ବିଦ୍ୟୁତ୍ ଶକ୍ତି ସଂରକ୍ଷଣର ସରଳ ଉପାୟ | A simple way to Save Electricity

ସମସ୍ତେ ଚାହାନ୍ତି ସୁଖ ଓ ଶାନ୍ତିର ସହିତ ଜୀବନଯାପନ କରିବା ପାଇଁ। ସୁଖ ଓ ଶାନ୍ତି ପାଇଁ ଏକ ସଭ୍ୟ ସମାଜ ଏବଂ ଉନ୍ନ‌ତ ଚିନ୍ତାଧାରା ଆବଶ୍ୟକ। ସଭ୍ୟତାର କ୍ରମବିକାଶ ସହିତ ସଭ୍ୟ ସମାଜର ପ୍ରଗତି ପାଇଁ ଜନସାଧାରଣଙ୍କ ସହଯୋଗ ନିତାନ୍ତ ଜରୁରୀ। ଏହି ସହଯୋଗକୁ ପାଥେୟ କରି ଆମେ ଭବିଷ୍ୟତ ପାଇଁ ଶକ୍ତି ସଞ୍ଚୟ କରି ରଖୂପାରିବା ଏବଂ ସମ୍ଭାବ୍ୟ ବିଦ୍ଯୁତ୍ ସଂକଟକୁ ଏଡାଇ ଦେଇ ପାରିବା। ଆମ ଜାଣତ ବା ଅଜାଣତରେ ହେଉ ପ୍ରତିଦିନ ଆମେ ସମସ୍ତେ କିଛି ନା କିଛି ବିଦ୍ୟୁତ୍ ଶକ୍ତି ନଷ୍ଟ କରି ଚାଲିଛୁ। ଘରେ ପିଲାମାନେ ପାଠ ପଢୁଥିବା ସମୟରେ ପଙ୍ଖା ଓ ଲାଇଟ୍‌ମାନଙ୍କ ଅନ୍ କରିଥାନ୍ତି। ବେଳେବେଳେ ସେହି ପଢିବା କୋଠରି ଛାଡି ଅନ୍ୟ ଆଡେ ଚାଲି ଗଲେ ମଧ୍ୟ ପଙ୍ଖା ଓ ଲାଇଟ୍‌ର ସୁଇଚ ସବୁ ବନ୍ଦ କରିବା କଥା ଭୁଲିଯାଇଥାନ୍ତି। ଏଣୁ ଏହି ଅବସ୍ଥାକୁ ଚିନ୍ତା କଲେ ଯଦି ସେହି ଘରେ ପ୍ରତିଦିନ ଏହିପରି ମାତ୍ର ୩୦ ମିନିଟ୍ ସୁଇଚ ବନ୍ଦ ନ ହୁଏ, ତେବେ ମାସକୁ ପାଖାପାଖୂ ୧୦ରୁ ୦ରୁ ୧୫ ୟୁନିଟ୍ ବିଦ୍ୟୁତ୍ ଶକ୍ତି ଅପଚୟ ହୋଇଥାଏ। ସାରା ରାଜ୍ୟ କଥା ଚିନ୍ତା କଲେ ମାସକୁ ସାଢେ ସାତ କୋଟି ୟୁନିଟ୍ ବିଦ୍ୟୁତ୍ ଶକ୍ତି ନଷ୍ଟ ହେଉଛି ।

