ଧରା ପୃଷ୍ଠରେ ବଞ୍ଚିବା ପାଇଁ ହେଲେ ଖାଦ୍ୟ ପେୟ ,ବାସଗୃହ, ଓ ବସ୍ତ୍ର ପରିଧାନ ଅତ୍ୟନ୍ତ ଜରୁରୀ ‌। ଲଜ୍ଜା ନିବାରଣ ଅର୍ଥେ ବସ୍ତ୍ର ପରିଧାନ କରାଯାଏ। ବସ୍ତ୍ର ଆମକୁ ଖରା ବର୍ଷା ଓ ଶୀତ ଦାଉରୁ ରକ୍ଷାକରିବା ପାଇଁ ଅତ୍ୟାବଶ୍ୟକ ସାମଗ୍ରୀ ରୂପରେ ବ୍ୟବହୃତ ହୋଇଥାଏ।

ଏପରି ଅନେକ ପ୍ରକାର ବସ୍ତ୍ର ରହିଛି ତନ୍ ମଧ୍ୟରୁ ନାରୀ ଓ ପୁରୁଷ ମାନଙ୍କ ମଧ୍ୟରେ ପ୍ରଭେଦ ଭାବେ ବ୍ୟବହୃତ ହୋଇଥାଏ ।

ଚୁଡିଦାର , ପଞ୍ଜାବୀ, ପେଣ୍ଟ ସାର୍ଟ, ଟି ସାର୍ଟ, ଫ୍ରକ, ଘାଗରା, ସ୍କଟମେଡି ,ଲୁଗା ଓ ଶାଢ଼ୀ ଇତ୍ୟାଦି। ପ୍ରତ୍ୟେକ ରାଜ୍ୟରେ ବିଭିନ୍ନ ପ୍ରକାର ବସ୍ତ୍ର ପରିଧାନ ର ବିଧାନ ରହିଥାଏ। ପରନ୍ତୁ ଶାଢୀର ପ୍ରଧାନ୍ୟତା ଅତ୍ୟନ୍ତ ସୌନ୍ଦର୍ଯ୍ୟର ପ୍ରତୀକ ।ସାଢେ଼ ପାଞ୍ଚ ମିଟର ଅଥବା ୬ଛଅ ମିଟର ର ଶାଢ଼ୀ ନାରୀର ସୌନ୍ଦର୍ଯ୍ୟକୁ ପରିପୂର୍ଣ୍ଣ କରି ରଖିଥାଏ।

ଆମ ରାଜ୍ୟ ଓଡ଼ିଶାର ଶାଢ଼ୀ ର ବିଭିନ୍ନତା ବହୁତ ପ୍ରକାର ରହିଛି।

++ମଣିମା ବନ୍ଧ

++ସମ୍ବଲପୁରୀ

++ ବ୍ୟୋମକେଇ

++ଖଦି

++ପାଟ ଶାଢ଼ୀ

++ପସା ପାଲି

++ବାପ୍ତା ଲୁଗା

++ଖୋର୍ଦ୍ଧା ଲୁଗା

++ସ୍ତୃତି

++ କାଣ୍ଟିଆ ମଠା

++ଟସର

++ସିଲ୍କ

+ପଲିଷ୍ଟର

++ନେଟ ଶାଢ଼ୀ

++ରେୟନ

++ଜରଜରୀ

ଇତ୍ୟାଦି ଅନେକ ପ୍ରକାର ଶାଢ଼ୀ ର ଭେଦ ରହିଛି। ନାରୀ ମାନଙ୍କ ବିଶେଷ ଆକର୍ଷଣ ଏହି ଶାଢୀ ପାଇଁ ମୁଖ୍ୟତଃ ରହିଥାଏ। ସଂସ୍କାର, ସଂସ୍କୃତି ଓ ପରମ୍ପରା ର ମହତ୍ୱ ପୂର୍ଣ୍ଣ ଅନୁଦାନ ରହିଛି।

ନାରୀମାନଙ୍କ ଷୋଳ ଶୃଙ୍ଗାର ମଧ୍ୟରେ ଏହି ଶାଢୀ ସର୍ବ ଶ୍ରେଷ୍ଠ ସ୍ଥାନ ଅଧିକାର କରିଅଛି।

ଯେତେ ଯାହା ପୋଷାକ ପରିଧାନ କରିଥାନ୍ତୁ କିନ୍ତୁ ଏହି ଶାଢୀ ନାରୀକୁ ବହୁତ ସୋନ୍ଦର୍ଯ୍ୟର ପ୍ରଦର୍ଶନ କରି ପାରିଥାଏ।

