ସ୍ଵାଧୀନତା ର ୭୮ ବର୍ଷପରେ ମଧ୍ୟ ଆମ ଦେଶ ବାସୀଙ୍କ ମନରେ ସ୍ଵାଧୀନତା କୁ ନେଇ ସେଇ ଉତ୍ସାହ, ସେହି ଗୌରବ ଏବଂ ସେଇ ବିଜୟର ଆନନ୍ଦ ଦେଖାଦେଉଛି | ଆଉ ଆଗାମୀ ଶତାବ୍ଦୀ ଧରି ମଧ୍ୟ ସେହି ଭାବନା ଆମ ମଧ୍ୟର ରହିଥିବ | ମାଟି ମାଆ ପାଇଁ ନିଜ ମା ଠାରୁ ବି ଅଧିକ ସମ୍ମାନ ତ ଆମ ସମସ୍ତଙ୍କ ମନରେ ରହିଛି | ହେଲେ ସ୍ଵାଧୀନତା ଦିବସ ଆମ ସମସ୍ତଙ୍କ ମନକୁ ଗର୍ବ ମଣ୍ଡିତ କରି ପକାଏ | ଯେବେବି ଦେଶ ର ସ୍ଵାଧୀନତା କଥା ଉଠେ ତେବେ ତେବେ ସ୍ଵାଧୀନତା ସଂଗ୍ରାମୀଙ୍କ କଥା ବାରମ୍ବାର ମାନକୁ ଆସି ସେମାନଙ୍କ ଅବଦାନ କଥା ମନେପଡ଼େ | ଆଉ ହୃଦୟ ଗର୍ବରେ ଫାଟି ପଡ଼ିବା ସହ ଆଖି କାନ୍ଦି ଉଠେ | ତେବେ ସ୍ଵାଧୀନତା ସଂଗ୍ରାମରେ ଭାଗୀଦାର ଥିବା ମହିଳା ମାନଙ୍କ କଥା ଭାବିଲେ ମନକୁ ଆସେ ଯେ ଆମେ ଆଜିବି ନାରୀ ପୁରୁଷର ଭେଦ ଭିତରେ ପଶି ରହିଥିବା ବେଳେ ସେ ସମୟରେ ମହିଳା ମାନେ ଦେଶକୁ ସ୍ଵାଧୀନ କରିବା ପାଇଁ ଆଗେଇ ଆସିଥିଲେ | ଏହା ଭାବି ବେଳେବେଳେ ଆମ ପୁରୁଷ ପ୍ରାଧାନ୍ୟ ସମାଜ ତୁଚ୍ଛ ମନେହୁଏ |

ପୁଣି ଯେବେ ମହିଳା ସ୍ଵାଧୀନତା ସଂଗ୍ରାମୀଙ୍କ କଥା କୁହାଯାଏ ତେବେ ସର୍ବ ପ୍ରଥମେ "ଝାନ୍ସି ରାଣୀ ଲକ୍ଷ୍ମୀ ବାଇ" ଙ୍କ କଥା ମନକୁ ଆସେ | ଆଜି ନିଜ ସ୍ୱାଭିମାନ ପାଇଁ ଲଢ଼ୁଥିବା କୌଣସି ନାରୀକୁ ଲକ୍ଷ୍ମୀ ବାଇ ଙ୍କ ନାମରେ ସମ୍ବୋଧନ କରା ଯାଇଥାଏ ଆମ ସମାଜରେ | ତେବେ ୧୮୨୮ମସିହାରେ ଜନ୍ମିତ ଲକ୍ଷ୍ମୀ ବାଇ ଯିଏକି ମନିକର୍ଣିକା ତାମ୍ବେ ନାମରେ ନାମିତ ଥିଲେ, ପରବର୍ତ୍ତୀ ସମୟରେ ଝାନ୍ସିର ମହାରାଜା ଗଙ୍ଗାଧର ରାଓ ନେୱାକରଙ୍କୁ ବିବାହ କରିଥିଲେ | ୧୮୫୩ ରେ ରାଜାଙ୍କର ଅକାଳ ମୃତ୍ୟୁ ପରେ ଯେବେ ଇଷ୍ଟ ଇଣ୍ଡିଆ କମ୍ପାନୀ ଝାନ୍ସୀ ଉପରେ ନିଜର ନଜର ଗାଢ଼ କରିବାରେ ଲାଗିଲେ ତେବେ ୧୮୫୭ ରେ ସିପାହୀ ବିଦ୍ରୋହ ଦ୍ଵାରା ଝାନ୍ସୀ ପାଇଁ ଲଢ଼ିବା ତଥା ନାନା ସାହେବଙ୍କ ତତ୍ତ୍ଵାବଧାନରେ ମରାଠା ସାମ୍ରାଜ୍ୟ ପାଇଁ ଆନ୍ଦୋଳନ ଜାରି ରଖିଥିଲେ | ୧୮୫୮ରେ ବ୍ରିଟିଶ୍ ସରକାରଙ୍କ ବିରୋଧରେ ଲଢ଼ିବା ସମୟରେ ନିଜର ଦେହ ତ୍ୟାଗ କରିଥିଲେ | ତେବେ ତାଙ୍କର ଏହି ତ୍ୟାଗ ଆଜି ଯାଏଁ ବି ଭାରତୀୟଙ୍କ ହୃଦୟରେ ଅବିସ୍ମରଣୀୟ ହୋଇ ରହିଛି |

