ମାଘ ମାସର ବାଘୁଆ ଶୀତ।କମ୍ବଳ ତଳୁ ବାହାରି ଝରକା ଫାଙ୍କରେ ଆସୁଥିବା ସରୁ ସୂର୍ଯ୍ୟକିରଣକୁ ଦେଖି ବସନ୍ତ ଅନିଚ୍ଛା ସତ୍ୱେ ଧିରେ ଧିରେ ପାଦ ପକାଇ ବାରଣ୍ଡା କୁ ଗଲା ।ଏଇ ଶୀତ ଯେତେ କଷ୍ଟ ହେଲେବି ଏହିସମୟରେ ବୁଲିବାର ମଜା ଅଲଗା ।ଆଉ ଏଇ ମାଘମାସରେ ବସନ୍ତ ପ୍ରତିବର୍ଷ ଶ୍ରୀକ୍ଷେତ୍ର ଯାଇଥାଏ ,ଜଗାର ଦର୍ଶନ ପାଇଁ।ପ୍ରତି ବର୍ଷ ସେହିଦିନକୁ ଅପେକ୍ଷା କରିଥାଏ ଜଗନ୍ନାଥଙ୍କର ଦର୍ଶନ କରିବ, ସମୁଦ୍ର ବେଳାଭୂମିରେ ଶିତୁଆ ପାଗ ର ମଜା ନେବ। ଏବେ ଆଉ ସେମିତି ହେଉନି ପ୍ରାୟ ଆଠ ବର୍ଷ ହେବ ଓଡ଼ିଶା କଣ ଭାରତ ମାଟି ଛାଡ଼ି ସାତ ସମୁଦ୍ର ତେର ଦରିଆପାରି ସୁଦୂର ଆମେରିକା ମାଟିକୁ ଆପଣେଇ ନେଇଛି ସିଏ। ସେଠିକାର ଚାକିରି ର। ମୋହ ତାକୁ ଟାଣି ନେଇଥିଲା ସତ ,କିନ୍ତୁ ଏଠି ପାଇଥିବା ପ୍ରତାରଣା ତାକୁ ଏ ମାଟି ଠାରୁ ଦୂରେଇ ନେଇଥିଲା।

