ଏକ ପକ୍ଷୀର କାହାଣୀ

******************⚫❗⚫

✍️ଚାରି ଜଣ ପଥିକଙ୍କୁ ଏକ ବଡ଼ ବୃକ୍ଷ ମୂଳରେ ଗୋଟିଏ ରାତ୍ରୀ ବିଶ୍ରାମ ନେବାକୁ ପଡ଼ିଲା । ଏହା ଶୀତ ଦିନ ଥିଲା । ତେଣୁ ନିଜକୁ ସେକିବା ପାଇଁ ସେମାନେ ନିଆଁ ଜଳାଇଲେ । ଏକ ପକ୍ଷୀ ତା ସ୍ତ୍ରୀ ଓ ପିଲାଙ୍କ ସହିତ ବୃକ୍ଷ ଉପରେ ରହୁଥିଲା । ଛୋଟ ପକ୍ଷୀ ଟି ତଳକୁ ଅନେଇଲା ଓ ପଥିକ ମାନଙ୍କୁ ଦେଖିଲା । ସେ ତା'ର ସ୍ତ୍ରୀକୁ କହିଲା: "ହେ ପ୍ରିୟତମା ! ଆମେ ବର୍ତ୍ତମାନ କଣ କରିବା ?।

✍️ଆମ ଘରକୁ କିଛି ଅତିଥି ଆସିଛନ୍ତି । ସେମାନେ କ୍ଷୁଧାର୍ତ୍ତ । ଆମକୁ କୋୖଣସି ମତେ ସେମାନଙ୍କ ପାଇଁ କିଛି କରିବାକୁ ପଡ଼ିବ । ଆମେମାନେ ଗୃହୀ, ଆମେ ସେମାନଙ୍କୁ କିଛି ଆତିଥ୍ୟସେବା ଦେଵା ଉଚିତ । ସେମାନଙ୍କୁ ଦେବା ପାଇଁ ଆମ ପାଖରେ କିଛି ନାହିଁ । ମୁଁ ମୋର ଶରୀର ସେମାନଙ୍କୁ ପ୍ରଦାନ କରିବି " । ସେ ତଳେଥିବା ନିଆଁ ଉପରକୁ ଡେଇଁ ପଡ଼ିଲା ଓ ପୋଡ଼ିଗଲା ।

✍️ପକ୍ଷୀଟିର ସ୍ତ୍ରୀ ସ୍ଵାମୀର ଏହି ମହାନ କାମକୁ ଦେଖୁଥିଲା। ସେ ମନେ ମନେ ଭାବିଲା: "ଚାରି ଜଣ ଅତିଥି ଅଛନ୍ତି । ସେମାନଙ୍କ ପାଇଁ ଗୋଟିଏ ପକ୍ଷୀର ମାଂସ ପର୍ଯ୍ୟାପ୍ତ ହେବନାହିଁ । ମୋ'ର ସ୍ବାମୀଙ୍କ ଶୁଦ୍ଧ ସଙ୍କଳ୍ପର ପୂରଣ‌ ପାଇଁ ମୋତେ ବି କିଛି ତ୍ୟାଗ ଦେଵାକୁ ପଡିଵ । ସ୍ତ୍ରୀ ର କର୍ତ୍ତବ୍ୟ ହେଲା ସବୁ ସମୟରେ ସ୍ଵାମୀର ସେବା କରିବା ଓ ସନ୍ତୁଷ୍ଟ କରିବା" । ସେ ମଧ୍ୟ ନିଜକୁ ଅଗ୍ନିରେ ଝାସ ଦେଲା ଓ ଶୀଘ୍ର ଜଳିଗଲା "।

