ଉପରୋକ୍ତ ଫୋଟଟି କୁ ଚିହ୍ନି ପାରିଲେ।ନବେ ଦଶକ ଯାଏଁ ପ୍ରତିଟି ପିଲାଙ୍କ ଅତ୍ୟନ୍ତ ଲୋକପ୍ରିୟ ଚରିତ୍ର ଟି ଥିଲେ ସେ। ଜହ୍ନମାମୁଁ ତାଙ୍କୁ ଘରେଘରେ ପରିଚିତ କରାଇଥିଲା। ବିକ୍ରମ ବେତାଳ କାହାଣୀ ରୂପରେ।ଆଜ୍ଞା, ଭାରତର ମହାନ୍ ରାଜା ମାନଙ୍କ ମଧ୍ୟରେ ଅନ୍ୟତମ ଉଜ୍ଜୟିନୀ ର ରାଜା ମହାରାଜ ବିକ୍ରମାଦିତ୍ୟ ।

ଆଜକୁ ପ୍ରାୟ ୩୦୦୦ ବର୍ଷ ପୂର୍ବେ ଭାରତରେ ଶାସନ କରୁଥିଲେ ମହାରାଜ ବିକ୍ରମାଦିତ୍ୟ ବା ବିକ୍ରମ ସେନ।ସେ ଜଣେ ଉଦାର, ନ୍ୟାୟବନ୍ତ,ପ୍ରଜାବତ୍ସଳ ଶକ୍ତିଶାଳୀ ରାଜା।ସେ କୃର ଶାକ୍ ମାନଙ୍କ ଠାରୁ ପ୍ରଜାମାନଙ୍କୁ ଉଦ୍ଧାର କରିଥିଲା । ମହାରାଜ ବିକ୍ରମାଦିତ୍ୟ ପୁରୁଷୋତ୍ତମ ଶ୍ରୀ ରାମଚନ୍ଦ୍ର ଙ୍କ ଅନୁଯାୟୀ ଥିଲେ।ସେ ରାମରାଜ୍ୟ ରେ ବିଶ୍ବାସ ରଖୁଥିଲେ ତେଣୁ ତାଙ୍କ ଶାସନ କାଳରେ ତାଙ୍କ ଅତ୍ୟନ୍ତ ସୁଖ ଜୀବନ ଯାପନ କରୁଥିଲେ।ସମ୍ରାଟ ବିକ୍ରମାଦିତ୍ୟଙ୍କ କଳା ଏବଂ ସାହିତ୍ୟ ର ପ୍ରଶଂସକ ଥିଲେ। ବିଭିନ୍ନ ଇତିହାସ ପୃଷ୍ଠା ଲିପିବଦ୍ଧ ଅଛି ଯେ ମହାରାଜ ବିଭିନ୍ନ ବର୍ଗର କଳାକାର ଙ୍କୁ ପୁରସ୍କୃତ କରୁଥିଲେ। ତାଙ୍କ ଦରବାରରେ ସେ ନଅଜଣ ବିଦ୍ୱାନ ଙ୍କୁ ଉଚ୍ଚ ଆସନ ପ୍ରଦାନ କରି ତାଙ୍କୁ ନବରତ୍ନ ବୋଲି ଅଳଙ୍କୃତ କରିଥିଲେ । ସେମାନେ ଥିଲେ - ଧନ୍ବନ୍ତରୀ,କ୍ଷ୍ୟପଣାକ,ଅମର ସିଂ,ଶାଂକୁକ, ବେତାଳ ଭଟ୍ଟ ,ଘଟଖର୍ପର,କାଳିଦାସ,ବରାହମିହିର,ବାରୁଚି ।

ଏହି ନବରତ୍ନ ମାନେ ପ୍ରଚଣ୍ଡ ବୁଦ୍ଧି ର ଅଧିକାରୀ ଥିଲେ।କିଏ ଗଣିତ କିଏ ସାହିତ୍ୟ ତ କିଏ ବିଜ୍ଞାନ ରେ ପାରଙ୍ଗମ ଥିଲେ।ତାଙ୍କର କଳା ଓ କୃତିତ୍ୱ ଜାଣିବାକୁ ମିଳେ ସେ ସମୟ ର ସାହିତ୍ୟ, କାବ୍ୟ ଗ୍ରନ୍ଥାବଳୀ ରୁ। ବେତାଳ ପଚିଶି,ସିଂହାସନ ବତିଶି,ସେ ମଧ୍ୟ ରୁ ଅନ୍ୟତମ ।ତାଛଡା ମହାକବି କାଳୀ ଦାସ ଙ୍କୁ କିଏ ନ ଚିହ୍ନିଛି। ତାଙ୍କ ରଚିତ କାବ୍ୟ ସକୁନ୍ତଳା ବିଶ୍ବ ପ୍ରସିଦ୍ଧ। ସେହିପରି ବରାହମିହିର ଙ୍କ ଜ୍ୟୋତିଷ ଶାସ୍ତ୍ର ଏବଂ ବେତାଳ ଭଟ୍ଟ ଙ୍କ ବିଭିନ୍ନ କାହାଣୀ ଆଜି ବି ଘରେଘରେ ପରିଚିତ।