ବିଦ୍ୟୁତ୍ ବିନା ଏବେ ଜୀବନ ଦୁର୍ବିସହ ହୋଇ ପଡିବ। ଆମେ ମନଇଚ୍ଛା ବିଦ୍ୟୁତ୍ ବ୍ୟବହାର କରିବା ପୂର୍ବରୁ ଟିକେ ଆମ ପରିବେଶ କଥା ମଧ୍ୟ ଚିନ୍ତା କରିବା। ଗୋଟିଏ ୟୁନିଟ୍ ବିଦ୍ୟୁତ୍ ଶକ୍ତି ତିଆରି ହେବା ପାଇଁ ପ୍ରାୟ ୦.୭୬ କିଲୋଗ୍ରାମ କୋଇଲା ପୋଡାଯାଇଥାଏ, ଯହିଁରୁ ସେହି ପରିମାଣର ଅଙ୍ଗାରକାମ୍ଳ ଗ୍ୟାସ ନିର୍ଗତ ହୋଇ ଆମ ପରିବେଶକୁ ଦୂଷିତ କରିଥାଏ। ଆଜି ଆମେ ସମସ୍ତେ ସଭ୍ୟ ଓ ଶିକ୍ଷିତ। ଆମେ କଅଣ ଚାହିଁବା ନାହିଁ ବିଦ୍ୟୁତ୍‌ ଶକ୍ତି ପରି ଅମୂଲ୍ୟ ସମ୍ପଦର ଅଯଥା ଅପଚୟକୁ ରୋକିବା ପାଇଁ।

ଆଜି ସାରା ଦେଶରେ ‘ଶକ୍ତି ସଂରକ୍ଷଣ’ ଉପରେ ସମସ୍ତଙ୍କର ଧ୍ୟାନ। ଆସନ୍ତୁ ବିଦ୍ୟୁତ୍ ଶକ୍ତିକୁ ଟିକେ ଜଗିରଖୁ, ହିସାବ କରି ଓ ସତର୍କତାର ସହ ବ୍ୟବହାର କଲେ ଆମେ ନିଶ୍ଚିତ ଭାବରେ ୨୦ ରୁ ୨୫ ପ୍ରତିଶତ ବିଦ୍ୟୁତ୍‌ ଶକ୍ତି ସଞ୍ଚୟ କରିପାରିବା। ଏଥିପାଇଁ ଏକ ଜନ ଜାଗରଣ ଦରକାର। ସମସ୍ତ ବିଦ୍ୟୁତ୍ ଗ୍ରାହକ ଏହି ଜନ ଜାଗରଣରେ ସାମିଲ ହୋଇଗଲେ ବିଦ୍ୟୁତ୍ ଗ୍ରାହକମାନଙ୍କ ମାସିକ ବିଦ୍ୟୁତ୍ ବିଲ୍ ଦେୟ ନିଶ୍ଚିତ କମିବ ଏବଂ ଏଥ୍ ସହିତ ପରିବେଶ ମଧ୍ୟ ଦୂଷିତ ହେବନାହିଁ। ତେବେ ଆଉ ଡେରି କାହିଁକି, ଆସନ୍ତୁ, ବିଭିନ୍ନ କ୍ଷେତ୍ରରେ ବିଦ୍ୟୁତ୍ ସଞ୍ଚୟ କରିବା ପାଇଁ କେତେକ ସତର୍କତା ବିଷୟରେ ଜାଣିବା।

୧. କୃଷି କ୍ଷେତ୍ରରେ ବିଦ୍ୟୁତ୍ ସଞ୍ଚୟ

- କୃଷକ ଭାଇମାନେ ବ୍ୟବହାର କରୁଥିବା କୃଷି ଯନ୍ତ୍ରପାତି ବିଷୟରେ ସାମାନ୍ୟ ଧ୍ୟାନ ଦେଲେ ସେମାନେ ୨୫ ରୁ ୩୦ ପ୍ରତିଶତ ବିଦ୍ୟୁତ୍ ଶକ୍ତି ସଞ୍ଚୟ କରିପାରିବେ।

- ବ୍ୟବହୃତ ପାଣି ପମ୍ପ୍ର ଫୁଟ୍‌ୱେଲ ଭଲ୍‌ଭକୁ ବଦଳାଇ ଉନ୍ନତମାନର କମ୍ ଘର୍ଷଣ କରୁଥିବା ଫୁଟୱେଲ ବ୍ୟବହାର କରି ପାରି ଲେ ୧୦% ରୁ ୧୫% ବିଦ୍ୟୁତ୍‌ ଶକ୍ତି ସଞ୍ଚୟ ହେବ।

