ପ୍ରତିବର୍ଷ ମେ ୧ ତାରିଖରେ ବିଶ୍ୱ ଶ୍ରମିକ ଦିବସ ପାଳନ କରାଯାଏ। ଏହି ଦିନଟି ଶ୍ରମ ଓ ଶ୍ରମିକଙ୍କ ସମ୍ମାନର ଦିନ। ଏହି ଦିନର ଉଦ୍ଦେଶ୍ୟ ହେଉଛି ଶ୍ରମିକଙ୍କ ଅଧିକାର, ସୁବିଧା, ନ୍ୟାୟ ଓ ସମ୍ମାନ ବିଷୟରେ ସଚେତନତା ବଢ଼େଇବା। ଶ୍ରମିକ ମାନେ ଅନେକ କଷ୍ଟ କରି ଦେଶ, ସମାଜ ଓ ନିଜ ପରିବାର ପାଇଁ ଅନୁସ୍ଥାନ କରନ୍ତି। ତେଣୁ ଏହି ଦିନ ତାଙ୍କୁ ସ୍ମରଣ କରି ସେମାନଙ୍କ ପାଇଁ ସମ୍ବେଦନା ଓ ସମ୍ମାନ ପ୍ରଦର୍ଶନ କରିବାର ଅବସର।

ଇତିହାସ:

୧ ମେ ୧୮୬୬ ମସିହାରେ ଅମେରିକାର ଶ୍ରମିକମାନେ ୮ ଘଣ୍ଟିଆ କାମ ଦିନ ପାଇଁ ଆନ୍ଦୋଳନ କରିଥିଲେ। ଏହି ଆନ୍ଦୋଳନ ଚିକାଗୋ ନଗରରେ ହେଇଥିଲା। ଅନେକ ଶ୍ରମିକ ଗୋଳିର ଶିକାର ହେଲେ, ଅନେକ ଗିରଫ ହେଲେ। ସେହି ତ୍ୟାଗ ଓ ସଂଘର୍ଷକୁ ସ୍ମରଣ କରି ବିଶ୍ୱ ଶ୍ରମିକ ଦିବସ ପାଳନ ଆରମ୍ଭ ହେଲା। ପରେ ବିଶ୍ୱର ଅନେକ ଦେଶ ଏହାକୁ ରାଷ୍ଟ୍ରୀୟ ଉତ୍ସବର ରୂପ ଦେଲେ।

ଶ୍ରମିକଙ୍କ ଭୂମିକା:

ଗୃହ ଶ୍ରମିକ, କାରଖାନା ଶ୍ରମିକ, ମଜୁର, ଡ୍ରାଇଭର, ମେସନ, କୃଷକ, ଶିଳ୍ପୀ, ସବୁ ଜଣେ ଶ୍ରମିକ। ସେମାନେ ନିଜ କଷ୍ଟ ଓ ତ୍ୟାଗରେ ଏହି ସମାଜ ଓ ଦେଶ ଗଢି ଚାଲିଛନ୍ତି। ତେଣୁ ଶ୍ରମିକ ମାନେ ସଦା ଗର୍ବର ବିଷୟ।

ଓଡ଼ିଶାରେ ଶ୍ରମିକ:

ଓଡ଼ିଶାରେ ଅନେକ ଶ୍ରମିକ ଜଣେ ଦୂର ଦେଶକୁ କାମ ପାଇଁ ଯାଆନ୍ତି। କେହି ଟ୍ରକ ଚଲାନ୍ତି, କେହି କାଠ ଚିରନ୍ତି, କେହି ଭାର ବୁହାନ୍ତି। ଦିନ ରେ ଦିନ ତାଙ୍କ ସଂଖ୍ୟା ବଢ଼ୁଛି। ସେମାନଙ୍କୁ ସୁରକ୍ଷା, ମଜୁରି, ଶିକ୍ଷା ଓ ସ୍ବାସ୍ଥ୍ୟ ସେବା ମିଳିବା ଦରକାର।

ବର୍ତ୍ତମାନ ସମସ୍ୟା:

ଶ୍ରମିକ ମାନେ ଅନେକ ସମୟ ତଳମୂଳରେ ରହିଥାନ୍ତି। ସେମାନେ ନ୍ୟୁନତମ ମଜୁରି ଓ ସୁବିଧା ରହିତ ଅବସ୍ଥାରେ କାମ କରନ୍ତି। ଅନେକ ସମୟରେ ଦୁର୍ଘଟନା ଘଟିଲେ ଅଥବା ଅସୁସ୍ଥ ହେଲେ ସହଯୋଗ ମିଳୁନାହିଁ। ଏହି ସମସ୍ୟା ଦୂର କରିବା ପାଇଁ ସରକାର, ସମାଜ ଓ ନିଜେ ଶ୍ରମିକ ମାନେ ଆଗକୁ ଆସିବା ଦରକାର।

ପରିଶେଷରେ

ବିଶ୍ୱ ଶ୍ରମିକ ଦିବସ ମାନେ କେବଳ ଛୁଟି ନୁହେଁ, ଏହା ହେଉଛି ଏକ ସମ୍ମାନ ଓ ସ୍ମୃତିର ଦିନ। ଶ୍ରମିକଙ୍କୁ ନମନ କରି ଆମେ ସେମାନଙ୍କ ଅଧିକାର ଓ ମର୍ଯ୍ୟାଦାକୁ ରକ୍ଷା କରିବା ଶିଖିବା ଉଚିତ। ସେମାନେ ଥିଲେ ଆମେ ଅଛୁ। ଶ୍ରମ ଅତୁଟ ଥିଲେ ହିଁ ଉନ୍ନତି ଅତୁଟ ରହିପାରିବ।

ଜୟ ଶ୍ରମିକ! ଜୟ ଶ୍ରମ!

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!