ଗତ କିଛି ଦିନରୁ ସୁବାଷର ଜୀବନ ଏକ ଭୟଙ୍କର ସ୍ୱପ୍ନରେ ପରିଣତ ହୋଇଥିଲା। ରକ୍ତଭିଜା ବାଲିଶ, ଅଦୃଶ୍ୟ ଛାଇ, ଏବଂ ରାତିର ଫୁସଫୁସ୍ କଥା—ଏସବୁ ତାକୁ ନିଦ୍ରାହୀନ କରି ଦେଇଥିଲା। ତା’ର ସାଙ୍ଗମାନେ ଏପର୍ଯ୍ୟନ୍ତ ବିଶ୍ୱାସ କରୁନଥିଲେ, କିନ୍ତୁ ଆଜିର ରାତି ସେମାନଙ୍କ ଜୀବନକୁ ସବୁଦିନ ପାଇଁ ବଦଳାଇ ଦେବ...

ସଙ୍ଗମାନଙ୍କର ଅନୁଭୂତି

ସେଦିନ ରାତି ୨ଟା, ପିତାମ୍ବର ଟଏଲେଟ୍ ଯିବା ପାଇଁ ଉଠିଲା। ଫ୍ଲାଟର କରିଡର୍ ଅତ୍ୟନ୍ତ ଅନ୍ଧକାର ଥିଲା। ସେ ଟର୍ଚ୍ ଜଳାଇ ଆଗକୁ ବଢୁଥିବା ବେଳେ ହଠାତ୍ ତା’ର ପିଠିରେ କିଛି ଥଣ୍ଡା ହାତ ଛୁଇଁଲା! ସେ ଘୁରି ଚାହିଁଲା, କିନ୍ତୁ ପଛରେ କେହି ନଥିଲେ।

ତା’ର ହୃଦୟ ଜୋର୍ରେ ଧଡ଼କିଲା। ସେ ଦୌଡି କୋଠରିକୁ ଫେରିଲା ଏବଂ ରାଜାକୁ ଜଗାଇଲା। ରାଜା ତାକୁ ଡରୁଥିବାର ଦେଖି ହସିଦେଲା, କିନ୍ତୁ ପିତାମ୍ବର କାନ୍ଦି ପକାଇଲା—

"ମୁଁ ମିଛ କହୁନି! କାହାଣୀ କିଛି ଏଠାରେ ଅଛି!"

ଘରର ଇତିହାସ ଖୋଜିବା

ପରଦିନ ସକାଳେ ସେମାନେ ସ୍ଥାନୀୟ ଲାଇବ୍ରେରୀକୁ ଗଲେ ଏବଂ ଘରର ଇତିହାସ ଖୋଜିବାକୁ ଲାଗିଲେ। ପୁରାତନ ଖବରକାଗଜରେ ଏକ ଘଟଣା ମିଳିଲା—

"୨୦ ବର୍ଷ ପୂର୍ବେ ଏହି ଘରେ ଏକ ଯୁବତୀ ନିଜ ପ୍ରେମୀ ଦ୍ୱାରା ହତ୍ୟା ହୋଇଥିଲା। ତା’ର ଗଳା କାଟି ଦିଆଯାଇଥିଲା, ଏବଂ ଶବଟି କାନ୍ଥରେ ପୋତି ଦିଆଯାଇଥିଲା। ହତ୍ୟାକାରୀ କେବେ ଧରା ପଡିନଥିଲା..."

ସୁବାଷ ଓ ତା’ର ସାଙ୍ଗମାନେ ବୁଝିପାରିଲେ ଯେ ଯେଉଁ ଛାଇ ସେ ଦେଖୁଥିଲା, ସେଇ ହତ୍ୟା ହୋଇଥିବା ଯୁବତୀ ହୋଇଥାଇପାରେ!

ରାତିରେ ଭୟଙ୍କର ସତ୍ୟ

ସେହି ରାତି, ତିନି ଜଣ ଜାଗ୍ରତ ହୋଇ ବସିଲେ। ହଠାତ୍ ରୂପା ବାସନ ଗୁଡିକ ଆପେ ଆପେ ଖସି ପଡିଲା। ଟିଭି ଅନ୍ ହୋଇଗଲା, କିନ୍ତୁ ତା’ର ସ୍କ୍ରିନରେ ଏକ ରକ୍ତାକ୍ତ ମୁହଁ ଦେଖାଗଲା!

ତା’ପରେ କାନ୍ଥରୁ ଏକ ମହିଳାର କାନ୍ଦଣା ଶୁଭିଲା—

"ମୋତେ ଖୋଜ... ମୋ ଶବ ଖୋଜ..."

ସୁବାଷ ଓ ତା’ର ସାଙ୍ଗମାନେ ଡରରେ ଜଡିତ ହୋଇଗଲେ। କିନ୍ତୁ ଏଥର ସେମାନେ ବୁଝିପାରିଲେ ଯେ ଭୂତ ତା’ର ଶାନ୍ତି ପାଇଁ ସାହାଯ୍ୟ ମାଗୁଛି!

ଶବ ଖୋଜିବାର ନିଷ୍ପତି

ପରଦିନ ସକାଳେ ସେମାନେ କାନ୍ଥ ଭାଙ୍ଗିବାକୁ ନିଷ୍ପତି ନେଲେ। ଯେଉଁ କାନ୍ଥରୁ ଶଦ୍ଦ ଆସୁଥିଲା, ସେଠାରେ ଖୋଦନା ଆରମ୍ଭ କଲେ। କିଛି ସମୟ ପରେ କାନ୍ଥରୁ ଏକ ପୁରୁଣା ଶାଢି ବାହାରିଲା... ଏବଂ ତା’ର ତଳେ ଥିଲା ମାନବ ହାଡ!

ସ୍ଥାନୀୟ ପୁଲିସକୁ ଖବର ଦିଆଗଲା। ଖନନ କରି ଏକ ପୂର୍ଣ୍ଣ କଙ୍କାଳ ମିଳିଲା। ଡାକ୍ତରୀ ପରୀକ୍ଷାରୁ ଜଣାଗଲା ଯେ ଏହା ଏକ ଯୁବତୀର ଅସ୍ଥି ଯିଏକି ତା’ର ଗଳା କାଟି ହତ୍ୟା କରାଯାଇଥିଲା।

ଆତ୍ମାର ଶାନ୍ତି

ସେହି ରାତିରେ ସୁବାଷ ସ୍ୱପ୍ନ ଦେଖିଲା ଯେ ଯୁବତୀ ତାକୁ ଧନ୍ୟବାଦ ଜଣାଇଛି। ତା’ର ମୁହଁରେ ଏକ ଶାନ୍ତ ସ୍ମିତି ଥିଲା। ପରଦିନଠାରୁ ଘରେ କୌଣସି ଅସ୍ୱାଭାବିକ ଘଟଣା ଘଟିଲା ନାହିଁ।

କିଛି ଦିନ ପରେ ସେମାନେ ଘର ଛାଡିଦେଲେ। କିନ୍ତୁ ସେମାନେ ଜାଣିସାରିଥିଲେ ଯେ କେବେ କେବେ ମୃତ୍ୟୁ ମଧ୍ୟ ଆତ୍ମାକୁ ବନ୍ଦୀ କରି ରଖେ... ଏବଂ ସାହାଯ୍ୟ ମାଗେ .....

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ଦ୍ଵିତୀୟ ଭାଗ -୨ (ଅଦୃଶ୍ୟ ଅତିଥି)

ଦ୍ଵିତୀୟ ଭାଗ -୨ (ଅଦୃଶ୍ୟ ଅତିଥି)