ଆଜି ଓଡ଼ିଶା ଆସିଛି ବାଲେଶ୍ୱରରୁ ପୁରୀ ଯିବା ବାଟରେ ହଠାତ ଗାଡ଼ି ଟି ଖରାପ ହେଇଗଲା, ଏଇ ଭଦ୍ରକରେ ହିଁ ଗାଡ଼ି ଖରାପ ହବାର ଥିଲା ପ୍ରଥମ ବିରକ୍ତ ହେଲା ତାପରେ ଭାବପ୍ରବଣ ।କାର୍ ଦରଜା ଖୋଲି ସେ ବାହାରକୁ ଗଲା। ଖୁବ ଆସ୍ତେ ପାଦ ରଖିଲା ମନେ ପକେଇବାକୁ ଚେଷ୍ଟା କଲା କେତେ ବର୍ଷ ପରେ ସେ ଛୁଇଁଲା ଏ ମାଟିକୁ। ତା ଆଖି ଆଗରେ ଝଲସି ଉଠିଲା ଅତୀତର ସେହି ଘଟଣାବଳୀ ।ଭଦ୍ରକ କରେ ତା ମାମୁଁ ଘରେ ରହି ଯୁକ୍ତ 2 ବିଜ୍ଞାନ ଅଧ୍ୟୟନ କରୁଥାଏ ।ଖୁବ୍ ଶାନ୍ତ ସ୍ୱଭାବର। ପାଠ ପଢ଼ିବା ବ୍ୟତୀତ ଖୁବ ସୁନ୍ଦର ଗୀତ ମଧ୍ୟ ଗାଇପାରେ। ସେଦିନ କଲେଜର ବାର୍ଷିକ ଉତ୍ସବରେ ତାଙ୍କୁ ଗୀତ ଗାଇବାର ଥିଲା ।ଅତି ସୁନ୍ଦର ଭାବରେ ପ୍ରାରମ୍ଭିକ ସଙ୍ଗୀତ ଗାଇଥିଲା। କାର୍ଯ୍ୟକ୍ରମ ଶେଷରେ ସାଙ୍ଗମାନଙ୍କ ଅନୁରୋଧରେ ଆଉ ଗୋଟିଏ ଗୀତ ଗାଇଲା । ସେଠାରୁ ତାର ଆରମ୍ଭ ହୋଇଥିଲା ଏକ ନୂଆ ସମ୍ପର୍କ ଗିତା ସହିତ। ସେଦିନ ଗିତା ସହ ତା'ର ପ୍ରଥମ ଦେଖା ହୋଇଥିଲା। ତା ପରଠୁ ଗିତା ବିଭିନ୍ନ ବାହାନା କରି ବସନ୍ତ ସହ ଦେଖା କରେ କଥା ହୁଏ।ଖୁବ କମ ସମୟ ଭିତରେ ଦୁହିଁଙ୍କ ସମ୍ପର୍କ ମଜଭୁତ ହେଇଯାଇଥିଲା।ଦୁହେଁ ଦୁହିଁଙ୍କୁ ନ ଦେଖିଲେ ରହିପାରୁ ନଥିଲେ।ଗୋଟିଏ କଲେଜର 2 ଜଣ ପାଞ୍ଚବର୍ଷ ପାଠ ପଢିବା ପରେ ବସନ୍ତ ତା ଘରକୁ ଫେରି ଯାଇଥିଲା ।ସେଠିତାର ମନ ଜମା ଲାଗୁନଥାଏ। ବିଭିନ୍ନ ଆଳ କରି ମାମୁଁ ଘରକୁ ଆସେ,କେବଳ ଗୀତା ପାଇଁ । କିଛି ଦିନ ପରେ ବସନ୍ତ ରେଭେନ୍ସାରେ M .A କରିବା ପାଇଁ ଚରିଗଲା କଟକ।ସେ ସମୟରେ ଗୀତା ସହିତ ତାର ଆଉ ଯୋଗାଯୋଗ ହୋଇପାରି ନଥିଲା। ସେ କଲେଜରେ ବି ସେ ଶାନ୍ତ ସ୍ବଭାବ ସମସ୍ତଙ୍କୁ ପ୍ରଭାବିତ କରିଥିଲା । ଶୋଭା ବୋଲି ଝିଅଟିଏ ବସନ୍ତ ପଛରେ ପଡ଼ିଥାଏ। ଦିନେ ଗୀତା କଟକ ଯାଇଥିଲା ବସନ୍ତ ସହିତ ଦେଖା କରିବା ପାଇଁ । ସେଠାରେ ସେ ଶୋଭା ଓ ବସନ୍ତ ଙ୍କ ମିଳାମିଶା କଥା ଶୁଣି ଲା।ତାର ବିଶ୍ୱାସ ହୋଇ ନଥିଲେବି ମନରେ ସନ୍ଦେହ ସୃଷ୍ଟି ହୋଇଥିଲା।ସନ୍ଦେହୀ ମନର ସେ ଶୋଭା ବିଷୟରେ ବସନ୍ତକୁ ପଚାରିଥିଲା । ଗୀତକୁ ଚିଡ଼େଇବା ଭଳି କହିଦେଲା କି ଶୋଭା ଭାରି ଭଲ ଝିଅ, ଉଚ୍ଚଶିକ୍ଷିତ , ସୁନ୍ଦର ବଡ଼ ଘର ଝିଅ । ଏକଥା ଗୀତକୁ ଭାରି କଷ୍ଟ ଲାଗିଲା ।ସାମାନ୍ୟ ବଚସା ମଧ୍ୟ ହୋଇଥିଲା ।କଥାଟା ସମାଧାନ ହେବା ପୂର୍ବରୁ ଶୋଭା ଆସି ପହଁଚି ଗଲା ଏମାନଙ୍କର କଥା ଅଧା ଏବଂ ସନ୍ଦେହଜନକ ହୋଇରହିଯାଇଥିଲା ।ସମୟ ଅଭାବରୁ ସେ କଥା ସେଇଠି ରଖି ଗୀତା , ଗାଁ କୁ ଫେରିଛି।କିଛି ମାସ ବିତିଯାଇଥାଏ,ବସନ୍ତ ଗୀତା ସହିତ ଦେଖା କରିବା ପାଈଁ ଭଦ୍ରକ ଗଲା ।ଗୀତା ବସନ୍ତ ସହିତ ଠିକ ଭାବରେ କଥା ହୋଇ ନ ଥିଲା। ବସନ୍ତ ଗୀତକୁ ବହୁତ ବୁଝାଇବା ପାଇଁ ଚେଷ୍ଟା କରିଥିଲା କିନ୍ତୁ ଗୀତା ବସନ୍ତ କଥା ଶୁଣି ନଥିଲା ।ତାକୁ ବଡ଼ଲୋକି ଠାଣି ଦେଖୁଥିଲା ଏବଂ ସବୁ କଥାକୁ ସେ କହିଥିଲା ଯେ ଶୋଭା ବଡ ଘର ଝିଅ ,ଆଉ ମୁଁ ବି କିଛି କମ ନୂହେଁ।ମୁଁ ବି ତୁମଠାରୁ ଅଧିକ ପାଠପଢ଼ା ଭଲ ଚାକିରୀ କରିଥିବା ସୁଶାନ୍ତ କୁ ପସନ୍ଦ କରୁଛି।ସିଏ ତୁମଠାର ବହୁତ ଭଲ ।ସେ ପୁଅକୁ ପସନ୍ଦ କରିସାରିଲେଣି।ଏମିତି କଥାବାର୍ତ୍ତା କରିବା ସମୟରେ ହିଁ ସେ ଠାରେ ସୁଶାନ୍ତ ଆସି ପହଞ୍ଚିଥିଲା। ଗିତା ଶୁସାନ୍ତ ର ହାତ ଧରି ହସି ସେ କିଛି କଥା ହେଲା, ଆଉ ବସନ୍ତକୁ ଗୋଟେ ବଦମାସ ଟୋକା ଭଳି ପରିଚୟ କରାଇଥିଲା । ଜଣେ

