* କୁନ୍ତୀ - " ହେ ପ୍ରଭୁ ! ମୋ ଜୀବନରେ ସବୁବେଳେ ଅସୁମାରୀ ଦୁଃଖ ଓ ବିପତ୍ତି ଆସୁଥାଉ ଯଦ୍ବାରା ମୁଁ ଆପଣଙ୍କୁ ସବୁବେଳେ ଅନ୍ତର ଭିତରେ ଚିନ୍ତନ କରିବି । କେବଳ ଦୁଃଖ ସମୟରେ ହିଁ ଆପଣଙ୍କୁ ଉପଲବ୍ଧି କରିବା ସହଜ ହୋଇଥାଏ । 🙏

* ହନୁମାନ - " ହେ ପ୍ରଭୁ ! ଆପଣଙ୍କ ପଦାରବିନ୍ଦରେ ମୋର ଭକ୍ତି ଦିନକୁ ଦିନ ବର୍ଦ୍ଧମାନ ହେଉଥାଉ । ଆପଣଙ୍କୁ ମୋର କୌଣସି ବ୍ୟକ୍ତିଗତ ମାଗୁଣି ନାହିଁ । ମୋ ପାଇଁ ଯାହା ହିତକର ଆପଣ ତାହା ହିଁ କରନ୍ତୁ । 🙏

* ସୁଗ୍ରୀବ - " ହେ ରାଘବ ! ଆପଣ ମୋ ଉପରେ ଏପରି କୃପା କରନ୍ତୁ ଯେପରି ମୁଁ ସମସ୍ତ ସାଂସାରିକ ମୋହଜଂଜାଳକୁ କାଟି ଏକାନ୍ତରେ ଆପଣଙ୍କ ଭଜନ କରି ପାରିବି । 🙏

* ଉଦ୍ଧବ - " ହେ ବାସୁଦେବ !।ମୋତେ କୃପାକରି ବ୍ରଜମଣ୍ଡଳରେ ଏକ ସାମାନ୍ୟ ତୃଣ ରୂପେ ଜନ୍ମ ଦିଅ । ଯଦ୍ୱାରା ଆପଣଙ୍କ ପରମପ୍ରେମୀ ଗୋପୀମାନଙ୍କର ପବିତ୍ର ପଦରେଣୁ ମୁଁ ନିତ୍ୟ ପ୍ରାପ୍ତକରି ନିଜକୁ କୃତାର୍ଥ ମନେକରିବି । 🙏

* ଧୃବ - " ହେ ହିରଣ୍ୟଗର୍ଭ ! ମୋର ଅନ୍ତଃକରଣରେ କୌଣସି କାମନାର ଉତ୍ପନ୍ନ ନ ହେଉ । 🙏

* ପ୍ରହଲ୍ଲାଦ - " ହେ ମହାପ୍ରଭୁ ! ମୁଁ ମୋର କର୍ମଫଳ ଅନୁସାରେ ଯେଉଁଠି ଯେଉଁ ଜନ୍ମ ପାଏ ତାହା ଚିନ୍ତା ନାହିଁ । କିନ୍ତୁ ପ୍ରତ୍ୟେକ ଜନ୍ମରେ ଆପଣଙ୍କ ଚରଣକମଳରେ ମୋର ଭକ୍ତି ଏମିତି ଅତୁଟ ରହିଥାଉ । 🙏

* ବୃତ୍ତ୍ରାସୁର - " ହେ ଲକ୍ଷ୍ମୀପତି ନାରାୟଣ ! ସ୍ଵର୍ଗ , ମର୍ତ୍ତ୍ୟ , ପାତାଳ ଚଦୁର୍ଦ୍ଦଶ ବ୍ରହ୍ମାଣ୍ଡର ସାର୍ବଭୌମତ୍ୱ କିମ୍ବା ସୁଖ ଏପରିକି ଯୋଗୀମାନଙ୍କ ନିମନ୍ତେ ଦୁର୍ଲ୍ଲଭ ମୋକ୍ଷ ଗତି ମଧ୍ୟ ମୁଁ ଚାହୁଁନାହିଁ । କେବଳ ଆପଣଙ୍କୁ ମୋର ଏତିକି ମାଗୁଣି ଯେ ଆପଣଙ୍କ ଦର୍ଶନ ପାଇଁ ମୋ ମନରେ ସବୁବେଳେ ବ୍ୟାକୁଳତା ରହିଥାଉ । 🙏

* ରାଜା ପୃଥୁ - " ହେ ହରି ! ଆପଣଙ୍କର ଦିବ୍ୟ କଥାମୃତକୁ ମୁଁ ଯେତେ ଶ୍ରବଣ କଲେ ମଧ୍ୟ ମନରେ ମୋର ପରିତୃପ୍ତି ଆସୁନାହିଁ । ତେଣୁ ଆପଣଙ୍କ ପରମପାବନ କଥା ଅଧିକରୁ ଅଧିକ ଶୁଣିବା ପାଇଁ ମୋତେ ଅୟୁତ ( ଅସଂଖ୍ୟ ) କର୍ଣ୍ଣ ପ୍ରଦାନ କରନ୍ତୁ ।

🕉️ॐ ନମୋ ନାରାୟଣାୟ🙏🙏

ଭଗବାନଙ୍କୁ କିଏ କଣ ମାଗିଲେ

ଭଗବାନଙ୍କୁ କିଏ କଣ ମାଗିଲେ