🙏🌹 #ଧୀବର_ରଘୁବର_ଦାସ_ଓ_ଶ୍ରୀଜଗନ୍ନାଥ 🙏🌹

*****************🙏🌹🙏*****************

ପୁରୀ ସହର ରୁ ଭୁବନେଶ୍ୱର ଯିବା ବାଟରେ ପିପିଲି ରେ ତାଙ୍କ ଘର l ମାଛ ମାରିବା ତାଙ୍କ କାମ l ମାଛ ନ ମାରିଲେ କୁଟୁଂମ୍ବ ଉପାସ l

ନୀତି ସକାଳୁ ଜାଲ ଧରି ମାଛ ମାରିବାକୁ ବାହାରି ଯାନ୍ତି ରଘୁବର l ମାଛ ମାରିଲା ବେଳେ ସଞ୍ଜ ବେଳେ ପଢା ହେଉଥିବା ଭାଗବତ କଥା ମନରେ ଆସେ l

ଭାଗବତ ରେ ଲେଖା ଅଛି ,

*ଜୀବ ମାରିଣ ମାଂସ ଖାଇ

ସେ ଜୀବ ବୈକୁଣ୍ଠେ ବସଇ ।‌*

ମନରେ ସନ୍ଦେହ ଉପୁଜେ l ମାଛ କଣ ଜୀବ ନୁହେଁ l ମାଛ ମାରିଲେ ତ ପାପ ହେଉଥିବ l କିନ୍ତୁ କରିବେ କଣ l ମାଛ ନ ମାରିଲେ ସମସ୍ତେ ଉପବାସ ରହିଯିବେ l

ଦିନକର ଘଟଣା l ମାଛ ମରୁଥାନ୍ତି ରଘୁବର l ଜାଲରେ ଗୋଟିଏ ବଡ଼ ରୋହି ମାଛ ପଡିଲା l ମନ ରେ ବହୁତ ଖୁସି ହୋଇ ସେଇ ମାଛ କୁ ଆଣି ଖୋଲେଇ ରେ ଭର୍ତି କଲା ବେଳକୁ ମାଛ କହିଲା,, ନାରାୟଣ ନାରୟଣ l

ରଘୁବର ଆଶ୍ଚର୍ଯ୍ୟ ହୋଇଗଲେ , ସେ ଭାଗବତ ରେ ଶୁଣିଥିଲା

" ସକଳ ଦେହେ ନାରାୟଣ

ବସନ୍ତି ଅନାଦି କାରଣ ।।"

ତେବେ ସେହି ନାରାୟଣ ଯେ ସେହି ମାଛ ଦେହରେ ଅଛନ୍ତି, ତାପରେ ସେହି ମାଛକୁ ଆଣି ଗୋଟିଏ ପାଣି ଖାଲରେ ଛାଡିଦେଲା ।

.. ...... ରଘୁବର ବସି ଭାବିଲେ ଯଦି ସକଳ ଦେହେ ନାରାୟଣ, ମୁଁ ସେଇ ନାରାୟଣ ଙ୍କୁ ଦେଖିବି, ନହେଲେ ଗାଁ କୁ ଯିବିନାହିଁ, ପ୍ରାଣ ହାରିବି l

ଦିନକୁ ଦିନ ବିତିବାକୁ ଲାଗିଲା,, ଶେଷରେ ପ୍ରଭୁ ଗୋଟିଏ ବ୍ରାହ୍ମଣ ବେଶ ରେ ଆଉ ପଚାରିଲେ କଣ ହୋଇଛି, ରଘୁବର ଉତ୍ତର ଦେଲେ ସେ ନାରାୟଣ ଙ୍କୁ ଦେଖିବେ ନ ହେଲେ ମାରିବେ ।