ପୁଣି ଇତିହାସରୁ "ବେଗମ୍ ହଜରତ ମହୁଲ୍" ଙ୍କ ଦେଶପ୍ରେମ ତଥା ବିଦ୍ରୋହ ବିଷୟରେ ଅନେକ ଅନେକ ତଥ୍ୟ ଆମକୁ ଜାଣିବାକୁ ମିଳେ | ୧୮୨୦ ରେ ଜନ୍ମିତ ବେଗମ୍ ହଜରତ ଇଷ୍ଟ୍ ଇଣ୍ଡିଆ କମ୍ପାନୀ ସହ ସିପାହୀ ବିଦ୍ରୋହ ରେ ଦେଶ ପାଇଁ ମୁଖ୍ୟ ଭୂମିକା ଗ୍ରହଣ କରିଥିଲେ | ସେ ଲକ୍ଷ୍ନୌ ଏବଂ ଉତ୍ତର ପ୍ରଦେଶରୁ ବିଦ୍ରୋହର ଭାଗୀଦାର ହୋଇଥିଲେ | ନିଜ ପୁତ୍ର କୁ "ଅୱଧ୍" ର ଶାସକ ବନେଇ ସାରିଲା ପରେ ସେ ଇଂରେଜଙ୍କ ବିରୋଧରେ ଲଢ଼ିବା ପାଇଁ ଅନେକ କ୍ଷେତ୍ରରେ ନିଜର ସାହସିକତା ହେଖେଇ ଥିଲେ | ତାଙ୍କ ସାହସିକତା ଏବଂ ଆତ୍ମବିଶ୍ବାସ ପାଇଁ ଆଜିଯାଏଁ ବି ସେ ଇତିହାସରେ ଅବିସ୍ମରଣୀୟ ହୋଇ ରହି ଯାଇଚନ୍ତି |

ଇତିହାସର ଆଉ ଗୋଟିଏ ଅବିସ୍ମରଣୀୟ ନାମ ହେଉଛି "କସ୍ତୁରବା ଗାନ୍ଧୀ" |୧୮୬୯ ରେ ଜନ୍ମିତ କସ୍ତୁରବା, ପରବର୍ତ୍ତୀ ମୁହୂର୍ତ୍ତରେ ଜାତୀୟ ପିତା ମହାତ୍ମା ଗାନ୍ଧୀଙ୍କୁ ବିବାହ କରିଥିଲେ | ଖୁବ୍ କମ୍ ବୟସରେ ବିବାହ କରିଥିବା ହେତୁ ଅନେକ ସମୟ ପର୍ଯ୍ୟନ୍ତ ନିଜ ବାପାଙ୍କ ଘରେ ଅନେକ ଦିନ ଧରି ରହିଥିଲେ ମଧ୍ୟ ନିଜ ସ୍ବାମୀଙ୍କର ପ୍ରେରଣା ଦ୍ଵାରା ଅନେକ ଆନ୍ଦୋଳନରେ ନିଜର ଯୋଗ ଦାନ ଦେଇଥିଲେ | ଜଣେ ଦେଶଭକ୍ତଙ୍କ ସ୍ତ୍ରୀ ତଥା ନିଜ ଜଣେ ଦେଶପ୍ରେମୀ ହବା ହେତୁ ଅନେକ ବିରୋଧରେ ନିଜର ବହୁମୂଲ୍ୟ ଯୋଗଦାନ ଦେଇଥିଲେ | ଅନେକ ଆଶ୍ରମରେ ମା ପରି ଆଶ୍ରମବାସୀଙ୍କର ସେବ କରିବା ପରେ ମଧ୍ୟ ଅନେକ ବିଦ୍ରୋହର ଭାଗୀଦାର ହୋଇ ଗିରଫ ହୋଇଛନ୍ତି ଏବଂ ଜେଲ୍ ମଧ୍ୟ ଯାଇଛନ୍ତି | ୧୯୪୨ ରେ ଭାରତ ଛାଡ଼ ଆନ୍ଦୋଳନରେ ସମୟରେ ନିଜେ ଯୋଗ ଦେଇଥିବା ବେଳେ ଯେବେ ସେ ଗିରଫ ହୋଇ ଆଗା ଖାନ୍ ପ୍ୟାଲେସ ରେ ବନ୍ଦୀ ହୋଇଥିଲେ, ତେବେ ପ୍ରବଳ ଶରୀର ରୋଗାକାନ୍ତ ହେବା ଦ୍ବାରା ତାଙ୍କ ମୃତ୍ୟୁ ହୋଇଥିଲା | ନିଜର ଶରୀର ର ପୀଡାକୁ ମଧ୍ୟ ଖାତିର ନକରି ଦେଶ ପାଇଁ ନିଜର ଯୋଗଦାନ ଦେଇ ଚାଲିଥିଲେ | ସେଥିପାଇଁ ତାଙ୍କର ନାମ ଇତିହାସରେ ସୁନେଲି ଅକ୍ଷରରେ ଲେଖା ହୋଇ ରହିଛି |

