ନଅ ତିଅଣ ଛଅ ଭଜା ତା ଆଗରେ ସବୁ ଫିକା।

ନ ରୁଚିଲା ଖାଦ୍ୟ ପାଟି କୁ ଯାଏ ସାଙ୍ଗରେ ଥିଲେ ଏକା ସେ ରଜା।।

ପିଲାଠୁ ବୁଢ଼ା ସଭିଙ୍କର ସେ ଆଶା।

କେଜାଣି କେମିତି ହେଲା ସେ ଏତେ ସରଶା।।

ପାଠକେ କହିବେ ନିଦ୍ୱନ୍ଦରେ ତାର ନା।

ମୋ ବୋଉ ହାତ ତିଆରି ଆମ୍ବ ଆଚାର।।

ଆମ ଜୀବନଟା ଦୁଃଖ,ସୁଖ,ଭଲ,ମନ୍ଦରେ ଭରା,ଅନ୍ୟପକ୍ଷରେ କହିବାକୁ ଗଲେ ଏହା ଏକ ଆଚାର ସତେ ଯେମିତି ଟିକେ ଖଟା-ମିଠା, ଟିକେ ରାଗ-ଲୁଣ ଏବଂ କେତେବେଳେ ପୂରା ବେଶି ମସଲା ରେ ଭରା ତ,କେତେବେଳେ ବିନା ମସଲା ରେ ପୁରା ସାଧା ସିଧା।

ଆଚାର ଖାଦ୍ୟର ମୋହ ଦୁଇଗୁଣା କରିଦିଏ।

ଖରାଦିନ ଆସିବା ମାତ୍ରେ ଘରେ ଘରେ ଆଚାର ତିଆରି ଆରମ୍ଭ ହୋଇଯାଏ।ପୁଅ ହେଉ କି ଝିଅ ସମସ୍ତେ ଆଚାର ଖାଇବାକୁ ପସନ୍ଦ କରନ୍ତି। ଆଚାର ଘର ବାହାର ସବୁଠି ସୁଲଭ ଦରରେ ସହଜରେ ମିଳିଯାଏ ଆଚାର ଅନେକ ପ୍ରକାରର ଖଟା,ମିଠା ରାଗ ,ଲୁଣ ଏପରି ବିଭିନ୍ନ ସ୍ବାଦ ର ଆଚାର ରହିଥାଏ ।

ହେଲେ କଣ ଜାଣନ୍ତି ଏହି ଆଚାର ଯାହା ପାଟିକୁ ଏତେ ସୁସ୍ୱାଦୁ ଲାଗିଥାଏ ତାହା ଆମ ଶରୀର ପାଇଁ କେତେ ଉପଯୋଗୀ।ଏମିତି ତ ଅନେକ ବଡ଼ବଡ଼ ଆଚାର କମ୍ପାନି ମଧ୍ୟ ରହିଛି ଯେଉଁଠି ଛୋଟ ଠାରୁ ବଡ଼ ପ୍ୟାକେଟ ଆଚାର ତିଆରି କରି ବଜାରରେ ବିକ୍ରି କରାଯାଏ।

କଣ ଏହା ଠିକ ଉପାୟରେ ତିଆରି ହୁଏ?

ଏହା କଣ ଆମ ଶରୀର ପାଇଁ ସୁସ୍ଥକର?

ଆଗରୁ ରହି ଆସିଛି ଆଚାର ତିଆରି କରିବାର ସଠିକ ପ୍ରଣାଳୀ ବା ପଦ୍ଧତି।

ଆମ ଜେଜେମା ଓ ଆଇ ମାଆ ମାନେ କିପରି ଋତୁର ପରିବର୍ତ୍ତନରେ ସମୟାନୁ ରାଗି ଆଚାର ତିଆରି କରିଥାନ୍ତି ସାଧାରଣତଃ ଖରା ଦିନେ ବେଶି ଆଚାର ତିଆରି ହେବାର ନଜର ଆସିଛି। ଏହିଦିନ ଆମ୍ବ, କୋଳି, ତେନ୍ତୁଳି ଏବଂ ଆଚାରର ମୁଖ୍ୟ ଖରା ରହିଥାଏ।ଆଚାରର ମୁଖ୍ୟ ଖରା ହେଉଥିବା ବେଳେ ଆଚାର ଯେତେ ଖରାରେ ସଠିକ ଭାବେ ସୁଖୀକି ତିଆରି ହୋଇଥିବ ତାହା ବେଶୀ ଦିନ ଯାଏ ଭଲରେ ବିନା କୌଣସି ଖରାପ ହେବନାହିଁ।