ବ୍ରାହ୍ମଣ କହିଲେ ଆରେ ନାରାୟଣ ତୋତେ ଦେଖା ଦେବେ କାହିଁକି l ପ୍ରଭୁ ଯେତେ ବୁଝେଇ ଲେ ରଘୁବର ଉତ୍ତର ଦେଲେ ଭାବ କୁ ନିକଟ ସିଏ ଅଭାବ କୁ ଦୂର l ଭାବ ଥିଲେ ସେ ନିଶ୍ଚୟ ଦେଖାଦେବେ l

ରଘୁବର ଙ୍କର ଏମିତି ଭାବ ଦେଖି ବ୍ରାହ୍ମଣ ରୁପି ଭଗବାନ ଦର୍ଶନ ଦେଲେ lକହିଲେ ଧୀବର କଣ ମାଗୁଛ ମାଗ l

ରଘୁବର ମାଗିଲେ

" ଏ ମୋର ଧୀବର ସ୍ଵଭାଵ, ଏହା କେମନ୍ତେ ଛାଡ଼ିଯିବ

ଆବର ଅନ୍ନ ମିଳୁଥିବ, ତୋ ନାମ ଧରି ଜୀବ ଜୀବ

ଯେବେ ହୃଦୟେ ଭାବୁଥିବି, ତୁମ୍ଭ ଦର୍ଶନ ପାଉଥିବି ।।"

ପ୍ରଭୁ ତଥାସ୍ତୁ କରି ଚାଲିଗଲେ ।

ରଘୁବର ଗାଁ କୁ ଗଲେ, ଗାଁ ଲୋକ କେତେ କିଏ କେତେ କଥା କହିଲେ, ଘରକୁ ଗଲେ l ରଘୁ ଆଉ ମାଛ ମାରିବାକୁ ଗଲେନି ଭିକ୍ଷା ମାଗି ଜୀବନ ବିତାଇ ଲେ l

ଏମିତି କିଛି ଦିନ ଚାଲିଗଲେ,ଦିନେ ରଘୁ ନିଜ ଗ୍ରାମର ମଣ୍ଡପ ଉପରେ ବସିଥିଲେ, ଗ୍ରାମର ଗୋଟିଏ ଦୁଷ୍ଟ ପିଲା ରଘୁବରଙ୍କ ପଛରେ ଗୋଟିଏ ଲୁହାକଣ୍ଟା ଟିଏ ଫୋଡିଦେଲା,, ବହୁତ କଷ୍ଟ ରେ ଛଟ ପଟ ହୋଇ,, ଧାର ଧାର ରକ୍ତ ବୋହିଗଲା,,, ।

କହୁ କହୁ କହିଦେଲେ

" କି ଅପରାଧ କଲି ତୋତେ, ଏତକ ଦଣ୍ଡ ଦେଲୁମୋତେ ,

ତୋତେ ଦଣ୍ଡିବେ ଦୀନବନ୍ଧୁ, ତୋ ମାତା ପୁତ୍ର ବୋଲି କାନ୍ଦୁ।।"

ଏମିତି ଅଭିଶାପ ଦେଇ ଚାଲିଗଲେ,, ସେଠାରୁ ଚାଲିଗଲେ,, କିଛି ସମୟ ପରେ ଖବର ଆସିଲା ପିଲାଟି ମୁର୍ଚ୍ଛା ହୋଇ ପଡି ରହିଛି, ଆଉ ପିଲାଟି ଉଠୁ ନାହିଁ l

