରା ଦେଶ ହେବ ଉତ୍ସବମୁଖର। ନିକଟ ଅତୀତରେ ପ୍ରତିଷ୍ଠା ହୋଇଥିବା ଅଯୋଧ୍ୟାରେ ରାମମନ୍ଦିର ଯୋଗୁଁ ଏଥରର ରାମ ନବମୀ କିଛି ଅଧିକା ଖାସ୍।ସେଥିରେ ଓଡ଼ିଶାରେ ରାମନବମୀର ପରମ୍ପରା ମଧ୍ୟ ବହୁ ପୁରାତନ। ତନ୍ମଧ୍ୟରୁ ମୁଁ ଆଜି ଯାହା ବିଷୟରେ ଲେଖିବାକୁ ଯାଉଛି ତାହା ହେଉଛି ବହୁଚର୍ଚ୍ଚିତ ଭଦ୍ରକର ରାମନବମୀ।

ଭଦ୍ରକରେ ରାମନବମୀ ପାଳିତ ହୁଏ ନୂଆବଜାରସ୍ଥିତ ଗାନ୍ଧିପଡିଆରେ।ଦିନେ ନିରାଡମ୍ବରରେ ପାଳିତ ହେଉଥିବା ରାମନବମୀ ଆଜି ବହୁ ଚର୍ଚ୍ଚିତ ଓ ବହୁ ବିଶାଳକାୟ ଭାବରେ ପାଳିତ ହେଉଛି।ଦିନ ଥିଲା ଗାନ୍ଧି ପଡ଼ିଆରେ ରାମନବମୀକୁ ବିଜେପିର ପର୍ବ ରୂପରେ କୁହାଯାଉଥିଲା ହେଲେ ଆଜି ଭଦ୍ରକର ଆବାଳବୃଦ୍ଧବନିତା ରାମଙ୍କ ପ୍ରେମରେ ମସଗୁଲ ହୋଇ ଏହି ପର୍ବରେ ସାମିଲ୍ ହେଉଛନ୍ତି ଏହାଠୁ ବଡ଼ କଣ ବା ହୋଇପାରେ। ଆପଣଙ୍କୁ ଯଦି ଶ୍ରୀ ରାମ ନବମୀ ର ଉତ୍ସବ ର ଗ୍ରାଣ୍ଡ ଅନୁଭବ ନେବାର ଅଛି ତେବେ ଥରେ ଆସନ୍ତୁ ଭଦ୍ରକ ର ରାମନବମୀ କୁ।

ଦୀର୍ଘ ୩୪ ବର୍ଷ ପୂର୍ବରୁ ଭଦ୍ରକ ର ଗାନ୍ଧିପଡ଼ିଆ ଆରମ୍ଭ ହୋଇଥିଲା ରାମ ନବମୀ ବିଶ୍ଵ ହିନ୍ଦୁ ପରିଷଦ ଓ ବିଭିନ୍ନ ସହଯୋଗୀ ଅନୁଷ୍ଠାନ ଙ୍କ ସହାୟତା ଦ୍ଵାରା। ତିନି ଦିନ ଧରି ପାଳିତ ହୁଏ। ପ୍ରଥମ ଦିନ କଳସ ଶୋଭାଯାତ୍ରା ହୋଇ ଯଜ୍ଞ ଆରମ୍ଭ ହୁଏ ଓ ଦ୍ଵିତୀୟ ଦିନ ଯଜ୍ଞ ସହ ସାମୁହିକ ହନୁମାନ ଚାଳିଶା ପାଠ କରାଯାଉଥିଲା ତାହା ସହିତ ଜନ ହିତକାରୀ କାର୍ଯ୍ୟ ସହ ଗୋ ସେବା ବି କରାଯାଉଥିଲା ଓ ଶେଷ ଦିନରେ ତଥା ନବମୀ ତିଥି ରେ ପ୍ରଭୁ ଙ୍କ ଯଜ୍ଞ ସମାପନ ହୁଏ ଓ ବିଭିନ୍ନ ସ୍ଥାନ ରେ ରାମ ଙ୍କ ରାଲି ଭଦ୍ରକ ସହର ସାରା ବୁଲି ଆସି ଗାନ୍ଧୀ ପଡ଼ିଆ ରେ ଏକଜୁଟ ହେଉଥିଲା।

