ଭାରତ ବର୍ଷରେ ପ୍ରତ୍ୟେକ ରାଜ୍ୟରେ ବିଭିନ୍ନ ପ୍ରକାର ପର୍ଯ୍ୟଟନ ସ୍ଥଳ ଅଛି ଯାହା ବିଶ୍ୱର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି। ପ୍ରତ୍ୟେକ ସ୍ଥାନର ଭିନ୍ନ ଭିନ୍ନ ତତ୍ତ୍ୱ ରହିଥାଏ ଯାହା ପର୍ଯ୍ୟଟକ ମାନଙ୍କ ଆକର୍ଷଣ ର କେନ୍ଦ୍ରବିନ୍ଦୁ ସ୍ଥାପନ କରିବା ସାମର୍ଥ୍ୟ ହାସଲ କରି ଥାଏ।

ଆମ ଓଡ଼ିଶା ରାଜ୍ୟରେ ମଧ୍ୟ ବିଭିନ୍ନ ସ୍ଥାନରେ ବିଭିନ୍ନ ପ୍ରକାର ପର୍ଯ୍ୟଟନ ସ୍ଥଳ ରହିଅଛି ତନ୍ମଧ୍ୟରୁ କେନ୍ଦ୍ରାପଡା ଜିଲ୍ଲାର ରାଜନଗର ବିଧାନ ସଭା ମଣ୍ଡଳୀ ର ରାଜନଗର ବନଖଣ୍ଡରେ ୬୭୨ ବର୍ଗ କିମି

ପରିସୀମା ବିଶିଷ୍ଟ ରେ ଭିତରକନିକା ଜାତୀୟ ଉଦ୍ୟାନ ଅବସ୍ଥିତ।

୨୦୦୨ ମସିହାରେ ଏହାକୁ ଆନ୍ତର୍ଜାତିକ ଆର୍ଦ୍ରଭୂମି ରୂପେ ଘୋଷିତ କରାଯାଇଥିଲା।ଏହା ସାନ୍ତାଳ ବଣ ସହ ବ୍ରହ୍ମଣୀ,ବୈତରଣୀ ଓ ଧାମରା ନଦୀର ତ୍ରିକୋଣ ମୁହାଣ ରେ ଅବସ୍ଥାନ କରୁଥିବା ଜାତୀୟ ଉଦ୍ୟାନରେ ପଶୁ ପକ୍ଷୀ ଓ ଜୀବଜନ୍ତୁ ମାନଙ୍କ ଅଭୟାରଣ୍ୟ ଅଟେ। ଏହା ର ପୂର୍ବ ଭାଗରେ ଗହୀରମଥା ବେଳାଭୂମି ରହିଛି ଯାହା ବଙ୍ଗୋପସାଗର କୁ ସାନ୍ତାଳବଣ ସହିତ ଭାଇ କରି ଦେଇଛି।ଏହା୧୯୭୫ ମସିହାରେ ସ୍ଥାପିତ ହୋଇଥିଲା। ଏହାକୁ ଭାରତ ସରକାର ଙ୍କ ଦ୍ବାରା ପରିବେଶ ଓ ଜଙ୍ଗଲ ମନ୍ତ୍ରଣାଳୟ ପରିଚାଳନା କରୁଛନ୍ତି।

ଏହା ସର୍ବଭାରତୀୟ ଓ ବିଶ୍ୱସ୍ତରରେ ଏକ ବିଶେଷ ଖ୍ୟାତ ଅର୍ଜନ କରି ପାରିଛି। ଏଠାରେ କୁମ୍ଭୀର ମାନଙ୍କ ସାମ୍ରାଜ୍ୟ ସ୍ଥାପନ ହୋଇଛି।

ଜୈବ ବିବିଧତା ଦୃଷ୍ଟିକୋଣରୁ ୬୩ ପ୍ରକାର ଲୁଣି ହେନ୍ତାଳ ଗଛ,୩୨୨ପ୍ରକାରପକ୍ଷୀ(ମାଛରଙ୍କା,ଗେନ୍ଦାଖିଆ,ବଣି,ବଗ ,କାଠହଣା) ସରୀସୃପ, ଅହିରାଜ, ଅଜଗର,ତମ୍ପ ସାପ,ଗୋଖର, ଘଡିଆଳ କୁମ୍ଭୀର(୧୮୪୦ଟି) ସାମୁଦ୍ରିକ ଗୋଧି ,ସାପ,

ଭେକଟି,ବାଳିଆ,ଚିତଳ,ଖଙ୍ଗା,ଈଲିଶି ମାଛ,କଙ୍କଡା, ଚିଙ୍ଗୁଡ଼ି,ହେଟାବାଘ,ବିଲୁଆ,ହରିଣ, ସମ୍ବର,ବାରହା,ବଣମଇଁଷି, କୁକୁର,ଗଧିଆ, ବିଲେଇ, କୁକୁର , ସାମୁଦ୍ରିକ ଲୁଣିପାଣି ରେ କୁମ୍ଭୀର, ଭାରତୀୟ ଅଜଗର,ଲକ୍ଷ ଲକ୍ଷ ଅଲିଭ କଇଁଚ,କଳା ଆଇବିସ,ଡାର୍ଟର ଇତ୍ୟାଦି ଦେଖିବାକୁ ମିଳିଥାଏ। ଏତଦବ୍ୟତୀତ ବେଳେ ବେଳେ ଇରୱଡି ଡଲଫିନ ଦେଖିବାକୁ ମିଳିଥାଏ।

ଏଥିସହିତ ଧାମରା ବନ୍ଦର, ତାଳଚ୍ଚୁଆ ମାଛ ଜେଟି,ହୁଇଲର ଦ୍ବୀପ,କାଳୀଭଞ୍ଜଡିଆ, ରିଘାଗଡ ପର୍ଯ୍ୟଟନ ସ୍ଥାନ ଦେଖିବାକୁ ମିଳିଥାଏ।

ରାଜନଗର ଠାରୁ ଭିତରକନିକା ଗାଡ଼ି ଓ ନୌକା ବିହାର ହୋଇପାରେ। ପ୍ରାକୃତିକ ଉପାଦାନ ରେ ଭରପୁର ଏକ ସବୁଜ ଅଞ୍ଚଳର ରୂପରେଖା ଅଟେ। ଏହା କୁ ପର୍ଯ୍ୟାୟକ୍ରମେ ଉନ୍ନତି କରିବା ସହିତ ପ୍ରାକୃତିକ ସଂପଦର ସଂରକ୍ଷିତ କରି ରଖିବା ଏକାନ୍ତ କାମ୍ୟ।

ଏହି ପ୍ରାକୃତିକ ବନ୍ୟଦ୍ରବ୍ୟ ଓ ଜୀବଜନ୍ତୁ ଗୁଡିକସୁରକ୍ଷିତ ସହ ଉନ୍ନତିକରଣ କରିବା ଉଚିତ୍ ।

+++++++++++++++++++++++++++++++ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ----୯୩୪୮୨୮୫୪୧୬

ଭିତରକନିକା ଜାତୀୟ ଉଦ୍ୟାନ (Bhitarkanika. National Park)

ଆନ୍ତର୍ଜାତିକ ଆର୍ଦ୍ରଭୂମି ରୂପେ ପରିଗଣିତ