ବ୍ରହ୍ମାଣ୍ଡ ରେ ଥିବା ବିବିଧ କଳ୍ପନାପୂର୍ଣ୍ଣ ସମସ୍ତ ଦୃଶ୍ୟବସ୍ତୁ ନିଃଶେଷ ଭାବରେ ପରିତ୍ୟାଗ କରି ବିବେଚନା କଲେ , ଏକମାତ୍ର ଯେଉଁ ତେଜୋମୟ ଦ୍ରଷ୍ଟା ଗଗନ ସଦୃଶ ବ୍ୟାପକ ବସ୍ତୁ ପ୍ରତୀତ ହୁଏ ଏବଂ ଭାଗବତ୍ ଭକ୍ତମାନେ ଦେହତ୍ୟାଗ ପରେ ଯାହାଙ୍କଠାରେ ପ୍ରବେଶ କରନ୍ତି ,ସେହି ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତୁତି କରୁଅଛି ।ହେ ପ୍ରଭୁ !ଆପଣଙ୍କ ଗୁଣ ,ଗାନ ପ୍ରଚାର ଓ ପ୍ରସାର କରିବାରେ ଯଦି କୌଣସି ଠାରେ ତ୍ରୁଟି ରହିଯାଉଥିବ ,ତେବେ ଏ ଅଧମ କୁ କ୍ଷମା

କରିବା ହେବେ ।ଜୟ ଶ୍ରୀହରି ।

#ଦେବକୀ_ଓ_ଦୈଵକୀ_ବିବାହ🌹🌹

************************

ରାଜା ପରୀକ୍ଷିତ ସବୁଦିନ ପରି ସେଦିନ ଶୁକମୁନିଙ୍କ ଅପେକ୍ଷା ରେ ଥାଆନ୍ତି ।ଶୁକମୁନି ଯଥା ସମୟରେ ପରୀକ୍ଷିତ ଙ୍କ ନିକଟକୁ

ଆସିଲେ ।ରାଜା ପରୀକ୍ଷିତ ,ଶୁକମୁନିଙ୍କୁ ଯଥୋଚିତ ଆସନ ଦେଇ ପ୍ରଣିପାତ କରି କହିଲେ ଭୋ 'ଦେବ !ଆପଣ ରାଜା ଉଗ୍ରସେନ ଙ୍କର ଯେଉଁ ଦୁଇ ଝିଅ ଥିଲେ ସେମାନଙ୍କ ବିବାହ କେମିତି ଓ କାହା ସହିତ ହୋଇଥିଲା ସେ ବିଷୟରେ ବିସ୍ତାର କରି କୁହନ୍ତୁ ?।ରାଜା ପରୀକ୍ଷିତ ଙ୍କର ଆଗ୍ରହ ଦେଖି ଶୁକମୁନି କହିଲେ ମୁଁ ଯାହା ବ୍ରହ୍ମା ଙ୍କ ମୁଖରୁ ଶୁଣିଛି ତାହା ଆପଣଂକ ଆଗରେ କହୁଛି ,ଏହାକୁ ମନଦେଇ ଶୁଣ !