ଇତିହାସ ରେ ବର୍ଣିତ(ଭବିଷ୍ୟ ପୁରାଣ )ଯେ ଇଷାପୂର୍ବ ୧୦୧ ରେ ମହାରାଜ ବିକ୍ରମାଦିତ୍ୟ ଜନ୍ମଗ୍ରହଣ କରିଥିଲେ। ଏବଂ ସେତେବେଳେ କଳିଯୁଗର ୩୦୦୦ ବର୍ଷ ବିତି ସାରିଥିଲା। ଯେତେବେଳେ ସେ ଭାରତକୁ ଶାକ୍ ମାନଙ୍କ ଠାରୁ ମୁକ୍ତ କଲେସେହି ସମୟ କୁ ମନେ ରଖିବା ପାଇଁଁ ସେ ଆବିଷ୍କାର କରେ ବିକ୍ରମ ସମ୍ବତ କୁ।ତେବେ କଣ ସେହି ବିକ୍ରମ ସମ୍ବତ କୁ ଜାଣିବା ପୂର୍ବରୁ ପ୍ରଥମେ ବୁଝିବା ବର୍ତ୍ତମାନ ର ପ୍ରଚଳିତ କ୍ୟାଲେଣ୍ଡର ବିଷୟରେ। ବର୍ତମାନ ସମୟରେ ଭାରତରେ ତଥା ଅନ୍ୟ ବିଭିନ୍ନ ଦେଶ ମାନଙ୍କରେ ସରକାରୀ କାର୍ଯ୍ୟାଳୟ ତଥା ନଥିପତ୍ର, ଜନ୍ମ ମରଣ ପ୍ରମାଣ ଏବଂ କିଣାବିକା ଆଦି ରେ ଗ୍ରାଗୋରିଅନ କ୍ୟାଲେଣ୍ଡର ର ଉପଯୋଗ ହୁଏ।ଏହି ଗ୍ରାଗୋରିୟନ କ୍ୟାଲେଣ୍ଡର ଖ୍ରୀଷ୍ଟ ଧର୍ମାବଲାମ୍ବୀ ମାନଙ୍କ ଦ୍ବାରା ବିଶେଷ ଆଦୃତ ହୋଇଥିଲା ଏବଂ ପରେ ସମ୍ପୁର୍ଣ୍ଣ ବିଶ୍ଵ ରେ ଲୋକପ୍ରିୟ ହୋଇଥିଲା। ଏହି କ୍ୟାଲେଣ୍ଡର ଅନୁଯାୟୀ ଏକ ବର୍ଷ ରେ ୩୬୫ ଦିନ ୫ ଘଣ୍ଟା ଆଉ କିଛି ମିନିଟ ହୋଇଥାଏ ଏବଂ ପ୍ରତି ଚାରିବର୍ଷ ରେ ଏକ ଅଧିବର୍ଷ ହୁଏ। ନବବର୍ଷର ଆରମ୍ଭ ଜାନୁଆରୀ ୧ତାରିଖ ରୁ ହୁଏ ।ଯାହାକି ଅନ୍ୟ ସବୁ କ୍ୟାଲେଣ୍ଡର ଅପେକ୍ଷା ସବୁଠୁ ଅଧିକ ପ୍ରାମାଣିକ ବୋଲି କୁହାଯାଏ।ତେବେ ଜିଶୁଖ୍ରୀଷ୍ଟ ଙ୍କ ର ଜନ୍ମ ଠାରୁ ଏହାର ଆରମ୍ଭ ହୋଇଥିଲା । ଅର୍ଥାତ୍ ଜୀଶୁ ଙ୍କ ଜନ୍ମ ତାରିଖ ହେଉଛି ୧:୦୧:୦୦୦୧। ତା ପରେ ସମୟ କୁ ଆମେ (AD) ବା ଖ୍ରୀଷ୍ଟାବ୍ଦ ବୋଲି କୁହୁବା । ଅର୍ଥାତ ଜୀଷୁ ଙ୍କ ଜନ୍ମ ପରେ। ଏବଂ ଜିଶୁ ଙ୍କ ଜନ୍ମ ପୂର୍ବ ସମୟ କୁ ଖ୍ରୀଷ୍ଟପୂର୍ବ ବା (BC) ବୋଲି କହୁ।

