ଆମ ଭାରତ, ଯାହା ପୁରାଣ, ଧର୍ମ, ସଂସ୍କୃତି ଏବଂ ଆଧିପତ୍ୟ ଦ୍ଵାରା ସାରା ପୃଥିବୀରେ ପରିଚିତ,ତାହା ଅନନ୍ତ କାଳ ପୂର୍ବରୁ ସୁନାର ଦେଶ ଭାବେ ସମ୍ବୋଧିତ ହେଉଥିଲା | ଏହାର ଅର୍ଥ ଏହା ନୁହେଁ ଯେ ତାହା କେବଳ ଧନରେ ଧନୀ, ବରଂ ଜ୍ଞାନ ଏବଂ ସଂସ୍କୃତିରେ ମଧ୍ୟ ଉଚ୍ଚକୋଟୀର ହୋଇଥିଲା | ସେଥିପାଇଁ ଅନେକ ବିଦେଶୀ ଆମ ଦେଶକୁ ଆୟତ୍ତରେ ରଖିବା ଏବଂ ତାକୁ ଲୁଟିନେବା ଆଶାରେ ଭାରତ ଆସିଥିଲେ | ସର୍ବ ଶେଷରେ ଇଂରେଜ ମାନଙ୍କ କବଳରୁ ସ୍ଵାଧୀନ ପାଇ ଆଜି ଭାରତ ସ୍ୱାଧୀନ ହୋଇ ରହିଛି |

ମାତ୍ର ଆମ ସଂସ୍କୃତିର ଅପଭ୍ରଂଶ ଘଟିବା ଦ୍ଵାରା ଭାରତ ଆଜି ସ୍ୱାଧୀନତାର 78 ବର୍ଷ ପରେ ମଧ୍ୟ ଉନ୍ନତ ନହୋଇ ଉନ୍ନତିର ଗତିପଥ ପର୍ଯ୍ୟନ୍ତ ପହଞ୍ଚି ପାରିଛି | ଭାରତ ସଂପୂର୍ଣ୍ଣ ଉନ୍ନତ ନହେବାର ଅନେକ କାରଣ ଥାଇ ପାରେ, ମାତ୍ର ସେଥି ମଧ୍ୟରୁ ଗୋଟିଏ ଗୁରୁତ୍ବପୂର୍ଣ୍ଣ କାରଣ ହେଉଛି ସମାଜରେ ନାରୀ ଓ ପୁରୁଷଙ୍କ ମଧ୍ୟରେ ଭେଦଭାବ ଇବ ତାକୁ ତାକୁ ନେଇ ବ୍ୟାପିଥିବା ଅନେକ କୁସଂସ୍କାର ଏବଂ ଅନ୍ଧବିଶ୍ୱାସ | ଏହି ସବୁ ଅନ୍ଧ ବିଶ୍ୱାସ ଭରା ନିୟମ କାନନ୍ ରେ ବାନ୍ଧିକରି ନାରୀ ମାନଙ୍କୁ କେବଳ ଘରର ଏରୁଣ୍ଡି ବନ୍ଧା ପଛରେ ରଖି ସମାଜର ବିଶେଷ କର୍ତ୍ତବ୍ୟ ତଥା ସେମାନଙ୍କୁ ମିଳୁଥିବା ଅଧିକାର ରୁ ଅନେକାଂଶ ରେ ବଞ୍ଚିତ ରଖା ଯାଉଛି |

ନାରୀ ମାନଙ୍କୁ ସମାଜରେ ବାଛିବା ତଥା ଆଗକୁ ବାଢ଼ିବା ପାଇଁ ଅନେକ ସଙ୍ଗର୍ଷର ସମାନ କରିବାକୁ ପଡ଼ିଛି | ସେସବୁ ମଧ୍ୟରୁ କିଛି କାରଣ ହେଉଛି -