- ଜି.ଆଇ ପାଇପ୍ ବଦଳରେ ପି.ଭି.ସି. ପାଇପ୍ ଓ କମ୍ ବଙ୍କା ପାଇପ ବ୍ୟବ‌ହାର କରି ୨୦% ରୁ ୨୨% ବିଦ୍ୟୁତ୍ ଶକ୍ତି ସଞ୍ଚୟ କରାଯାଇ ପାରିବ।

- ପମ୍ପରେ ଅନାବଶ୍ୟକ କିମ୍ବା ଅଧିକ ସକ୍‌ସନ ହେଡ୍ ନ ରଖୁବା ଓ ଆଇ.ଏସ୍.ଆଇ. ମାର୍କା ପମ୍ପ୍ ବ୍ୟବହାର କରିବା ଉଚିତ।

- ଜଳ ଉତ୍ସର ପ୍ରକାର ଭେଦ ଓ ଆବଶ୍ୟକତାକୁ ଚାହିଁ ଦରକାର ମୁତାବକ କ୍ଷମତା ବିଶିଷ୍ଟ ପାଣି ପମ୍ପ୍ ବସାଇବା ଆବଶ୍ୟକ।

୨- ବୈଦ୍ୟୁତିକ ମୋଟର ବ୍ୟବହାର କ୍ଷେତ୍ରରେ ବିଦ୍ୟୁତ୍ ସଞ୍ଚୟ

- ଉତ୍ପାଦିତ ବିଦ୍ୟୁତ୍ ଶକ୍ତିର ପ୍ରାୟ ୪୫ ରୁ ୫୦ ପ୍ରତିଶତ ବିଦ୍ୟୁତ୍ ଶିଳ୍ପ କ୍ଷେତ୍ରରେ ବ୍ୟବହାର ହୋଇଥାଏ, ତହିଁରୁ ୭୦% ବିଦ୍ୟୁତ୍ ଶକ୍ତି ମୋଟର ଚାଳନା ପାଇଁ ବ୍ୟବ‌ହାର ହୋଇଥାଏ। ଏହି ମୋଟର ବ୍ୟବହାର ସମୟରେ କେତେକ ସତର୍କତା ଅବଲମ୍ବନ କଲେ ଆମେ ପ୍ରାୟ ୧୦ ରୁ ୧୨ ପ୍ରତିଶତ ବିଦ୍ୟୁତ୍ ଶକ୍ତି ସଞ୍ଚୟ କରିପାରିବା।

- ଆଇ.ଏସ୍.ଆଇ ମାର୍କା ଓ ତାରକା ଚିହ୍ନିତ ମୋଟର ଓ ଅନ୍ୟାନ୍ୟ ବିଦ୍ୟୁତ୍ ଉପକରଣ ମାନର ବ୍ୟବହାର।

- ପୋଡି ଯାଇଥିବା ମୋଟରକୁ ଠିକ୍ ସମୟରେ ଉପଯୁକ୍ତ ରି-ୱାଇଣ୍ଡିଂ କରିବା।

- ସମକ୍ଷମତା ବିଶିଷ୍ଟ ମୋଟରର ବ୍ୟବହାର।

- ମୋଟର ଚାଳନା ରାତ୍ରି ସମୟରେ କଲେ, ଠିକ୍ ଭୋଲ୍‌ଟେଜ୍ ମିଳିଥାଏ, ଏହାଦ୍ଵାରା ମୋଟର ଉପରେ କୌଣସି ଚାପ ପଡିନଥାଏ।