କିଛି ବର୍ଷ ପରେ ୧୯୯୩ ମସିହା ରେ ଭଦ୍ରକ ଏହି ରାମ ନବମୀ ରେ ସାଂପ୍ରଦାୟିକତା ର ଏକ ବିକଟାଳ ରୂପ ଦେଖିଥିଲା।ସେ ସମୟ କୁ କେହି ମନେ ପକାଇବାକୁ ଚାହିନ୍ତିନି କି ଏହା ବିଷୟରେ ଖୋଲି କହିବାକୁ ସହଜ ମନେ କରନ୍ତିନି। ମୁଁ ବି ସେଇଆ କରିବି ବେଶୀ କିଛି ସେ ବିଷୟରେ ଲେଖିବାକୁ ଚାହୁଁନି। କିନ୍ତୁ ଏହି ଘଟଣା ଭଦ୍ରକ ର ରାମ ନବମୀ କୁ ଚର୍ଚ୍ଚିତ କରିଦେଲା। ଛୋଟ ବେଳୁ ବି ଦେଖିଛି ଅନେକ ପ୍ଲାଟୁନ ଫୋର୍ସ ଆସି ଶାନ୍ତି ରକ୍ଷା ପାଇଁ ସଜାଗ ହୋଇ ଥାଆନ୍ତି।

ଧୀରେ ଧୀରେ ରାମ ନବମୀ ଆଡ଼ମ୍ବର ରେ ପାଳିତ ହେଲା। ଶୋଭାଯାତ୍ରା ର ପରିମାଣ ବଢ଼ିଲା। ଗାନ୍ଧୀ ପଡ଼ିଆ ରେ ଏକ ସ୍ଥାୟୀ ଯଜ୍ଞ ମଣ୍ଡପ ତିଆରି ହେଲା ଓ ଯେଉଁ ଦଙ୍ଗା ପରଠୁ ଲୋକ ମାନେ ରାଜନୈତିକ ଦୃଷ୍ଟି ରୁ ସହଜ ଭାବରେ ଯୋଡ଼ି ହୋଇ ପାରୁ ନଥିଲେ ଦଶ ପନ୍ଦର ବର୍ଷ ହେଲା କିନ୍ତୁ ସେହି ଦୃଷ୍ଟି ଭଙ୍ଗୀ ବଦଳି ଗଲାଣି। ଅନେକ ଲୋକ ପ୍ରଭୁ ଶ୍ରୀ ରାମ ଙ୍କ ଧୂନ୍ ରେ ନିଜକୁ ହଜାଇ ଦେଉଛନ୍ତି।

ଏମିତି ଚାଲୁଥିବା ସମୟରେ ୨୦୧୭ ମସିହା ରେ ପୁଣି ଏକ ବିପତ୍ତି ଆସିଲା। ଆଉ ଗୋଟେ ଉଭା ହେଲା କୃତ୍ରିମ ସାଂପ୍ରଦାୟିକ ଦଙ୍ଗା ଯାହାର କୁପରିଣାମ କୁ ମୁଁ ନିଜେ ଅଙ୍ଗେ ନିଭେଇଛି। ଦୀର୍ଘ ଦୁଇ ମାସ ଲାଗିଗଲା ଜନଜୀବନ କୁ ସ୍ଵାଭାବିକ ହେବାକୁ। ଏହାର ଅନୁଭୂତି ଲେଖିଲେ ସେଥିପାଇଁ ଏକ ନୂଆ ବ୍ଲଗ୍ ଆବଶ୍ୟକ ଯଦିଓ ମୁଁ କେବେ ଲେଖିବି ନାହିଁ କାରଣ ସବୁ ଜାଣିଥିବା କଥା ଯେ କହିବା ଦରକାର ଆଉ ସବୁ ବୁଝିଥିବା କଥା ଯେ ବୁଝାଇବା ଦରକାର ମୁଁ ବିଶ୍ୱାସ କରେନି।