ନାରୀର ଶାଢ଼ୀ ପରିଧାନ କରିବା ଆଦର୍ଶ ଓ ମର୍ଯ୍ୟାଦା ସମ୍ପନ୍ନ ର ପ୍ରତୀକ ଅଟେ। ପୁରାତନ କାଳର ପ୍ରଥା ଅନୁସାରେ ନାରୀ ବଧୂ ବେଶରେ ହାତେ ଦୁଇହାତ ଓଢ଼ଣା ଦେଇ ଏରୁଣ୍ଡି ବନ୍ଧ ପାର କରେ। ପ୍ରତ୍ୟେକ ବିବାହ,ବ୍ରତ ପୂଜା, ହୋମ ଯଜ୍ଞ ଇତ୍ୟାଦି ସ୍ଥାନରେ ଶାଢ଼ୀର ମହତ୍ୱ ପୂର୍ଣ୍ଣ ଭୂମିକା ରହିଥାଏ। ମଥାରେ ଓଢ଼ଣା ଦେଇ ଦେଢଶୂର, ଶଶୁର ଓ ମାମୁଁ ଶଶୁର ମାନଙ୍କ ପ୍ରତି ପରଦା ଏକ ସମ୍ମାନର ରୀତିନୀତି ଦୃଷ୍ଟି ହୋଇଥାଏ। ଘରୁ ବାହାରିବା ସମୟରେ ମଥାରେ ଓଢ଼ଣା ଦେବା ଏକ ସଭ୍ୟତା ର ପରିଚୟ ହୋଇଥାଏ।

ଜନ୍ମ ବେଳେ ଆଈ ,ବୁଢ଼ୀ ମାଁ ମାନଙ୍କର ଆଶୀର୍ବାଦ ସ୍ବରୂପ ପୁରୁଣା ଲୁଗା ନବଜାତ ଶିଶୁକୁ ଯାବତୀୟ କାର୍ଯ୍ୟ ରେ ବ୍ୟବହାର ହୋଇଥାଏ।

ସଧବା ଅଥବା ବିଧବା ନାରୀ ମାନଙ୍କୁ ଶ୍ମଶାନ ଭୁଇଁକୁ କୋକେଇରେ‌ ଯିବା ପାଇଁ ଶାଢ଼ୀର ପରିଧାନ ନିତ୍ୟାନ୍ତ ଆବଶ୍ୟକତା ରହିଥାଏ। ପରିବାର ବର୍ଗ, ବନ୍ଧୁବାନ୍ଧବ ମୃତ ମହିଳାଙ୍କୁ ଉପହାର ସ୍ବରୂପ ଶାଢ଼ୀ ରୂପରେ ଆବରଣ କରିଥାନ୍ତି।

ସାବିତ୍ରୀ ଓଷା ରେ ବାପା ଭାଇ ଘରୁ ଶାଢ଼ୀ ଚୁଡ଼ି, ଶୃଙ୍ଗାର ସାମଗ୍ରୀ ଓ ଫଳମୂଳ,ମୂଗ , ନଡ଼ିଆ ଇତ୍ୟାଦି ଅମାବାସ୍ୟାର ଭାର ଆସିଥାଏ। ଶାଢ଼ୀ ର ପ୍ରାଧାନ୍ୟତା ଯୁଗ ଯୁଗ ଧରି ଚାଲି ଆସୁଛି ଓ ଚାଲୁ ରହିବ। ଯେତେ ଆଧୁନିକ ହେଲେ ସୁଦ୍ଧା କୌଣସି ପ୍ରକାର ପରିବର୍ତ୍ତନ ଘଟିବା ଅସମ୍ଭବ। ଆଧୁନିକ ଯୁଗକୁ ତାଳଦେଇ ଶାଢୀର ଫେସନ ର ନବୀକରଣ

ବୃଦ୍ଧି ଘଟିବାରେ ଲାଗୁଛି। ବଜାର ରେ ବିଭିନ୍ନ ପ୍ରକାର ରଙ୍ଗବିରଙ୍ଗ ବିବିଧ ବର୍ଣ୍ଣ ର ବିକ୍ରୟ ହୋଇଥାଏ, ଯାହା ନାରୀମାନଙ୍କ ବେଶ୍ ପସନ୍ଦର ହୋଇ ଅଛି।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ---୯୩୪୮୨୮୫୪୧୬

ଭାରତୀୟ ନାରୀ ମାନଙ୍କ ଶାଢ଼ୀର ମହତ୍ବ

ନାରୀମାନଙ୍କ ଶାଢ଼ୀ ପରିଧାନ ମର୍ଯ୍ୟାଦା ର ପ୍ରତୀକ ଅଟେ।