"ଆସ୍ଥା ହେଉଛି ସେହି ପକ୍ଷୀ ଯିଏ ପାହାଡିଆ ଅନ୍ଧକାର ଭିତରେ ଆଲୁଅ କୁ ଅନୁଭବ କରିପାରେ"।।

ଆସ୍ଥା, ବିଶ୍ଵାସ ଓ ଭରୋସା ଏସବୁ ପ୍ରାୟ ଏକ ସୂତ୍ରବାଦୀ,ପରସ୍ପର ପରିପୂରକ ଅଟନ୍ତି।

"ନିଶ୍ଵାସ ଠାରୁ ଅତ୍ୟଧିକ ବିଶ୍ଵାସ

ପ୍ରଭୁ ତୁମରି ପାଖରେ

ସମର୍ପଣ ଭାବ ଭରି ଦେଇଅଛି

ଆସ୍ଥା ଭରୋସା ସାଥିରେ।।

ଭକ୍ତି ନୈବେଦ୍ୟ ଅର୍ଘ୍ୟ ପରଶି ଦେଇ

ହୃଦୟର ଦରବାରେ

ଆତ୍ମବିଶ୍ବାସ ରୁ ଭଗବତ ପ୍ରାପ୍ତି

ଅନୁଭବ ଆଧାରରେ।।

ବିଶ୍ଵାସର ଅନୁଭୂତି------

ଓଡ଼ିଶା ର ଆରାଧ୍ୟ ଦେବତା ଶ୍ରୀ ଜଗନ୍ନାଥ ଧାମ ପୁରୀରେ ଜଗନ୍ନାଥ ଦର୍ଶନ ପାଇଁ ଗଲେ ପ୍ରାୟତଃ ଦୁଇଥର ଦର୍ଶନ ପାଇବା ସୁଯୋଗ ମିଳିଥାଏ।ଥରେ ଗହଳିରେ ଓ ଅନ୍ୟଟି ଏକାନ୍ତ ନିରୋଳା ଦର୍ଶନ। ହେଲେ ସେଦିନ ଭକ୍ତଙ୍କ ପ୍ରବଳ ଗହଳି ଥିବା ଯୋଗୁଁ ଠେଲାପେଲା

ଭିତରେ ଠାକୁରଙ୍କ ମୁହଁ କୁ ଜମାରୁ ଦେଖି ହେଲା ନାହିଁ। ମନ ଦୁଃଖରେ ଆନନ୍ଦ ବଜାର ରେ ଅବଢା ଆସିବାକୁ ଅପେକ୍ଷା କରି ବସିଥାଉ, ହଠାତ ଡାକଦେଲା ପରି ଅନୁଭବ ହେଲା ଯେପରି , ସଂପୂର୍ଣ୍ଣ ରୂପରେ ତିନିଠାକୁର ଙ୍କୁ ମନଭରି ଏକାନ୍ତରେ ବାର୍ତ୍ତାଳାପ କଲାଭଳି ନୟନର ଚାହାଁଣୀରେ ମଜ୍ଜିଯାଇ ହଜିଯିବା ଅନୁଭୂତି ବଳରେ ବହୁତ ସମୟ ଧରି ଦର୍ଶନ କରିବାକୁ ସୁଯୋଗ ମିଳିବା ସାଥିରେ ଗରମ ଅବଢ଼ା ମନକୁ ଶାନ୍ତି,ଆନନ୍ଦ , ତୃପ୍ତି କର ଲାଗିଥିବାରୁ ନିଜକୁ ଧନ୍ୟ ମନେ କରୁଛି ଓ ଧନ୍ୟବାଦ ସହ କୃତଜ୍ଞତା ଜ୍ଞାପନ କରୁଛି।।।

ସତରେ "ବିଶ୍ଵାସ ମୂଳରେ ଜଗତ"

ପ୍ରଭୁ ଶ୍ରୀ ଜଗନ୍ନାଥ ଓ ତାଙ୍କ ଧର୍ମପତ୍ନୀ ଶ୍ରୀ ମହାଲକ୍ଷ୍ମୀ ବିଶ୍ଵବ୍ରହ୍ମାଣ୍ଡର ଠାକୁରଙ୍କ ଉପରେ ପ୍ରଗାଢ ବିଶ୍ୱାସ ରହିଛି, ତାଙ୍କ ସୁଦୟାର ବଳେ ସଂସାରରେ ସମସ୍ତଙ୍କୁ ଦାନାକନା ,ବାସଗୃହ ଓ

