ହେ!ଜନତା ପୃଥିବୀ ଧ୍ବଂସ ମୁଖରିତ ହେଉଛି ଆସ ଗଛ ଲଗାଇବା,

ଭବିଷ୍ୟତ ର ସର୍ବନାଶ କୁ ବାଧା ଦେଇ ଆସ ବିଶ୍ୱ ପରିବେଶ ଦିବସ ପାଳନ କରିବା॥

ନିଶ୍ୱାସ ଠାରୁ ପ୍ରଶ୍ୱାସ ଯାଏଁ ସବୁ ବିଷାକ୍ତ ହୋଇପଡିଛି,

ଆମ ଅସାବଧନତା ଯୋଗୁଁ ପୃଥିବୀ ମାଆ ଆଜି ଲୁହ ଝରାଉଛି॥

ଖାଇବା ଆମର ବିଷ ଠାରୁ ବି ବିଷାକ୍ତ ସାଜିଛି,

ଏଇ ପରିବେଶ ପ୍ରତି ଆମର ଅବହେଳା,ଆମକୁ ହିଁ ମୃତ୍ୟୁ କୁ ଠେଲି ଦେଉଛି॥

ଯାନବାହନ ଆଉ କଳକାରଖାନା ଧୂଆଁ ରେ ପବନ କ'ଣ ଧୂଳିକଣା ବି ଅଶୁଦ୍ଧ,

ଆରେ ମୂର୍ଖ ମନୁଷ୍ୟ ଏଇ ଧୂଆଁ ଯେ ଦିନେ କରିଦେବ ତମ ଶ୍ୱାସରୁଦ୍ଧ॥

ବାୟୁମଣ୍ଡଳର ଆଲୋକ ରଶ୍ମୀ ମଧ୍ୟ ବିଷାକ୍ତ ରୁ ବିଷାକ୍ତ ହୋଇଉଠିଛି,

ଦେଖରେ ମାନବ ସମାଜ ପୃଥିବୀ ର ମନୁଷ୍ୟ ଆଜି ରୋଗରେ କଅଣ ହୋଇଯାଇଛି॥

ଜଳ ପ୍ରଦୂଷଣ ରେ କାଚକେନ୍ଦୁ ପୋଖରୀ ନଇ କାନ୍ଦୁଛି,

ସତେ ସେ ଆଜିର ଯୁଗରେ ତା'ର ଶୁଦ୍ଧତା କୁ ଝୁରୁଛି!

ମାଟିରେ ଆଜି ଫଳୁଛି ବିଷ ମଞ୍ଜି ର ଫଳ,

କାହିଁକି ଜାଣିଛ ଏସବୁ ମୃତ୍ତିକା ପ୍ରଦୂଷଣ ର ଭୂଗୋଳ॥

ପରିବେଶର ସବୁ ପଦାର୍ଥ ଏବେ ବିଷାକ୍ତ ର ପ୍ରତୀକ,

ମୁଁ ଗର୍ବ ରେ କହିବି ପୃଥିବୀ ହସୁଥିଲା ଯେବେ ଲୋକମାନେ ହୋଇନଥିଲେ ଆଧୁନିକ॥

ବେଳ ଥାଉଁ ହୁଅ ସାବଧାନ ହେ ମୂଢ ମନୁଷ୍ୟ ପ୍ରାଣୀ!!

ବିପଦପୂର୍ଣ୍ଣ ପରିସ୍ଥିତିରେ ଗଛ ଲଗାଅ ଆଉ ସେଥିରେ ଦିଅ ପାଣି॥

ବିପଦ ରେ ଶୁଷ୍କ ତୃଣର ସାହାରା ପରି ଗଛ ହିଁ ଆମର ଏକମାତ୍ର ସାହାରା,

ନ ହେଲେ ମନୁଷ୍ୟ ପଶ୍ଚାତାପ ଅଗ୍ନିରେ ଦଗ୍ଧ ହେବ ଆଉ ଭାବୁଥିବ ପୃଥିବୀ କିପରି ଥିଲା ସବୁଜଭରା॥

ପ୍ରତିବର୍ଷ ଜୁନ୍ ମାସ ୫ ତାରିଖ ଆମ ବିଶ୍ୱ ପରିବେଶ ଦିବସ,

ପରିବେଶ ପ୍ରତି ସକାରାତ୍ମକ ଜନ ଜାଗରଣ ସୃଷ୍ଟି କରିବା ଏହି ଦିବସ ପାଳନର ଲକ୍ଷ୍ୟ॥

ସଂଯୁକ୍ତ ରାଷ୍ଟ୍ରସଂଘ ପ୍ରଥମ ବୈଠକର ଏହା ୧୯୭୨ ମସିହାର ପ୍ରକଳ୍ପ,

ଏହିଦିନ ଥାଏ ଉତ୍ତର ଗୋଲାର୍ଦ୍ଧ ରେ ବସନ୍ତ ଋତୁ ଓ ଦକ୍ଷିଣ ରେ ବର୍ଷା ଅଳ୍ପ॥

ହେ!ଜନତା ପୃଥିବୀ ଧ୍ବଂସ ମୁଖରିତ ହେଉଛି ଆସ ଗଛ ଲଗାଇବା,

ଭବିଷ୍ୟତ ର ସର୍ବନାଶ କୁ ବାଧା ଦେଇ ଆସ ବିଶ୍ୱ ପରିବେଶ ଦିବସ ପାଳନ କରିବା॥

ବିଶ୍ୱ ପରିବେଶ ଦିବସ/world Environment day