ଗରିବ ମୂଲିଆ ସୁନ୍ଦରୀ ଝିଅଟେ ରାକ୍ଷୀଗଣ୍ଡେ ଧରି ରାତିଅଧିଆ ବୁଲୁଛି

ଭଲ ଦେହ ବେପାର ସେ କରୁଛି

ପରିବାର ତା'ର ପୋଷୁଛି

କତରା ପଟିରେ ରୋଗୀଣା ମାଆ ତା' ଘରେ ଛଟପଟ ହେଉଛି

କୁନି ଭାଇକୁ ତା' ଭଲରେ ପଢ଼ାଇ ବଡ଼ ମଣିଷ କରିବ ଭାବିନେଇଛି।

ହଠାତ୍ ରାତିରେ ପୋଲିସ୍ ଏସ୍. ଆଇ. ତା'କୁ ଧରିନେଇଛି

ମୂଲିଆ ଝିଅଟି ଗୋଡ଼ହାତ ଧରି ଅନୁରୋଧ ତାଙ୍କୁ କରି କହୁଛି -

ଛାଡ଼ିଦିଅ ବାବୁ, ମୋତେ ଭୋକ ହେଉଛି... (୨ଥର)

ଏଠି ରାକ୍ଷୀର ମୂଲ୍ୟ କିଏ ବୁଝୁଛି?!... (୨ଥର) ।।୧।।

ଏସ୍. ଆଇ. କିଆଁ ଛାଡ଼ିବା ଜନ୍ତୁ, ଖାନ୍ ତଲାସ୍ ଆଉ ଜେରା କରୁଛି

ଭୟରେ ଥରି ସେ ଦୁଃଖର କାହାଣୀ ଗୋଟି ଗୋଟି କରି କହୁଛି

ବାପା ମୋର ଅଟେ ମଦୁଆ-ଲମ୍ପଟ, ପର ସ୍ତ୍ରୀ ସାଥେ ଚାଲି ଯାଇଛି

ମାଆକୁ ମୋର ବ୍ଲଡ୍ କେନ୍ସର୍, ଅପେରେସନ୍ ପାଇଁ ଟଙ୍କା ଖୋଜୁଛି

ଭାଇକୁ ମୋର ଡ଼ାକ୍ତର କରିବି, ମନେ ମନେ ମୁଁ ସ୍ଥିର କରିଛି।

ଛାଡ଼ିଦିଅ ବାବୁ, ମୋତେ ଭୋକ ହେଉଛି... (୨ଥର)

ଏଠି ରାକ୍ଷୀର ମୂଲ୍ୟ କିଏ ବୁଝୁଛି?!... (୨ଥର) ।।୨।।

ଧମକ ଦେଇ ଏସ୍. ଆଇ. ବାବୁ ପଚାରିଲେ ତା'କୁ - ଏ ଖରାପ ରାସ୍ତା ସିଏ କାହିଁ ବାଛିଛି?!...

କାନ୍ଦି କାନ୍ଦି କହେ ମୂଲିଆ ଝିଅଟି - ଏ ସମାଜ ତା'କୁ ଧର୍ଷିତା ସଜାଇ ଦେଇଛି...

ରକ୍ଷକ ଏଠି ଭକ୍ଷକ ସାଜି, ନିଶ ମୋଡ଼ି ମୋଡ଼ି ହସୁଛି

ଏଠି ଅନ୍ୟାୟ-ଅନୀତି କିଏ ବା କାହାର ଶୁଣୁଛି? କିଏ ବା କାହାର ବୁଝୁଛି?.... (୨ଥର)

ଧର୍ଷିତା ସଜାଇ ଏ ସମାଜ ତା'କୁ ଭଲ ବେପାରଟେ ଦେଇଛି

ମାଆ ଭାଇଠୁ ସେ ଲୁଚି ଲୁଚି କରି ବୁଲୁଛି

ଭଦ୍ର ଝିଅ ଭଳି ଦିଶୁଛି

ପରିବାର ପାଇଁ ରାତା ରାତି ସିଏ, ତିଳ ତିଳ ହୋଇ ଜଳୁଛି

ଛାଡ଼ିଦିଅ ବାବୁ, ମୋତେ ଭୋକ ହେଉଛି... (୨ଥର)

ଏଠି ରାକ୍ଷୀର ମୂଲ୍ୟ କିଏ ବୁଝୁଛି?!... (୨ଥର) ।।୩।।

ଶେଷରେ ଏସ୍. ଆଇ. ବାବୁ କାନ୍ଦି ହାତ ଯୋଡ଼ି କହୁଛି -

"ଛାଡ଼ିଦେ ଏ କୁକର୍ମ, ଆଜିଠୁ ତୋତେ ମୁଁ ଭଉଣୀ କରିକି ନେଇଛି।"

ମୂଲିଆ ଝିଅଟି ମୁହଁ ମୋଡ଼ି କରି ତାତ୍ସଲ୍ୟ କରି କହୁଛି -

"ହୁଃଁ... ମୁଁ କ'ଣ ତୁମ ଏକା ଭଉଣୀ ହୋଇଛି?!..."

ଲକ୍ଷ ଲକ୍ଷ ଏଠି ମୋ ପରି ଭଉଣୀ, ଧର୍ଷିତା ସାଜି ଯାଉଛି... ଆତ୍ମହତ୍ୟା କରି ଦେଉଛି...

ବାନ୍ଧ୍... ଆଜି ମୋ ହାତରେ ରାକ୍ଷୀ, ଶପଥ କରି ମୁଁ କହୁଛି -

"ସମାଜରୁ ଯେତେ ଅନ୍ୟାୟ-ଦୁ୍ର୍ନୀତି ଦୂରେଇବି ବୋଲି ରାଣ ଖାଉଛି।"

ରାକ୍ଷୀର ମୂଲ୍ୟ ମୁଁ ବୁଝି ଯାଇଛି... (୨ଥର)। ।।୪।।

😭😭😭😭😭...

=×=×=×=

ନାମ : ରବୀନ୍ଦ୍ରନାଥ ସାହୁ

ଗ୍ରାମ/ପୋଷ୍ଟ୍ : ବି. ନୂଆଁ ପଲ୍ଲୀ

ବ୍ଲକ୍ : କବିସୂର୍ଯ୍ୟନଗର

ଜିଲ୍ଲା : ଗଞ୍ଜାମ

ରାଜ୍ୟ : ଓଡ଼ିଶା

ପିନ୍ କୋଡ୍ ନଂ : ୭୬୧୧୦୪

ଦୂରଭାଷ ନଂ : ୭୮୭୩୨୯୩୫୦୮, ୭୩୮୧୩୯୬୨୪୬

ଏଇଠି ରାକ୍ଷୀର କିଏ ବୁଝୁଛି?!