ସ୍ଫୁରଦତିମୁକ୍ତଲତା-ପରିରମ୍ଭଣ-ପୁଲକିତ-ମୁକୁଳିତ-ଚୂତେ,

ବୃନ୍ଦାବନ-ବିପିନେ ପରିସର-ପରିଗତ-ଯମୁନା-ଜଳ-ପୂତେ।।

ପଦ୍ୟାନୁବାଦ :-

ପ୍ରସରିତ ଲତା ଘନତରୁକୁ ବେଢ଼ି।

ଆଲିଙ୍ଗନ କରେ କିଏ ନିବିଡ଼େ ଜଡ଼ି।।

ନାରୀ ପରିରମ୍ଭଣେ ବଲ୍ଲଭ ଯେମନ୍ତ।

ମୁକୁଳିତ ବକୁଳ କି ପଲ୍ଲବେ ଚୂତ।।

ଅତିରମ୍ୟ ବୃନ୍ଦାବନ କାନନ ଏହି ।

ପବିତ୍ର ଯମୁନାଜଳ ଯାଉଛି ବହି।।

ଗଦ୍ୟାନୁବାଦ :-

ହେ ସଖି ! ଏହି ଋତୁରାଜ ପ୍ରଭାବରେ ମାଧବୀ ଲତା ଫୁଲରେ ପରିପୂର୍ଣ୍ଣ ହୋଇ ଆମ୍ବଗଛରେ ଲଟିଥିବାରୁ ସେଥିରେମଧ୍ୟ ବଉଳ ଦେଖାଦେଇଛି। ଅର୍ଥାତ, ପୁଷ୍ପବତୀ ମାଧବୀଲତାର ଆଲିଙ୍ଗନରେ ଆମ୍ରବୃକ୍ଷ ମଧ୍ୟ ରୋମାଞ୍ଚିତ ହେଲା ପରି ମଞ୍ଜରୀ ପରି ପ୍ରକାଶ କରିଛି। ସାଧାରଣ ଯୁବା-ଯୁବତୀଙ୍କ କଥା କହିବା କ’ଣ, ଜଡ଼ଜଗତରେ ମଧ୍ୟ ବାସନ୍ତୀ ଲୀଳାର ସ୍ଫୁରଣ ଦେଖାଦେଇଛି। ଯମୁନାର ପବିତ୍ର ଜଳରେ ସିକ୍ତ ବୃନ୍ଦାବନର ନିଘଞ୍ଚ ଅରଣ୍ୟ ମଧ୍ୟରେ ଏପରି ଉନ୍ମାଦନାକାରୀ ବସନ୍ତ ସମୟରେ ଶ୍ରୀକୃଷ୍ଣ ତୁମକୁ ତ୍ୟାଗ କରି, ଗୋପକାମିନୀ ଜନଙ୍କ ସହିତ ଏକାନ୍ତରେ ନୃତ୍ୟ କରିବା ସଙ୍ଗେ ସଙ୍ଗେକ୍ରୀଡ଼ାବିଳାସରେ ମାତିଛନ୍ତି।

The budding mango trees quiver with pleasure when embraced by the rising Mādhavīcreepers; the forest of Vr̥ndābana is consecrated with the holy water of the Ẏamunā .

କ୍ରମଶଃ....

ଓଡ଼ିଆ ପଦ୍ୟାନୁବାଦ- ଧରଣୀଧର ଦାସ (ମିଶ୍ର )

ଓଡିଆ ଗଦ୍ଯାନୁବାଦ - ନିଳମଣି ମିଶ୍ର

ଭକ୍ତକବି ଶ୍ରୀ ଜୟଦେବ ଙ୍କ କୃତ ଶ୍ରୀ ଗୀତଗୋବିନ୍ଦ ମହାକାବ୍ୟ ପ୍ରଥମ ସର୍ଗଃ ଭାଗ - ୩୪ (gita govinda lyrics odia)

ଭକ୍ତକବି ଶ୍ରୀ ଜୟଦେବ ଙ୍କ କୃତ ଶ୍ରୀ ଗୀତଗୋବିନ୍ଦ ମହାକାବ୍ୟ ପ୍ରଥମ ସର୍ଗଃ ଭାଗ - ୩୪ (gita govinda lyrics odia)