ପ୍ରଥମ ଗୁରୁ ହେ ମା ବାପା ତୁମେ

ତୁମ ପାଦ ତଳେ ପ୍ରଣାମ

ଦ୍ଵିତୀୟ ଗୁରୁ ମୋ ମାଟି ମା ତୁ ଲୋ

ତୋ କୋଳେ ହୋଇଛି ଜନମ...!!!

ଅଜ୍ଞାନ ରୂପକ ତିମିର ଭିତରୁ

ଜ୍ଞାନର ଆଲୋକ ଦେଇ

ବିଦ୍ୟାଦାତା ଗୁରୁ ପାରି କଲେ ମତେ

ଜୀବନ ନାବିକ ହୋଇ...!!!

ଶତ ଶତ ମୋର ପ୍ରଣାମ ତୁମକୁ

ଆହେ ମୋର ବିଦ୍ୟାଦାତା

ଦୁନିଆ ବୁକୁରେ ନଥିବେ ବଡ ଯେ

ତୁମ ପରି କେ ଦେବତା....!!!!

ଗୁରୁ ବ୍ରହ୍ମା ପୁଣି ଗୁରୁ ଯେ ବିଷ୍ଣୁ

ଗୁରୁ ଦେବ ମହେଶ୍ବର

ଗୁରୁଙ୍କ ପାଦରେ ଏ ଜୀବନ ଅର୍ପିତ

କୁଣ୍ଠାବୋଧ ନାହିଁ ମୋର....!!!!

ଦୁନିଆ ରେ ଯେତେ ଯିଏ ବଡ ହେଲେ

ହୁଏନାହିଁ ଗୁରୁ ସମାନ

ଡାକ୍ତର ହଉ କି ହଉ ସେ ଦପ୍ତର

କରଇ ଗୁରୁଙ୍କୁ ସମ୍ମାନ....!!!!

ନୁହଇଁ ଇଏତ ଆଜିର ସମ୍ପର୍କ

ଏ ତ କେଉଁ ଯୁଗ ଯୁଗର

ପୁରାଣ କହୁଛି ଶାସ୍ତ୍ର ବି କହୁଛି

ଗୁରୁ ହିଁ ଶିଷ୍ୟ ର ଆଧାର.....!!!!

ନୁହଇଁ ମୁଁ ରାମ, ଏକଲବ୍ଯ ପୁଣି

ଅରୁଣୀ, କୃଷ୍ଣ, ଅର୍ଜୁନ

ନୁହେ ମୁଁ ନରେନ୍ଦ୍ର ନୁହେ ଲବକୁଶ

ନୁହଁଇ ମୁଁ ହନୁମାନ....!!!!

ହେଲେ ଗୁରୁ ସଦା ମୋ ପାଇଁ ଅଟନ୍ତି

ସେହି ସବୁ ଗୁରୁ ପରି

ଧୌମ୍ୟ, ସନ୍ଦିପଣି, ବଶିଷ୍ଠ, ଦ୍ରୋଣ ଯେ

ହେବେନି କେ ତାଙ୍କ ସରି....!!!!

ଧନ୍ୟବାଦ ଶବ୍ଦ ଉଣା ଯେ ଲାଗିବ

ତୁମ ଆଗେ ମୋର ପ୍ରଭୁ

ତଥାପି କରୁଛି ଶତ ଧନ୍ୟବାଦ

ତୁମ ପାଇଁ ଆଜି ଏ ସବୁ.....!!!!

ଏବେ କିବା ଅଛି ସେ ମିଠା ସମ୍ପର୍କ

ଗୁରୁ ଶିଷ୍ୟ ମଧ୍ୟେ ଆଉ

ଶିଷ୍ଯଗଣ ଏବେ ଆଉ କି ରାନ୍ଧୁଛି

ମିଠା କନ୍ଦମୂଳ ଜାଉ.....!!!!!

ଆଉ କି ହସୁଛି ଆଶ୍ରମର ଶିରୀ

ଶିଷ୍ୟଗଣେ ହୋଇ ପୂର୍ଣ୍ଣ

ଆଉ କି ଆସୁଛି ସାହାର୍ଯ୍ୟର ଭାବ

ଦେଖିଦେଲେ ଜରାଜୀର୍ଣ୍ଣ....!!!!

ଆଉ କି ମିଳୁଛି ସେ ଶିକ୍ଷା ସଂସ୍କୃତି

ଗୁରୁଜୀଙ୍କ ଲମ୍ବା ଛାଟ

ଆଉ କି ଦେଖୁଛି ଗୁରୁଜୀଙ୍କ ରାହା

ଚାଲିବା ପାଇଁ କି ବାଟ.....!!!!!

ସବୁ ଏବେ ନିଜ ନିଜର ଭିତରେ

ହୋଇ ରହୁଛନ୍ତି ବ୍ୟସ୍ତ

କାହାରି ମୁହଁ କୁ କେହି ନ ଚାହୁଁଛି

ସରିଗଲେ ପଢ଼ା ଭୂତ....!!!!!

ଯାହା ମୁଁ ହୋଇଛି ଆଜିର ଦିନରେ

ସବୁକିଛି ତୁମ ଦାନ

ତୁମେ ମୋର ମାତା ତୁମେ ମୋର ପିତା

ତୁମେ ଇଶ୍ୱର ସମାନ....!!!!

କ୍ଷମାଦାତା ଆହେ କ୍ଷମାର କରୁଣା

କ୍ଷମାର ପୁଣି ସାଗର

ତ୍ରୁଟି ଥିଲେ କିଛି କ୍ଷମା କରିଦେବେ

ଦୋଷ ନ ଧରିବେ ମୋର.....!!!!!

ପିମ୍ପୁଡ଼ି ଠୁ ହାତୀ, ଗଛଲଟା ଯେତେ

ସଭିଙ୍କୁ ମୋର ପ୍ରଣାମ

କିଛି ନା କିଛି ସେ ଶିଖାଇ ଅଛନ୍ତି

କରି ସେ ଅନେକ କାମ.....!!!!

ଜୀବନରେ ଯେତେ ଜଣଙ୍କୁ ଭେଟିଛି

ସଭିଙ୍କୁ ମାନଇ ଶିକ୍ଷକ

ସବୁଠୁଁ ମିଳିଛି ଶିକ୍ଷଣୀୟ କଥା

ସଭିଏଁ ଅଟନ୍ତି ସ୍ମାରକ.....!!!!

ଅଭିନନ୍ଦନ ହେ ସବୁ ଗୁରୁଙ୍କୁ ମୋ

ଗୁରୁଦିବସର ଏହି ଦିନରେ

ସଦା ଏହି ପରି ଶିକ୍ଷା ଦେଉଥାଅ

ଜୀବନର ଗତି ପଥରେ....!!!!

ସତ୍ୟବ୍ରତ ସେନାପତି

ଗୁରୁ (ଆଲୋକ ପଥରେ ମାର୍ଗଦର୍ଶକ), Guiding Lights: Ode to Educators

ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁ ଦେବ ମହେଶ୍ବର...