ମୋଟରର ବିଅରିଂରେ ଠିକ୍ ସମୟରେ ଲୁବ୍ରିକାଣ୍ଟ ଦେବା ଦ୍ଵାରା ଏହାର ଘର୍ଷଣ ହାର କମିଯାଇଥାଏ।

୩. ଆଲୋକ ବ୍ୟବହାର କ୍ଷେତ୍ରରେ ବିଦ୍ୟୁତ୍ ଶକ୍ତି ସଞ୍ଚୟ

- ଆମ ଦେଶର ଉତ୍ପାଦିତ ବିଦ୍ୟୁତ୍ ଶକ୍ତି ମଧ୍ୟରୁ ୨୦% ବିଦ୍ୟୁତ୍ ଆଲୋକ ବ୍ୟବହାରରେ ଲାଗିଥାଏ। ଏଥୁରୁ ପ୍ରାୟ ୨୦% ରାସ୍ତା ଓ ୮% ରୁ ୧୦% ଘର ଆଲୋକିତ ପାଇଁ

- ବ୍ୟବହାର କରାଯାଏ । ସାରା ଦେଶରେ ପ୍ରାୟ ୧୨୦ କୋଟି ଲୋକ ପାଇଁ ୨୪ କୋଟି ବାସଗୃହ ଅଛି। ଏଥିପାଇଁ ୩୫,୦୦୦ ମେଗାୱାଟ ବିଦ୍ୟୁତ୍ ଶକ୍ତି ଉପ‌ଯୋଗ ହୋଇଥାଏ। ମାତ୍ର କେତେକ ସତର୍କତାମୂଳକ ପନ୍ଥା ଆପଣାଇ ନେଲେ ଆମେ ପ୍ରାୟ ୩୦% ରୁ ୪୦% ବିଦ୍ୟୁତ୍ ସଞ୍ଚୟ କରି ପାରିବା।

- ବାସଗୃହ ଏପରି ଭାବରେ ତିଆରି କରିବା ଯେପରିକି ଦିନରେ ବେଶି ସମୟ ସୂର୍ଯ୍ୟାଲୋକଦ୍ୱାରା ଗୃହ ଆଲୋକିତ ରହିବ। ଏନର୍ଜି କନଜରଭେସନ ବିଲ୍‌ଡିଂ କୋଡର ନିୟମ ମାନି ଘର ତିଆରି କଲେ ବହୁ ପରିମାଣରେ ବିଦ୍ୟୁତ୍ ଶକ୍ତି ସଞ୍ଚୟ ହୋଇ ପାରିବ।

- ଗୃହର ଛାତ କାନ୍ଥରେ ହାଲ୍‌କା ରଙ୍ଗ ଦେବା ଓ ସମୟର ବ୍ୟବଧାନରେ କାନ୍ଥ, ଛାତ, ଦୁଆର ଓ ଝରକାକୁ ସଠିକ୍ ରଙ୍ଗଦେବା ଉଚିତ୍। ଗୃହରେ ଲଗାଯାଇଥୁବା ବିଦ୍ୟୁତ୍ ବଲ୍‌ବ ଓ ପଙ୍ଖା ଇତ୍ୟାଦିକୁ ମଝିରେ ମଝିରେ ସଫା କରିବା ଉଚିତ୍ ଓ ସାଧାରଣ ବିଦ୍ୟୁତ୍ ବଲ୍‌ବ ପରିବର୍ଭେ ଏଲ୍.ଇ.ଡ଼ି ବଲ୍‌ବ ବ୍ୟବହାର କଲେ କମ୍ ବିଦ୍ୟୁତ୍ ଖର୍ଚ୍ଚରେ ବେଶି ଆଲୋକ ମିଳି ପାରିବ। ଏହାଦ୍ୱାରା ପ୍ରାୟ ୭୦% ବିଦ୍ୟୁତ୍ ଶକ୍ତି ସଞ୍ଚୟ ହୋଇ ପାରିବ।