ପୁଣି "ସରୋଜିନୀ ନାଇଡୁ" ଙ୍କ କଥା ତ ପ୍ରାୟ ସମସ୍ତ ଭାରତୀୟଙ୍କୁ ଜଣା | ଜଣେ ନାରୀନେତ୍ରୀ ଏବଂ କବିୟତ୍ରି ଭାବରେ ପରିଚିତ ଥିଲେ | ସେ ନିଜ ଲେଖନି ମୁନରେ ଅନେକ ଦେଶବାସୀଙ୍କୁ ଦେଶର ସ୍ଵାଧୀନତା ପାଇଁ ଉତ୍ତେଜିତ କରି ପାରିଥିଲେ | ତାଙ୍କୁ "ଭାରତୀୟ କୋକିଳ" ବୋଲି ମଧ୍ୟ ସଂଵୋଧନ କରା ଯାଉଥିଲା | ସେ ଭାରତର ପ୍ରଥମ ମହିଳା ରାଜ୍ୟପାଳ ହବା ସଙ୍ଗେ ସଙ୍ଗେ ଭାରତୀୟ ଜାତୀୟ କଂଗ୍ରେସର ପ୍ରଥମ ମହିଳା ଅଧ୍ୟକ୍ଷା ଥିଲେ | ସେ ମହାତ୍ମା ଗାନ୍ଧୀଙ୍କ ଠାରୁ ଅନୁପ୍ରାଣିତ ହୋଇ ତାଙ୍କ ସହୋଜୋଗ ମଧ୍ୟ ହୋଇଥିଲେ |

ସେ ପିଲାଟି ଦିନରୁ ଅନେକ ସୌଖିନ୍ ରେ ବଦହୋଇଥିଲେ ଏବଂ ପାଶ୍ଚାତ୍ୟ ସଂସ୍କୃତି ଦ୍ଵାରା ପ୍ରଭାବିତ ଥିଲେ | ବିଦେଶରୁ ପାଠ ପଢ଼ି ଆସିବା ପରେ ଦେଶ ପ୍ରେମରେ ବିଲିଁ ହୋଇ ଅନେକ ଆନ୍ଦୋଳନରେ ଭାଗୀଦାର ହୋଇଥିଲେ | ଯୁବପିଢି କୁ ଜାଗ୍ରତ କରିବା ପାଇଁ ଏବଂ ମହିଳା ସଶକ୍ତିକରଣ ପାଇଁ ଦେଶ ବ୍ୟାପି ବକ୍ତୃତା ଦେଇ ଚାଲିଥିଲେ | ୧୯୨୫ ରେ ଜାତୀୟ କଂଗ୍ରେସରେ ଅଧ୍ୟକ୍ଷା ଭାବରେ ଯୋଗଦାନ ଦେଲେ | ପୁଣି ଭାରତ ଛାଡ଼ ଆନ୍ଦୋଳନରେ ଯୋଗଦାନ ଦେଇ ଜେଲ୍ ମଧ୍ୟ ଯାଇଥିଲେ | ରାଜ୍ୟପାଳ ପଦବୀ ପାଇଲା ପରେ ଅଧିକାର ପାଇଁ ସଂଗ୍ରାମ ତଥା ହିନ୍ଦୁ - ମୁସଲିମ ଏକତା ପ୍ରସଙ୍ଗରେ ନିଷ୍ଠାର ସହ ଆଗକୁ ବଢ଼ି ସଂଗ୍ରାମ ରେ ଭାଗୀଦାର ହୋଇଥିଲେ | ତାଙ୍କର ଏହି ଦେଶପ୍ରେମ ସମସ୍ତଙ୍କ ପାଇଁ ଅବିସ୍ମରଣୀୟ ହୋଇ ରହି ଯାଇଛି |

ଏହିପରି ଅନେକ ସେଶପ୍ରେମି ମହିଳାଙ୍କ ନାମ ଆମ ଇତିହାସରେ ଲିପିବଦ୍ଧ ହୋଇ ରହିଛି | ତେବେ ଆମର ପ୍ରଥମ କର୍ତ୍ତବ୍ୟ ହେଉଛି ସେମାନଙ୍କ ଅବଦାନ କୁ ମାନେ ପକାଇ ନିଜକୁ ଦେଶପ୍ରେମ ବିଲୀନ କରିବା ସହ ଏକ ଉନ୍ନତ ଏବଂ କଳୁଷିତ ମୁକ୍ତ ସମାଜ ଗଢିବାରେ ଆଗେଇ ଆସିବା |

ସୁସ୍ମିତା ଜେନା

ବିଶାଖାପାଟଣା

Female Freedom Fighter and their Sacrifices

ମହିଳା ସ୍ଵାଧୀନତା ସଂଗ୍ରାମୀ ଏବଂ ତାଙ୍କ ଅବଦାନ