ଦେବକୀ ପୂର୍ବଜନ୍ମରେ କଶ୍ୟପ ମୁନିଙ୍କ ପତ୍ନୀ ଅଦିତି ଥିଲେ ୤। ତାଙ୍କ ସଉତୁଣୀ ଥିଲେ ଦିତି ୤। ଅଦିତିଙ୍କ ଗର୍ଭରୁ ଇନ୍ଦ୍ର ଜନ୍ମ ନେବାପରେ ଦିତି ଗର୍ଭବତୀ ହେଲେ। ୤ ଇନ୍ଦ୍ରଙ୍କଠାରୁ ମହାନ କେହି ଜନ୍ମ ନ ହୁଅନ୍ତୁ ବୋଲି ଅଦିତି ଚାହୁଁଥିଲେ ।୤ ତେଣୁ ସେ ଇନ୍ଦ୍ରଙ୍କ ସହ ମିଶି ଦିତିଙ୍କ ଗର୍ଭ ନଷ୍ଟ କରିବା ଲାଗି ଷଡ଼ଯନ୍ତ୍ର କଲେ ୤। ଇନ୍ଦ୍ର କ୍ଷୁଦ୍ର କୀଟ ରୂପ ଧାରଣ କରି ଦିତିଙ୍କ ଗର୍ଭ ନଷ୍ଟ କରିଦେଲେ ୤। ଅଦିତିଙ୍କ ଷଡ଼ଯନ୍ତ୍ର ଦିତିଙ୍କୁ ଅଛପା ରହିଲା ନାହିଁ ।୤ ଇନ୍ଦ୍ର କେବେହେଲେ ତିନିପୁରର ରାଜା ହୋଇପାରିବେ ନାହିଁ ବୋଲି ସେ ଅଭିଶାପ ଦେଇଥିଲେ ୤ ।ସେହିପରି ତାଙ୍କର ଅଭିଶାପ କ୍ରମେ ଅଦିତି ଦେବକୀ ରୂପେ ଜନ୍ମ ହୋଇ ନିଜ ପୁଅମାନଙ୍କର ମୃତ୍ୟୁ ନିଜ ଆଖିରେ ଦେଖିଥିଲେ ୤। ବ୍ରହ୍ମାଙ୍କ ଅଭିଶାପ ଅନୁଯାୟୀ କଶ୍ୟପ , ବାସୁଦେବ ରୂପେ ଜନ୍ମ ହୋଇଥିଲେ ଓ ଦିତି , ରୋହିଣି ରୂପେ ବଳ ରାମଙ୍କୁ ଜନ୍ମ ଦେଇଥିଲେ।

ମହାପ୍ରତାପୀ ରାଜା କଂସ ସକଳ ଦେବଗଣ ,ସମସ୍ତ ରାଜା ଓ ସୈନ୍ୟସାମନ୍ତ ଙ୍କୁ ନେଇ ମେରୁ ଗିରି କୁ ଉପାଡିବାରେ ବିଫଳ ହେବାରୁ ମେରୁଗିରି ଙ୍କୁ ନିଜଠାରୁ ଅଧିକ ବଳବାନ ଭାବି ଏକୋଇଶ ଦିନ ପୂଜାର୍ଚ୍ଚନା କରୁଥାଏ ।ମଥୁରା କଟକ ଠାରୁ ମେରୁ ଗିରି କୁ ଯିବାପାଇଁ ପାଞ୍ଚ ବର୍ଷ ଲାଗେ ଓ ମେରୁଗିରି ଠାରୁ ମଥୁରା କୁ ଆସିବା ପାଇଁ ପାଞ୍ଚବର୍ଷ ଲାଗେ ।

ରାଜା ଉଗ୍ରସେନ ସର୍ବଦା ଚିନ୍ତିତ ଥାଆନ୍ତି ।ଚିନ୍ତାର କାରଣ ଏହା ଯେ ଦୁଇ ,ଦୁଇଟି ଝିଅ ଷୋହଳ ବର୍ଷ ରେ ପଦାର୍ପଣ କଲେ ମଧ୍ୟ

ଏପର୍ଯ୍ୟନ୍ତ ତାଙ୍କୁ ବିବାହ କରାଇ ପାରି ନଥିଲେ ।ଯୌବନ ପ୍ରାପ୍ତ

ରଜସ୍ୱଳା ଝିଅ ଯଦି ବାପ ଘରେ ରୁହେ ତେବେ ସେ ରଜ ପିତୃ

ତର୍ପଣ କଲାଭଳି ମନେ ହୁଏ ।

"ରଜସ୍ୱଳା କନ୍ୟା ଯେବେ ଅବିବାହୀ ଥାଏ

ସେ ରଜେ ପିତୃତର୍ପଣ କନ୍ୟା ତୁଲ୍ୟ ହୁଏ "।

ରାଜା ଉଗ୍ରସେନ ଏହି କାରଣରୁ ଦିନକୁ ଦିନ ଅଧିକ ଚିନ୍ତିତ ହୋଇ ଉଠିଲେ ।ଦିନେ ପତ୍ନୀ ଇନ୍ଦୁମତୀ ଙ୍କୁ ରାଜା ଉଗ୍ରସେନ ନିଜ ପାଖକୁ ଡକାଇ କହିଲେ "ଆହେ ଶୁଣୁଛ !କଂସ ର ଡର ରେ କୌଣସି ରାଜା ଆମ ନିକଟକୁ ଆସିବା ପାଇଁ ଭୟ କରୁଛନ୍ତି ।ଆମେ କିପରି ଆମ ଦୁଇ ଦୁହିତା ଙ୍କୁ ବିବାହ କରାଇବା କେବେ ଭାବିଛ "।ଇନ୍ଦୁମତୀ କହିଲେ ମୁଁ ମାଇପି ଜାତି ମୋ ମୁଣ୍ଡରେ କିଛି ପଶୁନି ,ଏଣୁ ଆପଣ ଯାହା କରିବେ ମୁଁ ସେଥିରେ ରାଜି ହେବି ।ହେ ଦେବ !ଆପଣ ଏହାର ଶୀଘ୍ର ବ୍ୟବସ୍ଥା କରନ୍ତୁ ।

