ନାନୀ! ତୁମେ ଆଉ ନାହଁ, ଜମାରୁ ବିଶ୍ୱାସ ହେଉନି

ମନେ ପଡ଼େ, ସ୍ମୃତି ପଟେ ଝଲସି ଉଠେ

ତୁମର ସେ ହୃଷ୍ଠପୃଷ୍ଠ ଶକ୍ତିଶାଳୀ

ଦମ୍ଭିଲା ଶରୀର ,

ଦୂରାରୋଗ୍ୟ ରୋଗଗ୍ରସ୍ତେ ଦିନୁଦିନ ହୋଇଗଲା କ୍ଷୀଣ

ତୁମ ସାଙ୍ଗେ ମୋ’ ସଂପର୍କ ଗଢ଼ିଲା ବେଳକୁ

ତୁମ ପ୍ରଚଣ୍ଡ ପଦାଘାତେ ଦଳି ହୋଇ ଯାଉଥିଲା

ତୁମ ପ୍ରତି ଅବିଚାର -ଅସମ୍ମାନ-ଗ୍ଲାନି ଦ୍ବେଷ

ଦୁଃଖ ଭରା ସବୁ ଜଞ୍ଜାଳ ଜୀବନ କାଳର

ବଡ଼ବୋହୂ ହେବାର ଯୋଗ୍ୟ କି ଅଯୋଗ୍ୟ

କେବଳ ସମୟ ହିଁ ଦେଇ ପାରେ ସଠିକ୍ ଉତ୍ତର,

ଅନ୍ୟନ୍ୟ ମଣିଷଟିଏ ଥିଲ ।

ସଂଘର୍ଷମୟ ଅସଫଳତା ଭିତରେ ସଫଳତାର

ସ୍ଵାଦ ଚାଖିବାର I

ପୀଡ଼ା ସହି ସହ ଅଭ୍ୟସ୍ତ ହୋଇ ଯାଇଥିଲ,

ତା’ ଭିତରେ ହସୁଥିଲ ମନ ଖୋଲି

ଚିହ୍ନ ତାହା ପ୍ରାଣ ଭରି ଜୀବନକୁ ଭଲ ପାଇବାର I

ଅତୃପ୍ତିରେ ତୃପ୍ତିର ସନ୍ଧାନ

ଅଶାନ୍ତିରେ ପାଉଥିଲ ଶାନ୍ତି

ଜୀବନ ଜୀଇଁବାର କଳା ସିନା, କେହି ଦେଉ କି ନ ଦେଉ

ତମେ ସାଉଁଟି ନେବାରେ କେବେ ହେଳା କରିନାହଁ

ତୁମର ପ୍ରାପ୍ୟ ତୁମ ଅଧିକାର ।

ପାଞ୍ଚ ବୋହୂ ମଧ୍ୟେ ତୁମେ ଥିଲ ଜ୍ୟେଷ୍ଠା

ବିଦାୟ ଘେନିବ ନାନୀ, ଆରପାରିରୁ ବିତରି ଦେବ ସ୍ନେହ-ଶ୍ରଦ୍ଧା

ତୁମ ଶୁଭାଶୀଷ ପାଇ, ତୁମ ପରି ଅହ୍ୟ ହୋଇ ଲେଉଟିବୁ

ତୁମର ପାଖକୁ, ପାଛୋଟି ନେବ ତୁମେ , ତୁମର ଏ ଗେହ୍ଲା

ଭଉଣୀ ମାନଙ୍କୁ,

ତୁମ ଅନାବିଳ ସ୍ନେହଡୋରେ ଆମେ ସବୁ ବନ୍ଧା

“ଜ୍ୟୋତି-ସଙ୍ଗୀତା-କଳ୍ପନା-ଅରୁଣା” ।

ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ, ମୁଖ୍ୟ କାର୍ଯ୍ୟାଳୟ, ସମ୍ବଲପୁର

ବିଭାଗୀୟ ମୁଖ୍ୟ (ଓଡ଼ିଆ)

କୁଲିତାପଡ଼ା,ମୋଦିପଡ଼ା

ସମ୍ବଲପୁର

ପିନ୍ କୋଡ଼-୭୬୮୦୦୨

ଯୋଗାଯୋଗ -୭୯୭୮୮୬୪୬୧୨

ବିଦାୟ ବେଳାରେ