ଖଜୁରୀ ବର୍ଫି

ଆଜି ଆମ ବିଶ୍ଵଜିତ୍ ସାର୍ ଙ୍କ ଜନ୍ମଦିନ। ଖୁସିରେ ଆମ ଗ୍ରୁପ୍ ଫାଟି ପଡୁଛି। ତେଣୁ ବିଶ୍ୱଜିତ୍ ସାର୍ ଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଆରମ୍ଭ କରୁଛି ଆମ ପ୍ରିୟ ସୃଜନୀ ଓଡ଼ିଆ ବ୍ଲଗର୍ ପରିବାର ପାଇଁ ଗୋଟିଏ ମିଠାଇ ରେସିପି। ଯାହାର ନାମ - ଖଜୁରୀ ବର୍ଫି।

ଆବଶ୍ୟକୀୟ ସାମଗ୍ରୀ:

୧. ମଞ୍ଜି ବାହାର କରାଯାଇଥିବା ଖଜୁରୀ - ୫ କି.ଗ୍ରା.

୨. ଘିଅ/ଲହୁଣୀ - ୬ ବଡ଼ ଚାମଚ୍

୩. ପୋସ୍ତ ଦାନା - ୮ ବଡ଼ ଚାମଚ୍

୪. ନଡ଼ିଆ କୋରା - ୫ କପ୍

୫. ମହୁ - ୬ ବଡ଼ ଚାମଚ୍

୬. ଡ୍ରାଏ୍ ଫ୍ରୁଟ୍ସ୍ (ବାଦାମ୍, ପିସ୍ତା, କାଜୁ, ଚୋପା ଛଡ଼ା ଶୁଖିଲା ଭଜା ବୋଇତିଆଳୁ ମଞ୍ଜି ଓ ଭଜା ଚିନାବାଦାମ୍) - ୧ କି.ଗ୍ରା.

୭. ଅଳେଇଚ ଗୁଣ୍ଡ - ୫ ଚାମଚ୍

୮. ଗୋଲାପ ଜଳ ଅଳ୍ପ

୯. ଆଲୁମିନିୟମ ଫଏଲ୍

୧୦. ଗୋଟିଏ ବଡ଼ ଆୟତଘନାକାର ପ୍ଲାଷ୍ଟିକ୍ ଡ଼ବା ଅଥବା ବଡ଼ ଥାଳି

୧୧. ଅଳ୍ପ ଶୁଖି ଆସିଥିବା ସୁବାସିତ ଗୋଲାପ ପାଖୁଡା

ପ୍ରସ୍ତୁତି ପ୍ରଣାଳୀ :

୧. ପ୍ରଥମେ ଗ୍ରାଇଣ୍ଡର୍ ଜାର୍ ରେ ଅଳ୍ପ ଗୋଲାପ ଜଳ ଦେଇ ସେଥିରେ ସିଡ୍ ଲେସ୍ ଖଜୁରୀ ପକାଇ ଢ଼ାଙ୍କୁଣୀ ଢ଼ାଙ୍କିଦିଅ। ଏବେ ଗ୍ରାଇଣ୍ଡର୍ ଜାର୍ ଫିଟ୍ କରି , ଗ୍ରାଇଣ୍ଡର୍ ଚାଲୁ କର। ଏବେ ଗ୍ରାଇଣ୍ଡର୍ ଅଫ୍ କରି, ଏହାକୁ ଏକ ପାତ୍ରକୁ ବାହାର କର। ମନେରଖ ଏହି ମିଶ୍ରଣ ଯେପରି ଅଟା ଚକୁଟା ବା ଜନ୍ତୁଣି ଭଳି କାଠୁଆ ରହିବା ଦରକାର। ଏହାକୁ ଘୋଡ଼ାଇ ରଖ।

୨. ଏବେ ଗ୍ୟାସ୍ ଅନ୍ କରି ବଡ଼ ନନ୍ ଷ୍ଟିକି ପ୍ୟାନ୍ ବସାଅ। ଏଥିରେ ପୋସ୍ତ ପକାଇ ୧ ରୁ ୨ ମିନିଟ୍ ଯାଏଁ ଭାଜ। ଏହାକୁ ବାହାର କରି ଅନ୍ୟ ଏକ ପାତ୍ରରେ ଘୋଡ଼ାଇ ରଖ।

୩. ଏବେ ଗ୍ୟାସ୍ ଉପରେ ନନ୍ ଷ୍ଟିକି ପ୍ୟାନ୍ ରଖି ଘିଅ ବା ଲହୁଣୀ ପକାଇ ଗରମ କର। ଏହା ତରଳିବା ଆରମ୍ଭ ହୋଇଗଲେ ଡ୍ରାଏ୍ ଫ୍ରୁଟ୍ସ୍ ପକାଇ ମିଡିୟମ୍ ଫ୍ଲେମ୍ ରେ ୨ ମିନିଟ୍ ଭାଜ। ଧ୍ୟାନ ରଖ ଯେପରି ପୋଡ଼ି ନ ଯାଏ। ସମସ୍ତ ଡ୍ରାଏ୍ ଫ୍ରୁଟ୍ସ୍ କୁ ଏକ ପାତ୍ରକୁ ବାହାର କରି ଘୋଡ଼ାଇ ରଖ।

