ଓଡ଼ିଶାର ଉନ୍ନତି କେବଳ ସହର ଏବଂ ଅଧୁନିକ ଅଞ୍ଚଳରେ ନୁହେଁ, ବରଂ ଏହି ଉନ୍ନତି ଗାଁ ଭିତରେ ମଧ୍ୟ ପହଞ୍ଚିବା ଜରୁରୀ। ଏଠି ଅନେକ ଲୋକ ଚାଷ, ଛୋଟ ଉଦ୍ୟୋଗ ଏବଂ ନିଜ ବୃତ୍ତିର ଜୀବନପ୍ରଣାଳୀ ଉପରେ ନିର୍ଭର କରି ଜୀବନ ଜୀବିକା ଚଳାନ୍ତି। ଏମିତି ସ୍ଥିତିରେ ଗ୍ରାମ ଏକ ସମୃଦ୍ଧ ଓ ସ୍ଵାବଳମ୍ବୀ ଅଞ୍ଚଳରେ ପରିଣତ ହେଲେ, ସମଗ୍ର ଓଡ଼ିଶା ଆଗକୁ ବଢ଼ିପାରିବ।

ଗ୍ରାମ ଏବଂ ଏହି ସମସ୍ୟାଗୁଡ଼ିକ

ଗ୍ରାମୀଣ ଅଞ୍ଚଳରେ ଅନେକ ସମସ୍ୟା ରହିଛି ଯେଉଁଥିରୁ କିଛି ମୁଖ୍ୟ ସମସ୍ୟା ହେଉଛି -

ଅସ୍ଥିର ରୋଜଗାର ଏବଂ ଆର୍ଥିକ ଅସ୍ଥିରତା

ନିର୍ମାଣ ଏବଂ ରାସ୍ତାଘାଟର ଅଭାବ

ସ୍ୱାସ୍ଥ୍ୟସେବା ଏବଂ ଡାକ୍ତରଖାନାର ଅଭାବ

ଗୁଣବତ୍ତାପୂର୍ଣ୍ଣ ଶିକ୍ଷାର ଅଭାବ

ଜଳସମ୍ପଦ ଏବଂ ସିଚା ପ୍ରଣାଳୀର ଅଭାବ

ଏହି ସମସ୍ୟାଗୁଡ଼ିକ ଦୂର ହେଲେ ଏକ ନୂଆ ଓ ଉନ୍ନତ ଓଡ଼ିଶା ଗଢ଼ି ଉଠିପାରିବ। ଏଥିପାଇଁ ଏକ ନିଶ୍ଚିତ ଯୋଜନା ଏବଂ ସଠିକ ଉପାୟ ଅବଳମ୍ବନ କରିବା ଆବଶ୍ୟକ।

ବିକଶିତ ଗାଁ ପାଇଁ ମୁଖ୍ୟ ଦିଗଗୁଡ଼ିକ

ଗ୍ରାମ ଅଗ୍ରଗତି ଏବଂ ଉନ୍ନତି ପାଇଁ ଏଠି ମୁଖ୍ୟ ଅଂଶଗୁଡ଼ିକ ନିର୍ଦ୍ଦିଷ୍ଟ କରାଯାଇପାରେ -

(୧) କୃଷି ଏବଂ ଚାଷୀମାନଙ୍କ ସମୃଦ୍ଧି

ଗ୍ରାମ ଅଞ୍ଚଳର ମୁଖ୍ୟ ଜୀବିକା କୃଷି ଉପରେ ନିର୍ଭର କରେ। ତେଣୁ ଯଦି ଗ୍ରାମକୁ ବିକଶିତ କରିବା ଅଛି, ତେବେ ଚାଷୀମାନଙ୍କ ସମ୍ପଦ ବୃଦ୍ଧି ଏବଂ ସୁଯୋଗ ବଢ଼ିବା ଅତ୍ୟାବଶ୍ୟକ। ଏହିପାଇଁ ଅଧୁନିକ ଚାଷ ପଦ୍ଧତି, ଉଠାଜଳସେଚନ ଯୋଜନା, ଏବଂ ବଜାର ବ୍ୟବସ୍ଥା ଉନ୍ନତ କରିବା ଦରକାର।

