✍️ଥରେ ଜଣେ ଯୁବକ ଏମିତି ସିଦ୍ଧ ପୁରୁଷଙ୍କ ସନ୍ଧାନ ପାଇଲା, ଯାହାଙ୍କ ବର ତୁରନ୍ତ ଫଳି ଯାଉଥିଲା। ତେଣୁ ସେ କହିଲା- ମହାତ୍ମା, ମୋତେ ବର ଦିଅନ୍ତୁ ଯେମିତି ମୁଁ ଖୁବ୍‌ ଧନୀ ହୋଇଯାଏ।

✍️ସିଦ୍ଧ ପୁରୁଷ କହିଲେ, ତଥାସ୍ତୁ। ତାଙ୍କ କଥା ସରିଛି କି ନାହିଁ ଯୁବକ ହୋଇଗଲା ଜଣେ ବିରାଟ ଧନୀ ବ୍ୟକ୍ତି। ଧନ ପାଇବା ପରେ ସେ ସେଥିରେ ମାତିଲା।

✍️ତା' ମନରେ ଭରିଉଠିଲା ଅହ˚କାର। ସେ ଧରାକୁ ସରା ମଣିଲା। ସାଧାରଣ ଲୋକଙ୍କୁ ହେୟଜ୍ଞାନ କଲା। ସେ ଭାବିଲା ଯେ ସେ ହେଉଛି ଏ ପୃଥିବୀର ସବୁଠାରୁ ଶ୍ରେଷ୍ଠ ବ୍ୟକ୍ତି। କିନ୍ତୁ ଏଣେ ତା' ମନରେ ଏକ ଭୟ ମଧୢ ଦେଖାଦେଲା। ସେ ଭାବିଲା ଏ ଧନ ସ୍ବଳ୍ପ କାଳସ୍ଥାୟୀ ହେବ ନାହିଁ ତ?।

✍️ଯଦି ମୁଁ କୌଣସି କାରଣରୁ ଧନସଂପତ୍ତି ହରାଏ, ତେବେ?ତେଣୁ ସେ ପୁଣି ସେଇ ସିଦ୍ଧ ପୁରୁଷଙ୍କ ପାଖକୁ ଗଲା। ତାଙ୍କୁ ଏଥର ଅନୁରୋଧ କରି କହିଲା ମୋତେ ଆଉ ଏକ ବର ଲୋଡ଼ା।

✍️ସିଦ୍ଧ ପୁରୁଷ କହିଲେ- କି ବର ବାବୁ?।ଯୁବକ କହିଲା- ଏଭଳି ଦିଅନ୍ତୁ ଯେମିତି କି ମୋ ଧନ ସ୍ଥାୟୀ ରହିବ। କେବେ ହେଲେ ତାହା ସରିବ ନାହିଁ।

✍️ଏଥର ବି ସାଧୁ କହିଲେ- ତଥାସ୍ତୁ। କିନ୍ତୁ ତା' ପରେ ଟିକିଏ ହସି ଦେଲେ।

ଯୁବକକୁ ସେହି ହସ ଟିକିଏ ବିଚିତ୍ର ଲାଗିଲା। ସେ ପଚାରିଲା- ଆପଣ ହସୁଛନ୍ତି କାହିଁକି?

✍️ସାଧୁ ଏଥର ଗମ୍ଭୀର ଦିଶିଲେ। ତା' ପରେ କହିଲେ- ତୁମ ଧନ ସ୍ଥାୟୀ ହୋଇଗଲା ସିନା, ତୁମେ ଯେ ଅସ୍ଥାୟୀ ତାହା ଭୁଲିଗଲ ବୋଧ ହୁଏ!

ଯୁବକ ଚମକିପଡ଼ି ପଚାରିଲା- ଏହାର ଅର୍ଥ?

✍️ସିଦ୍ଧ ପୁରୁଷ କହିଲେ- ମୁଁ ଦେଖି ପାରୁଛି ଯେ ଏବେ ତୁମ ପଛରେ ଛିଡ଼ା ହୋଇଛନ୍ତି ମୃତ୍ୟୁ ଦୂତ। ମାତ୍ର କିଛି କ୍ଷଣ ଭିତରେ ତୁମର ମୃତ୍ୟୁ ଘଟିବ। ତୁମର ଧନ ରହିଯିବ, କିନ୍ତୁ ତୁମେ ନ ଥିବ!ଯୁବକ କିଛି କହିବା ପୂର୍ବରୁ ସାଧୁ ଦୃଶ୍ୟପଟରୁ ଅପସରି ଯାଇଥିଲେ।🌹🌹

ଧନ ଓ ଜୀବନ

ଧନ ଓ ଜୀବନ