• ଶିକ୍ଷା କୁ ନେଇ ନାରୀ ପୁରୁଷ ମଧ୍ୟରେ ପାର୍ଥକ୍ୟ - ଅନେକ ଦିନରୁ ଆମଭାରତୀୟ ପରିବାର ମାନଙ୍କରେ ପୁରୁଷ ମାନଙ୍କ ଶିକ୍ଷାକୁ ଅଧିକ ପ୍ରାଧାନ୍ୟ ଦିଆ ଯାଉଥିଲା ବେଳେ, ମହିଳା ମାନଙ୍କୁ କେବଳ ପ୍ରାଥମିକ ଶିକ୍ଷା ପ୍ରଦାନ କରି ଘରକରଣା କାମରେ ନିଯୁକ୍ତି କରା ଯାଉଥିଲା | ସେହି ପ୍ରଥା ଆଜିବି ଅନେକ ପରିବାରରେ ଚାଲି ଆସିଛି |ସେହି ଦୃଷ୍ଟିରୁ ସମାଜର ଉନ୍ନତି ମଧ୍ୟ ଅଧା କମ୍ ହୋଇ ଯାଇଛି |

• ଯୌନ ନିର୍ଯାତନା - ପୁଣି ମହିଳା ମାନଙ୍କୁ ସବୁ ସମୟରେ ଆଢ଼ୁଆଳରେ ରଖିବାର ପ୍ରାଥମିକ କାରଣ ହେଉଛି ସମାଜରେ କିଛି ଲୋକଙ୍କର ମହିଳା ମାନଙ୍କ ପ୍ରତି ଥିବା କୁଦୃଷ୍ଟି | ଯାହାଦ୍ଵାରା ଅନେକ ମହିଳା ମାନେ ନିଜେ ମଧ୍ୟ ନିଜ ପରିବାର ତଥା ନିଜ ପ୍ରିୟ ଏବଂ ଘନିଷ୍ଟ ଲୋକଙ୍କ ଉପରେ ନିର୍ଭର ହୋଇ ପଡ଼ୁଛନ୍ତି | ଘରୁ ବାହାରକୁ ବାହାରିଲେ ଶାରୀରିକ ତଥା ମାନସିକ ଅସୁରକ୍ଷିତତା ର ଅନୁଭୂତି ସେମାନଙ୍କୁ ନିଜର ସୀମାକୁ ସଙ୍କୁଚିତ କରିବା ପାଇଁ ବାଧ୍ୟ କରିଦେଉଛି |

• ଯୌତୁକ ନିର୍ଯାତନା - ଯୌତୁକ ନିର୍ଯାତନାର ଭୟ ପ୍ରାୟ ପ୍ରତ୍ୟେକ ମାଆ ବାପାଙ୍କ ମନରେ ନିଜ କନ୍ୟା ସନ୍ତାନ ପାଇଁ ଜାଗ୍ରତ ହୋଇଥାଏ | ଯାହା ଦ୍ୱାରା ପିତା ମାତା ଝିଅର ପାଠପଢ଼ା ରେ ଅର୍ଥ ବ୍ୟୟ ନକରି ବିବାହ ଏବଂ ଯୌତୁକ ପାଇଁ ଅର୍ଥ ସଞ୍ଚୟ ପାଇଁ ଲାଗି ପଡନ୍ତି | ଏବେବି ଅନେକାଂଶରେ ଏହି ପ୍ରଥା ଲାଗି ରହିଛି | ଯାହାଦ୍ଵାରା ମହିଳା ମାନଙ୍କ ଉନ୍ନତିକୁ ପଛରେ ପକାଇ ତାକୁ କିଣା ବିକା ହେଉଥିବା ସାମଗ୍ରୀ ସହ ତୁଳନା କରା ଯାଉଛି |ଯାହାକି ସମାଜ ପାଇଁ ଅତ୍ୟନ୍ତ ଘୃଣ୍ୟ ବିଷୟ |

• ସୋସିଆଲ ମିଡିଆରେ ନାରୀଙ୍କ ପଦବୀ - ଆଜିକାଲିର ଏହି ସୋସିଆଲ ମିଡ଼ିଆ ଯୁଗରେ ମହିଳା ମାନ ଅନେକ ନିର୍ଯାତିତା ହେଉଛନ୍ତି |ନିଜ ପ୍ରୋଫାଇଲ୍ ର ପ୍ରଶଂସକ ବଢ଼ାଇବା ପାଇଁ ଅନେକ ଲୋକ ମହିଳା ମାନଙ୍କର ଗୁଣ ଗାନ୍ କରୁଛନ୍ତି, ପୁଣି ଅନେକ ମହିଳାଙ୍କ ଆଚାର, ବ୍ୟବହାର, ଚାଲି ଚଳଣ କୁ ବ୍ୟଙ୍ଗ କରି ଲୋକଙ୍କ ଆଗରେ ପ୍ରସିଦ୍ଧ ହବା ପାଇଁ ଚେଷ୍ଟା କରୁଛନ୍ତି |ତେବେ ଏହିସବୁ ସମସ୍ୟାକୁ ଆଧାର କରି ମହିଳା ମାନେ କୌଣସି ନୂତନ ପଦକ୍ଷେପ ନବା ଆଗରୁ ହିଁ ଓହରି ଯାଉଛନ୍ତି | ତେଣୁ ସମାଜର ଉନ୍ନତି ପାଇଁ ଏକ ବହୁତ୍ ବଡ଼ ପ୍ରତିବନ୍ଧକ |

