"ଗଛ ନାହିଁ କି ପତ୍ର ନାହିଁ

ଛାଇ ଖୋଜିଲେ ପାଇବା ନାହିଁ

ଖରା ହେଉଛି ସାଇଁ ସାଇଁ

ପ୍ରଖର ତାପରୁ ମୁକ୍ତି ନାହିଁ"।।

ପୃଥିବୀ ପୃଷ୍ଠର ଆବର୍ତ୍ତନ ଓ ପରିକ୍ରମଣ ଧାରା ଅନୁଯାୟୀ ପ୍ରତିବର୍ଷ ବାର ମାସ ସହ ଛଅ ଋତୁ ଆସିଥାଏ। ଋତୁ ବଦଳିବା ସାଥିରେ ପ୍ରକୃତିର ପ୍ରଭାବ ମଧ୍ୟ ବଦଳିଥାଏ।

ବଙ୍ଗୋପସାଗରର ପଶ୍ଚିମ କେନ୍ଦ୍ର ଏବଂ ଭାରତର ପୂର୍ବାଞ୍ଚଳ ଉପକୂଳ ରେ ଆଣ୍ଟି ସାଇକ୍ଲୋନ ସିଷ୍ଟମ ଯୋଗୁଁ ଓଡ଼ିଶା ଓ ପଶ୍ଚିମବଙ୍ଗ ଆଡ଼କୁ ଥଣ୍ଡା ପବନର ଅଟକିଥିବା ଫଳରେ ଅତ୍ୟାଧିକ ତାପମାତ୍ରା ଦେଖାଯାଉଛି ।୧୯୪୦ମସିହା ପରଠାରୁ ଆମ ରାଜ୍ୟ ଓଡ଼ିଶା ରେ ଏହି ବର୍ଷର ଅପ୍ରେଲ କୁ ଉତ୍ତପ୍ତ ଅପ୍ରେଲ ରୂପେ ନାମ ଦିଆହୋଇଛି। ଏତେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଫଳରେ ଜନ ଜୀବନ ଅସ୍ତବ୍ୟସ୍ତ କରିଦେଲାଣି।

ସକାଳ ପ୍ରହରରୁ ଉତ୍ତପ୍ତ ଅତ୍ୟନ୍ତ ଅସଃହାୟ ହେବା କାରଣରୁ ବାହାରକୁ ବାହାରିବା ଅସମ୍ଭବ ହୋଇପଡ଼ିଛି।

ବିଦ୍ୟାଳୟ ଓ ବିଭିନ୍ନ ପ୍ରକାର କାର୍ଯ୍ୟାଳୟ କୁ ସକାଳ ସମୟରେ କାର୍ଯ୍ୟ ରତ ରଖିବା କଷ୍ଟକର ହୋଇଛି। ସକାଳ ସମୟରେ ଅତ୍ୟଧିକ ଟାଣ ହେବାଫଳରେ ଉତ୍ତପ୍ତ ଭାତହାଣ୍ଡି ର ରାଜ୍ୟ ହୋଇଯାଇଛି।

ଦିନ ମଜୁରିଆ ଓ ଚାଷୀମାନେ, ଶ୍ରମିକ, ପନିପରିବା ବେପାର କରିବା,ଖିର ବ୍ୟବସାୟ ଏପରି ଅନେକ ଲୋକଙ୍କୁ ଅସମ୍ଭାଳ ରୌଦ୍ରତାପରେ ଦାରୁଣତା ସହ୍ୟ କରିବାକୁ ପଡୁଛି। ପବନ ର ଲୋପ ଘଟିଛି,ବର୍ଷା ଉଭେଇ ଗଲାଣି, ଗଛପତ୍ର , ବଣଜଙ୍ଗଲ ଇତ୍ୟାଦି ଧ୍ବଂସ ଭିମୁଖ ହୋଇ ପ୍ରଚଣ୍ଡ ଉତ୍ତାପ ଦାଉ ସାଧିବାର ମୁଖ୍ୟ କାରଣ। ଏଥିସହିତ ବାରମ୍ବାର ବିଜୁଳି କାଟ ଯୋଗୁଁ ମରଣାନ୍ତକ ନିଯ୍ୟାତନାର ଶିକାର ହେବା ପାଇଁ ପଡୁଛି।

ବହୁତ ଜଣଙ୍କୁ ଅଂଶୁଘାତ ଜନିତ ସମସ୍ୟା ଦେଖାଗଲାଣି। ଅଂଶୁଘାତରେ ମୃତ୍ୟୁ ସଂଖ୍ୟା ବୃଦ୍ଧି ଘଟିବାରେ ଲାଗୁଛି। ମୁଣ୍ଡ ଉପରେ ସୂର୍ଯ୍ୟକିରଣ ପଡି ମୂର୍ଚ୍ଛିତ ଅବସ୍ଥାରେ ଲୋକ ଭୟରେ ବାହାରକୁ ଯିବାକୁ ସଙ୍କୁଚିତ ହେଉଛନ୍ତି। ଏଥି ସାଙ୍ଗକୁ ବିବାହ,ବ୍ରତ, ଗୃହ ପ୍ରତିଷ୍ଠା ଓ ଜନ୍ମ ବାର୍ଷିକ ଉତ୍ସବରେ ଯୋଗଦେବା ପାଇଁ ପ୍ରବଳ ଭୟ କରୁଛନ୍ତି। ସମସ୍ତଙ୍କୁ ନାହିଁ ନଥିବା ଅସୁବିଧା ଭୋଗିବାକୁ ପଡୁଅଛି। ଚତୁର୍ଦ୍ଦିଗ ଶୁନ୍ ଶାନ ହୋଇପଡ଼ିଛି। ପଶୁପକ୍ଷୀଙ୍କୁ ମଧ୍ୟ ଗରମର ଯନ୍ତ୍ରଣା ସହିବାକୁ ପଡ଼ିଛି।

