ବିଶ୍ଵ ନାଟ୍ୟ ଦିବସ ପ୍ରତିବର୍ଷ ମାର୍ଚ୍ଚ ୨୭ ରେ ପାଳନ କରାଯାଏ। ଏହି ଦିନଟି ନାଟ୍ୟ କଳା ଓ ନାଟ୍ୟ ଅଭିନୟ ପ୍ରତି ସମ୍ମାନ ଦେବା ଏବଂ ନାଟ୍ୟ ଶିଳ୍ପୀମାନଙ୍କୁ ଉତ୍ସାହିତ କରିବା ପାଇଁ ଉଦ୍ଧିଷ୍ଟ। ଏହା ମଞ୍ଚ କଳା ଓ ନାଟକ ଚଳଚ୍ଚିତ୍ର ରେ ଏକ ବିଶେଷ ସ୍ଥାନ ଦାଖଳ କରିଛି। ନାଟକ ଏକ ଶକ୍ତିଶାଳୀ ମାଧ୍ୟମ, ଯାହା ଦ୍ୱାରା ଦର୍ଶକମାନେ ସାମାଜିକ, ସାଂସ୍କୃତିକ ଓ ଭାବନାତ୍ମକ ବିଷୟବସ୍ତୁ ସହଜରେ ଅନୁଭବ କରିପାରନ୍ତି।

ବିଶ୍ଵ ନାଟ୍ୟ ଦିବସର ଉତ୍ପତ୍ତି

ବିଶ୍ଵ ନାଟ୍ୟ ଦିବସ ପ୍ରଥମେ ୧୯୬୧ ମସିହାରେ ଇଣ୍ଟରନ୍ୟାସନାଲ ଥିଏଟର ଇନ୍‌ସ୍ଟିଟ୍ୟୁଟ୍ ଦ୍ୱାରା ଆରମ୍ଭ କରାଯାଇଥିଲା। ଏକ ଆନ୍ତର୍ଜାତୀୟ ସଂଗଠନ, ଯାହା UNESCO ସହିତ ଯୋଗ ରଖେ। ୧୯୬୨ ମସିହାରେ ପ୍ରଥମଥର ପାଳନ କରାଯାଇଥିଲା।

ମୂଖ୍ୟ ଉଦ୍ଦେଶ୍ୟ:

ନାଟ୍ୟ ଶିଳ୍ପର ପ୍ରସାର

ସାମାଜିକ ଜାଗରଣ

ସଂସ୍କୃତିକ ଅଦଳବଦଳ

ନାଟ୍ୟ ଶିଳ୍ପୀମାନଙ୍କ ସମ୍ମାନ

ଏହି ଦିନରେ ବିଭିନ୍ନ ଦେଶରେ ନାଟକ ଦେଖାଯାଏ, ନାଟ୍ୟ କାର୍ଯ୍ୟଶାଳା ଏବଂ ସଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଏ।

ନାଟ୍ୟ କଳାର ମହତ୍ତ୍ୱ

ନାଟ୍ୟ କଳା ଏକ ଜୀବନ ଦର୍ପଣ ଭଳି ଅଟେ। ଏହା ମଧ୍ୟମରେ ଜନସାଧାରଣଙ୍କ ସଂଘର୍ଷ, ଆନନ୍ଦ, ଦୁଃଖ ଓ ଆଶା ଦର୍ଶାଯାଏ। ନାଟକ କେବଳ ମନୋରଞ୍ଜନ ନୁହେଁ, ଏହା ଏକ ସାମାଜିକ ଓ ସାଂସ୍କୃତିକ ପ୍ରତିଫଳନ ଅଟେ। ଏହି ଦ୍ୱାରା ଅନେକ ସମାଜିକ ସମସ୍ୟା କୁ ଉଠାଇ ଚିନ୍ତନ କରାଯାଏ।

୧୮୭୨ରୁ ଓଡ଼ିଶାରେ ନାଟକ ପରିବେଷଣର ଆରମ୍ଭ

୧୮୭୨ରେ ପ୍ରଥମ ଥର ପାଇଁ କଟକସ୍ଥିତ କ୍ୟାଥ୍‌ଲିକ୍‌ ମିସନ୍‌ ସ୍କୁଲ୍‌ ଛାତ୍ରଛାତ୍ରୀମାନେ ଏକ ଇଂରାଜୀ ନାଟକ ପରିବେଷଣ କରିଥିଲେ। ଓଡ଼ିଶାରେ ଓଡ଼ିଆ ନାଟକ ପରିବେଷଣକୁ ଏହାପରେ ଆଉ ୩ ବର୍ଷ ଲାଗି ଯାଇଥିଲା। ଜଗମୋହନ ଲାଲାଙ୍କ ଦ୍ୱାରା କଟକ ମହାଙ୍ଗାଠାରେ ଏକ ସ୍ଥାୟୀ ମଞ୍ଚ ତିଆରି ହେଲା ଓ ଜନ୍ମ ନେଲା ‘ଆଧୁନିକ ଓଡ଼ିଆ ନାଟକ’। ୧୮୭୭ରେ ରଚିତ ହେଲା ପ୍ରଥମ ଓଡ଼ିଆ ନାଟକ ‘ବାବାଜୀ’। ଏହା ଦର୍ଶକଙ୍କୁ ବେଶ୍‌ ଛୁଇଁଥିଲା। ଏହା ପରେ ଓଡ଼ିଆ ନାଟକ ଆକାଶଛୁଆଁ ସଫଳତା ହାସଲ କରିବା ସହ ଦର୍ଶକୀୟ ଆଦୃତି ପାଇଲା।

