ଦିନକର କଥା ଶ୍ରୀ ନାରାୟଣ ଭଟ୍ଟ ଗୋଦାବରୀ ନଦୀରେ ସ୍ନାନ କରି ସ୍ତୁତି ପାଠ ଦ୍ବାରା ଭଗବାନ ଙ୍କ ଧ୍ୟାନ କରୁଥିଲେ ସେହି ସମୟରେ ରାଧାମାଧବ ଯୁଗଳ ପ୍ରକଟ ହୋଇ ସାକ୍ଷାତ୍ ଦର୍ଶନ ଦେଇ ଉପାସନାର ରହସ୍ୟ ଉପଦେଶ ଦେବା ସହିତ ଆଦେଶ ଦେଲେ ଯେ ତୁମେ ଶୀଘ୍ର ବ୍ରଜକୁ ପ୍ରସ୍ଥାନ କରି ଆମ୍ଭର ଲୀଳା ସ୍ଥଳୀ ଗୁଡିକ ପ୍ରକାଶିତ କର ।

ଏହା କହି ପ୍ରଭୁ ନିଜର ଏକ ସ୍ବରୂପ ପ୍ରଦାନ କରି କହିଲେ ଦେଖ ,ଏହା ଲାଡିଲେୟ ନାମକ ଶ୍ରୀବିଗ୍ରହ ମୋର ବାଳ ସ୍ବରୂପ ଏହାକୁ ତୁମେ ସ୍ବୀକାର କର , ଏହାର ସେବା ପୂଜା କର । ଏହି ସ୍ବରୂପ ତୁମ୍ଭକୁ ବ୍ରଜଲୀଳା ର ରହସ୍ୟ କୁ ଜ୍ଞାତ କରାଇବ । ଏହା କହି ଯୁଗଳ ସ୍ବରୂପ ଅନ୍ତର୍ଦ୍ଧାନ ହୋଇଗଲେ । ଶ୍ରୀ ନାରାୟଣ ଭଟ୍ଟ ଠାକୁରଙ୍କୁ ନିଜ ସହିତ ନେଇ ବ୍ରଜଧାମ କୁ ପ୍ରସ୍ଥାନ କଲେ । ଅଢେ ବର୍ଷ ପରେ ଶ୍ରୀନାରାୟଣ ଭଟ୍ଟ ଶ୍ରୀଗୋବର୍ଦ୍ଧନ ରେ ଥିବା ରାଧାକୁଣ୍ତ ପାଖକୁ ପହଞ୍ଚିଲେ । ସେହି ସମୟରେ ଠାକୁର ରାଧାମଦନମୋହନ ସେଠାରେ ବିରାଜମାନ ଥିଲେ । ସେତେବେଳେ ଶ୍ରୀସନାତନ ଗୋସ୍ବାମୀପାଦ ଓ ଶ୍ରୀକୃଷ୍ଣଦାସ ସେଠାରେ ବ୍ରହ୍ମଚାରୀ ସେବାରେ ନିୟୋଜିତ ଥିଲେ । ଯେଉଁ ସମୟରେ ଶ୍ରୀନାରାୟଣ ଭଟ୍ଟ ପହଞ୍ଚିଲେ ସେତେବେଳେ ଠାକୁର ଅପରାହ୍ନ ଭୋଗ ପରେ ଶୟନ କରୁଥିଲେ ମନ୍ଦିର ର ଦ୍ବାର ବନ୍ଦ ଥିଲା । ପରନ୍ତୁ ଶ୍ରୀନାରାୟଣ ଭଟ୍ଟ ପହଞ୍ଚିବା ଦେଖି ମନ୍ଦିରର ଦ୍ବାର ସ୍ବତଃ ଖୋଲିଗଲା । ଭଗବାନ ଙ୍କ ଭକ୍ତବତ୍ସଳତା ଦେଖି ଶ୍ରୀନାରାୟଣ ଭଟ୍ଟ ଭାବବିଭୋର ହୋଈ

