ଆଷାଢ଼ ଯାଇ କି ଏବେ ଶ୍ରାବଣ ଆସିଛି
ଟୁପୁରୁ ଟାପୁରୁ ମେଘ ବରଷୁଛି !!
ଧୀରେ ଧୀରେ ମନ ହେଲାଣି ଉଚ୍ଛନ୍ନ
ପାଣି ଭାର ନେଇ ଯିବୁ କେଉଁ ଦିନ !!
ଢ଼ାଳି ଦେବୁ ଯାଇ ଉପରେ ତାଙ୍କର
ଭୋଳା ବାବା ,ଭୋଳା ବାବା ସିଏ ଆମର !!

ଲିଙ୍ଗ ରୂପରେ ଲିଙ୍ଗରାଜ ,ବସିଛନ୍ତି ଭୁବନେଶ୍ଵରେ
ଗୋରଖନାଥ ରୂପେ ବାବା,ରହୁଛନ୍ତି ମାଙ୍କ ପାସେ !!
ପଞ୍ଚଲିଙ୍ଗେଶ୍ଵର ଯିବା, ଚାଲି ଚାଲି ବାଲେଶ୍ଵର କୁ
ଫେରିଲା ବାଟରେ ଭେଟିବା ,ରେମୁଣାରେ ଗୋପୀନାଥଙ୍କୁ !!
ଖରା ବରଷା କୁ ମାନିବା ନାହିଁ,ବୋଲବମ୍ କହି ଯିବାରେ ମାଡ଼ି
ଦୁଃଖ ହରି ନେବେ ବାବା ,ଦୂରରୁ ଥାଇ
ଭୋଳା ବାବା ,ଭୋଳା ବାବା ସିଏ ଆମରି !!

ପାହାଚ ଯେ ତେରସହ ବାଉନ ,ଚଢ଼ିବି ମୁଁ କପିଳାସରେ
ପ୍ରଭୁ ଶ୍ରୀ ଚନ୍ଦ୍ରଶେଖର ,ରହୁଛନ୍ତି ସେହି ସ୍ଥାନରେ !!
ଶ୍ରାବଣ ସୋମବାର ଯିଏ ଢାଳେ ପାଣି ଢାଳେ ତାଙ୍କ ଉପରେ
ମନସ୍କାମନା ପୁରା ହୁଏ, ବାବାଙ୍କର ଆଶୀର୍ବାଦରେ !!
ଲିଙ୍ଗରାଜରୁ ଧବଳେଶ୍ଵର,ଲୋକନାଥରୁ ଗୁପତେଶ୍ୱର
ଚାରିଦିଗେ କେବଳ ତାଙ୍କରି ନାମ
ଭୋଳା ବାବା ,ଭୋଳା ବାବା ସିଏ ଆମର !!

ଆଷାଢ଼ ଯାଇ କି ଏବେ ଶ୍ରାବଣ ଆସିଛି
ଟୁପୁରୁ ଟାପୁରୁ ମେଘ ବରଷୁଛି !!
ଧୀରେ ଧୀରେ ମନ ହେଲାଣି ଉଚ୍ଛନ୍ନ
ପାଣି ଭାର ନେଇ ଯିବୁ କେଉଁ ଦିନ !!
ଢ଼ାଳି ଦେବୁ ଯାଇ ଉପରେ ତାଙ୍କର
ଭୋଳା ବାବା ,ଭୋଳା ବାବା ସିଏ ଆମର !!

ଜୟ ଶ୍ରୀ ଭୋଳା ଶଙ୍କର, ଜୟ ପ୍ରଭୁ ଶ୍ରୀ ଚନ୍ଦ୍ରଶେଖର

ଭୋଳା ବାବା ସିଏ ଆମର

ପ୍ରଭୁ ଶ୍ରୀ ଭୋଳା ଶଙ୍କର ପାଇଁ ଗୀତ