ନାଟକ ଦ୍ୱାରା:

ଦର୍ଶକଙ୍କ ମନରେ ସଚେତନତା ଜଗାଯାଏ।

ସାମାଜିକ ଅନ୍ୟାୟ ଓ ଦୁର୍ନୀତି ବିରୁଦ୍ଧରେ ସ୍ବର ଉଠାଯାଏ।

ମନୋରଞ୍ଜନ ସହିତ ସୂଚନା ଏବଂ ଜ୍ଞାନ ଦିଆଯାଏ।

ଓଡ଼ିଶାରେ ନାଟ୍ୟ କଳା

ଓଡ଼ିଶା ର ନାଟ୍ୟ ଚାଳନା ଏକ ଦୃଢ଼ ସଂସ୍କୃତି ଅଟେ। ଯାତ୍ରା, ପାଲା, ଦାସକାଠିଆ, ଗୀତନାଟ୍ୟ ଏବଂ ଘୁମର ନାଟ୍ୟ ଏଠିରେ ଖ୍ୟାତିଯୁକ୍ତ। ଯାତ୍ରା ଏକ ଜନପ୍ରିୟ ନାଟକ ଅଟେ, ଯାହା ଗାଁ ର ଅଞ୍ଚଳରେ ବିଶେଷ ଭାବରେ ପ୍ରଚଳିତ।

ଓଡ଼ିଶାର କିଛି ପ୍ରସିଦ୍ଧ ନାଟ୍ୟ ମଞ୍ଚ:

ଉତ୍କଳ ମଣ୍ଡପ (ଭୁବନେଶ୍ୱର)

ରବିନ୍ଦ୍ର ମଣ୍ଡପ (ଭୁବନେଶ୍ୱର)

ଜନମଞ୍ଚ (କଟକ)

ନାଟ୍ୟ କଳା ଓ ଉନ୍ନତି

ବର୍ତ୍ତମାନ ଡିଜିଟାଲ ଦୁନିଆ ରେ ନାଟ୍ୟ କଳା ଏବେ ନୂଆ ରୂପ ନେଇଛି। ଅନ୍‌ଲାଇନ୍ ଥିଏଟର ଏବଂ ଭର୍ଚ୍ୟୁଆଲ୍ ଡ୍ରାମା ଦ୍ୱାରା ଦେଶ ବାହାରେ ମଧ୍ୟ ନାଟକ ଦେଖିହେଉଥିବା ଦର୍ଶକମାନେ ଏବେ ଓଡ଼ିଆ ନାଟ୍ୟ କଳା କୁ ଅନୁଭବ କରୁଛନ୍ତି।

ସିନେମା ଓ ସ୍ୱତନ୍ତ୍ର ଭିଡ଼ିଓ ପ୍ଲାଟଫର୍ମ ମଧ୍ୟ ନାଟ୍ୟ ଅଭିନୟ ର ନୂଆ ମଞ୍ଚ ହୋଇଛି।

ପରିଶେଷରେ

ବିଶ୍ଵ ନାଟ୍ୟ ଦିବସ କେବଳ ନାଟ୍ୟ ଶିଳ୍ପୀମାନଙ୍କ ସମ୍ମାନ ନୁହେଁ, ଏହା ସାମାଜିକ ଉନ୍ନତି ଓ ସଂସ୍କୃତିକ ପ୍ରସାର ର ଏକ ଉତ୍ସବ ଅଟେ। ଏହି ଦିନଟି ମନୋରଞ୍ଜନ, ଶିକ୍ଷା ଓ ଜାଗରଣ ର ଏକତା ସୃଷ୍ଟି କରେ।

ନାଟ୍ୟ ଅଟେ ଜୀବନର ଦର୍ପଣ, ଯେଉଁଠି ଦୁଃଖ, ଖୁସି, ଆଶା ଓ ସଂଘର୍ଷ ପ୍ରକାଶ ପାଏ।

ଆସନ୍ତୁ, ଏହି ବିଶ୍ଵ ନାଟ୍ୟ ଦିବସରେ ନାଟ୍ୟ କଳା ଓ ଜୀବନ ଉପରେ ଅଧିକ ଅନୁଭୂତି ଓ ଅନ୍ତର୍ମନନ କରିବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ବିଶ୍ଵବିଦ୍ୟାଳୟ !!