ସାଷ୍ଟାଙ୍ଗ- ଦଣ୍ତବତ ପ୍ରଣାମ କଲେ । ଦୟାମୟ ପ୍ରଭୁ ନାରାୟଣ ଭଟ୍ଟ ଙ୍କ ମସ୍ତକ ଉପରେ ନିଜ ବରଦ-ହସ୍ତକମଳ ରଖି ଶ୍ରୀଯୁଗଳ ମନ୍ତ୍ର ଉପଦେଶ ଦେଲେ ଏବଂ ଶ୍ରୀରାଧାରାଣୀ ପ୍ରେମଲକ୍ଷଣ- ଭକ୍ତି ପ୍ରଦାନ କଲେ । ଦ୍ବାର ଖୋଳିବା ଓ ପରସ୍ପର ସହିତ କଥାବାର୍ତ୍ତା ହେବା ଶୁଣି ସେଠାରେ ଉପସ୍ଥିତ ଥିବା ଶ୍ରୀସନାତନ ଗୋସ୍ବାମୀ ଶ୍ରୀକୃଷ୍ଣଦାସ ଓ ବାକି ବୈଷ୍ଣବ ଜନ ମନ୍ଦିର ଦ୍ବାର ପାଖକୁ ଆସି ଭକ୍ତ ଓ ଭଗବାନ ଙ୍କ ଅଦ୍ଭୁତ ମିଳନ ଦେଖି ଧନ୍ୟ ଧନ୍ୟ ହୋଇଗଲେ । ଶ୍ରୀଠାକୁର ଶ୍ରୀକୃଷ୍ଣଦାସ ଙ୍କ ସହିତ ଶ୍ରୀ ନାରାୟଣ ଭଟ୍ଟ ଙ୍କ ପରିଚୟ କରାଇ ସମ୍ପ୍ରଦାୟ ସିଦ୍ଧାନ୍ତୋପଦେଶ ର ଆଦେଶ ଦେଲେ । ଏହିପରି ଶ୍ରୀନାରାୟଣ ଭଟ୍ଟ କୃଷ୍ଣଦାସ ବ୍ରହ୍ମଚାରୀ ଙ୍କ ପାଖରୁ ସମ୍ପ୍ରଦାୟ ସିଦ୍ଧାନ୍ତ ଅଧ୍ୟୟନ କଲେ । ଏହା ପରେ ନିଜ ଭଗବାନ୍ ଙ୍କ ଆଜ୍ଞା କୁ ସ୍ମରଣ କରି ବ୍ରଜର ଲୁପ୍ତ ତୀର୍ଥ ଗୁଡିକୁ ଉଦ୍ଧାର କରିବା ପାଇଁ ନିର୍ଣ୍ଣୟ ନେଲେ । ସର୍ବପ୍ରଥମେ ସେ ରାଧାକୁଣ୍ତ ଓ ଶ୍ୟାମକୁଣ୍ତ କୁ ପ୍ରକଟ କଲେ । ସେତେବେଳେ ସ୍ଥାନୀୟ ଲୋକମାନେ ତାଙ୍କ କଥା ଉପରେ ବିଶ୍ବାସ କଲେ ନାହିଁ । ଏହା ଦେଖି ଶ୍ରୀ ନାରାୟଣ ଭଟ୍ଟ ଗୋଟିଏ ସ୍ଥାନରେ ଦଶହାତ ଭୂମି ଖୋଳିଲେ । ସେଠାରୁ ଦହିରେ ପୂର୍ଣ୍ଣ ହୋଇ ଗୋଟିଏ ମାଟିପାତ୍ର ଏବଂ ଭଙ୍ଗା କିଛି ପାହାଚ ଦେଖାଗଲା । ଲୋକେ ଏହା ଦେଖି ଆଶ୍ଚର୍ଯ୍ୟ ହୋଇ ଶ୍ରୀନାରାୟଣ ଭଟ୍ଟ ଙ୍କ କଥା ଉପରେ ବିଶ୍ବାସ କଲେ । ପୁନଶ୍ଚ ଶ୍ରୀନାରାୟଣ ଭଟ୍ଟ ପୁରା ବ୍ରଜରେ ଭ୍ରମଣ କରି ସମସ୍ତ ତୀର୍ଥ ସ୍ଥାନ ଉଦ୍ଧାର କରିଲେ । ଲୋକେ ମାନେ ମଧ୍ୟ ପୂର୍ଣ୍ଣ ରୂପରେ ସହଯୋଗ କରି ସେହି ସ୍ଥାନ ଗୁଡିକୁ ତୀର୍ଥ ର ଆକୃତି ଦେବାକୁ ଲାଗିଲେ । ଧିରେ ଧିରେ ଶ୍ରୀନାରାୟଣ ଭଟ୍ଟ ଙ୍କ ଖ୍ୟାତି ପ୍ରସାରିତ ହୋଇ ଦିଲ୍ଲୀ ର ରାଜା ଆକବର ତକ ପହଞ୍ଚିଗଲା । ରାଜା ନିଜ କୋଷାଧ୍ୟକ୍ଷ କୁ ଶ୍ରୀନାରାୟଣ ଭଟ୍ଟ ଙ୍କ ପାଖକୁ ପଠାଇ ସେବା କରିବାର ଅବସର ମାଗିଲେ । ନାରାୟଣ ଭଟ୍ଟ କହିଲେ ଯଦି ସତରେ ମୋର ସେବା କରିବାକୁ ଚାହୁଁଛନ୍ତି ତେବେ ମୁଁ ଯେଉଁ ଯେଉଁ ତୀର୍ଥ ସ୍ଥଳ ପ୍ରକଟ କରିଛି ତାହାର ସ୍ବରୂପ ଅନୁରୂପ ନିର୍ମାଣ ଦ୍ବାରା ସୁସଜ୍ଜିତ କର । କୋଷାଧ୍ୟକ୍ଷ ନାରାୟଣ ଭଟ୍ଟ ଙ୍କ ଆଦେଶ ଶିରୋଧାର୍ଯ୍ୟ କରି ପ୍ରକଟିତ ତୀର୍ଥ ସ୍ଥଳରେ ସୁନ୍ଦର ନିର୍ମାଣ କାର୍ଯ୍ୟ କରାଇଲେ । ଶ୍ରୀ ବରସାନା ଗ୍ରାମରେ ''ଶ୍ରୀଶ୍ରୀଜୀ" ଏବଂ ଉଚ୍ଚ ଗ୍ରାମରେ "ଶ୍ରୀରେବତୀରମଣ " " ଶ୍ରୀବଳଦେବ " ଶ୍ରୀ ନାରାୟଣ ଭଟ୍ଟ ଙ୍କ ଦ୍ବାରା ପ୍ରକଟିତ ବିଗ୍ରହ ମାନଙ୍କ ମଧ୍ୟରେ ଏହି ବିଗ୍ରହ ଅତି ପ୍ରସିଦ୍ଧ ଓ ପରମପୂଜ୍ୟ ହୋଇଛି । ଏହି ବିଗ୍ରହ ଗୁଡିକ ର ସେବା ପୂଜା ନିଜେ ଶ୍ରୀନାରାୟଣ ଭଟ୍ଟ କରୁଥିଲେ । କିଛି କାଳ ପଶ୍ଚାତ୍ ନିଜ ପିତାଙ୍କର ଅନୁରୋଧ ରକ୍ଷ୍ୟା କରି ବିବାହ କରିଲେ । ତାଙ୍କର ଦାମୋଦର ନାମକ ଏକ ପୁତ୍ର ଜନ୍ମ ନେଲେ ସେ ହିଁ ପରେ ଆଚାର୍ଯ୍ୟ ଆସନ ରେ ବିଭୁଷିତ ହେଲେ । ବରାହ ଜୟନ୍ତୀ ଦିନ ଶ୍ରୀ ନାରାୟଣ ଭଟ୍ଟ ଙ୍କ ତୀରଧାନ ଦିବସ । ଅମୂଲ୍ୟ ତୀର୍ଥସ୍ଥଳୀ ଭାରତ ବର୍ଷକୁ ପ୍ରଦାନ କରି ଅମର ହୋଇ ରହିଗଲେ ଭକ୍ତ ନାରାୟଣ ଭଟ୍ଟ ।

ଓମ୍ ନମଃ ଭଗବତେ ବାସୁଦେବାୟ

ମୂଳଲେଖ-- ଭକ୍ତ ମାଳା 🙏