ବଜାରରେ ତିଆରି ଆଚାର ର ପ୍ରଣାଳୀ ସାଧାରଣତଃ ଚାରି କାନ୍ଥ ମଧ୍ୟରେ ଏବଂ ବିଭିନ୍ନ ବୈଷୟିକ ଯାନ୍ତ୍ରିକ ମେସିନ ଦ୍ବାରା ତିଆରି ହେଉଛି।ଯେମିତି ଫଳ ବା ପରିବା ଖରା ଦେବା ପରିବର୍ତ୍ତେ ମେସିନ୍ ଦ୍ବାରା ଶୁଖାଇ ଏବଂ ଅଧିକ ଦିନ ଷ୍ଟୋର କରି ରଖିବା ପାଇଁ ସେଥିରେ ଅଧିକ ତେଲ ଏବଂ କେମିକାଲ ବ୍ୟବହାର କରୁଛନ୍ତି ଯାହା ଆମ ସ୍ବାସ୍ଥ୍ୟ ପକ୍ଷେ ହିତକର ନୁହେଁ ।

ହେଲେ ଆମ ଘରେ ହେଉଥିବା ଆଚାର ସ୍ୱାସ୍ଥ୍ୟପକ୍ଷେ ହିତକର ହୋଇଥାଏ ।

ଜାଣିବା ଘର ତିଆରି ଆଚାର ପ୍ରଣାଳୀ :-

ଆବଶ୍ୟକୀୟ ସାମଗ୍ରୀ :-ଆମ୍ବ, ଶୁଖିଲା ଲଙ୍କା, ସୋରିଷ ତେଲ,ସୋରିଷ,ଧଳା ସୋରିଷ, ମେଥୀ, ପାନମଧୁରୀ, ଗୋଲମରିଚ, ତେଜପତ୍ର, ଗୋଟା ଧନିଆ, ଲୁଣ, ଗୁଡ, ହଳଦୀ ଗୁଣ୍ଡ,ଜିରା ପଞ୍ଚଫୁଟଣ।

ପ୍ରଣାଳୀ :-

ପ୍ରଥମେ କଞ୍ଚା ଆମ୍ବକୁ କାଟି ଲୁଣ ହଳଦୀ ଗୋଳାଇ ଖରାରେ ଚାରି ରୁ ପାଞ୍ଚ ଦିନ ଭଲରେ ଶୁଖାଇଦେବା। ଆମ୍ବକୁ ପୁରା ଶୁଖାଇବା ନାହିଁ, ଅଳ୍ପ ରସ ଥିବା ଅବସ୍ଥାରେ ଆଚାର ପ୍ରସ୍ତୁତ କଲେ ତାର ସ୍ୱାଦ ନିଆରା ଆସେ, ପୁରା ଶୁଖାଇ ଆମ୍ବୁଲରେ ମଧ୍ୟ ଆଚାର ଭଲ ସ୍ୱାଦ ଲାଗିଥାଏ ବର୍ତ୍ତମାନ ଏବେ ଆଗ ଆଚାର ପ୍ରସ୍ତୁତ କରିବା ।

ପ୍ରଥମେ ଚୁଲି ଲଗାଇ କଡେଇରେ ସମସ୍ତ ଶୁଖିଲା ମସଲାକୁ ହାଲକା ଭାଜି ନବା, ଶୁଖିଲା ମସଲା ଭାଜିବା ପରେ ଏହାକୁ ଦରଦରା ଗୁଣ୍ଡ କରିଦେବା କେବଳ ପଞ୍ଚଫୁଟଣକୁ ଛାଡ଼ିଛି ।