ରାଜା ଉଗ୍ରସେନ ପତ୍ନୀ ଇନ୍ଦୁମତୀ ଙ୍କୁ କହିଲେ "ଦେଖ ଏବେ ମଥୁରାରେ କଂସ ନାହିଁ ,ସେ ଆସୁ ଆସୁ ପାଞ୍ଚ ବର୍ଷ ଲାଗିଯିବ ।ଆମେ ଏହା ଭିତରେ ଆମ ଦୁଇ ଝିଅଙ୍କର ବିବାହ କାର୍ଯ୍ୟ ସାରି ଦେବା । କଂସ ଆସିଲେ ତା'ର ଡରରେ କୌଣସି ବର ପାତ୍ର ଆମେ ଘରକୁ ଆସିବେ ନାହିଁ ,କି ଆମେ ଆଉ ଝିଅଙ୍କୁ ବାହା ଦେଇ ପାରିବା ନାହିଁ "।ଏକଥା ଶୁଣି ଇନ୍ଦୁମତୀ କହିଲେ ହଁ ସ୍ୱାମୀ ସେଇୟା ହିଁ ଏକମାତ୍ର ଉପାୟ ।ଯୁଆଡୁ ହେଲେ ଗୋଟିଏ ବରପାତ୍ର ତୁମେ ଖୋଜିକରି ଆଣ ।କଂସ ଆସିବା ପୂର୍ବରୁ ବାହାଘର ସାରିଦେବା ।

"ଇନ୍ଦୁମତୀ ବୋଇଲେ ଯେ କଥା ଏକ କର

ଯହୁଁ ତହୁଁ ଏକ ଗୋଟା ଖୋଜି ଆଣ ବର "।

ପତ୍ନୀ ଙ୍କ କଥା ଶୁଣି ରାଜା ଉଗ୍ରସେନ ଖୁସି ହୋଇ ଯାଦବ ବଂଶ

ରେ ଗୋଟିଏ ବରପାତ୍ର ଖୋଜିବାରେ ଲାଗିଲେ ।ଏମିତି ଆଖି ପକାଉ ,ପକାଉ ଜାଣିବାକୁ ପାଇଲେ -"ବସୁବ"ର ପୁତ୍ର "ଗୁଣଦେବ", ଗୁଣଦେବ ର ପୁତ୍ର "ପଵିତ୍ରସେନ"ଓ ପବିତ୍ର ସେନ ର ପୁତ୍ର "ବସୁଦେବ" ।ଏହି ବସୁଦେବ ଆମ ଝିଅ ପାଇଁ ଉପଯୁକ୍ତ ବରପାତ୍ର ।ଏହାର ବଂଶ ମର୍ଯ୍ୟାଦା ଅଛି ।ସାତବଂଶ ରେ ଏହି ବଂଶ ଶ୍ରେଷ୍ଠ ବଂଶ ଅଟେ ।ତାପରେ ବସୁଦେବ ସର୍ଵଦା କୃଷ୍ଣ ଭକ୍ତ ଓ କୃଷ୍ଣ ଭକ୍ତିରେ ନିଜକୁ ଜଡିତ ରଖିଛନ୍ତି ।ବସୁଦେବ ଙ୍କୁ ଜାମାତା କରିବା ପାଇଁ ଉଗ୍ରସେନ ମନ ବଳାଇଲେ ଓ ତାଙ୍କୁ ବରଣ କରିବା ପାଇଁ ଯାଦବ ବଂଶ କୁ ଖବର ଦେଲେ ।ବସୁଦେବଙ୍କ ପିତା ସୁଦେଵ ,ଉଗ୍ରସେନ ଙ୍କ ପ୍ରସ୍ତାବରେ ରାଜି ହୋଇଗଲେ ।

