ପ୍ରତିବର୍ଷ ସେପ୍ଟେମ୍ବର ମାସ ୧୮ ତାରିଖରେ ସାରା ପୃଥିବୀରେ ବିଶ୍ୱ ବାଉଁଶ ଦିବସ ପାଳନ କରାଯାଏ। ଏହା କେବଳ ଏକ ଗଛକୁ ସମ୍ମାନ ଦେବା ନୁହେଁ, ବରଂ ମାନବ ସଭ୍ୟତା, ଆମର ସଂସ୍କୃତି, ସୁନ୍ଦର କଳା ଏବଂ ସୁସ୍ଥ ପରିବେଶ ମଧ୍ୟରେ ଥିବା ଗଭୀର ସଂପର୍କକୁ ଚିନ୍ତା କରିବାର ଦିନ। ବାଉଁଶ ଯେପରି ଏକ ସେତୁ ସଦୃଶ, ଯାହା ଏହି ତିନୋଟି ମହତ୍ତ୍ୱପୂର୍ଣ୍ଣ ବିଷୟକୁ ଏକ ସୂତ୍ରରେ ବାନ୍ଧିଛି।

ଓଡ଼ିଆ ସଂସ୍କୃତି ଓ ବାଉଁଶ:

ଓଡ଼ିଆ ଜୀବନ ଧାରାରେ ବାଉଁଶ ଏକ ଅଭିନ୍ନ ଅଂଶ। ଆମର ଦୈନନ୍ଦିନ ଜୀବନରୁ ଆରମ୍ଭ କରି ଉତ୍ସବ, ପର୍ବ ଓ ଧାର୍ମିକ କାର୍ଯ୍ୟରେ ବାଉଁଶର ବ୍ୟବହାର ଦେଖିବାକୁ ମିଳେ। ଆମ ଘରେ ବ୍ୟବହୃତ ଟୋକେଇ, ଝୁରି, ଚାଙ୍ଗୁଡ଼ି, ମୂଷଳ, ଶଙ୍ଖା, ଆସନ ଓ ଯାଜମାନ ବାଉଁଶରେ ହିଁ ତିଆରି। ପିଠା-ପଣା ହେଉ କି ଶ୍ରାଦ୍ଧ ଭୋଜି, ବାଉଁଶ ଟୋକେଇ ଓ ଝୁରି ଛାଡ଼ା ଭାବିହୁଏନା। ଗାଁର ପାରମ୍ପରିକ ଘର ନିର୍ମାଣରେ ମଧ୍ୟ ବାଉଁଶର ଭୂମିକା ଅନନ୍ୟ। ଏହିପରି ଭାବରେ ବାଉଁଶ ଆମର ସାଂସ୍କୃତିକ ପରମ୍ପରାକୁ ବଞ୍ଚାଇ ରଖିଛି ଏବଂ ଆମର ପରିଚୟର ଏକ ଅଂଶ ହୋଇଛି।

କଳା ଓ ହସ୍ତଶିଳ୍ପରେ ବାଉଁଶ:

ଓଡ଼ିଶାର କୁଶଳୀ ଶିଳ୍ପୀମାନେ ବାଉଁଶକୁ ନୂତନ ଜୀବନ ଦିଅନ୍ତି। ସେମାନଙ୍କର କଳାପ୍ରତିଭା ଓ କଳା ନୈପୁଣ୍ୟରେ ସାଧାରଣ ବାଉଁଶ କଣ୍ଟା ଏକ ସୁନ୍ଦର କଳାକୃତିରେ ପରିଣତ ହୋଇଯାଏ। ବାଉଁଶରେ ତିଆରି ନାନା ପ୍ରକାରର ଟୋକେଇ, ପାନିଆଁ, ପରଦା, ଚାବିଭରା, ଫୁଲଦାନୀ, ଲାମ୍ପସେଡ୍, ଖେଳନା ଓ ଅନେକ ସଜ୍ଜା ସାମଗ୍ରୀ ଦେଖିଲେ ଆଖି ଜୁଳୁଜୁଳୁ କରିଯାଏ। ଏହି ଶିଳ୍ପ କେବଳ ସୁନ୍ଦର ନୁହେଁ, ବରଂ ଏହା ଅନେକ ପରିବାର, ବିଶେଷକରି ଗ୍ରାମାଞ୍ଚଳର ଲୋକଙ୍କୁ, ରୋଜଗାରର ଉତ୍ସ ମଧ୍ୟ ଯୋଗାଇଥାଏ। ଏହା ଆମର ସାଂସ୍କୃତିକ ପରମ୍ପରାକୁ ଜୀବନ୍ତ ରଖିବା ସହ ଅର୍ଥନୀତିକ ଭିତ୍ତିଭୂମି ସୃଷ୍ଟି କରିଛି।

ପରିବେଶ ରକ୍ଷାରେ ବାଉଁଶର ଭୂମିକା:

ପରିବେଶ ପାଇଁ ବାଉଁଶ ଏକ ବରଦାନ ସଦୃଶ। ଏହାର ଗୁଣଗ୍ରାମ ଅନନ୍ୟ। ବାଉଁଶ ଗଛ ଅନ୍ୟ ଗଛମାନଙ୍କ ଅପେକ୍ଷା ଅଧିକ ଅମ୍ଳଜାନ ଛାଡ଼େ ଏବଂ ବାୟୁମଣ୍ଡଳରେ ଥିବା କାର୍ବନ-ଡାଏଅକ୍ସାଇଡ୍ ଶୋଷିନେଇ ବାୟୁ ପ୍ରଦୂଷଣ କମ କରେ। ଏହାର ଶିଜড় ଜମିକୁ ମଜଭୁତ କରି ମୃତ୍ତିକା କ୍ଷୟ ରୋକେ ଏବଂ ଭୂମି ଧ୍ସ୍ଵଙ୍ଗକୁ ପ୍ରତିରୋଧ କରେ। ବାଉଁଶ ଅତି ଶୀଘ୍ର ବଢ଼େ, ତେଣୁ ଏହା ଜଙ୍ଗଲ ସୃଷ୍ଟି କରିବାରେ ମଧ୍ୟ ଖୁବ୍ ଉପଯୋଗୀ। ଜଳବାୟୁ ପରିବର୍ତ୍ତନ ଆଜି ବିଶ୍ୱର ଏକ ବଡ଼ ସମସ୍ୟା, ଏଥିରେ ବାଉଁଶ ଏକ ପ୍ରଭାବଶାଳୀ ଅସ୍ତ୍ର ହୋଇପାରେ ବୋଲି ବିଜ୍ଞାନୀମାନେ ମତ ଦେଇଛନ୍ତି।

ସଂସ୍କୃତି, କଳା ଓ ପରିବେଶର ସେତୁ:

ବାଉଁଶ ଏକା ସାଙ୍ଗରେ ଆମର ସଂସ୍କୃତିକ ପରଚୟ, କଳାରୋଚକା ଏବଂ ପରିବେଶ ସଚେତନତାକୁ ସ୍ପର୍ଶ କରିଥାଏ। ଏହା ଆମକୁ ଶିଖାଏ ଯେ ପ୍ରକୃତି ସହ ସାମଞ୍ଜସ୍ୟ ରକ୍ଷା କରି ଚଳିଲେ ଜୀବନ କେବଳ ସୁନ୍ଦର ନୁହେଁ, ବରଂ ଟିକସାଳୀ ମଧ୍ୟ ହୋଇପାରେ। ବିଶ୍ୱ ବାଉଁଶ ଦିବସ ଆମକୁ ଏହି ସବୁ ବିଷୟ ମନେ ପକାଇଦେଇ ବାଉଁଶ ଉତ୍ପାଦନ, ଏହାର ଟିକସାଳୀ ବ୍ୟବହାର ଓ ସୁରକ୍ଷା ପାଇଁ ଉତ୍ସାହିତ କରେ।

ଆଜି ପ୍ଲାଷ୍ଟିକ ଯୁଗରେ ବାଉଁଶର ମହତ୍ତ୍ୱ ଆହୁରି ବଢ଼ିଗଲାଣି। ପ୍ଲାଷ୍ଟିକ ପରିବର୍ତ୍ତେ ବାଉଁଶ ଜିନିଷ ବ୍ୟବହାର କରିବା ପରିବେଶ ପାଇଁ ଭଲ। ତେଣୁ, ଆସନ୍ତୁ ଆମେ ବିଶ୍ୱ ବାଉଁଶ ଦିବସରେ ଏହି ଅମୂଲ୍ୟ ପ୍ରାକୃତିକ ସମ୍ପଦର ମହତ୍ତ୍ୱ ବୁଝିବା, ଏହାର ସୁରକ୍ଷା କରିବା, ବାଉଁଶ ଉତ୍ପାଦ କିଣିବା ଏବଂ ଏହାର ବ୍ୟବହାରକୁ ବଢ଼ାଇବା। ଏହାଦ୍ୱାରା ଆମର ସଂସ୍କୃତି, କଳା ଓ ପରିବେଶ ତିନିଟି ଲାଭ କରିପାରିବ ଏବଂ ଆମେ ଏକ ଟିକସାଳୀ ଭବିଷ୍ୟତ ଗଢ଼ିପାରିବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ବିଶ୍ଵ ବାଉଁଶ ଦିବସ: ସଂସ୍କୃତି, କଳା ଓ ପରିବେଶର ସେତୁ

ବିଶ୍ଵ ବାଉଁଶ ଦିବସ: ସଂସ୍କୃତି, କଳା ଓ ପରିବେଶର ସେତୁ