ଏବେ ଆଉ ଗୋଟିଏ କଡ଼େଇ ଚୁଲୀରେ ବସାଇ ସେଥିରେ ସୋରିଷ ତେଲ ପକାଇ ଭଲଭାବେ ଗରମ କରି ସେଥିରେ ଅଳ୍ପ ଟିକେ ପଞ୍ଚଫୁଟଣ ପକାଇଦେବା।ଫୁଟଣ ଭଲସେ ଫୁଟିଗଲେ ଗୁଡ଼ ପକାଇ ତରଳ କରିବା, ଗୁଡ ପକାଇଲା ପରେ ସେଥିରେ ଗୋଟେ ସୁନ୍ଦର କଲର ଆସିଯାଏ। ତାହା ପରେ ଗ୍ୟାସ ବନ୍ଦ କରି ଶୁଖା ଆମ୍ବ ଓ ଗୁଣ୍ଡ ମସଲା ପକାଇ ଆବଶ୍ୟକ ମୁତାବକ ଲୁଣ ପକାଇ ଭଲଭାବେ ଗୋଳାଇ ଥଣ୍ଡା ହବାଜାଏଁ ରଖିବା ।ଏହି ଆଚାରକୁ ଗୋଟେ ରୁ ଦୁଇଦିନ ଆଉ ଖରାରେ ଶୁଖାଇ ଏକ କାଚ ଜାର୍ ରେ ବନ୍ଦ କରି ରଖିବା।ଆଚାର ବର୍ଷେ ଯାଏଁ ସେଭଳି ରହିଥିବା ଏଥିରେ କୌଣସି ନଷ୍ଟ ହେବାର ନାହିଁ ସମୟ ସହ ଏହି ଆଚାରର ସ୍ୱାଦ ବଢ଼ି ଚାଲିଥାଏ ।

ଘର ତିଆରି ଆଚାର ର ସବୁଠାରୁ କୌତୁହଳ କଥା ଆଉ ଲାଭଦାୟକ କଥା ଏହାକୁ ଲୁଚାଇ ଖାଇବା ଏବଂ ଏହା ତିଆରି ହେବା ପୂର୍ବରୁ ଶୁଖିବା ଅବସ୍ଥାରେ ଏହାର ମଜା ନେଇ ସାଙ୍ଗ ମେଳରେ ଘର ହେଉ କିମ୍ବା ପଡିଶା ଘରର ଶୁଖିଥିବା ଆଚାର ଲୁଚାଇ ଚୋରି କରି ଖାଇବା ।ଯାହା ଜୀବନର ଗୋଟେ ଖୁସିର ସମୟକୁ ସାଇତିକରି ରଖିଦେଇଥାଏ ।

ଏହିପରି ଭାବରେ କୋଳି,ବିଭିନ୍ନ ପରିବା, ଫଳ ର ଆଚାର ଆବଶ୍ୟକ ସ୍ଵାଦ ଅନୁସାରେ ତିଆରି କରିପାରିବେ ।

ଆଚାର କେବଳ ଖାଦ୍ୟରେ ରୁଚି ଅନୁସାରେ କିଛି ମାତ୍ରାରେ ଖାଇବା ଆବଶ୍ୟକ ଏହା ଯେହେତୁ ଅତ୍ୟଧିକ ତେଲ ମସଲା ଯୁକ୍ତ ହୋଇଥିବାରୁ ଏହା ସ୍ବାସ୍ଥ୍ୟ ପକ୍ଷେ ହିତକର ହୋଇନଥାଏ ଏହାର ଅତ୍ୟଧିକ ମାତ୍ରାରେ ଗ୍ୟାସ୍ ର କାରଣ ହୋଇପାରେ ଏହା ଅନେକ ଦିନ ବନ୍ଦ ରହିବା ଦ୍ୱାରା ଅନେକ ଛୋଟ ବ୍ୟାତ୍କେରିଆ ଜାତ ହୋଇଥାଏ ଯାହା ସ୍ୱାସ୍ଥ୍ୟ ପ୍ରତି ହିତକର ନୁହେଁ।

କିନ୍ତୁ ଏହା ଖାଦ୍ୟକୁ ଖାଇବାକୁ ସହଜ ଓ ସରଳ କରିଥାଏ ଏବଂ ଘର ତିଆରି ଆଚାର ବିନା କୌଣସି ରାସାୟନିକ ପଦାର୍ଥ ବା କୌଣସି ଅପବର୍ଜିତ ସ୍ତାନରେ ହୋଇନଥାଏ ଏହା ଦ୍ୱାରା ଏହା ସ୍ୱାସ୍ଥ୍ୟ ପକ୍ଷେ କିଛି ଅଂଶରେ ସ୍ୱାସ୍ଥ୍ୟପ୍ରଦ ହୋଇଥାଏ ଏବଂ ଆମେ ସମସ୍ତେ ଘର ତିଆରି ଆଚାର କୁ ବେବହାର କରିବା ଉଚିତ୍ ।

ଘର ତିଆରି ଆଚାର ଖାଇବାର ଉପାଦେୟତ(Health benifits of consuming homemade pickles)

ବୋଉ ହାତ ତିଆରି ଆଚାର।