ବୈଶାଖ ଶୁକ୍ଳ ପଞ୍ଚମୀ ଗୁରୁବାର ଦିନ ଶୁଭଲଗ୍ନ ଦେଖି ଗାର୍ଗ୍ୟ ପୁରୋହିତ ସମସ୍ତଙ୍କ ଉପସ୍ଥିତି ରେ ବିଷ୍ଣୁ ବଂଶୀୟ ଗୋତ୍ର ଉଚ୍ଚାରଣ କରି ବିବାହମନ୍ତ୍ର ପାଠ ରେ ଦେବକୀଙ୍କ ସହ ବସୁଦେବ ଙ୍କର ବିବାହ କାର୍ଯ୍ୟ ସମ୍ପର୍ଣ୍ଣ କଲେ ।

ରାଜା ଉଗ୍ରସେନଙ୍କର ଆଉ ଗୋଟିଏ ଝିଅଥାଏ ।ତାହାର ନାମ

ଦୈଵକୀ ।ବିଦର୍ଭ ରାଜ୍ୟ ଉପରେ ରାଜା ଉଗ୍ରସେନ ଙ୍କର ଆଖି ପଡ଼ିଲା ।"ଦମଘୋଷ" ନାମକ ଏକ ଯୁବକ ଙ୍କୁ ରାଜା ଉଗ୍ରସେନ ଡକାଇ ସେଇ ବେଦୀରେ ଝିଅ ଦୈଵକୀ ଙ୍କୁ ଦମଘୋଷ ସହ ସମର୍ପି ଦେଲେ ।

"ବେନି ଦୁହିତା ବେନିଙ୍କୁ କଲାକ ପ୍ରଦାନ

ଦୈଵକୀକୁ ଘେନିଗଲା ଦମଘୋଷ ରାଣ "।

ଦୁଇ ଝିଅଙ୍କୁ ବିବାହ ଦେଇ ରାଜା ଉଗ୍ରେସେନଓରାଣୀ ଇନ୍ଦୁମତୀ

ଙ୍କ ମନ ଆନନ୍ଦିତ ଥାଏ ।ମଥୁରା ନଗରରେ ମଙ୍ଗଳ ଉତ୍ସବ ଆୟୋଜନ କରାଗଲା ।ବିଭିନ୍ନ ମଙ୍ଗଳ ବାଦ୍ୟ ରେ ମଥୁରା ନଗର ପ୍ରକମ୍ପିତ ।ମଙ୍ଗଳ ଜନଙ୍କ ଗୀତ ଗାୟକ ମାନେ ପରିବେଷଣ କରୁଥାନ୍ତି ।ଭୋଜିଭାତ ର ବିରାଟ ଆୟୋଜନ ।ରାଜା ଉଗ୍ରସେନ ଦୁଃଖୀରଙ୍କୀ ଙ୍କୁ ବସ୍ତ୍ର ଦାନ କଲେ ।ଦେବକୀ ଓ ଦୈଵକୀ ଙ୍କ ବିବାହ ହୋଇଗଲା ପରେ ସମସ୍ତ ମଥୁରା ବାସୀ ଖୁସି ମନାଉଥିଲେ ।

ଠିକ୍ ଏହି ସମୟରେ ମଥୁରା ନଗରେ ଥିବା କଂସର ଡଗର ମେରୁଗିରି ଯାଇଛି ।କଂସ ଡଗର କୁ ଦେଖି ପଚାରିଛି ,ମୋ ରାଷ୍ଟ୍ରର ଶୁଭ କଥା କଅଣ ଅଛି ମୋ ଆଗରେ ପ୍ରକାଶ କର ?।

ଡଗର କହିଲା ମହାରାଜ !ରାଷ୍ଟ୍ର ର ସବୁ କୁଶଳ ଓ ମଙ୍ଗଳ ଆଉ କିଛି ବାର୍ତ୍ତା ହିଁ ନାହିଁ ।ଏହାପରେ କଂସ ନିଜ ବଂଶ ର କୁଶଳ ବିଷୟରେ ଡଗରକୁ ପଚାଲିଲା ତତ୍ ସହିତ ମଥୁରା ମଣ୍ଡଳରେ ଆଉ କିଛି ଉପଦ୍ରବ ଅଛି କି ?ଡଗର ମୋତେ ସବୁ ସତ କହ !।