ଗ୍ରାମ ରେ ଭୟ ଖେଳିଗଲା, ଗ୍ରାମ ବାସି ପିଲାଟିର କୀର୍ତି ଶୁଣି ବହୁତ ମନ ଦୁଃଖ କଲେ,, ପିଲାଟି ର ବାପା ମା କାନ୍ଦି କାନ୍ଦି ତଳେ ଲଟିଗଲେ l ଶେଷରେ ଗ୍ରାମ ବାସି ଓ ପିଲାର ବାପା ମା ରଘୁବର ଙ୍କୁ କ୍ଷମା ପ୍ରାର୍ଥନା କରିବାରୁ, ରଘୁବର ଙ୍କ ହୃଦୟରେ ଦୟା ଭାବ ସଂଚାରିତ ହେଲା l ସେ କଇଁ କଇଁ ହୋଇ ପିଲାଙ୍କ ଭଳିଆ କାନ୍ଦି ଉଠି ପ୍ରଭୁଙ୍କୁ ପିଲାଟି ର ଜୀବନ ଫେରି ଆସିବା ପାଇଁ ଶ୍ରୀ ଜଗନ୍ନାଥ ଙ୍କୁ ପ୍ରାର୍ଥନା କଲେ l

ଗ୍ରାମ ବାସୀ ମାନେ ହରି ଶବଦ ରେ ଦାଣ୍ଡ କମ୍ପେଇ ଦେଲେ l ହଠାତ ପିଲାଟି ଉଠି ବସିଲା, ଆଶ୍ଚର୍ଯ୍ୟ ହୋଇ ଗଲେ ସବୁ,, ଜଗନ୍ନାଥ ଙ୍କ ନା ରେ ଗ୍ରାମ କମ୍ପିଲା,, ସମସ୍ତେ ଆସି ରଘୁବର ଙ୍କ ପାଦ ତଳେ ପଡିଲେ ।

ସେହିଦିନ ଠାରୁ ଗ୍ରାମ ବାସୀ ମାନେ ରଘୁବର ଙ୍କୁ ବହୁତ ସମ୍ମାନ ଦେଲେ, ଆଉ ତାଙ୍କର ଅସୁବିଧା ହେଲା ନାହିଁ, ଏଇ ଭିତରେ ବହୁତ ଦିନ ବିତି ଗଲା ।

ଦିନେ ରଘୁବର ଇଛା କଲେ ପ୍ରଭୁଙ୍କୁ ଖୁଆଇ ଦେବା ପାଇଁ l ଆଉ କହିଲେ ପ୍ରଭୁ ଆପଣ ଦେଇଥିବା ବର କୁ ଆଜି ଆପଣ ରକ୍ଷା କରନ୍ତୁ,, ନିଜେ ସବୁ ବ୍ୟଞ୍ଜନ ତିଆରି କରି ପ୍ରଭୁଙ୍କୁ ଡାକିଲେ, କହିଲେ ପ୍ରଭୁ ବଡ଼ଦେଉଳ ରୁ ଆସି ମୋର ନୈବେଦ୍ୟ ଗ୍ରହଣ କରନ୍ତୁ l

ସତକୁ ସତ ପ୍ରଭୁ ବଡ଼ଦେଉଳ ରୁ ଆସି ରଘୁବୀର ଘରେ ପଂହଁଚିଲେ, ହାତରୁ ଭୋଗ ଖାଇଲେ l ହେଲେ ଏପଟେ ବଡ଼ଦେଉଳ ରେ ଭୋଗ ବସିଲା ବେଳକୁ ପୂଜାପଣ୍ଡା ଙ୍କ ଚଳୁ ରେ ମହାପ୍ରଭୁ ଆଉ ଦେଖା ଦେଲେନି l

ଦେଉଳ ରେ ପ୍ରଭୁ ଯେ ନାହାନ୍ତି ଏକଥା ଜାଣି ସେବକ ମାନଙ୍କ ଗହଣ ରେ ଚହଳ ପଡ଼ିଗଲା, ରାଜା ସେବକ ମାନଙ୍କୁ ନୀତି ରେ ଅନୀତି ହେଲା ବୋଲି ଦଣ୍ଡ ଦେବାକୁ ବସିଲେ, l