ଐଶ୍ଚର୍ଯ୍ୟ ଭୋଗ ପ୍ରାପ୍ତି ହୁଏ‌‌।

"କିବା ଅସାଧ୍ୟ ମହୀତଳେ

ଅଖଣ୍ଡ ବିଶ୍ଵାସ ବଳେ

ଜିଣିଥାଏ ଭୂମଣ୍ଡଳେ

ସର୍ବ କାର୍ଯ୍ୟ ସୁସଫଳେ"।।

ସୂର୍ଯ୍ୟ ଙ୍କ ପରି ପ୍ରଖର , ତେଜସ୍ଵୀ, ବଳୀୟାନ ସଦୃଶ୍ୟ ଗୁଣକୁ ନିଜ ଆଚରଣରେ ଧାରଣ କରି

ଆତ୍ମବିଶ୍ବାସ ଭରିଦେଇ ସଂସାର ପଥରେ ସତ୍ୟ ମାର୍ଗ ରେ ଚାଲିବା ଦ୍ବାରା ସଫଳ ହେବା ସୁନିଶ୍ଚିତ। ଆତ୍ମବିଶ୍ବାସ ସହ ଭଗବତ୍ ବିଶ୍ଵାସ ର ମିଶ୍ରଣ ରେ ଏକ ସ୍ବତନ୍ତ୍ର କୀର୍ତ୍ତି ସ୍ଥାପନ କରିବା ରେ ପ୍ରମୁଖ ଭୂମିକା ରହିଥାଏ। ଭରୋସା, ବିଶ୍ଵାସ, ଆସ୍ଥା ଓ ଆତ୍ମବିଶ୍ଵାସ ର ଅଖଣ୍ଡ ପ୍ରୟାସ ନିଜ ଜୀବନରେ ପ୍ରୟୋଗ କରି ଭଗବାନଙ୍କ ସାନ୍ନିଧ୍ୟ ପ୍ରାପ୍ତି କରିଥାଉ। ସମର୍ପଣ ବିଧିକୁ ଗୋଟିଏ ପାଦ ଆଗେଇଲେ, ଠାକୁର ପ୍ରତି କ୍ଷଣ, ପ୍ରତି ପାଦକୁ ସାହାରା ଦେଇ ଆଗକୁ ବଢ଼ାଇବା ଦାୟିତ୍ଵ ନିର୍ବାହ କରିଥାନ୍ତି।

ବିଶାଳ ଭାବମୟ ବିଭୂଙ୍କ ଶରଣାପନ୍ନ ହେବାଦ୍ବାରା ସବୁ ସମସ୍ୟା, ସମସ୍ତ ବିପଦ ଓ ଝଡଝଞ୍ଜ କୁ ମୁକାବିଲା କରିବାକୁ ଧୈର୍ଯ୍ୟ ଓ ସାହାସ ଦେଇ ସରଳ ଓ ସହଜ ପ୍ରକ୍ରିୟା ସୋପାନ ପ୍ରସ୍ତୁତ କରିଥାନ୍ତି।

ଭଗବତ ବିଶ୍ଵାସ+ଆତ୍ମବିଶ୍ବାସ+ ସୁକର୍ମ=ବିଜୟ ଲାଭ=ସଫଳ ଜୀବନ

ନିଃସନ୍ଦେହ ବିଶ୍ଵାସ ହିଁ ଆମକୁ ପରମସିଦ୍ଧି ପ୍ରାପ୍ତି କରାଇଥାଏ। ଦୁନିଆରେ ସମସ୍ତ ସମ୍ପର୍କର ମୂଳଦୁଆ ବିଶ୍ଵାସ କୁ କେନ୍ଦ୍ରୀଭୂତ କରିଥାଏ।ସବୁରି ମୂଳରେ ବିଶ୍ଵାସ ହିଁ ପରମମିତ୍ର ପ୍ରମାଣିତ ହୋଇଥାଏ।ନିଜ ଉପରେ ବିଶ୍ଵାସ, ଭଗବାନ ଙ୍କ ଉପରେ ବିଶ୍ଵାସ,ନିଜ କର୍ମ ଉପରେ ବିଶ୍ଵାସ,ନିଜ ସମୟ ଉପରେ ବିଶ୍ଵାସ କରିବା ଦ୍ୱାରା ଯେକୌଣସି ଦୂର୍ଦ୍ଦଶା,ଦୂରଦୀନ, ଦୁଃଖ ,ର୍ଦୂଭାଗ୍ୟକୁ ନିମିଷେ ପରିବର୍ତ୍ତନ କରି ଆସ୍ତିକ ବିଚାର ସୃଷ୍ଟି କରାଇଥାଏ। ଆସ୍ତିକ ମନୋଭାବ ର ପାର୍ଶ୍ଵ ପ୍ରତିକ୍ରିୟା ବିଜୟ ଲାଭର ସ୍ବର ଉତ୍ତୋଳନ କରିପାରିଥାଏ।