- ଆଲୋକମାଳା ଏପରି ଭାବରେ ଲଗାହେବା ଉଚିତ, ଯେପରି ସମସ୍ତ ଆଲୋକ ବ୍ୟବହାର ଉପ‌ଯୋଗୀ ହେବ।

- ସାଧାରଣ ଚୋକ୍ ଏବଂ ରେଗୁଲେଟର ବଦଳରେ ଇଲେକ୍‌ଟ୍ରୋନିକସ୍ ଚୋକ୍ ଓ ରେଗୁଲେଟର ଲଗାଇବା ଉଚିତ୍।

୪. ଘରେ ବିଦ୍ୟୁତ୍ ଶକ୍ତି ବ୍ୟବହାରରେ ମିତବ୍ୟୟିତା ଓ ସଞ୍ଚୟ

- ଘରର ପଙ୍ଖା, ରେଫ୍ରିଜେରେଟର, କୁଲର ଓ ଏୟାର କଣ୍ଡିସନ ଯନ୍ତ୍ରକୁ ଦରକାର ସମୟରେ ବ୍ୟବହାର କରିବା ଉଚିତ୍।

ରେଫ୍ରିଜେରେଟର ଦ୍ଵାରକୁ ବାରମ୍ବାର ନ ଖୋଲି, ଠିକ୍ ସମୟରେ ଖୋଲିବା ଓ ଠିକ୍ ଜାଗାରେ ରଖୁଲେ ବିଦ୍ୟୁତ୍ ଶକ୍ତି ସଞ୍ଚୟ ହୋଇପାରିବ।

- ବିଦ୍ୟୁତ୍ ଇସ୍ତ୍ରୀ, ୱାଟର ହିଟର, ଟୋଷ୍ଟର, ୱାସିଙ୍ଗ ମେସିନ୍, ଓଭେନ୍‌ ଇତ୍ୟାଦିକୁ ଠିକ୍ ରୂପେ ଆବଶ୍ୟକ‌ତା ଅନୁସାରେ ବ୍ୟବହାର କଲେ ଶକ୍ତି ସଞ୍ଚୟ ହୋଇଥାଏ। ଏଥିପାଇଁ ସେଥିରେ ଲେଖାଥୁବା ନିର୍ଦ୍ଦେଶନାମା ମାନିବା ଉଚିତ୍‌।

- ମୋବାଇଲ୍ ଫୋନ ଚାର୍ଜ କଲା ସମୟରେ ଅନ୍ୟମନସ୍କ ନ ହୋଇ ସୁଇଚ ବନ୍ଦ କରିବା ଦରକାର।

- ବର୍ତ୍ତମାନ ବଜାରରେ ମିଳୁଥିବା ତାରକା ଚିହ୍ନିତ ବିଦ୍ୟୁତ୍ ଉପକରଣ ମାନର ପ୍ରଚୁର ବ୍ୟବହାର ଦରକାର।

୫. ଶିଳ୍ପ କ୍ଷେତ୍ରରେ ବିଦ୍ୟୁତ୍ ସଞ୍ଚୟ

- ବିଦ୍ୟୁତ୍ ଉତ୍ପାଦନର ପ୍ରାୟ ୫୦% ବିଦ୍ୟୁତ୍ ଶକ୍ତି ଶିଳ୍ପ ପାଇଁ ବ୍ୟବହାର କରାଯାଏ। ସତର୍କତାମୂଳକ ପନ୍ଥା ଅବଲମ୍ବନ କରି ଆମେ ୨୦% ରୁ ୨୫% ବିଦ୍ୟୁତ୍‌ ସଞ୍ଚୟ କରିପାରିବା।

- ପିକ୍ ଲୋଡ ସମୟରେ ଅନାବଶ୍ୟକ ଯନ୍ତ୍ରର ଚାଳନା ବନ୍ଦ କରିବା, କାର୍ଯ୍ୟକୁ ଚାହିଁ ସମକ୍ଷମତା ବିଶିଷ୍ଟ ମୋଟର ସ୍ଥାପନ କରିବା, ବେଲ୍ଟ ଓ ଗିଅର ସଠିକ୍ ମାପର ଲଗାଇବା ଦ୍ବାରା ବିଦ୍ୟୁତ୍ ଶକ୍ତି ସଞ୍ଚୟ ହୋଇଥାଏ।

