ଗୁରୁବ୍ରହ୍ମା ଗୁରୁବିଷ୍ଣୁ ଗୁରୁଦେବ ମହେଶ୍ୱର।

ଗୁରୁ ସାକ୍ଷାତ୍ ପରଂବ୍ରହ୍ମ ତସ୍ମୈ ଶ୍ରୀ ଗୁରୁବେ ନମଃ ।।

ଆଧ୍ୟାତ୍ମିକତାରେ ଭରପୁର ଲୌକିକକୁ ସୁନ୍ଦର ରୂପ ଦେଉଥିବା ତଥା ଦୈବିକତାର ରହସ୍ୟ ଉନ୍ମୋଚନ କରୁଥିବା ପର୍ବ ଗୁରୁପୂର୍ଣ୍ଣିମା ଅଟେ ।

ଆଷାଢ଼ ପୂର୍ଣ୍ଣିମାକୁ ଗୁରୁପୁର୍ଣ୍ଣିମି ବୋଲି ପାଳନ କରାଯାଏ।ଭଗବାନ ବେଦବ୍ୟାସଙ୍କର ଜନ୍ମ ଏହି ଦିନ ହୋଇଥିଲା ଏଥିପାଇଁ ଏହି ପୂର୍ଣ୍ଣମୀକୁ ବ୍ୟାସ ପୂର୍ଣ୍ଣିମା ବୋଲି କୁହାଯାଏ ।ବେଦବ୍ୟାସଙ୍କର ଏତେ ସାମର୍ଥ୍ୟ ଏବଂ ମାନବୀୟ ଆବଶ୍ୟକତା ଜାଣିବାର ଏତେ ଯୋଗ୍ୟତା ଥିଲା ଯେ ସେ ବେଦକୁ ବିଭାଜିତ କରିଥିଲେ ଏବଂ ଅଠର ପୁରାଣ, ଅଠର ଉପପୁରାଣ, ବିଶ୍ୱର ସର୍ବପ୍ରଥମ ଆର୍ଶ ଗନ୍ଥ, ବ୍ରହ୍ମସୁତ୍ର, ମହାଭାରତ ଆଦି ରଚନା କରିଥିଲେ ।ବିଶ୍ୱ ମାନବର ମଙ୍ଗଳ ପାଇଁ ଯେତେସବୁ ଶିକ୍ଷା ଉପଦେଶ ଅଛି ତାହା ଯେ କୌଣସି ଧର୍ମ ହେଉ ନା କାହିଁକି ତାହା ସବୁ ପରୋକ୍ଷ ବା ନିରପେକ୍ଷ ଭାବରେ ବ୍ୟାସ ଦେବଙ୍କ ଉଧୃତ୍ତ ଅଟେ ।

ଗୁରୁପୂର୍ଣ୍ଣିମାରେ ଗୁରୁପୂଜନ କରିବା ଅନ୍ୟ ଏକ ପ୍ରଥା ଅଟେ ଯାହା ଗୁରୁ ଶିଷ୍ୟର ସଂପର୍କକୁ ଆହୁରି ସୁଦୃଢ କରିବା ସହ ସମାଜରେ ଏକ ସୁନ୍ଦର ବାର୍ତ୍ତା ସୃଷ୍ଟି କରିଥାଏ ।

ଭଗବାନ ଶିବ ଆଜିର ଦିନରେ ସପ୍ତଋଷିଙ୍କୁ ଯୋଗ ଶିକ୍ଷା ଦେଇଥିଲେ ଏବଂ ଭଗବାନ ବୁଦ୍ଧ ମଧ୍ୟ ଆଜିର ଦିନରେ ତାଙ୍କର ପ୍ରଥମ ଉପଦେଶ ଦେଇଥିଲେ।

ଯଦି ଆମକୁ କେହି ବି କିଛି ସାହାଯ୍ୟ କରନ୍ତି ତେବେ ଆମେ ତାଙ୍କ ପାଖେ କୃତଜ୍ଞତା ଜ୍ଞାପନ କରୁଛେ ସେହିପରି ଗୁରୁ ନିଜର ଶିକ୍ଷା ଜ୍ଞାନକୁ ସତ୍ ଉପାୟରେ ନିଜ ଶିଷ୍ୟମାନଙ୍କୁ ବା ସମାଜରେ ବାଣ୍ଟି ଗୋଟେ ସୁନ୍ଦର ପରିବେଷ ଗଠନ କରିବାରେ ସହାୟକ ହୋଇଥାନ୍ତି ଏଣୁ ଆଜିର ଦିନରେ ଆମେ ଆମର ଆଧ୍ୟାତ୍ମିକ ଯାତ୍ରାରେ ପରାମର୍ଶଦାତା ମାର୍ଗ ଦର୍ଶନ କରିବାରେ ସହାୟକ ହେଉଥିବା ଗୁରୁଙ୍କର ଅମୂଲ୍ୟ ଭୂମିକା କୁ ସମ୍ମାନିତ କରିବା ସହ ସେମାନଙ୍କ ପ୍ରତି ଆମର କୃତଜ୍ଞତା ଜଣାଇବା ଉଚିତ ।

