ଜଣେ ପିଲାଟି ର ପ୍ରଥମ ନାୟକ ହେଉଛନ୍ତି ତାଙ୍କ ବାପା,ଯିଏକି କୋଳେଇ କାଖେଇ ପିଲାଟି କୁ ମଣିଷ କରିବା ପାଇଁ ନିଜର ଲହୁ ଲୁହ ଏକ କରୁଦିଅନ୍ତି।ପିଲାମାନଙ୍କୁ ଭଲ ନୂଆ ଡ୍ରେସ୍ ପିନ୍ଧିବାକୁ ଦେଇ ନିଜେ ଚିରା ପିନ୍ଧି ଖୁସି ହେଇଯାଆନ୍ତି,ସତେ ପିଲାଙ୍କ ହସରେ ହିଁ ତାଙ୍କ ପେଟ ପୂରିଯାଏ।ସେହି ବାପା ଯେ ନିଜ ଭଲ ପାଇବା ଦେଖାନ୍ତିନି ହେଲେ ଭିତରେ ଭିତରେ ଆମ ଦୁଃଖ ରେ ଭାଙ୍ଗି ପଡନ୍ତି,ତାଙ୍କ ବିଷୟରେ ମୁଁ ଅଧମ କଣ ଅବା ଶବ୍ଦ କେତୋଟିରେ ବର୍ଣ୍ଣନା କରିବି।ପ୍ରତି ବାପାଙ୍କ ର ସ୍ୱପ୍ନ ଥାଏ ମୋ ପିଲାଟି ବଡ ହେଇ କୂଳରେ ଲାଗୁ ହେଲେ ସେଥିପାଇଁ ଯାହା କରିବାକୁ ପଡେ ସେ କରନ୍ତି।ପିଲାମାନଙ୍କୁ ମୁଠାକ ଭଲ ଖାଇବାକୁ ଦେବା ପାଇଁ କେତେ ଯେ ରାତି ସେ ଉପାସ କରିଛନ୍ତି ତାହା କଣ ଅବା କହିବି?ପିଲାମାନଙ୍କ ଦେହ ଖରାପ ହେଲେ ନିଜର ଔଷଧ ପାଇଁ ପଇସା ନ ଥାଉ କେମିତି ପିଲାଟି କୁ ଭଲ କରିବି ସେ ଆଶାରେ ଧାର କରଜ କରି ନିଜେ ସେମିତି କଷ୍ଟ ପାଉଥାନ୍ତି।

ପିତା ତଥା ପିତୃତ୍ୱ ବନ୍ଧନକୁ ସମ୍ମାନ ଦେବା ଉଦ୍ଦେଶ୍ୟରେ ପିତୃ ଦିବସ ପାଳିତ ହୋଇ ଆସୁଅଛି।ୟୁରୋପର କ୍ୟାଥୋଲିକ୍ ଦେଶମାନଙ୍କରେ ଏହାକୁ ମହାପୁରୁଷ ଜୋସେଫଙ୍କ ଦିବସ ଭାବେ ମାର୍ଚ୍ଚ ୧୯ରେ ପାଳନ କରାଯାଇଥାଏ।ଯୁକ୍ତରାଷ୍ଟ୍ରରେ,ସୋନୋରା ସ୍ମାର୍ଟ ଡୋଡଙ୍କ ଦ୍ୱାରା ପିତୃ ଦିବସ ପ୍ରତିଷ୍ଠା କରାଯାଇଥିଲା ଏବଂ ୧୯୧୦ ମସିହାରେ ପ୍ରଥମ ଥର ପାଇଁ ଜୁନ ତୃତୀୟ ରବିବାରରେ ପାଳନ କରାଯାଇଥିଲା । ପୃଥିବୀର ବିଭିନ୍ନ ଦେଶରେ ପିତାଙ୍କ ସମ୍ମାନରେ ନିଜସ୍ୱ ପରମ୍ପରା ଅନୁଯାୟୀ ଭିନ୍ନ ଭିନ୍ନ ଦିନରେ ଏହି ଦିବସ ପାଳନ କରନ୍ତି।

ପିତୃ ଦିବସ ପାଳନ ଭାରତର ମୂଳ ପ୍ରଥା ନୁହେଁ ବରଂ ଏହା ପାଶ୍ଚାତ୍ୟ ଜଗତର ପ୍ରଭାବଦ୍ୱାରା ଅନୁସରଣ କରାଯାଇଛି।ଭାରତରେ ଏହା ଜୁନ ତୃତୀୟ ରବିବାର ଦିନ ପାଳନ କରାଯାଏ।ଏହି ଦିବସ ଏକ ସାଧାରଣ ଛୁଟି ନୁହେଁ।ଅଧୁନା ଏହି ଦିନଟି ସାଧାରଣତଃ ହାଇଦ୍ରାବାଦ, ଚେନ୍ନାଇ,ମୁମ୍ବାଇ,ଅହମ୍ମଦାବାଦ,ନୂଆଦିଲ୍ଲୀ,ବେଙ୍ଗାଲୁରୁ,କୋଲକାତା, ପୁନେ ଭଳି ଅନ୍ୟାନ୍ୟ ବଡ଼ ସହରରେ ପାଳନ କରାଯାଉଛି।ଉତ୍ତର ପୂର୍ବାଞ୍ଚଳ ନାଗାଲାଣ୍ଡରେ ଏହା ଏକ ଛୁଟିଦିନ ଯେଉଁଠାରେ ଏହି ଅବସରରେ ଚର୍ଚ୍ଚରେ ପ୍ରାର୍ଥନା କରାଯାଏ।୧୯୦୮ ମସିହାରେ ଯୁକ୍ତରାଷ୍ଟ୍ରରେ ଏହି ଦିନଟି ପାଳନ କରାଯିବା ପରେ ଏବଂ ଧୀରେ ଧୀରେ ଲୋକପ୍ରିୟତା ହାସଲ କଲା।ପରବର୍ତ୍ତୀ ସମୟରେ ଭାରତର କେବଳ ମହାନଗର ଗୁଡିକରେ ଏହି ଘଟଣାକୁ ସ୍ୱୀକୃତି ଦେଇ ଏହି ପରମ୍ପରା ଅନୁସରଣ କରାଗଲା।ଏହି ଦିବସରେ ଭାରତରେ ସାଧାରଣତଃ ପିଲାମାନେ ଗ୍ରିଟିଂ କାର୍ଡ,ଇଲେକ୍ଟ୍ରୋନିକ୍ ଗ୍ୟାଜେଟ୍,ସାର୍ଟ,ସୁନା ହାର, କଫି ମଗ୍ କିମ୍ବା ବହି ପରି ଉପହାର ଦେବା ସହିତ ଏହି ଦିନଟି ପାଳନ କରିଥାନ୍ତି।ହେଲେ ସତେ ଜଣେ ପିତାଙ୍କୁ ଯେ ଏସବୁ ଖୁସି ଦେବ ମାତ୍ର କ୍ଷଣିକ ପାଇଁ କାରଣ ପିତା କେବେ କିଛି ଆଶା କରି ସନ୍ତାନଟିକୁ ଭଲ ପାଏନି।

ବିଶ୍ୱ ପିତୃ ଦିବସ/Father's Day

ଜଣେ ପିଲାର ପ୍ରଥମ ନାୟକର ଦିବସ/A child's first hero's day