- ବିଭିନ୍ନ କାପାସିଟର ମାନର ବ୍ୟବହାର ଦ୍ୱାରା ବିଦ୍ୟୁତ୍ କାର୍ଯ୍ୟଦକ୍ଷତାକୁ ବଢାଯାଏ, ଭାଙ୍ଗିଯାଇଥିବା ବିଅରିଂକୁ ବଦଳାଇ ଓ ଠିକ୍ ଲୁବ୍ରିକାଣ୍ଟ୍ ବ୍ୟବହାର କରି ଘର୍ଷଣ କ ମାଯାଇଥାଏ, ଫଳରେ ବିଦ୍ୟୁତ୍‌ ବ୍ୟବ‌ହାର କମିଯାଇଥାଏ ।

- ଠିକ୍ ସ୍ଥାନରେ ଆଲୋକମାଳା ଲଗାଇବା ଓ ଆଲୋକ ପ୍ରଦାୟୀ ସମୀକ୍ଷା କରିବା, କାର୍ଯ୍ୟରତ କର୍ମଚାରୀମାନଙ୍କ ପାଇଁ ଉପଦେଶମାନ କାନ୍ଥରେ ଲେଖାହେବା ଓ ତାହାକୁ ସର୍ବଦା ପାଳନ କରିବା ଦ୍ୱାରା ବିଦ୍ୟୁତ୍ ବ୍ୟବହାର କମିଯାଇଥାଏ।

- ଘରର ୱାରିଂ ସଠିକ୍ ହେବା ସହ ଠିକ୍ ଆର୍ଥ୍ୟ ଏବଂ ଆଇ.ଏସ୍.ଆଇ. ମାର୍କା ବିଦ୍ୟୁତ୍ ଉପକରଣ ବ୍ୟବ‌ହାର କରିବା ଉଚିତ୍।

୬. ବିଦ୍ୟୁତ୍‌ କର୍ମଚାରୀମାନଙ୍କ ସ‌ହ‌ଯୋଗରେ ବିଦ୍ୟୁତ୍ ସଞ୍ଚୟ

ରାସ୍ତା ଆଲୋକିତ ପାଇଁ ସମସ୍ତ ଆଲୋକ ସ୍ତମ୍ବର ସୁଇଚକୁ ଠିକ ସମୟରେ ଅନ୍ କରିବା ଓ ଅଫ୍ କରିବା ଦ୍ୱାରା ବିଦ୍ୟୁତ୍ ଶକ୍ତି ସଞ୍ଚୟ ହୋଇଥାଏ। ଆଜିକାଲି ଅଟୋମେଟିକ୍ ଟାଇମର ଲାଗାଯାଇ ରାସ୍ତା ଲାଇଟ ଜଳାଇବା ଓ ବନ୍ଦହେବା କାର୍ଯ୍ୟ କରାଯାଉଛି। ବିଦ୍ୟୁତ୍ ସବ୍‌ଷ୍ଟେସନମାନଙ୍କରେ ସାଧାରଣ ଟ୍ରାନ୍ସଫରମର ବଦଳରେ ଷ୍ଟାର ରେଟେଡ୍ ଟ୍ରାନ୍ସଫରମରମାନ ବସାଯାଇ ବିଦ୍ୟୁତ୍ ସଞ୍ଚୟ କରାଯାଇ ପାରିବ।

୭. ବିଦ୍ୟୁତ୍ ସଞ୍ଚୟ ପାଇଁ ସମସ୍ତେ ସଚେତନ ହେବା ଜରୁରୀ

- ଘରେ, ଅଫିସ କିମ୍ବା ବ୍ୟବସାୟିକ କେନ୍ଦ୍ରମାନଙ୍କରେ ବିଦ୍ୟୁତ୍ ଉପକରଣ ମାନର ସଠିକ୍ ବ୍ୟବହାର ଓ ପରିଚାଳନା ବିଦ୍ୟୁତ୍ ସଞ୍ଚୟରେ ସହାୟକ ହୋଇଥାଏ।