ଡଗର ହାତଯୋଡ଼ି କଂସ କୁ କହିଲା -"ମହାରାଜ ମଥୁରା ମଣ୍ଡଳରେ କୌଣସି ଉପଦ୍ରବ ନାହିଁ । ଏବେମଥୁରାରେ ମଙ୍ଗଳ ଉତ୍ସବ ପାଳିତ ହେଉଛି ,ଏଥିପାଇଁ ପାଳିତ ହେଉଛି ଯେ ଆପଣଂକ ଦୁଇ ଭଉଣୀ ଙ୍କର ବିବାହ ହୋଇ ସାରିଛି ।ଦେବକୀ ବିବାହ ହୋଇଛି ବସୁଦେବଙ୍କ ସହ ଓ ଦୈଵକୀ ,ଦମ ଘୋଷ ଙ୍କୁ ବିବାହ ହୋଇଛନ୍ତି ।

ଡଗର ଠାରୁ ଦୁଇ ଭଉଣୀଙ୍କ ବିବାହ କଥା ଶୁଣି ରାଜା କଂସ ରାଗିଯାଇ କହିଲେ "ମୋ ପିତାଙ୍କର ମତି ଭ୍ରମ ହୋଇଗଲାଣି , ମୋତେ ନପଚାରି ଦୁଇ ଝିଅଙ୍କର ବିବାହ କରିଦେଲେ , ନପଚାରିଲେ ନାହିଁ ,ଖବର ଟିଏ ବି ମୋ ପାଖକୁ ପଠାଇଲେ ନାହିଁ ।ଅତ୍ୟନ୍ତ ରାଗିଯାଇ କଂସ କହିଲା -ମୁଁ ଏଠାରୁ ଗଲେ ପ୍ରଥମେ ବସୁଦେବ ର ମୁଣ୍ଡରୁ ଗଣ୍ଡି କୁ ଅଲଗା କରିବି ,ତାପରେ ମୋ ପିତାଙ୍କ କଥା ବୁଝିବି ।ଉଗ୍ରସେନ ଙ୍କୁ ଆଉ ମୋ ରାଜ୍ୟରେ ରଖାଇ ଦେବି ନାହିଁ ।ଏହାକହି ଉଗ୍ରସେନ ସମସ୍ତ ସୈନ୍ୟ ମାନଙ୍କୁ ନିର୍ଦ୍ଦେଶ ଦେଲା -ଏବେ ସମସ୍ତ ମୋ ସହିତ ମଥୁରାକୁ ଯିବା ପାଇଁ ପ୍ରସ୍ତୁତ ହୁଏ ।

ମେରୁଗିରି କୁ ନମସ୍କାର ହୋଇ କଂସ କହିଲା -ହେ ଗିରିବର ତୁମେ ଏହିଠାରେ ରହିଥାଅ ।ମୁଁ ଆଉ ତୁମ ପାଖକୁ ଜୀବନରେ କେବେ ଆସିବି ନାହିଁ ।ତୁମେ ହିଁ ମୋ ଠାରୁ ବଳବାନ ଓ ମହାନ ।ତୁମେ ଏଠାରେ ରହି ଚରାଚର ମହୀ କୁ ପାଳନ କର ।

ତେତିଶ କୋଟି ଦେବତା ,ସମସ୍ତ ରାଜା ଓ ପ୍ରଜାମାନଙ୍କୁ ଧରି ରାଜା କଂସ ରାଗରେ ଜର୍ଜରିତ ହୋଇ ମଥୁରା ଅଭିମୁଖେ ।ବାଟରେ ଯେତେ ପୋକ ,ପଶୁ ପକ୍ଷୀ କଂସ ଆଖି ଆଗରେ ପଡୁଥାନ୍ତି ସମସ୍ତ ଜଳି ପୋଡି ପାଉଁଶ ହୋଇ ଯାଆନ୍ତି ।ଯେଉଁ ମୁନି ଋଷି ମାନେ ଜପ ରେ ବସିଥିଲେ ସେମାନେ କଂସ ମଥୁରାକୁ ଫେରୁଥିବା ଜାଣି ବୃନ୍ଦାର୍କ ଜଙ୍ଗଲରେ ଯାଇ ଲୁଚିଗଲେ ।ଆଉ ଯେଉଁ ଋଷି ମାନେ ଅସୁରଙ୍କ ହାବୁଡ଼ରେ ପଡିଗଲେ ,ସେମାନଙ୍କୁ ଅସୁରମାନେ ମୋଡି ଜୀଅନ୍ତା ଖାଇଗଲେ ।ସମସ୍ତ ଜୀଵ ସକଳ କଂସ ଉପଦ୍ରବ ଦେଖି ଶ୍ରୀହରିଙ୍କୁ ସ୍ମରଣା କଲେ ।

