ଦୀଘାର ମନ୍ଦିର
--------------
ମମତା ବାନାର୍ଜୀ ଦୀଘାରେ କରିଲେ
ଶ୍ରୀ ଜଗନ୍ନାଥଙ୍କ ମନ୍ଦିର
ଜଗନ୍ନାଥ ଧାମ ନାମ ରଖିଥିଲେ
କଥା ହେଲା ମହାଘୋର।

ସଭିଏଁ ତେଜିଲେ ହିନ୍ଦୁ ଧର୍ମ ପାଇଁ
ଚାରି ଧାମ ଅଟେ ସାର
ଦୀଘା ମନ୍ଦିରକୁ ଧାମ କହିବାଟା
ହେଲା ବଡ଼ ଅବିଚାର।

ଅନୁସରଣରେ କରିଲ ମନ୍ଦିର
ସେ ନୁହଁଇ ଶ୍ରୀମନ୍ଦିର
ଜଗନ୍ନାଥଙ୍କର ବାସସ୍ଥାନ ଏଇ
ଶଙ୍ଖ କ୍ଷେତ୍ର ନାମ ଯା'ର।

ନୀତି ନିୟମକୁ ମାନୁଛ କିପରି
ଜଣା ନାହିଁ ଅବା କା'କୁ
ଖବର ପାଇବା ଦିନରୁ କାହିଁକି
ଭଲ ଲାଗେନା ମନକୁ ।

ଭକ୍ତି ଭାବେ ବନ୍ଧା କାଳିଆ ଠାକୁର
ଜଗତର ନାଥ ସାଇଁ
କୋଟି ଓଡ଼ିଆର ଭକ୍ତ ହୃଦୟର
ମୁକୁଟ ମୁକୁତା ସେଇ।

କେତେ ଭାବ କେତେ ଗଭୀର ଭାବନା
କେତେ ଭକ୍ତି, କେତେ ଶାନ୍ତି
କେତେ ସେ ଆନନ୍ଦ, ଉଲ୍ଲାସର ତେଜ
କେତେ ସେ ଭାବର ଗତି।

ଭକ୍ତ - ଭଗଵାନ ସମ୍ପର୍କ ଏମିତି
କାହିଁ ବା ଉପମା ତା'ର
ଭାବେ ବାନ୍ଧି ହୁଅ ଭବରୁ ନିସ୍ତର
ଥରେ ହୃଦେ ଭକ୍ତି ଭର।

_____________________________
-----:-:-:-:-:-:-:ଧନ୍ୟବାଦ:-:-:-:-:-:-----
[][][][][]ଲେଖକ:-ଅଙ୍କିତ ସାହୁ[][][][][][]
ଦଶମ ଶ୍ରେଣୀ ଛାତ୍ର, ଗ୍ଲୋବାଲ୍ ଇଣ୍ଡିଆନ ମଡେଲ ସ୍କୁଲ,ବିଦ୍ୟାଧରପୁର,କଟକ
ଅଙ୍କିତ ସାହୁ
ଠିକଣା: -ରାଜେନ୍ଦ୍ର ନାଗର, କଟକ |
ମୋ:-୮୨୪୯୬୮୪୫୯୯

ଦୀଘାର ମନ୍ଦିର

ମମତା ବାନାର୍ଜୀ ଦୀଘାରେ କରିଲେ ଶ୍ରୀ ଜଗନ୍ନାଥଙ୍କ ମନ୍ଦିର ଜଗନ୍ନାଥ ଧାମ ନାମ ରଖିଥିଲେ କଥା ହେଲା ମହାଘୋର।