ଅପରିଚିତ ବ୍ୟକ୍ତି ଆଗରେ ବସନ୍ତଙ୍କୁ ବଡ଼ କଟୁ କଥା କହିଥିଲା। ସେଦିନ ର ସେ ଭର୍ସନା କଥା ବସନ୍ତ କାନରେ ଆଜିବି ଗୁଞ୍ଜରିତ ହେଉଛି।ସେହି ଦିନରୁ ସେ ଆଉ ଭଦ୍ରକ କୁ ଆସିନି। ଆମେରିକା ଯାଇଥିଲା ତା ମାମୁଁ ଝିଅ ସହିତ ଦେଖା କରିବା ପାଇଁ।ସେଠାରେ ଗୋଟେ କମ୍ପାନୀରେ ଚାକିରୀ କରିଥିଲା ସେଦିନ ଓଡ଼ିଶା ନଥିଲା।ତିରିଶି ଭଦ୍ରକ ମାଟିରେ ପାଦ ଦେବାକୁ ଭାବି ନଥିଲା ଆଜି କାହିଁକି କେଜାଣି ଏଠି ଏତେ ଗାଡ଼ି ଖରାପ ହୋଇ ଯାଗାକୁ ପ୍ରାଣୀ ଆଣୁଛି।ଏମିତି ଭାବି ଭାବି ଆଗକୁ ପାଦ ପକାଇ ଚାଲୁଥାଏ ହଠାତ।କିଛି ପାଟିତୁଣ୍ଡ ଶୁଣି ଅଟକି ଗଲା ବସନ୍ତର ପାଦ ଅସ୍ପଷ୍ଟ ହେଲେବି ସରୁ ଲୋମ ଟାଙ୍କୁରି।ଉଠିଲା ଏମିତି ଅମାନୁଷିକ ଭାବେ କିଏ କାହାକୁ। ବାଡଉଛି, ଅଜାଣତରେ ସେହି ଘର ଉପରକୁ ତା ପାଦ ଚାଲିଯାଇ ଥିଲା। ବଡ ଘର ସୁନ୍ଦର ସାଜ ସଜା ହେଲେ ଏମିତି କଣ ପାଟି ଶୁଭୁଛି ।କବାଟ ବାଡେଇଲା ଘରେ କିଏ ଅଛ କି ?କିଛି ସମୟ ପରେ ଘର ଭିତରେ ପାଟିତୁଣ୍ଡ ବନ୍ଦ ହେଲା । କିଏ ଜଣେ ଆସି କବାଟ ଖୋଲିଲା ।ଘରର ଚାକରାଣୀ ବୋଧେ।ଡାକ ଛାଡିଲା ବାବୁ ମାଆ କି ଜଣେ ବାବୁ ଆସିଛନ୍ତି ।ତଳକୁ ଆସ। ଘର ଭିତରର ସାଜସଜ୍ଜା ଦେଖି ଜଣେ କଳ୍ପନା କରିପାରିବ ଏହା ଭିତରେ ଏମିତି ଅମାନୁଷିକ କାଣ୍ଡ ଘଟୁଛି। ଆଉ ଦେଖଣାହାରି ମାନେ କାଠ ପୁତୁଳା ପରି ହୋଇ ରହିଛନ୍ତି। ଉପରୁ ଜଣେ କିଏ ଆସିଲେ ଟିକେ ଚାହିଁଲେ ।ଉପରକୁ ଗଲେ ବଡ଼ ଜୋରରେ ଗୀତା ବେଳେ ଡାକି କହିଲେ ତମର କିଏ ସଂପର୍କୀୟ ହୋଇଥିବେ।କହି ଚୁପ ହୋଇ ରହିଗଲେ। ଗିତା ଧୀରେ ଧୀରେ ଧିରେ ଚାଦର ଖଣ୍ଡିଏ ଘୋଡେଇ ହୋଇ