ଶ୍ରୀହରି ଚିନ୍ତା କଲେ ଏହି କଂସ ବିରାଟ ପଟୁଆରରେ ହସ୍ତୀ ଓ ଅଶ୍ୱକୁ ନେଇ ଯାଉ ଥିବାରୁ ,ବାଟରେ ଅନେକ ବିତ୍ପାତ ସୃଷ୍ଟି କରୁଛି ।ଏହା ଭାବି ଶ୍ରୀହରି କଂସ ପାଖକୁ "ମନ ପବନ "ବିମାନ ଟିଏ ପଠାଇ ଦେଲେ ।ମନ ପବନ ଯାନ ଦେଖି କଂସ ଖୁସି ହୋଇ ମନ ପବନ ଯାନ ରେ ମଥୁରାରେ ପ୍ରବେଶ ହେଲା ।

ସମସ୍ତ ରାଜା ଓ ଦେବଗଣ ଭୂପୃଷ୍ଠରେ ଚାଲି ଚାଲି ଆସୁଥାଆନ୍ତି ।

ମଥୁରା ନଗର ରେ ପ୍ରଚାର ହୋଇଗଲା ଯେ କଂସ ଆସୁଛି ।ରାଜା ଉଗ୍ରସେନ ମନରେ ଭୟ ଓ ଡର ଥାଏ ।ସେ ମନେ ମନେ

ଭାବୁଥାନ୍ତି ଯେ ପାଞ୍ଚ ବର୍ଷ ର ବାଟକୁ ଏତେ ଶୀଘ୍ର କଂସ କିପରି

ଅତିକ୍ରମ କରି ମଥୁରା କୁ ଆସିଲା ।ଏହି ସନ୍ଧେହ ଦୂର କରିବା ପାଇଁ ରାଜା ଉଗ୍ରସେନ ପୁରୋହିତ ଗାର୍ଗ୍ୟ ଙ୍କୁ ପଚାରିଲେ ।ଗାର୍ଗ୍ୟ କହିଲେ "ଶୁନ୍ୟ ରୁ ପାଇ ଥିବା ମନ୍ତ୍ର ବଳରେ ଶ୍ରୀହରି ତାଙ୍କୁ ମନ ପବନ ବିମାନ ପ୍ରଦାନ କଲେ ।ଯାହାଫଳରେ କଂସ ପାଞ୍ଚ ବର୍ଷ ର ରାସ୍ତାକୁ ଦୁଇ ଦିନରେ ଅତିକ୍ରମ କରି ପାରିଲା ।

ରାଜା ଉଗ୍ରେସେନ ଚିନ୍ତାକଲେ ଝିଅ ଦୁହିଁଙ୍କ ବିବାହ କଥା ଶୁଣି ଲେ କଂସ ଭୀଷଣ ଭାବେ ରାଗିଯିବ ଓ କିଛି ଅଘଟଣ କରି ବସିବ ।ଏହା ଚିନ୍ତାକରି ବାସୁଦେବଙ୍କୁ ନେଇ ଅନ୍ତଃପୁରରେ ଲୁଚାଇ ରଖିଲେ ଓ ମନେ ମନେ କୃଷ୍ଣ ଙ୍କୁ ଭଜିଲେ ।

ମନପବନ ବିମାନ ମଥୁରା ରେ କଂସକୁ ଅବତରଣ କରିଦେଲା ପରେ କଂସ ମନପବନବିମାନକୁ ନିର୍ଦ୍ଦେଶ ଦେଇଛି -ରେ ମନ ପବନ ତୁ ଯାଇ ମୋ ସମସ୍ତ ପାରିଷଦ ଙ୍କୁ ଏଠାକୁ ଘେନି କରି ଆଣ ।ମନ ପବନ କଂସର ନିର୍ଦେଶରେ ସମସ୍ତ ଦେବତା ଓ ସୈନ୍ୟ ମାନଙ୍କୁ ମଥୁରା କୁ ନେଇ ଆସିଛି ।

ବିଶ୍ୱକର୍ମା ଙ୍କ ଦ୍ଵାରା ଶୁଦ୍ଧ ସୁବର୍ଣ୍ଣ ରେ ନିର୍ମିତ ମଥୁରା କଟକର ଅନ୍ତଃପୁରରେ ଏକ ଶୁଶୋଭିତ ହୀରା ,ନୀଳ ,ମୋତି ମାଣିକ୍ୟ