- ଅଫିସରୁ କାର୍ଯ୍ୟ ସାରି ଘରକୁ ଫେରିଲା ପୂର୍ବରୁ ସମସ୍ତ ରୁମ୍‌ର ସୁଇଚ ବନ୍ଦ କରିବା ଓ ଅନ୍ୟକୁ ଏ ବିଷୟରେ ଅବଗତ କରାଇବା ଉଚିତ ଓ ଅଫିସ୍ କିମ୍ବା ଘରର ଲିଫ୍ଟକୁ କମ୍ ବ୍ୟବହାର କରିବା।

- ବିଭିନ୍ନ ସାମାଜିକ ଉତ୍ସବ ପାଳନ ଓ ପୂଜା ପାର୍ବଣ ସମୟରେ କମ୍ ଆଲୋକମାଳା ସହ ଏଲ.ଇ.ଡି ଲାଇଟର ବ୍ୟବହାରକୁ ପ୍ରସାର କରିବା।

ଗ୍ରାମାଞ୍ଚଳ ତଥା ସହରର କ୍ଲବ, ପାଠାଗାର ଓ ଅନ୍ୟାନ୍ୟ ବେସରକାରୀ ସଂସ୍ଥା ବିଦ୍ୟୁତ୍ ସଂରକ୍ଷଣ ସମ୍ବନ୍ଧରେ ଜନସାଧାରଣଙ୍କୁ ଅବଗତ କରାଇବା ଉଚିତ୍ ।

- ସର୍ବଦା ସଠିକ୍ ମିଟର ବ୍ୟବହାର କଲେ ବିଦ୍ୟୁତ୍ ବ୍ୟବହାରରେ ସମତା ଆସିବ।

ଏବେ ଜାଣିଲେତ, ସାମାନ୍ୟ ସାବଧାନତା ଓ ସତର୍କତା ଅବଲମ୍ବନ କରି ଦେଶ ପାଇଁ ଏହି ବଡ କାମ କରିବା ନିମନ୍ତେ ଆମେ ସମସ୍ତେ ମିଳିମିଶି ଚିନ୍ତା କରିବା ଓ ସାରା ଦେଶରେ ବିଦ୍ୟୁତ୍ ସଂରକ୍ଷଣ ବାର୍ଭାକୁ ପ୍ରବାହ କରିବା। ବିଦ୍ୟୁତ୍‌ ସଞ୍ଚୟ ବିଦ୍ୟୁତ୍ ଉତ୍ପାଦନ ସହ ସମାନ। ବିଦ୍ୟୁତ୍‌ ଶକ୍ତି ସଞ୍ଚୟ କରନ୍ତୁ ଓ ଦେଶକୁ ବିଦ୍ୟୁତ୍ ନିଅଣ୍ଟିଆ ପରିସ୍ଥି

ତିରୁ ରକ୍ଷା କରନ୍ତୁ। ଏଥିସହ ଆପଣଙ୍କ ବିଦ୍ୟୁତ୍‌ ଦେୟ ମଧ୍ୟ କମାନ୍ତୁ ।

ବିଦ୍ୟୁତ୍ ଶକ୍ତି ସଂରକ୍ଷଣର ସରଳ ଉପାୟ | A simple way to Save Electricity

ସାମାନ୍ୟ ସାବଧାନତା ଓ ସତର୍କତା ଅବଲମ୍ବନ କରି ଆମେ କିପରି ବିଦ୍ୟୁତ୍ ବଞ୍ଚେଇପାରିବା, ଚାଲନ୍ତୁ ଜାଣିବା ଏହି ବ୍ଲଗ୍‌ରୁ