ଇତିହାସକାର ଙ୍କ ଅନୁଯାୟୀ ବିକ୍ରମାଦିତ୍ୟ ଯେତେବେଳେ ବିକ୍ରମ ସମ୍ବତ ବନାଇଥିଲେ ତାହା ଥିଲା ଜିଷୁ ଙ୍କ ଜନ୍ମ ଠାରୁ ୫୭ ବର୍ଷ ପୂର୍ବେ। ଅର୍ଥାତ ଗ୍ରାଗୋରିୟନ କ୍ୟାଲେଣ୍ଡର ଶନିବାର ୫୭ ବର୍ଷ ପୂର୍ବରୁ ବିକ୍ରମ ସମ୍ବତ ବନି ସାରିଥିଲା। ଏବଂ ସେଥିପାଇଁ ବିକ୍ରମ ସମ୍ବତ ବର୍ତମାନ ର କ୍ୟାଲେଣ୍ଡର ରୁ ୫୭ ବର୍ଷ ଆଗୁଆ।ଏବେବି ଆମ ଦେଶରେ ବିଭିନ୍ନ କାର୍ଯ୍ୟକ୍ରମ ତିଥି ଏବଂ ବାର ଅନୁଯାୟୀ ହିଁ ହୁଏ। ଏବଂ ତାହା ବିକ୍ରମ ସମ୍ବତ ର ହିଁ ପ୍ରତିଦାନ ସ୍ବରୂପ।ପଡୋଶୀ ଦେଶ ନେପାଳ ରେ ପ୍ରଚଳିତ କ୍ୟାଲେଣ୍ଡର କୁ ମଧ୍ୟ ବିକ୍ରମ ସମ୍ବତ ବୋଲି କହନ୍ତି।

ତେବେ ସେ ଯାହା ହେଉ ବିକ୍ରମ ସମ୍ବତ ବା ହିନ୍ଦୁ ବର୍ଷ ତିଥି ଅନୁଯାୟୀ ଆମର ନବବର୍ଷ ଚୈତ୍ର ମାସ ପ୍ରତିପଦା ଠାରୁ ଆରମ୍ଭ ହୁଏ।ଏହି ଦିନ ଟି ମଧ୍ୟ ଭାରତରେ ବିଭିନ୍ନ ପ୍ରଦେଶରେ ବିଭିନ୍ନ ନାମରେ ପାଳିତ ହୁଏ ଯେମିତି ଉଗାଡି,ଗୁଡିପଡବା,ବୈଶାଖି ଇତ୍ୟାଦି। ବିକ୍ରମ ସମ୍ବତ ରେ ହିଁ ପ୍ରଥମେ ଲେଖା ଯାଇଥିଲା ବର୍ଷକ ବାର ବର୍ଷ ଏବଂ ସପ୍ତାହ ୭ଦିନ ବୋଲି। ଗ୍ରାଗୋରିୟନ କ୍ୟାଲେଣ୍ଡର ହିସାବରେ ବର୍ତମାନ ୨୦୨୪ ମସିହା ଚାଲିଛି କିନ୍ତୁ ଯଦି ଆମେ

ବିକ୍ରମ ସମ୍ବତ ଅନୁସାରେ ସମୟ କୁ ଆକଳନ କରିବା ତେବେ ବର୍ତମାନ ୨୦୮୧ ମସିହା ଚାଲିଛି।

ଭାରତ ବର୍ଷରେ ଏବେବି ବିକ୍ରମ ସମ୍ବତ ର ଚଳନ ରହିଛି। ବିବାହ, ବ୍ରତ ତଥା ବିଭିନ୍ନ ଧାର୍ମିକ ଅନୁଷ୍ଠାନ ର ଗୃହ ନିର୍ମାଣ ଇତ୍ୟାଦି ପ୍ରତିଷ୍ଠା ଏଇଥିରୁ ଉତ୍ତମ ମୂହୁର୍ତ୍ତ ଦେଖି ଧାର୍ଯ୍ୟ କରାଯାଏ। ବର୍ତମାନ ର ରାମମନ୍ଦିର ପ୍ରତିଷ୍ଠା ତାର ଏକ ଜ୍ୱଳନ୍ତ ଉଦାହରଣ।rm

Paramita Mishra

Berhampur -10

ବିକ୍ରମ ସମ୍ବତ ରହସ୍ୟ

ଆଜକୁ ପ୍ରାୟ ୩୦୦୦ ବର୍ଷ ପୂର୍ବେ ଭାରତରେ ଶାସନ କରୁଥିଲେ ମହାରାଜ ବିକ୍ରମାଦିତ୍ୟ ବା ବିକ୍ରମ ସେନ।