ରେ ଖଞ୍ଜିତ ସିଂହାସନ ଉପରେ ମୁଣ୍ଡରେ ମୁକୁଟ ବାନ୍ଧି ରାଜା କଂସ ବିଶିଷ୍ଟ ରାଜଗାଦିରେ ବସିଲା ।

ତା ଆଗରେ ଦେବତାମାନେ ଭୃତ୍ୟ ତୁଲ୍ୟ ଠିଆ ହୋଇଥାଆନ୍ତି ।

କଂସ ଦେବତା ମାନଙ୍କୁ ବସିବା ପାଇଁ କହିଲା ନାହିଁ ।ସେମିତି ଦେବତା ମାନେ ଠିଆ ହୋଇଥାଆନ୍ତି ।

ଇନ୍ଦ୍ର ,ଯମ ,ପବନ ,ଦଶ ଦିଗପାଳ ,ଅଗ୍ନି ,ସୂର୍ଯ୍ୟ ,ଚନ୍ଦ୍ର ,ବରୁଣ ,

ବ୍ରହ୍ମା ,ରୁଦ୍ର ,ଆଦି ଘଣ୍ଟା ଘଣ୍ଟା ଧରି ଠିଆ ହୋଇଥାନ୍ତି । ସିଂହାସନ ତଳେ ଲକ୍ଷ ରାଜା ଠିଆ ହୋଇଥାନ୍ତି ।ରାଜା ଜାରସନ୍ଧ ସବୁଠାରୁ ତଳେ ଠିଆ ହୋଇଥାଏ । ତିନି ସସ୍ର ନୃତ୍ୟଙ୍ଗନା ନୃତ୍ୟ କରୁଥିଲେ ।

"ବୃହସ୍ପତି ସହିତରେ ସର୍ଵ ଗ୍ରହଗଣ

ଭୃତ୍ୟପ୍ରାୟେ ହୋଇ ଥାନ୍ତି କଂସ ଛାମୁରେଣ "।

ସକଳ ଦେବଗଣ ବ୍ରହ୍ମାଙ୍କ ନିକଟକୁ ଆସି ଗୁହାରି କଲେ "ଆମକୁ କଂସ ଏପରି ବ୍ୟବହାର କରୁଛି ଯାହାକି ଅଶୋଭନୀୟ ଓ ଦୁଃଖ ଦାୟକ । ଆପଣ ବେଦପତି ଏହାର କିଛି ଗୋଟାଏ ସମାଧାନ କରନ୍ତୁ ।ଯାହାକି ଆମ ମାନଙ୍କର କଷ୍ଟ ଦୂର ହୋଇ ପାରିବ ।

ବ୍ରହ୍ମା କହିଲେ -

"ବ୍ରହ୍ମା ବୋଇଲେ ଦେବ ହୋ ସ୍ମର ହରି ହରି

ହରି ଯେ ପାରି କରିବେ ଅସୁରଙ୍କୁ ମାରି

ଶ୍ରୀକୃଷ୍ଣ ନାମକୁ ଏକା କରିଥିବ ଧ୍ୟାନ

ଯେବଣ ନାମ ଧଇଲେ କଳୁଷ ଖଣ୍ଡନ। "

କଂସର ସଭା କାର୍ଯ୍ୟ ସେଇ ଦିନ ପାଇଁ ସେତିକି ଥିଲା ।ସମସ୍ତ ପାରିଷଦ ଠିଆ ହୋଇ ଥିବା ବେଳେ କାହାକୁ କିଛି ନକହି କଂସ

ଅନ୍ତଃ ପୁରେ ଯାଇ ବିଶ୍ରାମ ନେଲା।

ଶୁକମୁନିଙ୍କ ଠାରୁ ଦେବକୀ ଓ ଦୈଵକୀ ଙ୍କର ବିବାହ କଥା ଶୁଣି

ରାଜା ପରୀକ୍ଷିତ କୃତକୃତ ହେଲେ ଓ ଶୁକମୁନି ଙ୍କୁ ପ୍ରଣିପାତ କଲେ ।

କ୍ରମଶଃ....................

ହରିବଂଶ ( ଭାଗ -୧୨)

ହରିବଂଶ ( ଭାଗ -୧୨)