ଉଦାହରଣ ସ୍ୱରୂପ --୧/ମହାଭାରତ ଆଧାରରେ ଯେତେବେଳେ ରାଜସଭାରେ ବୟୋଜ୍ୟେଷ୍ଠ ଙ୍କ ଉପସ୍ଥିତି ସମ୍ମୁଖରେ ଦ୍ରୋପଦୀଙ୍କ ବସ୍ତ୍ର ହରଣ ଦୂର୍ଯ୍ୟୋଧନ ଓ ଦୁଃଶାସନ କରୁଥିଲେ, ସେତେବେଳେ ଦ୍ରୋପଦୀ ନିଜକୁ ଶ୍ରୀ କୃଷ୍ଣ ଙ୍କ ପ୍ରତି ଭକ୍ତିଭାବ ରେ ଲୀନ ହୋଇଥିବା ଯୋଗୁଁ ସ୍ବୟଂ ଭଗବାନ ଶ୍ରୀକୃଷ୍ଣ ଆସି ରକ୍ଷାକରି ଥିଲେ।

୨/ଭକ୍ତ ପ୍ରହଲ୍ଲାଦ ପ୍ରଭୁ ବିଷ୍ଣୁଙ୍କୁ ଅମାପ ବିଶ୍ଵାସ ଓ ପ୍ରଗାଢ ଆସ୍ଥା ରଖିଥିବାରୁ ତାଙ୍କୁ ଅଗ୍ନି ମଧ୍ୟ ସୁରକ୍ଷା ଦେଲା ଓ ପ୍ରାଣ ବଞ୍ଚାଇଥିଲେ।

ଖରାପ୍ ସମୟ ଅତିଶୀଘ୍ର ଅତିକ୍ରମ ହୋଇ ଉତ୍ତମ ସମୟର ସ୍ବାଗତ ହୋଇ ପାରେ।

ଶ୍ରଦ୍ଧା, ଭକ୍ତି, ଉପାସନା, ଆରାଧନା, ତପସ୍ୟା ବଳରେ ସର୍ବ ସିଦ୍ଧି ଲାଭ ହୁଏ। ଅଧ୍ୟବସାୟ ଓ ପ୍ରଚେଷ୍ଟା ବଳରେ ପ୍ରଭୁଙ୍କ ସମୀପବର୍ତ୍ତୀ ହୋଇ ପାରିବା ଓ ସାନ୍ନିଧ୍ୟ ରେ ମ୍ରିୟମାଣ ହୋଇଯିବ।

ଅଖଣ୍ଡ ବିଶ୍ଵାସ ବଳରେ ପୃଥିବୀ ପୃଷ୍ଠରେ ଏକ କିମ୍ବଦନ୍ତୀ ଯଶକୀର୍ତ୍ତି ସ୍ଥାପନ କରିବା ସାମର୍ଥ୍ୟ ହାସଲ ହୋଇ ପାରେ।।

କଥାରେ ଅଛି --"-विस्वास से कायम सारा संसार

खुदा पर चढ़ जाएं बलिहार

जिसके साथ है स्वयं भगवान

उसको क्या करें आंधी और तूफान"।।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜି

ଲ୍ଲା-ଗଞ୍ଜାମ

ଓଡ଼ିଶା

ମୋ--୯୩୪୮୨୮୫୪୧୬

ବିଶ୍ଵାସ ମୂଳରେ ଜଗତ

ବିଶ୍ଵାସ ପରମମିତ୍ର ପ୍ରମାଣିତ ହୋଇଥାଏ