✍️ପାଞ୍ଚୋଟି ଛୋଟ ଶାବକ ଭାବିଲେ: " ଆମ ଚାରି ଜଣ ଅତିଥିଙ୍କ ପାଇଁ ଖାଦ୍ୟ ତେବେ ବି ପର୍ଯ୍ୟାପ୍ତ ହେବନାହିଁ । ଆମ ବାପା ମାଆ ତାଙ୍କ କର୍ତ୍ତଵ୍ୟ ଭଲ ଭାବେ ପାଳନ କଲେ । ଆମେ ଆମ ଯୋଗ୍ୟ ପିତା ମାତାଙ୍କର ନାମ ରଖିବା ଉଚିତ । ସେମାନେ ବହୁତ ବଡ଼ ତ୍ୟାଗ କରିଛନ୍ତି, ଆମେମାନେ ମଧ୍ୟ ଏହି ଅତିଥି ଯଜ୍ଞ ପାଇଁ କିଛି ଯୋଗଦାନ କରିବା ଉଚିତ" । ସେମାନେ ମଧ୍ୟ ନିଆଁ ଉପରେ ଖସି ପଡ଼ିଲେ ଓ ଜଳି ମରିଗଲେ ।

✍️ଛୋଟ ପକ୍ଷୀ ମାନଙ୍କର କାମ ଦେଖି ଚାରି ଜଣ ଯାକ ପଥିକ ଅତ୍ୟନ୍ତ ଵିସ୍ମୟ ଚକିତ ହୋଇଗଲେ । ସେମାନେ ମାଂସ ଖାଇଲେ ନାହିଁ । ସେମାନେ ଉପାସ ରହିଲେ ।ଏଠାରେ ଏହି ଛୋଟ ପକ୍ଷୀ ମାନଙ୍କର ଆତ୍ମ ଵଳିଦାନ ର ଉତ୍ସାହ ଦେଖ ! ସେମାନଙ୍କ ଆଦର୍ଶ ଜୀବନ ଯାପନ କୁ ସ୍ମରଣ କରି ପ୍ରେରଣା ସଂଗ୍ରହ କର ।

✍️ଜଣେ କର୍ମ ଯୋଗୀ ବା ଏକ ଗୃହସ୍ଥ ଉଲ୍ଲେଖନୀୟ ଭାଵରେ ଆତ୍ମ ଵଳିଦାନ ର‌ ଗୁଣ ଅଧିକାର କରିବା ଉଚିତ । ସେ ଏକ ମହତ କାରଣ ପାଇଁ ଯେକୋୖଣସି ସମୟରେ ଶରୀର ତ୍ୟାଗ କରିବାକୁ ପ୍ରସ୍ତୁତ ରହିବା ଉଚିତ ।

✍️ସେହି କର୍ମ ଯୋଗୀ ବା ଗୃହସ୍ଥ ଯିଏ ଏକ ମହାନ ଉଦ୍ଦେଶ୍ୟ ପାଇଁ ତା'ର ଶରୀର ତ୍ୟାଗ କରେ ସେ ସେହି ସମାନ ଲକ୍ଷ୍ୟ ପ୍ରାପ୍ତ ହୁଏ ଯାହା ଏକ ରାଜ ଯୋଗୀ ଅସମପ୍ରଜ୍ଞାତ ସମାଧି ଦ୍ଵାରା ବା ଜଣେ ହଠ ଯୋଗୀ କୁଣ୍ଡଳିନୀ ଜାଗ୍ରତ ଦ୍ଵାରା ଓ ଏହାକୁ ସହସ୍ରାର ଚକ୍ରକୁ ନେଵା ଦ୍ଵାରା ଵା ଜଣେ ଵେଦାନ୍ତୀ ଶ୍ରବଣ ମନନ ନିଦିଧ୍ୟାସନ ଦ୍ଵାରା ଲାଭ କରିଥାଏ ।

✍️ଵିନା କଷ୍ଟରେ କୃଷ୍ଣ ମିଳନ୍ତି ନାହିଁ । ଉଭୟ ଶାରିରୀକ ଓ ମାନସିକ କ୍ଷେତ୍ରରେ ବିନା ଵଳିଦାନ ରେ ମହାନତା ଆଦୌ ପ୍ରାପ୍ତ ହେଵ ନାହିଁ ।🌹🌹