ଏହି ଘଟଣା ର ପ୍ରଭାବ ରେ କିନ୍ତୁ ସରକାର ଙ୍କ ନିଷ୍ପତି ଆସିଲା ପରବର୍ଷ ଶୋଭାଯାତ୍ରା କୁ ବନ୍ଦ କରିଦେବାକୁ। ହେଲେ ୨୦୧୯ ଶ୍ରୀ ରାମ ନବମୀ କମିଟି ଭଦ୍ରକ ଶେଷ ପର୍ଯ୍ୟନ୍ତ ନିଜର ଲଢ଼େଇ ଜାରି ରଖିଲା ଓ ଅନୁମତି ଆଣିଲା। ହେଲେ ସବୁଠାରୁ ଗୋଟିଏ ଦ୍ଵନ୍ଦ ଥିଲା ହୁଏତ ଲୋକ ମାନେ ଭୟ ରେ ସେହି ଉତ୍ସାହ ରେ ଯୋଗ ଦେଇ ନପାରନ୍ତି କିନ୍ତୁ ସେହି ବର୍ଷ ଲୋକଙ୍କ ର ଅଦ୍ଭୁତ ପୁର୍ବ ଯୋଗଦାନ ଓ ବିଶାଳ ଜନ ସମର୍ଥନ ଲୋକଙ୍କୁ ଚକିତ କରିଦେଲା। କାହିଁକି ନା ଭଦ୍ରକବାସି ଙ୍କ ପାଇଁ ଏହା କୋଉ କମିଟି ର ପର୍ବ ହୋଇ ନଥିଲା ତାହା ହୋଇ ଯାଇଥିଲା ତାଙ୍କ ନିଜର ପର୍ବ।

ଏହି କିଛି ବର୍ଷ ହେଲା ଏହା ସାତ ଦିନ ଧରି ଆୟୋଜିତ ହେଉଛି। ଭଦ୍ରକ ହୋଇ ଉଠୁଛି ଉତ୍ସବ ମୁଖର। ବିଶାଳ ଜନ ସମାଗମ ସହ , ବିଭିନ୍ନ ସ୍ଥାନ ରୁ ପ୍ରଭୁ ଶ୍ରୀ ରାମ ଙ୍କ ମେଢ଼ ର ଆଗମନ , ସାଂସ୍କୃତିକ କାର୍ଯ୍ୟକ୍ରମ , ଗୋ ସେବା ଓ ପୂଜନ , ହନୁମାନ ଚାଳିଶା ପଠନ , ରାମ ଭକ୍ତ ଙ୍କ ଗଣଦୌଡ , ବାଇକ୍ ରାଲି , ବାଳ ଭକ୍ତ ମାନଂକ ସାଇକେଲ ରାଲି ଇତ୍ୟାଦି ଏହାକୁ ଆହୁରି ଅଧିକ ଖାସ୍ କରିଦେଉଛି। ଶେଷ ଦିନରେ ଆସିଥିବା ମେଢ଼ ମଧ୍ୟରେ ପ୍ରତିଯୋଗିତା ମଧ୍ୟ ହୁଏ ନିଜର ସ୍ଵତନ୍ତ୍ରତା ଓ କୌଶଳ ପାଇଁ ଯାହା ବି ଏକ ଭିନ୍ନ ସକାରାତ୍ମକ ବାତାବରଣ ସୃଷ୍ଟି କରେ। ରାସ୍ତା ରାସ୍ତା ରେ ପିଲା ମାନଂକ ରାମ ସୀତା ହନୁମାନ ଙ୍କ ବେଶରେ ବୁଲିବା ଏହାର ଶୋଭା କୁ ଆହୁରି ଦ୍ଵିଗୁଣିତ କରେ। ଦଳ ଓ ଧର୍ମ ନିର୍ବିଶେଷରେ ରେ କିଛି ବର୍ଷ ହେବ ରାମ ଭକ୍ତ ମାନଙ୍କୁ ସର୍ବତ, ମୃଦୂପାନୟ ଓ ପାଣି ଯୋଗାଇ ଦିଆଯାଉଛି ଯାହା ଅତ୍ୟନ୍ତ ସୁନ୍ଦର ଲାଗୁଛି। ଆଜି ଏହା ଏକ ଗଣପର୍ବ ରେ ପରିଣତ ହୋଇ ସାରିଛି।

ପ୍ରଭୁ ଶ୍ରୀ ରାମ ଓ ମାତା ସୀତା ସମସ୍ତଙ୍କୁ ଆଶିଷ ପ୍ରଦାନ କରନ୍ତୁ ଏତିକି ମୋର କାମନା।

ସୀତା ପତି ରାମଚନ୍ଦ୍ର ଙ୍କ ଜୟ ହେଉ।

ପଢ଼ଥିବାରୁ ଧନ୍ୟବାଦ।

କୈବଲ୍ୟ ନାୟକ।

Kaibalya Nayak

ଭଦ୍ରକର ରାମନବମୀ Ramnavami of Bhadrak

ଜୟ ଶ୍ରୀ ରାମ