ବେଦାନୁଦ୍ଧରତେ ଜଗନ୍ନିବହତେ ଭୂଗୋଳମୁଦ୍ବିଭ୍ରତେ,

ଦୈତ୍ଯଂ ଦାରୟତେ ବଳିଂ ଛଳୟତେ କ୍ଷତ୍ରକ୍ଷୟଂ କୁର୍ବତେ ।

ପୌଲସ୍ତ୍ୟଂ ଜୟତେ ହଳଂ କଳୟତେ କାରୁଣ୍ୟମାତନ୍ବତେ,

ମ୍ଳେଚ୍ଛାନ୍ ମୂର୍ଚ୍ଛୟତେ ଦଶାକୃତିକୃତେ କୃଷ୍ଣାୟ ତୁଭ୍ୟଂ ନମଃ ।। ୫।।

ପଦ୍ୟାନୁବାଦ-::

ମୀନରୂପେ ବେଦ ଉଦ୍ଧାରିଲ ପଶି ଜଳେ,ଧରଣୀପୃଷ୍ଠେ ବହିଲ କଚ୍ଛପ ରୂପରେ ।

ଶୂକର ରୂପେ ପୃଥିବୀ ପାତାଳୁ ଉଦ୍ଧରି,ଦନ୍ତାଗ୍ରେ ଧଇଲ ଆହେ ଦେବ ମଧୁହାରୀ ।।

ନରସିଂହ ରୂପେ ହିରଣ୍ଯକୁ ବିଦାରିଲ,ଖର୍ବ ରୂପେ ଭିକ୍ଷା ମାଗି ବଳିକୁ ଛଳିଲ ।।

ପର୍ଶୁରାମ ରୂପେ କଲ କ୍ଷତ୍ରିୟ ସଂହାର,ରାମାବତାରେ ବଧିଲ ରାବଣ ଅସୁର ।।

ହଳଧର ରୂପେ ହଳ କରିଛ ଧାରଣ , ବୁଦ୍ଧ ରୂପେ ପଶୁବଧ କଲ ନିବାରଣ ।।

ମ୍ଳେଚ୍ଛ ସଂହାରଣେ କରବାଳ କରେ ଧରି , କଳ୍କି ରୂପେ ଅବତୀର୍ଣ୍ଣ ହୋଈଛ ମୁରାରୀ ।।

ଏମନ୍ତରେ ଦଶବିଧ ଅବତାର ହୋଇ, ସଂସାର ପ୍ରତିପାଳନ କରିଛ ଗୋସାଈଁ ।।

ଗଦ୍ୟାନୁବାଦ-::

ହେ ଦଶାବତାରକାରୀ ଶ୍ରୀକୃଷ୍ଣ, ଯଥାକ୍ରମେ ଦଶଗୋଟି ଅବତାରରେ ଅବତୀର୍ଣ୍ଣ ହୋଇ, ବେଦକୁ ଉଦ୍ଧାର କରିଛ , ଜଗତକୁ ପୃଷ୍ଠରେ ଧାରଣ କରିଛ, ଭୂମଣ୍ଡଳକୁ ଦନ୍ତାଗ୍ରରେ ଧରି ପାତାଳରୁ ଉଦ୍ଧରି ଆଣିଛ । ତୁମେ ନରହରି ରୂପ ଧାରଣ କରି ହିରଣ୍ୟକଶିପୁକୁ ସଂହାର କରିବା ସଂଗେ ସଂଗେ ବାମନରୂପ ଧାରଣ ପୂର୍ବକ ବଳିରାଜାକୁ ଛଳନା କରି ବନ୍ଦୀ କରିଛ, ତୁମେ ପର୍ଶୁରାମ ଅବତାରରେ କ୍ଷତ୍ରିୟମାନଙ୍କୁ ସଂହାର କରି ପୃଥିବୀକୁ ଦୁଷ୍ଟ ରାଜାମାନଙ୍କ ଅତ୍ୟାଚାରରୁ ରକ୍ଷା କରିଛ । ପୁଲସ୍ତ୍ଯୠଷିଙ୍କ ପୌତ୍ର ଦଶାନନ ରାବଣକୁ ଜୟକରି ଦେବକାର୍ଯ୍ଯ ସାଧନ କରିଛ । ତୁମେ ନୀଳାମ୍ବର ଧାରୀ ହଳଧର ରୂପେ ମଧ୍ୟ ପ୍ରସିଦ୍ଧି ଅର୍ଜନ କରିଛ ।ବୁଦ୍ଧ ଅବତାରରେ ତୁମେ କରୁଣାବିସ୍ତାର କରି ଜନସମୂହର ଉପକାର ସାଧନ କରିଛ । ତେଣୁ ହେ କୃଷ୍ଣ ! ହେ ଦଶବିଧରୂପଧାରୀ ଜଗନ୍ନାଥ , ତୁମକୁ ନମସ୍କାର ।

ଭକ୍ତକବି ଶ୍ରୀ ଜୟଦେବ ଙ୍କ କୃତ ଶ୍ରୀ ଗୀତଗୋବିନ୍ଦ ମହାକାବ୍ୟ ପ୍ରଥମ ସର୍ଗଃ ଭାଗ - ୧୭ (gita govinda lyrics odia)

ଭକ୍ତକବି ଶ୍ରୀ ଜୟଦେବ ଙ୍କ କୃତ ଶ୍ରୀ ଗୀତଗୋବିନ୍ଦ ମହାକାବ୍ୟ ପ୍ରଥମ ସର୍ଗଃ ଭାଗ - ୧୭ (gita govinda lyrics odia)