ଶ୍ୟାମଳୀ ସୁଷମା ରାଜିତ ନିବିଡ଼ କାନନ

ତା' ସଙ୍ଗେ ନିଗୂଢ଼ ବିସ୍ତୀର୍ଣ୍ଣ ନୀଳ ଜଳରାଶି,

ତୁଳସୀ କ୍ଷେତ୍ରର ସତେ ତୁ କୁହୁକ ପେଡ଼ି

ରେ ଭିତରକନିକା ! ତୁ ଯେ' ପ୍ରକୃତିର ଶଶି ।

ମହାନଦୀ, ବ୍ରାହ୍ମଣୀ ଆଉ ବୈତରଣୀ ନଦୀ

ଆଦିଙ୍କ ଅପରୂପ ତ୍ରିକୋଣ ଉପମାସ୍ଥଳ,

ତୁ ତ' ଅମ୍ଳଜାନର ସ୍ଵୟଂ ଅମୃତ କ୍ଷେତ୍ର

ପୁଣି ବଉଳା କୁମ୍ଭୀର ଙ୍କ ତୁ ଏନ୍ତୁଡ଼ିଶାଳ ।

ଦେଖିବାକୁ ତୋର ଅନନ୍ୟ ଚାରୁ ଚିତ୍ରପଟ

ପର୍ଯ୍ୟଟକ ଦୌଡେ ମତ୍ତ ପ୍ରାୟ ହୋଇ,

ପ୍ରିୟସୀ ପଙ୍କଜ ଶିରୀ ରେ ବିମୋହିତ ହୋଇ

ସତେ ଯେମିତି ରସିକ ମଧୁପ ଯା'ନ୍ତି ଧାଇଁ ।

ତିନି ଶହ ବାଇଶି ବିହଙ୍ଗମ କୁଞ୍ଜନେ

ତୋ ସାଗୁଆ ପ୍ରାଚୀର ହୁଏ ପରା ମୁଖରିତ,

ତେସ୍ତରି ପ୍ରଜାତି ଲୁଣିଆ ହେନ୍ତାଳ ବୃକ୍ଷ ବି'

ତୋ' ଶୋଭା ବୃଦ୍ଧିକରେ ଆଗପଛ ହୋଇ ସଜ୍ଜିତ ।

ସବୁଜିମା ତଥା ଜୈବ ବିବିଧତା ର ସମ୍ଭାର

ଓଡ଼ିଶା ମଉଡ଼ମଣୀ ଙ୍କ ନୀଳ ହସ୍ତାକ୍ଷର,

ବିବିଧ ସର୍ପ ଙ୍କ ଅପୂର୍ବ ଦର୍ପ ସଦ୍ମ ତୁ ଅଟୁ

ସ୍ୱତନୁରେ ପିନ୍ଧୁ ଶୁଭ୍ର ଲୁଣା ଚାଦର ।

ଶୀତ କାଳେ ବିଦେଶୀ ପକ୍ଷୀ ଙ୍କ ମଧୁର ତାନେ

ସୁଖେ ଭରି ଉଠେ ଭିତରକନିକା ତୋ କାନନ,

ନାନା ଜାତି ଜୀବଜନ୍ତୁ ଙ୍କ ଭୂ- ସ୍ବର୍ଗ ଲୋ ତୁହି

ମନେ ହ୍ଵନ୍ତି ତୋର ସେମାନେ ଅମୃତ ସନ୍ତାନ ।

ଭିତରକନିକା ମହୋତ୍ସବ ର ସଚେତନତା

ପରିବେଶ ସୁରକ୍ଷା କ୍ଷେତ୍ରେ ବିଶ୍ଵ କୁ ବାର୍ତ୍ତା,

ପାଦେ ଆଗକୁ ବଢାଇଲେ ତା' ସୁରକ୍ଷା ଆଡ଼କୁ

ବିପର୍ଯ୍ୟୟ ରୁ ରକ୍ଷା ମିଳିବ ଫେରିଯିବ ବାତ୍ୟା ।

ଏ ତ' ଅଟେ ରାଜନଗରର ଶୋଣିତ ଭଣ୍ଡାର

ଓଡ଼ିଶା ମାଟି ର ଗରବ ଆଉ ଗଉରବ,

ଯେତେ ଭିତରକନିକା ସୌନ୍ଦର୍ଯ୍ୟ ର ଗରିମା

ବଖାଣି ଚାଲିଲେ ହେଁ ଶବ୍ଦ ସବୁ ଊଣା ପଡ଼ିଯିବ ।

ମନେପଡେ ରାଧାନାଥ ଙ୍କ ପଦିଏ ଉକ୍ତି:

" ସୁନ୍ଦର ତୃପ୍ତି ର ଅବସାଦ ନାହିଁ,

ଯେତେ ଦେଖୁଥିଲେ ନୂଆଁ ଦିଶୁଥାଇ । "

ଭିତରକନିକା ଅଭୟାରଣ୍ୟର ସୁରକ୍ଷା

ଆମ ନିଜର ରକ୍ଷା ।

କେବେ ଯଦି ସମୟ ମିଳନ୍ତା ଏ ବ୍ୟସ୍ତତା ପୂର୍ଣ୍ଣ ଜୀବନରୁ

ମୁହୂର୍ତ୍ତେ ନିଜ ପାଇଁ କାଟିବାକୁ,

ମୁଁ ପ୍ରଥମେ ବୁଲି ଦେଖିବାକୁ ଚାହିଁବି

ତୁଳସୀ କ୍ଷେତ୍ରର କୁହୁକ ପେଡି

ଭିତରକନିକା ଅଭୟାରଣ୍ୟର ସୁନ୍ଦର ରୂପ କୁ ।

(ନାମ : ଭାଗ୍ୟଲକ୍ଷ୍ମୀ ସାହୁ )

ଭିତରକନିକା - "ତୁଳସୀ କ୍ଷେତ୍ରର କୁହୁକ ପେଡ଼ି"