• ବ୍ୟକ୍ତିଗତ ଅବହେଳା - ସମାଜ କୁ ଯିବା ପୂର୍ବରୁ ଯଦି ଆମେ ପରିବାର ମଧ୍ୟକୁ ଯିବା ତେବେ ଆମେ ଜାଣି ପାରିବା ଯେ ମହିଳା ମାନେ ନିଜ ପାରିବାରିକ ସମସ୍ୟା ଏବଂ ଦାୟୀତ୍ୱରେ ଏପରି ପେଶି ହୋଇ ଚାଲିଛନ୍ତି ଯେ ସେମାନେ ନିଜର କୌଣସି ଉନ୍ନତି ବିଷୟରେ ଭାବିବାକୁ ସମୟ ପାଉ ନାହାନ୍ତି | କୌଣସି ଗୃହିଣୀ ଯଦି ନିଜର ଦକ୍ଷତା ଉପରେ ଆଗ୍ରହୀ ହବାକୁ ଇଚ୍ଛା କରେ ତେବେ ପରିବାରର ଅନେକ ଦାଇତ୍ୱ ତା ମୁଣ୍ଡରେ ଲଦିଦିଆ ଯାଏ | ଏହିଭଳି ପରିସ୍ଥିତିରେ ମହିଳା ମାନେ ନିଜର ଉନ୍ନତି କିମ୍ବା ସମାଜର ଅନ୍ୟ କାମ ଗୁଡ଼ିକୁ ପଛରେ ପକାଇ ଚାଲି ଚାଲିଛନ୍ତି |

ଏବେ ଏହି ପରି ଅନେକ ସମସ୍ୟା ମହିଳା ମାନଙ୍କ ଆଗରେ ଉପସ୍ଥିତ ହୋଇ ଉଠୁଚି ପ୍ରତ୍ୟେକ ପିଢ଼ିରେ | ତେବେ ସେମାନଙ୍କ ଅଧିକାର ଏବଂ ଉନ୍ନତି ପାଇଁ ସମସ୍ତଙ୍କର ସହଯୋଗ ଆବଶ୍ୟକତା ରହିଛି | କୌଣସି ମହିଳା ଅବଳା କିମ୍ବା ଦୁର୍ବଳା ନୁହନ୍ତି ବରଂ ସମାଜର ଅନେକ ବନ୍ଧନରେ ବାନ୍ଧି ହୋଇ ନିଜକୁ ପଛରେ ରଖିବାକୁ ବାଧ୍ୟ ହେଉଛନ୍ତି |ଏହି ସମାଜର ପ୍ରଥମ କର୍ତ୍ତବ୍ୟ ଯେ ସମାଜର ଦୁଇଟି ମୁଖ୍ୟ ବର୍ଗ ନାରୀ ଓ ପୁରୁଷ ଉଭୟଙ୍କୁ ସମାନ କର୍ତ୍ତବ୍ୟ ପ୍ରଦାନ କରିବା ସହ ସମାନ ଅଧିକାର, ସମ୍ମାନ, ଏବଂ ସହଯୋଗ ପ୍ରଦାନ କରିବା ଦିଗରେ ହାତ ବଢ଼ାଇବା ଆବଶ୍ୟକ | ତେବେହିଁ ଏହି ସମାଜ ଉନ୍ନତିର ଗତିପଥରୁ ଆଗକୁ ବଢ଼ି ଉନ୍ନତ ହୋଇ ପାରିବ |

ସୁସ୍ମିତା ଜେନା

ବିଶାଖାପାଟଣା

Challenges faced by Indian women today and their hope for future

ଭାରତୀୟ ମହିଳା ମାନେ ସାମ୍ନା କରୁଥିବା ସଂଘର୍ଷ ଏବଂ ଭବିଷ୍ୟତକୁ ନେଇ ଆଶା