ଠିକ ସେହିଦିନ ରାଜା ଗରୁଡ଼ ସ୍ତମ୍ଭ ନିକଟରେ ଅଧିଆ ପଡିଲେ l ପ୍ରଭୁ ମହାରାଜା ଙ୍କୁ ଦର୍ଶନ ଦେଲେ ଆଉ କହିଲେ,, ମୁଁ ମୋର ଭକ୍ତ ରଘୁବର ର ପ୍ରାର୍ଥନା ରେ ତା ହାତରୁ ଭୋଗ ଖାଇବାକୁ ଯାଇ ତାର ଘରେ ଅଟକି ଯାଇଛି l ସେ ମୋର ପରମ ଭକ୍ତ lତାକୁ ତୁମେ ଶିଘ୍ର ମହାସମାରୋହ ରେ ନୀଳାଚଳ କୁ ଘେନି ଆସ l ସେ ଆସିଲେ ମୁଁ ବଡ଼ଦେଉଳ ରେ ବସି ଆନନ୍ଦ ରେ ଭୋଗ ଗ୍ରହଣ କରିବି l

ତା ପର ଦିନ ରାଜା ନିଜେ ଯାଇ ରଘୁବର ଙ୍କୁ ପାଛୋଟି ଆଣିଲେ l ରାଜା ରଘୁବର ଙ୍କୁ ପାଟ ବସ୍ତ୍ର ପିନ୍ଧାଇ, ହାତୀ ଉପରେ ବସାଇ ମହାସମାରୋହ ରେ ଶ୍ରୀ କ୍ଷେତ୍ରକୁ ପାଛୋଟି ଆଣିଲେ l ଶ୍ରୀ ମନ୍ଦିର ର ଦକ୍ଷିଣ ଦ୍ୱାର ନିକଟରେ ଏକ ଚଉରି ଘର ନିର୍ମାଣ କରି,, ସବୁଦିନ ମହାପ୍ରସାଦ ର ବ୍ୟବସ୍ଥା କଲେ ।

ସେହିଦିନ ଠାରୁ ଭକ୍ତ ରଘୁବର ସବୁ ଦିନ ଜଗନ୍ନାଥ ଙ୍କୁ ଦର୍ଶନ କରି,, ଭଜନ କୀର୍ତନ ରେ କାଳାତିପାତ କଲେ l ଭକ୍ତବତ୍ସଳ ଭାବଗ୍ରାହୀ ମୀନ ରୂପରେ ତାଙ୍କ କର୍ଣ୍ଣରେ ନାରାୟଣ ନାମ ଶୁଣାଇ ରଘୁବର ଙ୍କର ଜୀବନ ର ଗତି କୁ ବଦଳେଇ ଦେଲେ l ସବୁଦିନ ପାଇଁ ଭକ୍ତ ର ଅଧିକାର ଦେଲେ l

ମୂଳ ମୋ ଭକତ ର ଭାବ। ଏ ଦ୍ରବ୍ୟ ମୋର କିସ ହେବ ।।

ଭକତ ମେରୁ ମାତ୍ରେ ଦେଲେ।ତାହା ମୁଁ ମଣେ ରେଣୁତଳେ ।।

ଭାବରେ ଥାଇ ସେ ଭୋଜନ।ସେ ମେରୁ ତୁଲେ ଦେବା ଧନ ।।

ସେ ମୋତେ ଅଟଇ କିଞ୍ଚିତ। ଶ୍ରଦ୍ଧା ନଥାଇ ଯାର ଚିତ୍ତ ।।

🙏🙏ଜୟ ଜଗନ୍ନାଥ ହରି ହରି ବୋଲ 🙏🙏

#ଭଗବତକଥା🙏🚩

ଓଁ ନମୋ ଭଗବତେ ବାସୁଦେବାୟ ❣️🙏

ଧୀବର ରଘୁବର ଦାସ ଓ ଶ୍ରୀ ଜଗନ୍ନାଥ

ଧୀବର_ରଘୁବର_ଦାସ_ଓ_ଶ୍ରୀଜଗନ୍ନାଥ