(୨) ଶିକ୍ଷା ଏବଂ ବୃତ୍ତିମୂଳକ ପ୍ରଶିକ୍ଷଣ

ଶିକ୍ଷା ହେଉଛି ଗ୍ରାମ ଉନ୍ନତିର ପ୍ରଥମ ପାହାଚ। ଯଦି ଗ୍ରାମବାସୀମାନେ ନୂଆ ଜ୍ଞାନ ଏବଂ ଦକ୍ଷତା ଅର୍ଜନ କରନ୍ତି, ତାହାଲେ ସେମାନେ ନୂଆ ରୋଜଗାର ସୃଷ୍ଟି କରିପାରିବେ। ଏହିପାଇଁ ଗ୍ରାମୀଣ ଅଞ୍ଚଳରେ ଗୁଣବତ୍ତାପୂର୍ଣ୍ଣ ପାଠଶାଳା, ଗ୍ରାମୀଣ ଶିକ୍ଷା କେନ୍ଦ୍ର ଏବଂ ବୃତ୍ତିମୂଳକ ପ୍ରଶିକ୍ଷଣ କେନ୍ଦ୍ର ଉନ୍ନତ କରିବା ଅତ୍ୟାବଶ୍ୟକ।

(୩) ଗ୍ରାମୀଣ ରୋଜଗାର ଏବଂ ଉଦ୍ୟୋଗ

ଅନେକ ଯୁବ ଏବଂ ମହିଳା ସହରକୁ ଚାଲିଯାଉଛନ୍ତି କାରଣ ଗ୍ରାମରେ ଚାକିରି ନାହିଁ। ଏହି ଅବସ୍ଥାରେ ଗ୍ରାମ ନିଜେ ଏକ ରୋଜଗାର ସ୍ଥାନରେ ପରିଣତ ହେଲେ ଏହି ଅବସ୍ଥା ଦୂର ହୋଇପାରିବ। ଏହିପାଇଁ ଖାଦ୍ୟ ଉଦ୍ୟୋଗ, ହସ୍ତଶିଳ୍ପ ଏବଂ ଗ୍ରାମ ଉଦ୍ୟୋଗକୁ ପ୍ରସାର କରିବା ଦରକାର।

(୪) ରୋଗ ଏବଂ ସ୍ୱାସ୍ଥ୍ୟ ସୁବିଧା

ସ୍ୱାସ୍ଥ୍ୟ ସେବା ଗ୍ରାମର ଏକ ମୁଖ୍ୟ ସମସ୍ୟା। ଏଠି ଦୁର୍ଗମ ଅଞ୍ଚଳରେ ଡାକ୍ତର ଏବଂ ଔଷଧ ଉପଲବ୍ଧ ନଥାଏ। ତେଣୁ ଗ୍ରାମରେ ଡାକ୍ତରଖାନା, ଆଯୁର୍ବେଦିକ ଚିକିତ୍ସା ଏବଂ ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମ ଆରମ୍ଭ ହେବା ଜରୁରୀ।

(୫) ରାସ୍ତା ଏବଂ ପରିବହନ ବ୍ୟବସ୍ଥା

ଯଦି ଗ୍ରାମରେ ଭଲ ରାସ୍ତା ଏବଂ ବସ୍ ଏବଂ ଅନ୍ୟାନ୍ୟ ଯାତାୟାତ ସୁବିଧା ଥାଏ, ତାହାଲେ ସହର ଓ ଗ୍ରାମ ମଧ୍ୟରେ ସମ୍ପର୍କ ଭଲ ହେବ। ଏହି ସୁବିଧା ନଥିବାରୁ ଅନେକ ଲୋକ ଗ୍ରାମରେ ରହିବାକୁ ଚାହାନ୍ତି ନାହିଁ।

ଉପସଂହାର

"ବିକଶିତ ଗାଁ ବିକଶିତ ଓଡ଼ିଶା" କେବଳ ଏକ ନାମ ନୁହେଁ, ବରଂ ଏହା ଏକ ଅବଶ୍ୟକତା। ଗ୍ରାମର ଉନ୍ନତି ହେଲେ ଏକ ସମୃଦ୍ଧ ଓଡ଼ିଶା ଗଢ଼ି ଉଠିପାରିବ। ସରକାର, ସ୍ଥାନୀୟ ଜନସମାଜ ଏବଂ ଗ୍ରାମବାସୀମାନେ ମିଶି ଏହି ଉଦ୍ଦେଶ୍ୟକୁ ସଫଳ କରିପାରିବେ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!