ବାହାରକୁ ଆସିଲା।ଛାତ ଉପରୁ ବସନ୍ତକୁ ଦେଖି କୋହ ସମ୍ଭାଳି ନ ପାରି ଜୋରରେ ପାହାଚ ଆଡ଼କୁ ମାଡ଼ି ଆସିଲା କିଛି କହିଥାନ୍ତା ବୋଧେ। ପାହାଚରେ ତା ଗୋଡ଼ ଖସିଗଲା ଗଡ଼ିଗଡ଼ି ତଳେ ରକ୍ତାକ୍ତ ଅବସ୍ଥାରେ ପଡ଼ିଥାଏ। ମୁଣ୍ଡ ଫାଟି ରକ୍ତ ବୋହୁଥାଏ ।ଘରେ କେହିବି ଆହାଃ ବୋଲି କହିଲେ ନାଇଁ । ବସନ୍ତ ଦୌଡ଼ି ଯାଇ ତାକୁ ହାତରେ ଉଠେଇ ନେଇ ଡାକ୍ତରଖାନାକୁ ଯାଇଥିଲା।ହେଲେ ଆଗରୁମାଡ ଖାଇ ରକ୍ତାକ୍ତ ହୋଇଥିବା ଅଧାମରା ଗି ତା ଡାକ୍ତର ଥାନାରେ ଶେଷ ନିଶ୍ୱାସ ତ୍ୟାଗ କରିଦେଲା। ଶେଷରେ କେବଳ ଏତିକି କହିଥିଲା ବସନ୍ତ ମୋ ଭୂଲର ଉଚିତ୍ ଦଣ୍ଡ ମୁଁ ପାଇସାରିଛି।ଆଉ ସହିବାକୁ ଶକ୍ତି ପାରିବତ ମତେ କ୍ଷମା କରିଦେବ।

ଲିଳା ମୟୀ ଦାଶ

କେନ୍ଦ୍ରା

ପଡ଼ା

ବୁଝାମଣା

ଏକ ସତ୍ୟ ଘଟଣା ଉପରେ ଆଧାରିତ (Bujhamana)