ଚାରି ପଟେ ଗଛପତ୍ର କଟାଯାଇ କୋଠା ବାଡି, ଭୁବନ, ମହଲ ଇତ୍ୟାଦି ନିର୍ମାଣ କରାଯିବାଲାଗି ଅମ୍ଳଜାନ ର ଘୋର ଅଭାବରୁ ଏହି ଦାରୁଣ କଷ୍ଟ ସମ୍ମୁଖସ୍ଥ ହେବାକୁ ପଡ଼ୁଛି।

ରାସ୍ତାଘାଟ ଓ ଛକରେ ଜଳଛତ୍ରର ସୁବିଧା ରହିଛି ଓ ପାନୀୟ ଜଳର ସୁବ୍ୟବସ୍ଥା ରଖିବା ଫଳରେ ବାଟୋଇ ଓ ଯାତ୍ରୀ ମାନଙ୍କ ସୁବିଧା ଯୋଗାଇ ଦିଆଯାଉଛି । ସମ୍ଭ୍ରାନ୍ତ ବ୍ୟବସାୟୀ ମାନଙ୍କ ଆନୁକୂଲ୍ୟରେ ପ୍ରତ୍ୟେକ ସ୍ଥାନଗୁଡିକ ରେ ପଣାପାଣି ବଣ୍ଟନ ସୁବିଧା ରହିଛି। ଘରେ ଘରେ ଶୀତଳୀକରଣ ଲଗାଇ ଆରାମ ପାଇବା କୁ ଚେଷ୍ଟା ବିଫଳରେ ପକାଉଛି। ବାରମ୍ବାର ବିଜୁଳି କାଟ ଯୋଗୁଁ ଅସହ୍ୟ ହୋଇଛି। ପଖାଳ ଭାତ, ମାଣ୍ଡିଆ, ଦହି, ଘୋଳଦହି, ତୋରାଣି, କାଞ୍ଜି, ଲେମ୍ବୁପାଣି ଇତ୍ୟାଦି ବାରମ୍ବାର ପିଇବାକୁ ଇଚ୍ଛା ହେଉଅଛି। ତରଭୂଜ,ଡାଳିମ୍ବ ଓ ଅନ୍ୟାନ୍ୟ ଶୀତଳ ପାନୀୟ କୁ ହିଁ ମନ ବଳାଇ ଥାଏ‌।ଶୋଷରେ ପ୍ରାଣବାୟୁ ଉଡିଗଲା ପରି ମନେ ହେଉଥାଏ। ସତରେ ଦିନକୁ ଦିନ ଉତ୍ତାପର ଦାଉ ବୃଦ୍ଧି ଘଟିବାରେ ଲାଗୁଛି।

ଜମିବାଡି ସବୁ ମରୁଡି ପରିସ୍ଥିତିର ସମ୍ମୁଖରେ ପହଞ୍ଚି ଗଲାଣି। ପୋଖରୀ, ନଦୀର ଜଳସ୍ତର ହ୍ରାସ ଘଟୁଛି। ହାହାକାର ଅବସ୍ଥାରେ ପହଂଚି ଗଲାଣି।

ଏଣୁ ସମସ୍ତ ବ୍ୟକ୍ତିବିଶେଷଙ୍କୁ ବିନୀତ ଅନୁରୋଧ ଯେ ସମସ୍ତେ ପ୍ରତ୍ୟେକ ସ୍ଥାନରେ ଗୋଟିଏ ଗୋଟିଏ ବୃକ୍ଷ ଲଗାଇ ପରିବେଶ କୁ ସୁରକ୍ଷିତ ରଖନ୍ତୁ ‌।

ପ୍ରତିଦିନ ବ୍ୟବହୃତ ହେଉଥିବା ମଞ୍ଜି , ଆମ୍ବଟା ଙ୍କୁ ଓ ବିହନ କୁ ସାଇତି ରଖି ଯାତାୟାତ ରାସ୍ତା କଡ଼ରେ ରୋପଣ କରି ପରିବେଶ ପ୍ରଦୂଷଣ କୁ ଅଟକାଇବା ଉଚିତ୍ ,ନଚେତ୍ ଡାଇନୋସର ଓ ସିଂ ପାଞ୍ଜି ର ଲୋପ ଘଟିଲା ପରି ବୃକ୍ଷର ମଧ୍ୟ ଲୋପ ଘଟିବ। କେବଳ ସଂଗ୍ରହାଳୟ ଓ ପୁସ୍ତକ ମାନଙ୍କରେ ଫୋଟ ଆକାରର ବୃକ୍ଷକୁ ଦେଖିବା କୁ ପଡିବ ଏବଂ ଦିନକୁ ଦିନ ଉତ୍ତାପର ବିଭତ୍ସ କୁ ସହି ଅଳ୍ପାୟୁ ହେବାକୁ ପଡ଼ିବ। ଏଥିରେ ତିଳେ ମାତ୍ର ବି ସନ୍ଦେହ ନାହିଁ।

#######################

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ-

---୯୩୪୮୨୮୫୪୧୬

ଗ୍ରୀଷ୍ମପ୍ରବାହ ରେ ଓଡ଼ିଶା ର ଅବସ୍ଥା

ଗ୍ରୀଷ୍ମପ୍ରବାହ ରେ ପ୍ରଚଣ୍ଡଖରା ର ପ୍ରକୋପ ବଢିବାରେ ଲାଗିଛି।