୪. ବର୍ତ୍ତମାନ ସେହି ପ୍ୟାନ୍ ରେ ଘିଅ ପକାଇ ଘିଅ ତରଳିଲେ ଖଜୁରୀ ଚକଟାକୁ ପକାଅ। ଏଥିରେ ନଡ଼ିଆ କୋରା ମିଶାଅ। ପିଠା ପାତିଆ ବୁଲାଇ ବୁଲାଇ ଏହାକୁ ୩ରୁ ୪ମିନିଟ୍ ଯାଏଁ ମିଡ଼ିୟମ୍ ଫ୍ଲେମ୍ ରେ ଭାଜନ୍ତୁ। ଯେତେବେଳେ ସବୁକିଛି ଭାଜି ହୋଇ ଅଳ୍ପ ନରମ ହୋଇ ଆସିବ ଏଥିରେ ମହୁ ମିଶାଇ ଭଲ ଭାବରେ ଗୋଳାଇ ଦିଅ। ଏବେ ଯେତେକ ଡ୍ରାଏ୍ ଫ୍ରୁଟ୍ସ୍ ଅଛି ମିଶାଇ ଭଲ ଭାବରେ ଘାଣ୍ଟି ଗୋଳାତୋଳା କର। ଏବେ ଗ୍ୟାସ୍ ଅଫ୍ କରି ଏହି ପ୍ୟାନ୍ ରେ ଏଥିରେ ଅଳେଇଚ ଗୁଣ୍ଡ ଚାରିଆଡ଼େ ଛିଞ୍ଚି ଦିଅ। ଏଥିରେ ଭଜା ହୋଇଥିବା ଅଳ୍ପ ପୋସ୍ତ ମିଶାଅ। ଆଉ ପିଠା ପାତିଆ ସାହାଯ୍ୟରେ ସବୁ କିଛି ଘାଣ୍ଟି ମିଶାଇ ଦିଅ।

୫. ଏବେ ଆୟତଘନାକାର ବଡ଼ ପ୍ଲାଷ୍ଟିକ୍ ଡ଼ବା ହେଉ ଅବା ବଡ଼ ଥାଳିରେ ଆଲୁମିନିୟମ୍ ଫଏଲ୍ ଲଗାଇ ଏହି ମିଶ୍ରଣକୁ ତା'ର ଉପରେ ଖେଳାଇ କରି ଢ଼ାଳ। ଏହା ଉପରେ ବଳକା ଥିବା ଭଜା ପୋସ୍ତ ଦାନା ଖେଳାଇ ଖେଳାଇ ଛିଞ୍ଚି ଦିଅ। ଆଉ ଶୁଖିଲା ଗୋଲାପ ପାଖୁଡାକୁ ବିଞ୍ଚି ଦିଅ। ଏହାପରେ ଉପରେ ଆଲୁମିନିୟମ୍ ଫଏଲ୍ ଢ଼ାଙ୍କି ଦେଇ ଢ଼ାଙ୍କୁଣୀ ଘୋଡ଼ାଇ ଫ୍ରିଜ୍ ରେ ୨ ଘଣ୍ଟା ପର୍ଯ୍ୟନ୍ତ ରଖ। ଯେପରିକି ଏହା ଅଳ୍ପ ଟାଣ ହୋଇଯିବ।

୬. ଏବେ ଫ୍ରିଜ୍ ରୁ ବାହାର କରି ସବୁ ଆଲୁମିନିୟମ୍ ଫଏଲ୍ ବାହାର କରିଦିଅ। ଆଉ ଛୁରୀ ସାହାଯ୍ୟରେ ଠିକିରି ଆକୃତିର ଅବା ଗୋଲ୍ ଗୋଲ୍ କରି ଗ୍ଲାସ୍ ସାହାଯ୍ୟରେ କାଟ। ବର୍ତ୍ତମାନ ପ୍ରସ୍ତୁତ ହୋଇଗଲା ଆପଣମାନଙ୍କ 'ଖଜୁରୀ ବର୍ଫି'।

ସମସ୍ତେ ଏକ ସ୍ବରରେ କୁହ - Happy Birthday to you.... Happy Birthday to you.... Happy Birthday to you.... Biswajit Sir.... 🥳👏👏👏🎂🎊🎉🎈🎇

ପ୍ରଥମେ ବିଶ୍ଵଜିତ୍ ସାର୍ ବଡ଼ ଆଁ କର 😮। ଏଇ ନିଅ ଖଜୁରୀ ବର୍ଫି ମିଠାଇ ଖାସ୍ ମୋ ତରଫରୁ। ତା'ପରେ ଅନୁରାଗ ଭାଇ ଆଁ କର😲। ତା'ପରେ ଚିନ୍ମୟୀ ମ୍ୟାଡାମ୍ ଆଁ କର 😮। ତା'ପରେ ସୁରେଶ ସାର୍ ଆଁ କର 😲। ତା'ପରେ ଅନନ୍ୟା ମ୍ୟାଡାମ୍ ଆଁ କର 😮। ତା'ପରେ କୈବଲ୍ୟ ଭାଇ ବଡ଼ ଆଁ କର 😲। ଆଉ ଯେଉଁ ଯେଉଁ ଛୋଟବଡ଼ ଭାଇଭଉଣୀମାନେ ଖରାପ ମନୋଭାବ ନ ନେଇ ମୋ ହାତରୁ ଖାଇବା ପାଇଁ ଚାହୁଁଛନ୍ତି ସେମାନେ ବଡ଼ ଆଁ କର😮। ଆଉ ଯେଉଁମାନେ ଅସହଜ ବୋଧ କରୁଛନ୍ତି ସେମାନେ ବକ୍ସରୁ ନେଇକି ଖାଅ। ଏବେ କେମିତି ଲାଗୁଛି କୁହ? ...

=×=×=×=

ବିଶ୍ଵଜିତ୍ ସାର୍ ଙ୍କୁ ଜନ୍ମଦିନ ଉପହାର - ଖଜୁରୀ ବର୍ଫି

ଖଜୁରୀ ମିଠାଇ