ଗୁରୁ ଶିଷ୍ୟ ସମ୍ପର୍କ ନିଆରା ଏବଂ ନିବିଡ଼ ପିତାମାତା ଜୀବନର ପ୍ରଥମ ଗୁରୁ ହୋଇଥିବା ବେଳେ ଜଣେ ଉତ୍ତମ ଗୁରୁ ବ୍ୟକ୍ତିତ୍ୱ ବିକାଶ କରିବାରେ ମୁଖ୍ୟ ଭୂମିକା ରହିଥାଏ ।

ଆଗ କାଳରେ ଗୁରୁଶିଷ୍ୟର ସମ୍ପର୍କ ସମ୍ପୂର୍ଣ୍ଣ ନିଆରା ଥିଲା ଶିଷ୍ୟମାନେ ଶିକ୍ଷା ଶେଷ ହେବା ପର୍ଯ୍ୟନ୍ତ ଗୁରୁକୁଳରେ ଏକ ସାଧାରଣ ଜୀବନଯାପନ କରୁଥିଲେ ଗୁରୁଙ୍କ ଆଜ୍ଞାଧୀନ ହୋଇ ।ହେଲେ ସେଠାରେ କେବଳ କ୍ଷେତ୍ରୀୟ ଶ୍ରେଣୀ ର ଶିକ୍ଷା ଗ୍ରହଣ କରୁଥିଲେ ଥିଲା ସେତେବେଳେ ଛୋଟ, ନିଚ, ଜାତି ପ୍ରଥାର ଭେଦଭାବ ରହିଥିଲା ।ଶିକ୍ଷା ଗ୍ରହଣ କରିବା ପରେ ଏକ ମହାନ୍ ବ୍ୟକ୍ତିତ୍ୱରେ ପରାକାଷ୍ଠାରେ ପରିଗଣିତ ହେଉଥିଲେ କିନ୍ତୁ ବର୍ତ୍ତମାନ ସମୟ ବଦଳିଛି ଆଧୁନିକୀକରଣରେ ନାହିଁ ଏଠି ବଡ଼ସାନ, ଧନୀ, ଗରିବ, ଜାତିପ୍ରଥାର ଭେଦଭାବ ଆଜିର ସମୟରେ ଶିକ୍ଷା ସଭିଙ୍କ ପାଇଁ ସମାନ, ଶିକ୍ଷାର ଶୈଳୀ ମଧ୍ୟ ବଦଳିଛି ବର୍ତ୍ତମାନ ଗୁରୁଶିକ୍ଷା ମଧ୍ୟରେ ସମ୍ମାନ ଠାରୁ ଅଧିକ ବନ୍ଧୁତା ଦେଖିବାକୁ ମିଳୁଛି ।

ସମୟ ବଦଳିଛି ହେଲେ ବଦଳିନି ଶିକ୍ଷା କିମ୍ବା ଶିକ୍ଷାର ଗୁରୁଙ୍କ ପ୍ରତି ଥିବା ଭକ୍ତି ଓ ସମ୍ମାନ ଏବଂ ବଦଳିନି ଗୁରୁଙ୍କର ନିସ୍ୱାର୍ଥ ପରାୟଣତା ଜୀବନରେ ବ୍ୟକ୍ତିର ବିକାଶ ଏବଂ ଅନ୍ଧାରରେ ଜଟିଳ ଜୀବନକୁ ମୁକ୍ତି ପାଇଁ ଗୁରୁଙ୍କ ରହିବା ଏକାନ୍ତ ଆବଶ୍ୟକ ।

ଜୀବନର ଯାଜାବର ଥିଲା ଆଗରେ ଥିଲା ଅନେକ ରାସ୍ତା ।ସୁଜନ ଯେତେବେଳେ ଖେଳୁଥିଲେ ଖେଳ।

ହାତ ଧରି କେହି ଦେଇଥିଲେ ଆସ୍ତା ।

କିଏ କହେ ସ୍ୱାର୍ଥପର ଏ ଦୁନିଆ, ଦିଏ ପାଇବାର ଆଶା ନେଇ ।

ଯାହାତ ପାଇଛି ଏହି ଦୁନିଆରେ ମଲାବେଳେ ନେବିନାହିଁ। ଗୁରୁ ଓ ଶିକ୍ଷା ଈଶ୍ୱରଙ୍କ ଦାନ ଏଇ ମଣିଷ ଜୀବନେ।

ପବିତ୍ର ସମ୍ପର୍କ କଳଙ୍କ ବିହୀନ ପ୍ରଣାମ ତୁମ ଚରଣେ ।

ଗୁରୁ ପୂର୍ଣ୍ଣିମା ଓ ଗୁରୁ ଶିଷ୍ୟ ପରମ୍ପରା(Guru purnima and guru shishya tradition)

ଶିକ୍ଷା ଏବଂ ଗୁରୁ ଭଗବାନଙ୍କର ଅମୂଲ୍ୟ ଦାନ